黃大仙雞翼尖 (已結業)

黃大仙雞翼尖已經係慈雲山立足左一段時間，最出名一定係雞翼尖！而我都食過幾次，味道的確係唔錯，難怪一直都有咁多捧場客不過今次就唔再多講佢既雞翼尖，反而想講下佢其他小食。今次我嗌左兩款小食，有小食拼盤同香煎墨魚條，同樣可以揀香辣、麻辣或者蜜汁，我就揀左香辣汁。小食拼盤有4條芝士腸、4粒魚蛋、6條豬肉條同4粒牛丸。不過其實牛丸係一開二，所以實際黎講係得2粒最驚喜既係芝士腸，香辣汁配埋醬爆既芝士腸，非常配合*小食拼盤 $18*另外，香煎墨魚條都係食過翻尋味因為係煎既關係，食落好香口，而且夠曬爽口彈牙！價錢亦都唔貴，$11有10條。*香煎墨魚條 $11*總括黎講，黃大仙雞翼尖連小食都一樣咁出色！不過最值得一讚既，當然係佢獨特既醬汁調配