黃大仙雞翼尖 (已結業)

食飽飯覺得唔係幾夠飽就心血來潮去左呢間野買野食叫左個招牌蜜糖味雞翼尖一食落口 冇咩蜜糖味 又冇咩甜味雞翼尖又煎得唔脆身 淋bat bat好明顯係煎既過程唔夠火喉食唔返以前果種味道食物質素確實一般真係好失望完全食得唔過癮我諗好難會再去食

呢間之前係慈雲山開將果時，要大排長龍，起碼要排半粒鐘，不過而家就唔需要啦。之前係黃大仙食過，嘩，真係正到不得了，雞翼尖係鐵板煎得焦焦香香味，加埋佢地嘅秘製醬汁（可加辣粉）真係冇得彈，仲有每份都會加埋佢地自家醃製嘅酸蘿蔔，食到好辣果時，可以清新下口腔，跟住再接再厲一路食落去，真係可以唔停咁食🤣不過慈雲山呢間就有d失望，可能之前大排長龍，水準開始keep唔住，雞翼尖未煎到焦香就算數，其實呢d小店真係要用心經營，保持水準先可以留住食客個胃。

呢間雞翼尖以前喺黃大仙擺檔，而家搬咗嚟慈雲山， 出名好好味！佢嘅雞翼尖係會用鐵板煎好，再淋上佢嘅秘製醬汁，同埋辣粉，食落十分惹味，作為小食係一流！另外佢嘅自家腌製蘿蔔都好正！

聽住黃大仙嘅朋友都講話呢度嘅雞翼尖幾好食同埋都比較出名所以就嚟到呢一度試吓 呢度雞翼尖個味道都唔錯啱啱好 價錢亦都平 所以我叫咗好多嚟食 另外呢度亦都有腸粉買腸粉都比較滑嫩好新鮮唔錯

呢間舖成日都有人排隊，上網睇先知係區內小有名氣既小食店，出唔出名就唔理，想食就食個人唔太鐘意食雞翼尖，唔鐘意食皮，就叫左個小食拼盤，$20, 樣樣齊 （芝士腸，魚蛋，牛丸，墨魚條，豬肉條），都算大份，加上佢個蜜汁出奇地同芝士腸好夾，用黎發口痕解饞一流

雞翼尖除左B仔有D名氣次外，成日都聽人講話黃大仙雞翼尖都係出晒名好好食，之前好多年前係黃大仙地鐵站附近、一架架木頭車賣左好多年家下好彩重開番，如果唔係既話真係食唔到呢種風味呀。主打雞翼尖店主以鐵板即點即煎，熱辣辣香噴噴，還附送自家製醃蘿蔔。佢個自家製酸蘿蔔好好食，同個雞翼尖好夾呀。蘿蔔粒醃製兩天，相當入味，酸酸甜甜很醒胃呢。🔹雞翼尖$25先滷再煎，以保持咬口，而且肥美有肉比外面食開的都相對大隻。雞翼尖亦滷得入味，加上醬汁和辣粉，配罐啤酒/汽水宵夜一流。份量都幾足添。原味蜜糖味道稍淡，蜜味不足，而麻辣味辣味足，麻度足夠。另外還有香辣汁可選架！🔹除此以外，生菜魚肉 ＄20 手藝值的一讚魚肉滑身有嚼勁，麻油味香，加埋自家製的辣菜脯一同享用，風味更佳。真心驚喜到爆！無論係雞翼尖定其他小食，買黎加餸或當餐前小食都真係幾唔錯架。

純粹因為見到報紙報導話呢間嘢好出名 又因為順便經過慈雲山咁於是乎就即管試下。 都係買外賣都係嗰啲小食嘢你話好好食咩我又唔係感覺但係呢又幾多人買係要排隊嘅。 佢隔籬附近有幾間舖整到個樣同埋買嘅嘢好近似會令你以為都係佢哋嘅但係原來唔係。 如果你問我 佢啲所謂好食嘅小食只係同一般舖頭嘅水準差不多冇乜特別。 佢嘅門口係冇得停車嘅如果揸車想停低買佢啲嘢 要兜入去前面搵咪錶位呢樣嘢係比較冇咁方便嘅。 只能夠講若果順手經過不妨試一試 但亦都冇乜需要太大期望。

未喺慈雲山開鋪前,我已經係佢常客,得知再開鋪時真係好開心! 點知出咗名反而少咗食,因為之前去兩三次,人龍都長到排半小時以上。(當然最後都係有排到)冇食一排,心血來潮,特意過黎食,出奇地只有兩個人排隊!!!立即來一份雞翼尖! 即場喺門口食埋先走。雞翼尖其實冇乜地方有得食又整得好食。一來可能D人喜歡雞中翼,二來雞既其他部分可以賣貴D。但其實雞翼尖先夠入味! 老闆會將佢喺鐵板上煎炒,唔會燶又好香口! 個蜜汁同少少辣粉係最佳配搭,同埋幾鍾意佢個自家製酸蘿蔔,好脆份量都幾足,慢慢食左好耐先食晒,好似將美味延長左咁雖然有其他野食,不過下次應該都係叫雞翼尖~

相信唔小人都有食宵夜既習慣既 我都有既 加上呢排得閒睇劇 夜訓 所以我就會買定雞翼尖黎送啤酒既我3隻味都食過了 最建議大家食既係密汁味呢隻味係最好食的甜甜地加埋辣辣地咁 好開胃醒神 一定係我宵夜必食

看完openrice 食評，突意尋找美食！這間餐廳出名雞翼，人龍真係有D,款式選擇不多，我今次轉程試佢既雞翼，點了不久，很快就準備好，味道非常肥美多汁！我跟老公都很喜歡，價錢抵食，會有下次！

一直保持著以前黃大仙嘅味道，重有個翅好正，足料夠誠意，魚肉有陳皮，好有囗感。另外麻辣魚旦，就一般，個辣就好食。最慘就係星期日休息，我放假無得吃，要平日收工先有。

🎊黃大仙雞翼尖🎊從前大名鼎鼎駐守黃大仙鐵皮屋既「黃大仙雞翼尖」曾經一度絕跡咗令到好多粉絲失望，而家知道佢搬咗去慈雲山真係超級勁開心，老公仲專登去咗買返黎俾我做宵夜，又唔就腳而且要佢排隊（次次同佢食飯要排隊等位好似攞佢命🤣）仲攪到夜返屋企真係辛苦晒！🙏🏻超抵錫！😘講返個黃大仙雞翼尖先！$25一份，份量一個人食晒都算多❤️口味除咗有有招牌原味蜜汁（可揀大、中、小辣）仲新加咗麻辣同香辣！老公都忍唔住點咗份招牌原味蜜汁俾自己，而專一嘅我😎當然揀返原味蜜汁+小辣啦！（我是辣妹子😆）賣相方面雞翼尖外型隻隻都很完整飽滿，睇得出老闆應該有用心QC過🙈而味道方面亦一如以往地超！級！惹！味！淋硬度亦適中😍個甜甜地既蜜汁同翼尖好夾，覺得辣既時候馬上咬返粒開胃爽脆嘅酸蘿蔔又止到辣，爽呀！😍（老公知我鐘意酸蘿蔔，加多$10買咗一份俾我慢慢嘆😆）因為趕住湊仔所以要睇住個鐘食，正常速度K.O.一盒都真係要半個鐘😜最後想讚下呢間店除咗雞翼尖出色之外個餐牌啲字都真係好有個人風格特色！👍

黃大仙雞翼尖已經係慈雲山立足左一段時間，最出名一定係雞翼尖！而我都食過幾次，味道的確係唔錯，難怪一直都有咁多捧場客不過今次就唔再多講佢既雞翼尖，反而想講下佢其他小食。今次我嗌左兩款小食，有小食拼盤同香煎墨魚條，同樣可以揀香辣、麻辣或者蜜汁，我就揀左香辣汁。小食拼盤有4條芝士腸、4粒魚蛋、6條豬肉條同4粒牛丸。不過其實牛丸係一開二，所以實際黎講係得2粒最驚喜既係芝士腸，香辣汁配埋醬爆既芝士腸，非常配合*小食拼盤 $18*另外，香煎墨魚條都係食過翻尋味因為係煎既關係，食落好香口，而且夠曬爽口彈牙！價錢亦都唔貴，$11有10條。*香煎墨魚條 $11*總括黎講，黃大仙雞翼尖連小食都一樣咁出色！不過最值得一讚既，當然係佢獨特既醬汁調配

黃大仙雞翼尖馳名嘅雞尖今日終於有幸一試。4:30已經要排隊，一開鋪已經人頭湧湧。究竟係咪真係咁好食🤓謎底終於解開香辣雞翼尖好好味呀！唔算太油太肥（自我安慰啦！本身雞尖有邊度唔肥吖😂)個香辣唔算好味濃，唔會太鹹，雞尖隻隻漲卜卜，配以酸酸嘅蘿白，一解肥膩感。我仲食埋個魚肉碗仔翅。魚肉都彈牙嘅，碗仔翅又唔會大稀，好味道。佢都有其他小食嘅，雞翼，腸仔果D，都幾多嘢㨂。另外，阿姐好好禮貌，好nice ，一定會再幫趁。

平時買嘅雞翼尖好好味， 鹵完再煎香，買時再落蜜糖及辣粉。但一多人排隊買時，可能趕住比食物客人，根本無乜點煎，過就直接落蜜糖及辣粉，食落口感同味道根本差好遠，希望能改善