黃大仙雞翼尖 (已結業)

今日同朋友向黃大仙中心食完早飯，見到時間尚早(7:30)，就同朋友講:好想食雞翼尖，一行幾人二話不說就高高興興潮住雞翼尖岀發當然先點雞翼尖，有辣有唔辣，又有酸蘿蔔作配襯還有煙肉腸仔卷、厚切紅腸一樣咁岀色凍冰冰，食碗熱嘢先生菜墨魚條湯，很有墨魚味生菜墨魚條湯，很彈牙，還帶點陳皮的香味幾豐富食物價錢吸引，完全貼地

平日放工食埋晚飯番屋企，心思思都會買雞翼尖食，今晚決定食雞翼尖同碗仔翅做晚餐😝點好之後都唔需要等就有得食香辣雞翼尖一碟有成廿隻，好惹味好香口，碗仔翅好足料有肉絲、雲耳、粉絲等等，每一啖都有滿滿既材料，但美中不足係質地過「杰」，覺得呢點可以改良一下。

好多報道都有報過呢間黃大仙雞翼尖經過咁多人吹捧 我都好期待食到不過呢 真係太多人排隊啦買包雞翼尖都要排成粒鐘仲要可能因天為多人啦D雞翼尖略嫌唔夠香口應該係未煎得透 有d失望😞

最近都被鋪天蓋地的宣傳而感興趣的黃大仙雞翼尖，尋晚終於有機會一試，對於雞翼尖愛好者的我更是百般期待，據說現在由兒子接手了其爸爸的業務，由車仔檔變成現在的小食檔！ 大約晚上10時左右去到，都要排一陣隊，也知道另一想食的小食(生菜魚肉) 亦已賣完，唯有轉戰碗仔翅，另外點了一份原味蜜汁雞翼尖同一包泡菜！結果除了泡菜外，其他頗為失望，尤其以賣雞翼尖主打的小食檔來說，真的普通得很，雞尖沒有煎到很透，骨都咬唔爛，也沒有很入味，價錢$25,相對來說比較貴！碗仔翅要讚真的很足料，不過味道一般，唯一真係好食既反而係泡菜的酸蘿蔔！

聞名已久的雞翼尖經常經過但未有踏足門前4.30pm放學時間開始營業店舖位置不大外面總有人龍以往會走入元朗佳記喜歡那辣汁但雞翼尖煮了太耐入味但感覺上雞翼尖很霉到粉嶺雲津味道一流 有蒜味 但總有點出入今晚突然記掛起雞翼尖20分鐘車程可以買到的是黃大仙雞翼尖10.15pm到達 人龍依舊大家都等待即叫即煎的蜜糖雞翼尖雞翼尖本身是蜜糖味但可選小辣 中辣 大辣 或麻辣第一次點 點了1x 生菜魚肉1x 足料碗仔翅1x 麻辣雞翼尖小店是家庭式經營一家人說著笑分工合作店內基本上是簡單廚房點餐地方可站立2人左右餐牌都是小食 主打學生及街坊老闆娘很有禮貌人多排隊還連說不好意思要等待多時街坊見面又會說笑寒喧一番細心幫我裝好外賣食物因為沒有位置可坐 只好在車上吃生菜魚肉見老闆娘會先用湯底煮熱魚肉放入生菜碗內，再加上湯魚肉竟有20-30件是吃過最豪華的生菜魚肉雲津的生菜魚肉是最差的味精湯+3,4件魚肉+2條生菜比例與性價比特低自己很期待的碗仔翅份量及用料都很足但粉絲比較少生粉加得有點多 但還是很香很滿足(跟老闆娘叫我靚靚一點關係也沒有)麻辣雞翼尖雞翼尖很大件 因為是即煎再加上麻辣醬雞翼尖肉很實在 還有蜜糖味外賣回

前幾日經過，終於都唔洗排隊！買咗原味蜜汁雞翼尖，香辣味雞翼尖同魚肉碗仔翅。叫老闆娘俾啲燶啲嘅雞翼尖，好香口！仲送多咗兩隻俾我！蜜糖味唔太甜，香辣味小小辣，啱哂啲唔食得辣嘅人！碗仔翅有驚喜！好足料，好好味！

特登黎食，個人較喜歡蜜汁雞翼尖，d汁好食，叫左中辣，完全無料到，下次要食大辣先得！相反，另一款香辣翼尖，辣粉都幾辣的！25蚊一盒，入面大概20隻左右！個人感覺，如果雞翼尖煮得再淋小小，會更好食！

見到呢度嘅門口外面排住長長嘅人龍，好奇心作祟就走去望下。知道呢度主打賣雞翼尖，但其實我係唔鍾意食雞翼尖嘅，咁我就買另一樣食物啦。魚肉碗仔翅（$20）拎到返屋企慢慢嘆，依然熱騰騰，唔錯。呢碗碗仔翅好足料，肉絲冬菇絲木耳絲，同埋我另加嘅魚肉，份量夠，又抵食。落埋麻油、紅醋同胡椒粉，成碗碗仔翅香噴噴，超吸引。湯頭調味適中，唔會太鹹。要挑剔嘅係佢落得太多澱粉，太杰了，變左食到一半好似一pat pat咁，漿得滯。

閒日七點去到，排大約10分鐘左右，acceptable，如果放學時間/八九點我估會更多人。各款食物價錢都算合理。落單時，老闆娘對每個客人都好有禮貌呢！買左一份招牌原味蜜汁雞翼尖，中辣，$25目測20隻左右。中辣辣度唔算強勁，所以下次會試大辣同麻辣。個醬汁真係好惹味！雞翼尖大大隻，夠腍同夠哂味，蜜汁確係香甜，如果面頭啲辣汁再多啲會更好，因為底部無辣汁個啲就只係得番蜜糖味，但我相信老闆娘咁nice下次落單時叫多辣汁應該無問題！

經過就已經聞到香噴噴嘅味道，下午4:30開舖已經有條人龍仔啦😂😂😂😂由木頭車賣到開舖，果然系有啲料到！ 滷熟後再用鐵板煎香😊加上蜜糖，五香粉同辣椒粉～辣度可選小，中，大！雞翼尖都幾大隻，夠哂入味！煎過更為香口🤤醬汁味道夠濃，yumyum幾鐘意！雖然蜜糖但係唔會係好甜，加上小小辣味好惹味喔🤗當街啜骨啜到無哂儀態😂另外仲配有自家醃泡菜，酸酸尾尾的，更加醒胃😊😊😊用嚟作為消夜或者下午茶真係一流

星期六晚7:50左右到達，已見一條長人龍。估唔到晚飯時間都咁多人，仲要打緊風。到8:10排左超過20分鐘，條龍郁都無郁過，心中納悶「乜雞翼尖唔係一早整好，入盒就得？」　到8:25終於都前進左少少，呢個時候已經三號風球，但啲人都無放棄，好彩無落雨好期待，咁多人排一定好好味　排到8:45終於都見到個menu　我地叫左４樣野：雞翼尖（香辣）魚肉＋碗仔翅魚蛋司華力腸　雞翼尖（香辣）$25以佢嘅受歡迎同宣傳程度黎講，係失望的個醬汁無乜特別，唔夠入味亦唔冧所謂嘅泡菜係酸蘿蔔，而且目測只有10粒都唔夠　魚肉＋碗仔翅 $20呢個真係要比個讚佢魚肉彈牙（雖然知道一定唔關魚肉事，而係溝左粉，但都係好味的）個翅好多料，瘦肉絲，木耳絲，冬菇絲都好多而且唔會好似坊間好多街邊檔出品咁食食下就水汪汪不過略嫌唔夠麻油香　魚蛋 $6/8粒唔彈牙，無魚味，同雞翼尖用同一個醬汁不過咁嘅價錢，都唔好要求咁多囉　司華力腸 $10 腸衣唔爽，腸肉似大陸腸仔嘅質感（大家懂的），係平價來貨唔係錢嘅問題，而係我覺得食啲劣質肉落肚，好似對身體唔係幾好　總括嚟講，就算唔使排隊我都未必會再食

一直覺得巷仔入面嗰間雞翼尖唔同平時食開之前嘅味道，（我一直同朋友講肯定唔係同一個人開嘅）後來睇到Facebook，見到原來黃大仙雞翼尖重出江湖，身邊嘅朋友都勁開心😊一直心思思好想去一試真偽！終於收工嘅時候約埋個住喺慈雲山附近嘅好朋友，搭車過去一試真偽！喺慈雲山中心過對面馬路，經過埋麥當勞，已經開始聞到熟悉嘅杳味😍😁係呢陣香昧啦👏🏻👏🏻👏🏻完全唔使地圖跟住香味走！終於見到黃大仙雞翼尖啦❤️重遇嘅感覺真係好，二話不說梗係排隊啦！排隊條人龍真係好長，不知不覺等吓等吓等左一個鐘終於到我哋喇！見到佢出多咗兩款醬汁嘅雞翼尖，我哋梗係唔會錯過啦，可惜麻辣汁冇哂，我哋就叫咗蜜汁同香辣汁每樣份半，加多個生菜魚肉,兩條腸仔三隻雞翼（腸仔同雞翼冇影相，😜因為太肚餓即刻食咗）行街！搵個地方坐低即刻開動，山菜魚肉出乎意料驚喜，生菜魚肉新鮮，湯底甜美，本來想食碗仔翅可惜賣晒，下次有機會一定要試吓😊雞翼尖味道一如以往👍🏻👍🏻👍🏻 不過我哋始終都係鍾情於蜜汁味香辣汁好似咸左少少😜（今次見返老闆佢哋超級親切，十分nice ,老闆娘見我哋等咗咁耐仲同我地講唔好意思有咩做得唔好多多包涵，聽到呢句等左一個鐘都覺得個心溶化左)值

未食到已經對呢間嘢安排感到失望營業時間由4:30-12:30pm，唔明白點解唔預多d雞翼，夜晚9:45 pm 分開始排，一直到10:15pm 先話比排隊嘅人知雞翼賣晒，然後仲要好串咁有個版寫咗大約10點就會賣晒我頂，你如果預咗唔夠賣，應該一早就截龍。天氣咁熱，大家都好有秩排咁耐，就因為以前係黃大仙時真係做得好，如果而家唔改善，應該唔會再去排，簡真趕客

黃大仙車仔檔雞翼尖，細細個食到大，終於再開返，仲多左魚肉翅碗仔翅韭菜餃嘅小食，都好好味，雞翼尖煙肉腸仍然食得出舊時味道，依然係非常入味。新出嘅醬汁麻辣都好想試啊，可惜帶住啊仔唯有食唔辣，總言之：醬汁無得輸！雞翼尖無得輸！人情味更加無得輸！老闆一家都好好人，話多汁多醬煎耐啲永無甩拖，多辣走辣點都得。依家外圍仲可以站食，夜晚仲可以有枱櫈坐，啱晒我地食完再叫！要多多幫襯，希望長做長有！業主唔好見好生意加租趕走咁有特式嘅美食。