黃大仙雞翼尖 (已結業)

今日行程本來去西貢搵食，點知行街用了很多時間，之後就去了慈雲山三記打冷，走嘅時候比我見到間黃大仙雞翼尖，我記得很久之前已經介紹過，一直都好想試，終於無意中俾我搵到了，由於吃得太飽的關係，我唯有選擇外賣啦。在等候外賣的期間，跟店員傾了一陣，他要求我立刻試隻先，哗！😱一試之下，實在好食到飄飄然，我搵返之前在長發邨的小販檔美食，太感動了～🥹我建議在場吃一定好過外帶，可能因為我比較住得遠，所以返到屋企都凍晒了，但我覺得依然都咁好食，我自己比較鍾意原味。👍🏻😋

以前係慈雲山，成日都會買黃大仙雞翼尖做宵夜😋 好欣賞呢度嘅蜜糖醬汁，雞翼尖用鐵板煎香，好入味。今日男朋友經過慈雲山，知道我鍾意食，特登買咗一盒外賣雞翼尖山長水遠拎過嚟新界🥹麻辣味雞翼尖一樣係照有蜜糖，不過比較辣，要keep住一邊食一邊飲水🤣 但依然不失惹味，我一個人清晒成盒🤤 個人來講我比較推薦原味，甜甜地嘅蜜糖超加分！

每次都係叫熊貓魚肉份量係夠，但極難食.... 啲質地.... 唔識形容.....全粉都冇所謂，但係個質感...... 我諗左10分鐘都唔識形容雞翼尖都還可以嘅，香辣汁好食碗仔翅味道其實係好，但如果啲木耳可以切返絲會好食好多

算是三分一個慈雲山街坊 之前每次經過不是因為疫情沒開就是人太多買不到 這次終於吃到了❤️平常不太愛吃雞翼尖的我也要試一下 還點了香煎豬肉條 配上自家蜜汁❤️好吃❤️❤️

平時買完飯，好鍾意喺呢一度買啲小食加餸每次我都會嗌「香煎豬肉條&墨魚條，加麻辣汁」價錢非常之抵， $20有23條雖然佢每條都好似手指尾咁，唔算好長不過$20都有一大碗佢個麻辣汁好正，夠晒麻點埋豬肉條&墨魚條黎食，好正！不過呢，夜晚有時好多人叫，要等好耐所以我都會用電話打定去叫，差唔多先過去拎

之前聽人講話呢間雞翼尖好好食，排晒長龍。今次終於有機會去試吓！我叫咗個魚肉翅、鐵板炒雞翼尖（香辣汁）同埋一個生菜墨魚條湯加紫菜同朋友share。首先，個鐵板炒雞翼尖（香辣汁）個味道好惹味，辣得來但會想繼續食落去。試得一試！下次我會想試吓其他款嘅汁。魚肉翅嗰個碗仔翅其實都足料。但係嗰魚肉真係好扣分，太粉，真係一般。如果下次叫，我淨係會叫碗仔翅，唔需要加魚肉，可能加墨魚條仲好味添！生菜墨魚條湯加紫菜，呢個湯都算鮮甜。另外，嗰墨魚條都爽口，會食到有幾粒墨魚粒喺度。但係個份量就比較少，如果有多啲紫菜就更加好啦！

放工口痕，又經過黃大仙雞翼尖，就買吓雞翼尖同碗仔翅食鐵板雞翼尖 $30雞翼尖我揀咗蜜汁同中辣味，都幾夠辣下，唔太食得辣建議叫bb辣或小辣，啲雞翼用鐵板嚟煎，將啲香味迫晒出嚟，所以都幾惹味，而配蜜汁變得甜甜地又帶辣，幾過癮，不過最底個啲雞翼浸住蜜汁就變到好甜，而佢啲醃蘿蔔酸酸地，幾好食足料碗仔翅 $24碗仔翅都真係名符其實咁足料，食每匙羹都有肉絲等材料，而且將碗仔翅嘅澀度整得啱啱好，而上面加咗啲菜脯幾好食

前排咁啱同朋友去左慈雲山行街～～終於有機會可以試試呢間好出名既黃大仙雞翼尖😋😋-🍗鐵板炒雞翼尖 $30✨咁難得黎到，梗係要試試佢地既招牌雞翼尖啦😍😍d雞翼尖都幾大隻，煎得都好夠脆同乾身！！醬汁方面，我就揀左蜜汁同麻辣汁～～有辣有唔辣，可以一次過試哂✌🏻✌🏻蜜汁食落去甜甜地，好香蜜糖味，同雞翼尖都幾夾🤤🤤麻辣汁食落好惹味！！佢唔係四川果隻麻辣，而係偏港式，辣辣地好開胃👍🏻👍🏻我仲加左台灣腸($26/2條)同司華力腸($14)～～兩者都煎得好香口，撈呢個醬食都好好味😋😋-🥘足料碗仔翅 $24✨除左雞翼尖，我仲試左佢地既碗仔翅～～估唔到好好食！！係我食過最好味既碗仔翅😍😍份量好多，味道好濃！！我鍾意係裡面仲有d醃蘿蔔～～食落酸酸地，開胃得黎又有口感🤤🤤

認真我覺得佢雞翼尖係整得差左 已經再無以前咁好食 但原來最好食唔係佢個雞翼尖而係碗仔翅 佢個碗仔翅真係不得之了 好食過雞翼尖勁多 仲要係會上癮😋 佢多料之餘仲要濃味我仲加左墨魚條 超級好食

黃大仙雞翼尖好多年前已經係小巴站有車仔檔，今日做到上鋪就知有幾正！去左慈雲山巴士站個邊，但仍然大把人買買個日前面有十個等緊等左差唔多半個鐘但係值得返屋企食到一半先記得影相！個人推薦係蜜汁味！因為我食唔得辣！👍🏻👍🏻👍🏻

利呻住慈雲山嘅好先將雞翼係鐵板度煎下，再加獨特嘅調味料，仲有大中小辣揀，辣味同雞翼尖好夾，同埋自家製嘅醃蘿蔔，酸酸甜甜好開胃，價錢唔貴份量仲好多，真係好抵買來食。仲有樣就係 個老闆娘好好人，態度仲好好添！

其實我原本係想食佢個小食拼盤！但無奈我只係個窮L，身上咁岩吾夠錢，只好試下佢個牛丸。我一開始係以為一粒粒牛丸，點知係分開一半半，有少少失望！即係其實係$11，5粒完整牛丸咁，其實都還可以既。醬汁係有分麻辣、蜜汁，同埋一隻我吾記得左既汁，應該都係一款辣汁。我最後叫左麻辣，話就話麻辣汁其實比較似麻辣醬，個醬係好食既，食落口一開始只係少少辣，但慢慢地個麻辣醬既麻騷感就變到成個嘴都係！事頭婆都好有禮貌，成日都會講多謝！佢個接待位其實比較細同窄，所以大家叫完野食可以去出面等，避免阻到其他顧客落order！個接待位一入去左手邊會有一支酒精消毒液，我一開始吾知原來係用得，所以問左事頭婆先用！個接待枱右手邊係有一個捐款箱，好似係用作支持黃色商店，拒絕偽黃之類咁。因為我諗都吾諗就捐左少少錢，所以吾太記得寫左咩！lol

我只光顧雞翼尖同碗仔翅前兩年賣25蚊，雞翼尖還算可以，算大隻同煎得唔錯，重可以多蘿蔔前一年賣27蚊，雞翼尖有大有細，有時要多蘿蔔，但反而比唔要多蘿蔔的時候少，當然我都知配菜唔一定會俾，同佢地係用黎賣，所以我就隨緣啦今年賣29蚊，雞翼尖又細又冇肉，真係食骨同個汁？蘿蔔可以說只得幾粒，感覺不如唔比可能感覺會重好，依家好似係唔小心跌左一羹落去咁碗仔翅往年都有食開，依家可以講比之前少料左，但又加左價喎加價唔係問題，但要有反個質素先得，如果唔係只會走客我已經放棄左啦，如非必要我都唔會專門去買

以前由黃大仙小巴站行仔旁已開始食，上咗慈雲山初期已經冇以前既味道，但仍經開就幫襯，有時咁啱去到無開門就好失落，相信食埋今次唔會再有呢個感覺，因為而家已經係去到差嘅味道、只能忍着淚說一聲Goodbye👋🏻

以前覺得食落去好香口好惹味，配埋個蜜汁簡直係不得了。自從搬咗入新界之後就好少食到，今日咁岩經過就買返一份半$44過吓口癮，但極度失望。依家阿姐煎得唔夠脆同乾身，搞到啲雞翼尖林晒完全唔好食，個蜜汁又唔夠味，水準差咗勁多.......個汁唔知係咪改過黎，以前隻色無咁透同埋無咁稀，依家成兜野都唔夠味，好差好差...其實真係唔介意等耐啲，但最介意係Keep唔到水準....醃蘿蔔都買左兩份$14，係好食既，酸酸甜甜超開胃，但如果係一條條口感重正！希望老闆娘會改善下啦.....小店要有水準先真係會留到客人，今次係真係好失望，因為搬左之後好耐先黎一次...