黑龍

营业中

休息中

前幾日帶左朋友食呢間黑龍！我上次聽同事推介話好好食，今次終於嚟開灣仔試下有幾好食🤩！辣三枚肉沾麵 ✅呢個辣三枚肉沾麵，湯底味濃，仲要非常濃稠，比較重口味嘅我覺得好正！而且可以加辣，辣度有得自己揀，辣味唔係死辣，而係辣得有層次個隻！櫻海老沾麵 ✅呢個櫻海老沾麵比辣三枚肉沾麵清小小，有大量櫻海老勁提鮮，湯唔會好油膩！不過味道都係好好飲，櫻海老仲可以增加口感！見啲叉燒都好靚仔，鹽味簡簡單單，加埋係湯入面，掂哂，好吸湯！整體上，拉麵湯底好好👍🏻小食都唔錯，值得一試。

一夠鐘食晏，立即同同事衝落樓下嘅拉麵店拎位🪑小店好受歡迎，所以如果晏咗去，就要等位架啦😽如果你鍾意牛，⚫️⚫️牛筋black 沾麵一定啱胃口！一嚿嚿彈牙牛筋，浸喺湯到吸收哂湯底嘅味道😻湯底濃郁醇厚，每條麵都可以沾滿湯汁，真係好滿足嘅味道😻鍾意海鮮鮮味嘅話，🔴🔴櫻海老沾麵就絕對唔好錯過！櫻花蝦嘅鮮香味昇華咗湯底嘅層次，每啖麵都掛有櫻花蝦，有口感之餘又有鮮味，不得了😽除咗沾麵之外，佢哋嘅拉麵同小食都一樣高質，不過我特別鍾情佢哋嘅沾麵，每次嚟都一定會食，試過嘅話相信你哋都會深深著迷😸

近期同呀妹岩岩搬入灣仔，成日都會搵吓有啲咩好食，今次就去第一間拉麵店感覺好唔錯想同大家分享吓。我地點了什麼拉麵🤔？👾白雞塩味拉麵👾牛筋black拉麵兩款拉麵都十分美味，各有其特色。白雞塩味拉麵🍜湯頭濃郁，雞肉的鮮味同拉麵的口感完美結合，湯頭口感不會太咸，雞肉嫩滑，適合喜歡較清淡口味的人士牛筋black拉麵🍜湯頭味道濃烈，但係唔會話好重味精，食完要飲好多水。我自己比較鍾意呢一款。小食方面我們點了什麼？👾麻油炒味筍👾炸芋頭👾炸蓮藕片👾日式叉燒👾日式炸雞扒每道小食嘅味道都非常獨特，非常好食，食到我哋兩姊妹舔舔脷🤭麻油炒味筍口感爽脆、炸芋頭同炸蓮藕片真係炸到外皮酥脆，內裡柔軟，非常美味。日式叉燒同日式炸雞扒兩款肉質都係好鮮嫩，口感豐富，是非常不錯的選擇。💟整體而言，呢一間拉麵店嘅Menu非常豐富，好多選擇。而且味道也非常好👍🏻，價錢都好實惠。

前幾日又去咗灣仔買嘢，準備食dinner就醒起附近有間黑龍，之前試過呢到嘅沾麵都覺得超級好食，於是今次就同朋友試埋佢哋嘅拉麵。我哋分別叫咗以下呢兩款拉麵:🔸白雞塩味拉麵🔸沖繩鹽味豚骨拉麵首先，我講咗白雞塩味拉麵先。白雞湯嘅味道非常鮮甜，而且飲得出係烹調咗好耐嘅雞湯，一定唔係味精湯！仲有重點就係雞肉，雞肉食落非常之滑，啖啖肉嘅口感，連埋湯同拉麵食真係人間美食！然後，另一款拉麵沖繩鹽味豚骨拉麵，呢個都好香豬骨濃湯味道，唔會太膩太鹹，幾啱我地口味。兩款拉麵都有得自選麵硬度，仲有得揀多蔥添🤤整體嚟講，味道同沾麵一樣都係咁出色😋

話說男朋友係拉麵控，於是就係網上搵左間評分甚高嘅麵店試試晚餐。呢間餐廳位於灣仔， 主要由日本人打理，裝修係日式風格，門口有一大盞日本燈籠，主色調則如其名稱，牆壁都是黑的。環境唔算闊落，好經典拉麵鋪bar枱加幾張枱，令人真係好似置身係日本既拉麵店一樣😎首先叫咗個胡椒鹽味叉燒。叉燒大件肉厚，份量十足，豬味濃郁，口感軟腍，濃濃胡椒鹽味，令人齒頰留香 😋仲有小食炸八爪魚🐙外脆內軟，油香飄逸，八爪魚新鮮肉甜，配上沙律醬，令人回味無窮😍而主食就叫咗個牛筋black 拉麵，補補個骨膠原🤭。成個拉麵有濃濃牛肉湯底，少許辛辣感，香滑黏口且帶鹹，湯底味道複雜，濃稠沒有味精👍🏻飲一啖湯底，整個口腔都充滿骨膠原的感覺，證明湯底都是真材實料。而配料叉燒偏瘦，但肉味出色，洋葱口感酥脆，辣味木耳絲與湯底絲絲緊扣，十分美味！溏心蛋蛋味濃郁又熟度剛好💯，成碗拉麵整體不錯😚仲有就係辣三枚肉沾麵。沾麵的叉燒是五花肉，一層肉一層脂肪，口感軟中帶爽。點上沾麵湯，香辣香辣，超級惹味🤤而沾麵麵身較粗，彈牙煙韌，沾湯後也不失彈牙口感。飲一啖沾麵湯底，可以感受到湯底香辣中帶濃郁的豬骨味，真心覺得呢碗麵做得非常出色❤️

啱啱去完日本返嚟，就已經好想再食拉麵同沾麵呀🥹！好彩男朋友帶咗我哋呢一間灣仔嘅拉麵店，估唔到味道相當之好食呀，水準拍得住我喺日本食🫶🏻✨櫻海老沾麵🫶🏻沾麵可以揀熱或凍，我就揀左熱沾麵，個湯底熱辣辣咁浸一浸啲配料同麵條，勁吸湯，真係超入味。麵條都幾粗身，口感唔會太硬，岩岩好！而且叉燒都係好食嘅，唔會太肥又唔太瘦👍🏻✨白雞塩味拉麵🫶🏻估唔到沾麵出色，拉麵都一樣咁掂✨，今次揀嘅白雞塩味拉麵，雞湯味濃，而且唔會太鹹，加上雞肉滑嫩，非常出色呀！✨日式餃子🫶🏻日式餃子外皮好香又脆，餃子飽滿餡料豐富，有滿滿肉汁！

話說同閨蜜行完街，就去附近搵好西食，上網一睇，原來呢間黑龍拉麵店評價好高，仲話沾麵世一，講得咁好就緊係唔走寶，試試佢🤪🤪❤️❤️章魚燒❤️❤️四粒大大粒熱辣辣既章魚燒，外皮微脆，每粒小丸子內裏都有粒彈牙嘅章魚粒，仲有椰菜🤤章魚表層上有醬燒汁，鋪滿紫菜同木魚碎，足料可口，好食！🤩🤩炸雞🤩🤩雞件大小恰到好處，表面層炸粉不多也不小好，淺嘗一口雞油由內而外滲岀，鬆脆美味，油香飄逸，配合沙律醬汁鹹度剛好！🫶🏻🫶🏻🫶🏻😆😆櫻海老沾麵😆😆沾麵湯底厚身，非常惹味，帶濃郁櫻海老味🐟，麵條如烏冬般粗身容易掛湯，麵質亦富彈性，大沾麵份量非常多。沾麵湯鹹度一向較高，但連粗身麵條一同食用味度剛好☺️叉燒肥瘦均勻，一層肥一層瘦美味可口。溏心蛋做得剛好，一切開見到流心，蛋味較濃，醬油味道能入蛋中，讚👍🏻👍🏻👍🏻😚😚牛筋black 沾麵😚😚沾麵湯底厚身，牛味較重，湯質黏立，充滿濃濃嘅骨膠原，女仔食用最好不過😋😋😋麵條同樣粗身，質感不會過腍，至於牛筋則入口即化，非常美味😌值得一讚就係負責煮麵既店員係服務態度好，一入到去就感受到佢地果敬業樂業，每一碗麵都好用心機去煮，而且店員多數用日文交流，好似另你置身係日本一樣❤️❤️❤️期待下次！

返左半日工咁搵吓有咩食啦，😎灣仔其實都有啲嘢食既，但都試過好多，想試吓啲新野，😊不過最近比我發現到一間拉麵店，價錢相對合理，好在人唔算多，😉入去就有位坐今次就同兩個同事一齊去，😝行到入去成間拉麵店都有種好正宗既拉麵感覺，見到呢個環境令我更放心☺️呢度落單都係填紙仔形式，😙見到師父整特好快手，職員送餐速度都好快🍜白雞塩味拉麵實在非常之好食，白雞好嫩滑配上味道清清地既塩味拉麵，味道同白雞好夾，而且沒有加味精，mm7～🍜牛筋black 拉麵呢個湯底味道相對會較濃郁啲，拉麵同配料都份量十足，食得好滋味，特別欣賞溏心蛋，色澤紅潤又達到半生熟狀態～🍜櫻海老沾麵櫻海老好新鮮，食材品質品差，拉麵好大碗，分開上既調味好好食，mm7～

事緣今日灣仔探下朋友，順便就搵下好西，聽聞灣仔食拉麵有一龍一虎必定要試，由於呢間黑龍拉面比較近我哋，所以就同朋友先去試食呢間拉麵店，睇吓佢到式係龍定係鳳😆入到去唔使諗，喜歡食辣嘅我叫左一碗辣三枚肉沾麵🤩呢碗沾麵超級驚喜，份量十足，超級大碗。首先肉片有濃濃豬香味，肥肉瘦肉嘅比例恰到好處，口感綿滑，真係好正👍🏻 沾麵麵條煙韌，比平常食到嘅更加有口感，而麵條帶有小麥清香，十分特別。至於湯底呈微紅色，微辣嘅湯底好開胃，令人箸如雨下😋值得一讚就係湯底雖然微辣香濃，但不會搶去麵條的小麥味道，既可以品嚐一流的湯底，又可以感受優質的麵條質感，簡直是一級棒🫶🏻食沾麵就係要一碗見真章！由於朋友喺櫻花被愛好者，所以就叫咗櫻海老沾麵。份量一樣，都係超級大碗！朋友表示呢碗沾麵個湯底超級濃郁，有滿滿櫻花蝦嘅咸香鮮味，每次沾完汁後夾起D麵都會夾埋一大堆櫻花蝦，可見呢間店真係用料十足😚而櫻花蝦顏色相對比其他店較為顯紅，吃起來的口感比較有脆度，令我朋友回味無窮。而點麵中配菜非常好吃，特別係溏心蛋，半熟流心，好香甜🤤見到店內主打神泡啤酒，就叫左杯試試。果然真係有神泡黃金比例7:3，可以整到7成為啤酒，3成為綿密泡沫，真係

今日全家人一齊去食拉麵，揀咗呢間喺灣仔嘅黑龍，原來呢間拉麵店係非常之出名，一直都未試過添！胡椒鹽味叉燒(˶ᐢωᐢ˶)簡簡單單鹽味叉燒都已經好好食，鹹鹹地仲加咗啲胡椒調味，味道非常之好。雞皮餃子(˶ᐢωᐢ˶)雞皮餃子雞皮好香脆，入面仲有滿滿嘅肉汁，真係太邪惡啦。炸八爪魚(˶ᐢωᐢ˶)八爪魚炸到好脆口，香脆口感又煙煙韌韌，真係好好嘅脆口小食。黑龍豚骨拉麵(˶ᐢωᐢ˶)呢個湯底超濃郁非常creamy，但味道又唔會好咸！拉麵口感有咬口，幾掛湯好好味。另外有得自選辣度，我揀咗小辣，岩岩好！叉燒都幾香，有少少厚度，口感相當唔錯！白雞塩味拉麵(˶ᐢωᐢ˶)呢個白雞湯真係真材實料，好香鮮雞嘅味道，呢個就相對冇頭先嗰個咁濃味，但都好好飲。夾埋拉麵同滑嫩雞肉一齊食，流哂口水！

呢間拉麵鋪嘅菜式真係好豐富，令我同我先生食得好過癮。🌈日式炸雞扒🌈佢個口感酥脆，肉質又鮮嫩，真係好好味。雖然味道相對比較淡，但都係好好食嘅。🌈炸芋頭同蓮藕片🌈呢兩款小食個外皮酥脆，內裡又柔軟，好好食。味道相對清淡啲，但配埋醬汁食就更加美味。🌈麻油炒味筍🌈個口感爽脆，有啲麻油嘅香味，好開胃。味道相對清淡啲，不過配埋飯食就更加好味。🌈胡椒鹽味叉燒🌈個肉質鮮嫩，口感豐富，胡椒鹽味道好突出，好啱食重口味嘅人。🌈櫻海老沾麵🌈呢道菜真係好特別，櫻海老嘅鮮味好突出，沾麵個口感細緻柔滑，湯頭鮮甜可口，好好食。🌈白雞塩味拉麵🌈佢個湯頭超級濃郁，雞肉嘅鮮味同埋拉麵嘅口感好啱，適合食清淡啲嘅人。

每次同朋友喺修頓打完波，我哋都一定會去♨️黑龍♨️開餐。大大碗麵配料豐富，仲可以加配炸物小食，最啱運動完超肚餓時去擦餐勁🤭我哋3人分別嗌咗牛筋black沾麵、牛筋black 拉麵同沖繩鹽味豚骨拉麵🍜 先講麵質，沾麵粗身有麵粉香，拉麵硬度適中🍜湯底方面，沾麵汁厚身夠濃，豚骨湯底唔會過鹹食完都唔口渴😝叉燒肥瘦肉相隔，軟冧冧同時又食得到肉感🥓不過淨係食麵點夠食😆我哋仲叫咗幾個小食🥟雞皮餃子外皮酥脆，內裡充滿菜肉餡😙芋頭&蓮藕片脆卜卜，炸得夠乾脆🐓日式炸雞扒肉質鮮嫩，加埋茄汁又更好味😋所以話，♨️黑龍♨️真係食極唔厭，記得搭配埋小食仲精彩😜

🍜👀今日要介紹既係灣仔黑龍拉麵 呢間都係灣仔好多年歷史 而且咁多年都冇轉過地方，依舊見到個大大燈籠係店門口🙈真係一間好唔錯既拉麵店❤️😈牛筋Black拉麵 售價💲98首先講下個湯：湯既味道非常濃郁，可能因為用牛筋煮，所以個湯好夠膠質❤️麵條🍜：可以自行選擇硬度，麵條既質地非常好，很適合配合湯頭👌牛筋🐮：非常入味，煮到好入味好淋😍雖然份量唔算好多叉燒🍖：唔算係非常特別，牛筋先係主角😏

午時偷閒去排隊吃拉麵 機會真的很少人流流動性太多 無論吧座或兩人座已滿牛筋black拉麵湯底濃厚 以牛香味蓋過了蒜味如果有期待過蒜味的話 可能會失望牛味真的偏濃 湯底質地像沾麵會稠糊狀 有少少黑淑粒麵條以幼細博多拉麵 能沾到湯底配上爽口辣木耳 辣漬的 會醒神在濃厚湯底內搶出辣感叉燒偏乾 反正牛筋有喜歡牛筋已經軟乎乎到像綿花糖有膠質感 一咬便會化開滷得濃味的牛筋味玉偏熟成 蛋味略少 小失望偏愛中華拉麵的或者會很喜歡覺得是傳統型拉麵

白雞塩味拉麵先呷一口湯。雞味香濃且唔會過鹹，質感又唔會濃稠到黏著喉嚨，不錯！🍜麵條帶輕微鹼水味，正常合理的掛湯力。🥚溏心蛋超級流心（忘了拍照）！很滑很香很抵讚，有想過追加一隻溏心蛋的！🍗麵內有3片雞肉，雞味好出，唔會有冰鮮味，正！沖繩鹽味豚骨拉麵拉麵好軟熟，易入口，而且好入味。加上湯底係豚骨湯and 鹽味帶有少少海鹽味，鹹鹹地quite good。章魚燒燒得好香脆，入口即溶既感覺，章魚都好足料。胡椒鹽味叉燒胡椒味叉燒都真係第一次嘗試，味道又幾ok wo！可以值得一試！日式叉燒叉燒嫩滑而且好大塊麵質彈牙，柔嫩入味既叉燒肉，不油不膩，入口即溶又散發滷汁香氣的口感，實在是很誘人地美味。燒魷魚一夜干Wow 有得食燒魷魚真的很興奮！😂👏🏻燒到熟一熟，口感好正，爽口彈牙good good ar！！！👅💯🔥🔥🔥