黃珍珍泰國菜館 (已結業)

之前食過九龍城的黃珍珍，今次嚟佐敦分店食。味道、環境依然係無得輸，它的定價屬中高位，卻食得出價值。🐷首先推介係燒豬頸肉這裡的豬頸肉纖維緊密，肉質咬落有彈性，唔似平時食到的咁淋和鬆肉粉既味道。有碳燒香，加了少許蜜糖，好食！另外沾埋汁食係另一個驚喜，汁是泰式風味，比生蝦汁更濃味一些，清新得嚟帶辣！伴碟的菠蘿好甜，無渣，總括嚟講係必點食物之一！🦀之後係重點 -- 咖哩蟹一上菜已經好吸引，肉蟹重身大大隻，上面有蟹籽。蟹肉好厚，一梳梳好有鮮味！連咖哩汁也有蟹味，入面有d蟹肉定蛋花？好香，一啖都唔想浪費！🥖叫左個蒜蓉豬仔包豬仔包有4件，上有有粗粒蒜，香味都出，當然再鋪多d蒜會仲好！要襯熱食，如果唔係會硬！甜品 -- 芒果糯米飯鋪滿椰汁🥥，黑白糯米煙韌，芒果香甜唔酸。另外一讚，餐廳會準備手套、乾濕紙巾俾食客隨意使用！如果影相需要道具，有d大海鮮Cushion 供應， 好得意！