麻辣風雲 (京都廣場) (已結業)

［銅鑼灣］麻辣風雲.酸菜魚食剩指數:0/100之前喺荃灣分店食過佢既酸菜魚唔錯今次都叫返一客好大碟好夠份量魚片食到尾都仲有魚肉都幾新鮮幾滑全部都淨肉無骨湯底辣度唔算好勁亦唔會太酸食落都幾舒服配料有豆卜、芽菜、寬粉豆卜吸哂啲湯幾好會越食越出個辣味👍🏻.炸饅頭食剩指數:0/100炸饅頭係成架船有埋乾冰出哂煙造型好勁饅頭脆得嚟唔硬入面都好輕鬆點煉奶食唔錯.乾煸四季豆食剩指數:0/100四季豆有得揀辣度雖然揀左小辣都依然幾惹味四季豆好入味口感唔會好腍肉碎份量都好多.蒜泥白肉食剩指數:10/100蒜泥幾香個汁唔會好辣白肉偏肥少少底下有青瓜絲墊底好爽脆.

麻辣風味是川菜嘅特色, 頗受大衆食客歡迎,今日就在銅鑼灣麻辣風雲吃了一頓麻辣午餐, 店舖裝修典雅, 有很多卡位, 以二維碼點菜, 快捷方便。麻辣米線是當然選擇, 特色午市客飯也不能錯過。小鍋米線湯底酸鹹度調校得啱啱好, 爽口嘅鹹菜, 濃厚嘅肉臊, 加上椒香蔥蒜和芫茜等香料, 湯底很美味, 米線較為厚身有嚼口, 幼滑彈牙米線掛滿惹味濃湯, 十分美味。野生椒炒肥牛這道菜炒得很香口,肥牛炒得熟透而不會柴,野生椒和京葱等配料夠爽脆,吃得很滋味。宮保雞丁雞丁夠香夠腍滑,小辣辣度適中,又有薑蔥,蒜片,乾辣椒,花生等爆炒,香辣惹味,帶出川菜風味。

炸饅頭 $58外脆內軟，炸得金黃色 簡單又好食黑糖脆炸糍粑 $58黑糖唔會太甜，糍粑唔會唸，好有咬勁我地第一次食呢啲甜品 覺得好有驚喜外型特別 味道都一流酸菜魚 $268 酸菜魚份量好多，一個人食唔晒，配上好多紅薯粉。酸菜魚唔會一夾就散，好結實 唔係用啲低等貨 😙口水雞 $98麻辣味道啱啱好，略嫌雞味唔夠多朋友唔食得辣都覺得好食加上白飯 好快就食完😆😆整體來講係間唔錯食麻辣嘢嘅地方，餐廳係正銅鑼灣中心，啱晒打工仔放工嚟食。

最近鐘意左食酸菜魚之前就發現呢間麻辣風雲見係銅鑼灣新開左一間即刻book同朋友去食餐廳位於京都商業中心5樓 (地鐵c出口)入到去店員比左個裝口罩既紙袋同兩個前菜小食中華沙律同花生 $16點單係手機自助幾方便炸饅頭 $58朋友話呢個係<諸葛亮率領一批炸饅頭>😂造型十分之有氣派👍🏻船旗係（麻辣風雲) 睇得出用咗心思一㗎大船裝住六件炸左金黃色饅頭船底仲有煙霧出，仙氣十足適合打卡既朋友們😍醬料分別係除咗平時有嘅煉奶 另外仲有朱古力味，抹茶味同埋秘製蔥醬口味多選擇唔單調👍🏻酸菜魚$268大大碗 一嚟到勁香🤤我地揀左（中酸小辣）口味可因個人喜歡而選擇酸辣度配料有，高筍，酸菜，芽菜，豆ト，薯粉等魚片好滑份量多，配飯都好正😬薯粉好入味口感煙煙韌韌 ~爽！涼拌燒椒皮蛋 $68口感爽口開胃既小菜，越食越香冰涼椰汁冰$38太熱天氣，真係需要解渴飲品本身就幾鍾意飲椰汁冰餐廳坐位夠大坐得舒服裝修同埋餐具上都古色古香

係呀！又係呢架船呀！呢架炸饅頭船最近曝光率好高呀！原來唔只係一個gimmick，而係同饅頭既起源有關。大家好唔好奇呢？除咗咁高調嘅炸饅頭之外，黎到主打川菜味道既麻辣風雲，當然必食招牌酸菜魚啦～📌酸菜魚：市面上既酸菜魚店舖林林總總、味道都唔一樣，終於比我搵到間酸菜魚係有落泡椒架啦。魚夠滑嫩係好基本、配菜有萵筍、芽菜、寬粉，就係要食到咁過癮。個人習慣食魚前會先飲啖湯、食一啖湯泡飯、再食魚。飲落去鮮甜酸麻辣既滋味湧晒出黎，真係「掂」！📌炸饅頭外脆內軟、饅頭本身夠軟熟、炸完既脆好似冇時間限制咁，去到臨走前先食晒都仲係脆架。除咗煉奶、9月期間限定居然仲有朱古力醬、綠茶煉奶、花生醬，個人最鐘意煉奶同朱古力醬🍫📌辣子田雞睇吓個賣相幾澎湃，紅噹噹到呢！好適合配啤酒，可惜要揸車冇得咁豪邁。係我鐘意既「麻」多過「辣」，食唔到麻既人要量力而為呀🤟🏻📌黑糖脆炸糍粑呢個糍粑味道就冇得彈，但係口感上可以再煙韌啲🤝有下次！因為最近好鐘意食糍粑😋

之前都聽到人地講呢間分店成日錯單，咁我以為係單一事件，咁就冇為意啦，但發現原來唔係！我就打電話落單，個員工本身落單都落得好慢，每一句都要重複好多次佢先落到單，咁我淨係叫一碗米線姐。其實都唔難禁機。咁都算啦佢都好禮貌既。咁上到去拎，我明明要走配菜，佢全部都冇走到，之後我叫咗竹笙，但又冇比到我。🤷🏻‍♀️咁佢落單落咁耐係有咩意義？最終都係求其比。最後佢補返俾我啦。但係d竹笙少得可憐。好似得三舊？其實我個餸都唔平。之後個人又犯賤，再俾多次機會佢。試吓其他餸。但原來員工係唔會進步。相同既事情係會繼續發生，都一樣係錯單。配菜仍然都係冇走到😔 證明呢間公司嘅員工係唔會改善。真係唔會再比機會佢。溫馨提示;如果放lunch想食佢，記得預多半個鐘，因為佢錯單嘅機會率好高所以要比多d時間佢再煮過。🙂

酸菜魚真係食唔厭😍今次🧜🏻‍♀️食嘅呢間仲係To Nick恆仔有份開嘅添😚中意食辣嘅Fans記得去潮聖啦🤪-🍴酸菜魚 HKD268大大碟 魚嘅份量非常多 而且肉質好嫩滑😍叫左中辣 辣度足夠之餘 酸度亦都balance得好好 兩者都無話搶左flow😛底層除左有芽菜 酸菜 仲有🧜🏻‍♀️最中意食嘅薯粉 索曬湯煙煙韌韌咁好好食😋豆卜又係索曬湯 同朋友爭住食 食食下仲叫左碗白飯送添 送飯食一流🤣🍴香辣茶葉炒蝦 HKD188見到咁多辣椒以為會好辣 不過個人覺得辣度係小辣啦 相信好多朋友都食到☺️炒到隻蝦連殻都可以卜卜脆 入口有陣陣嘅茶葉甘香 加埋辣辣地非常香口🥰不得不說嘅係連殻食都得嘅蝦真係好岩我呢啲懶人🥸🍴炸饅頭 HKD58上枱成架船噴曬煙嘅造型打卡一流❗️一碟六個 饅頭炸到外脆內軟🤤除左必有嘅煉奶 仲配左抹茶醬 朱古力醬 花生麻醬🥜3款醬其實都好match 仲好似食緊甜品咁 不過🧜🏻‍♀️試曬3隻味之後 都係覺得配煉奶係皇道😹要讚嘅係店員見到煉奶無曬仲主動話幫我地加😍🍴涼拌燒椒皮蛋 HKD68 + 麻辣夫妻肺片 HKD68兩款小食味道都唔錯 辣度都係小辣🌶絕對可以一試🥰🍴鮮芒椰果玉露 HKD38 +

Sichuan Spiciness overload🌶If you like spicy food you would thoroughly enjoy the Spicy Restaurant. You can choose the level of spiciness for most of the dishes and that's a definite plus.🛶Deep fried steamed buns in a boatThis is hands down one of the most eye-catching dish I have ever seen. A dish as ordinary as steamed buns, I'd never expect such a grand entry tbh! Three sauces were provided for dipping, together with the basic condensed milk. It was surely an interesting enjoyment in every sen

🔺 麻辣風雲 (銅鑼灣)自從上次去完荃灣食過之後都係到諗幾時去食多次，不過荃灣對我黎講真係太遠😢點知近日比我發現阻佢係我公司附近開張😍即刻擇日去食，我呢日去係平日黎都爆場😯😯 大家黎之前book 定位就穩陣d啦～🔻辣子雞 ($148)我叫阻小辣，會愈食愈辣，調味都岩岩好，夠味之餘又唔會過咸，而雞粒既份量都唔少，會追住一粒又一粒咁食，略嫌雞粒較乾身同多碎骨，改善埋就更佳🤗🔻酸菜魚（$268)上次叫阻少辣爭緊dd 辣，今次叫阻中辣，味道更刺激更提味😍魚既份量都係好多，仲冇骨tim,抵讚👍🏻而配料亦都好足，咁大鍋超抵食🔻炸饅頭（$58)外面鬆脆，入面軟屬😍今次食仲多阻3個醬，有抹茶醬、蔥油醬、朱古力醬，老公話朱古力醬好食，我都係中意點返練奶食😋😋🔻薄荷鹹檸七（$38)雪碧+鹹檸檬，再加埋薄苛口感超涼快，勁解辣🥶爽！🔻龍眼冰（$38)上次飲完覺得好好飲，再覆桌🤗都係咁好味，好快飲晒又唔捨得。總結：小炒類冇令我失望，就算分店都係咁有鑊氣～分店員工同樣地有禮貌，服務好好。可能呢到係銅鑼灣寸金尺土，坐位上冇荃灣咁闊落，不過都唔會好迫好焗促～但位置就真係好方便約朋友食飯。

食辣野嘅餐廳多數都係藍店🥲要搵黃店就更少！呢間之前知道有荃灣分店已經好想去 但係荃灣對我來講實在係太過太過遙遠 依家終於等到去銅鑼灣開分店！！所以就狗衝去了🤣🍞炸饅頭 $58我叫嘅時候完全唔知道佢上枱會係咁震撼！🤩成個武俠setting嘅炸饅頭🤣隻🛳會有啖氣噴出嚟💨要急住影相 錄片📸️佢成隻🛳加埋麻辣風雲嘅旗🏳️再加埋唔知係劉備關羽定張飛嘅figure 型到不得了！一碟有6個饅頭🍞最特別之處佢係有4個醬俾你😍除咗最common嘅煉奶，仲有抹茶醬🍵朱古力醬🍫同埋花生麻醬🥜淨係揀點邊個醬都要諗一輪啦😛🍲自選干鍋 香辣 - 中辣🌶 $68 乾鍋本身已經有花椒八角 蓮藕片 中辣的辣度剛剛好 夠哂香口🥩五花腩片 $38🔺鴨血 $38🍆茄子 $28🥔土豆片 $28🍜薯粉 $38咁多樣餸入面鴨血稍為遜色 冇乜味 未夠滑嘟嘟 最驚喜薯粉係粗薯粉！幾時都覺得夠闊身嘅薯粉先係最！彈牙又吸哂啲辣味😆😆整體來講呢間價錢唔算平 但係味道ok 又辣🌶又黃店 環境都舒服 可以再戰😋

🥘 客飯 - 招牌酸菜魚 配白飯 （價錢： $88）評分： 5/5唔知係米酸菜魚揀左中酸中辣，令湯底香味同色澤變得好吸引📸。唔係講笑嫁，一上菜，真係隔著口罩都聞到陣陣酸菜魚香味，鍾意食辣🌶既朋友仔應該會幻想到🤤。材料除左有無骨魚片、菇、酸菜、芽菜、豆卜、香料外，仲有見到實會心心眼😍既寛粉，食材份量都幾多，下次可以叫少飯🤣。 望落湯底好油，但食落又唔覺，反而有食完想再食既感覺，唔知水煮魚係米都咁好食呢？❤️🍜 雲南小鍋米線 （價錢： 淨米線$38）～ 配料另計 （2粒墨丸加$8）評分： 4/5米線一樣揀左中酸中辣，見到咁深色既湯，就知湯底好濃🥘，岩曬重口味既朋友仔。而配料特別係醃得好夠味既豬肉碎，好岩送米線😍。 除此之外，大家都可以加錢配餸嫁。🍖 蒜泥白肉 （跟酸菜魚餐加$38）評分： 3.8/5相比酸菜魚，蒜泥白肉無咁辣，唔太食得辣既朋友都可以試下。🌟 總結，以銅鑼灣地區，酸菜魚午市客飯超抵食。————————————————————————🐷 整體食物： 4.3/5🐷 環境：4/5🐷 可達度： 5/5

《麻辣風雲》之前去過荃灣嗰間食過～對佢地既炸饅頭一直念念不忘🤣知道佢喺銅鑼灣開咗分店，咁岩約開朋友去行街就一於入去食個dinner!!!🥢炸饅頭($58)識食一定要點佢個招牌炸饅頭！除咗佢艘船好有氣派之外仲好好食！船底放咗啲乾冰會有啲仙氣冒出塑造到騰雲駕霧嘅感覺！影相一流！而同荃灣店唔同既係，點既醬料除咗有煉奶之外，仲新增咗綠茶、朱古力同埋花生醬！好特別！個人都係鍾意點煉奶🤣 但覺得綠茶同朱古力同炸饅頭都幾夾！🥢菊花蜜($48)佢個壺好靚好中式！我幾鍾意佢個杯🤣🤣好似睇電視啲古代人飲酒既情景！但個杯係裝得好少菊花蜜～飲2-3啖就要再添🤣而菊花蜜個味好清甜～好岩食完啲油膩嘢清一清喉嚨！🥢酸菜魚($268)嚟呢間餐廳除咗食炸饅頭之外，必點既應該就係酸菜魚！但店員冇問辣度以為冇得揀🥲 所以嚟到盤酸菜魚既辣度係比較高好似我呢啲唔太食得辣既人嚟講就會食得辛苦少少～而酸菜魚係冇骨既唔錯！個底仲有薯粉～～🥢椒鹽雞軟骨($98)平時食開啲雞軟骨都係細細碟🤣真係未食過咁大碟全部都係雞軟骨！鍾意食既朋友應該會好滿足🤣味道同一般炸雞軟骨冇咩分別好有咬口會食唔停🤭🥢黑糖脆炸糍粑($58)見好多人都話呢款甜品好

💛銅鑼灣良心四川菜 必食酸菜魚🌶近排ToNick恆仔有份開嘅四川菜麻辣風雲喺銅鑼灣新開咗分店，主打正宗四川菜，今次咁啱同朋友路過，決定試吓呢間，上去都係差唔多全場滿座，不過都好彩唔使排隊，而且佢哋嘅上菜速度都好快！10分鐘內就上到！酸菜魚($268)今次叫咗佢哋嘅招牌酸菜魚，份量好大兜，辣度叫左小辣，酸味辣味味道啱啱好😍魚肉好滑，份量都幾多，仲要係冇骨👍🏻重配有粗薯粉，夠曬大條又煙韌，重點係湯底放耐左都唔會凍，仲係咁好飲🤣～川味炒大蜆($148)蜆肉好鮮甜，唔會有沙味道辣得黎唔會搶走蜆味，而且份量夠晒多！炸饅頭($58)佢哋呢個炸饅頭上枱就覺得震撼，成架船都好有氣勢😂好打卡able📸重要係度出煙而三色點醬當中包括左抹茶醬、朱古力醬同花生醬，真係夠晒新意，仲配有經典口味煉奶可以點，饅頭炸得好酥脆，放涼左都咁酥脆，配埋三色點醬好好食😋冰涼椰汁冰($38)唔會好甜，味道啱啱好！鮮芒椰果玉露($38)真係好解渴 飲完成個人都涼曬！地址：麻辣風雲 銅鑼灣駱克道491-499號京都廣場5樓。荃灣海壩街108-114號荃碧大廈1樓。

講到酸菜魚 炸饅頭 一定係#麻辣風雲 🌶☁️酸菜魚🐟 $268我哋揀咗中酸中辣🌶都唔係話好辣 係出面既小辣左右 都夠酸味 薯粉用咗寬薯粉 幾入味😜香辣螞蟻上樹🐜 $128第一次食 幾有驚喜🥰！雖然係簡單用肉碎炒粉絲 但色香味俱全！✔️會令你不自覺地一啖接一啖🤪炸饅頭🍞 $58重頭戲😝！個盤真係不得了🤣 好啱打卡味道方面 佢除咗煉奶 仲有比咗三款醬 抹茶🍵花生🥜同朱古力🍫我覺得抹茶很可以！🤩饅頭外層都夠脆 同埋都幾大舊 必須試下〰️

自從第一次食過荃灣嘅麻辣風雲之後，母親大人一直都叫住想再食🥴 但對於港島人來講荃灣真係有啲遠，好在佢哋最近終於喺銅鑼灣開咗新分店！😍😍😍🥳 得此喜訊即刻進行二訪😎銅鑼灣分店喺正地鐵站出口對面，帶埋老人家來都超方便👍🏻 餐廳環境闊落，但座位亦較荃灣店舖密集，還好尚算坐得舒適😎《 涼拌雞絲粉皮 》 $68 5 / 5開胃前菜已經有一小碟酸辣中華沙律🥗 調味好特別，辣得黎又唔係好麻，酸咪咪反而更醒胃🤤 而雞絲粉皮兩者比例平均，粉皮爽得黎唔會一夾就斷好掛汁👍🏻 醬汁主要由麻醬同辣醬兩者混合而成，加埋青瓜中和番無咁油膩👍🏻《 花雕醉雞 》 $98 / 例牌 4.5 / 5酒香味濃，醉雞肉入味得黎仍然好滑溜，同埋都夠凍，最怕冷盤暖粒粒🤭 例牌嘅雞髀肉都咁大舊，算抵食😋👍🏻《 酸菜魚 + 寬粉 》 $298 4.5 / 5招牌菜之一，個人覺得一定要加$30加寬粉😍 魚肉鮮嫩唔會腥，酸菜湯酸得黎有陣微微麻感😋🤪 寬粉索晒啲湯，好煙韌係有少少過淋🤏 配菜仲有唔少菇同萵筍，好多配料好豐盛👍🏻《 炸饅頭 》 $58 5 / 5依舊係會噴乾冰嘅霸氣炸饅頭船⛵️ 黃金炸皮脆而不油膩今次昇華版仲要配上三種新