麻辣派對 (金百利廣場) (已結業)

人生苦短, 總要為生活帶點刺激來打破沉悶。當然味蕾亦得刺激一下, 化解些納悶感覺。「話不能亂說；辣不能亂食。」香港辣食, 大多質素參差, 衞生程度有待改善, 令食客卻步。想食得放心？今日為大家介紹－麻辣派對。食肆座落於銅鑼灣, 交通便利。環境氣氛非常昏暗, 有如置身狂歡派對般。涼伴黑木耳 $38味道酸酸甜甜且帶點微辣, 木耳口感爽脆, 非常開胃。孜然蔥爆蒙古羊肉 $88孜然味相當突出, 肉質嫩滑。其口感非常香口惹味。泡淑雞煱 $158無辣不歡之選, 雞件鮮嫩多汁, 泡淑味相當重而辣味不蓋食材原來味道。必食推介！

這間店係大陸紅店之一。一直都想試一試，但見佢的裝修，都怕佢開價不便宜，再加上自己唔可以食辣，所以一直只放在心裡。前一陣子聽同事H說這裡有下午茶餐，價錢相當便宜，所以決定特登去試一試。下午茶餐真係好驚喜一個套餐包曬很多東西，就算一個人去食都可以試很多唔同款式的食物。因我唔食得辣，所以選擇比較少。下午茶飲品、甜品包曬，有個湯如果午、晚餐係要加錢的，但下午茶就唔需要，所以我特別想試一試，食店說已經準備了六小時，我飲完後發覺都幾好，免費可以一試，加錢就唔太需要。那個麵其實都唔太入味，下次可能要小辣嘅麵會好一點。甜品係紅豆沙，其實都幾甜，不過免費就算啦。服務員大部分都係大媽，講多句都唔想講，希望下次會改善下啦。這間食店會再試😊

有一次見完工約左朋友係銅鑼灣食野佢就帶左我去吃麻辣派對我好耐都無食辣所以就叫左中辣但原來都算幾辣其實lunch set幾抵包白飯包凍飲包甜品而且量多也是60-80多果麻婆豆腐用來送飯一流好吃😋😋雞就還可以不錯吃。下次吃水煮魚☺️💛

夏日炎炎沒心情，恰巧友人約食麻辣派對。正!當日我們2人點了三樣東西: 酸辣土豆絲---土豆絲完全吸收了酸辣汁，爽脆酸辣開胃，份量都幾多,是整晚最出色的一道菜。 水煮桂花魚--- 本人不太喜歡出外食魚，因怕有魚骨。但因當晚有特價，而且友人十分喜歡，所以便試試吧。魚骨幾爽脆彈牙，有別於一般出外食的水煮桂花魚，一夾便散。食水煮菜式總點要食底下的薯粉及大荳芽，薯粉及大荳芽吸收了水煮汁。很好食… 坦白的說，如果點了水煮桂花魚實在不用點酸辣水晶粉，因為真的比下去。酸味不足辣味不夠… 飯後侍應好貼心送上桂花涼爽（忘記影相）桂花很濃，入口甜甜地凍冰冰，可以幫助解辣

在SOGO行街，有點肚餓，就上來試吓，結果是很不愉快的就餐經驗。1. 服務態度差：開頭男朋友只想叫碗麵醫肚，我並唔想食，但阿姊聽到就逼我們搬位，從卡位搬去同人share枱。下午四點鐘，間舖人不多，冇人排隊，但阿姊一定要我們搬！我地10分鐘食完麵就走，不會影響生意大佬！2. 叫套餐，話冇湯；叫熱檸水，話冇熱水；叫凍檸水，話走唔到冰。3. 終於落單喇，叫一個菜一個麵，結果漏單，冇落到碗麵。大佬，咁樣服務你都要收我加一？有冇搞錯啊。

收到樓下派既傳單，見到都幾吸引同價錢唔貴就上去試一試。上到去環境氣氛唔錯WO，幾好情調。好多選擇: 有米線、水晶粉、小菜套餐、小食等等～我地最後叫左3碗麵＋3個小菜套餐！(全部都叫左小辣)吾理食咩，總之有辣味既野食都有得揀辣度(bb辣至勁辣)，岩晒食得辣同吾太食得辣既朋友仔同枱食飯！哈哈！好肚餓好肚餓雲南米線／豬軟骨酸辣粉／肥牛酸辣粉色～香～味～都俱全！！湯好濃味，水晶粉夠滑⋯吾會有D軟有D硬！正辣子雞＋配飯+湯炒到超級香香香！不過雞粒份量唔算好多，SHARE食既話未必夠喉咕嚕肉＋配飯+湯撈返食一流！椒夠爽 咕嚕肉唔會淨係得骨冇肉，同加左紫薑片炒 食落帶D酸酸地 更加開胃～好快就掃清呢碟仲有個麻辣水煮魚鍋物~都係配飯+湯！配菜多... 魚肉片數量都ok~而且d魚食落都好滑身~不算太辣~鍾意食魚既可以一試!!差不多食完ge時候　店員仲主動比左個桂花糕啫喱甜品我地...好似話係可以幫助解辣...水溶啫喱咁~幾得意!總括覺得食物味道幾好,價錢都唔貴,坐得舒服,冇催人食完快d走

平日經常大排長龍，今日等咗一陣就有位，餐廳燈光偏暗，氣氛一流餐牌選擇很多，樣樣都好想試下金牌酸辣水晶粉 雖然喜歡吃辣但又怕太辣，所以揀咗bb辣。薯粉非常彈牙，辣度適中。七味雞脆骨 炸得非常酥脆，每粒都係軟骨，唔會得舊炸粉招牌口水雞雞肉好嫩滑，花生好香好脆口薑糖酒炒芥蘭淡淡薑味，食落味道唔錯蜜語水果茶大大杯水果茶，入面真係有好多生果，清甜之餘，解辣一流最後仲有一個桂花甜品，清熱下火整過來説，無論喜不喜歡吃辣都值得一試

又話食沙律嘅 點解最後食左麻辣煲？呢個絕對係我上星期同大學同學出街嘅心情 話說晏就已經食到好飽 已經講到明今晚一定要食light啲不過一到左食飯時間 個肚又餓喇 講左一論最後決定食麻辣派對所以話呢 女人真係好五時花六時變hahaha3個女仔 都食「刷」得之人 嗌左一個霹靂嬌蛙鍋($168) 再追加豬腸($48)店家都好貼心 辣度方面可以揀走辣又或者BB到小中大辣呢次我地就揀左中辣試一試佢！追加嘅肥腸係一早放左落去 唔係另上減肥？不如下世先？

終於約到一個食得辣的朋友同我黎一個瘋狂的麻辣派對。麻辣派對地點方便，而且坐位舒適，是鐘意食辣的朋友好選擇。麻辣派對的辣味選擇應有盡有，有麻辣味、老檀酸菜味、剁椒味、紅燒蒜香味、水煮味、酸菜味、鮮椒味、泡椒味和蕃茄味等等等…… 而仲有不同的辣度選擇，有走辣、BB辣、小辣、中辣和大辣…… 無論食唔食得辣都一定大開眼界。為了準備挑戰這裡的辣，先叫了一杯蜜語水果茶及一杯凍檸茶。水果茶裡面有不同的生果，西瓜、火龍果、檸檬、橙和奇異果籽等等，配上茶味，冰冰甜甜是解辣的好幫手。凍檸茶好大杯，茶味洽當，冰冰酸酸甜甜的也是解辣的好幫手。紅油火雞腎好大份，火雞腎爽口入味，辣味充足，再配上青瓜絲，唔駛一陣就比我們食晒。酸菜味江團魚，有很多魚肉，我估有足足一條魚咁多，魚肉滑，細骨不多，值得推介。配料亦同樣豐富，不用額外加配就有大量水晶粉、魔芋、芽菜和酸菜等等，抵食。酸菜味湯底，可能因為湯底用上不用的辣椒、泡椒、乾椒和不同的酸菜等等，酸辣味非常有層次。雲南米線，米線爽口，爽口得來又好滑，滑得來又可以吸到湯底味，好神奇，好出色。

我一直都好喜歡食辣，今日出到銅鑼灣當然都要揀辣東西，就是麻辣派對呢度環境偏暗的，很有情調我地一行4人，叫左好多野食，多到晚餐都可以唔洗食叫了3個麵餐- 1. 肥牛肉雲南酸辣水晶粉；2. 川香豬軟骨酸辣水晶粉；3. 雲南米線3個都好好味，湯底夠惹味，麵質又好咬口，份量適中今次點左小辣，下次可以挑戰中辣水晶粉加埋飲品都係50幾蚊！米線就再平啲～40蚊有找。在銅鑼灣搵食，係算平～還點了3道小菜套餐，咕嚕肉、辣子雞、水煮魚～仲包3碗飯，同埋可以揀跟燉湯～呢個咕嚕肉好正～肥瘦均勻又夠鑊氣！酸酸甜甜，夠哂開胃！呢個辣子雞，見到咁多辣椒已經好興奮，雖然雞肉較細粒，但它下調味粉，很有中國的味道呢隻味，係香港好難食到呢個水煮魚，配飯一流！魚肉片多，又多牙菜！啲辣味比魚肉片吸收哂！Btw因為唔想浪費，所以我地直接同店員講1碗飯就夠，個2碗有需要先同佢講，係咪好有衣食個燉湯都幾好飲，真材實料，甜甜地！最後我地加左個雲耳！唔好睇佢好似細細碟，好似好少咁，但其實好多架5個人食都夠呀～食咁多野，共約$500。雖然我們是食午餐，但我們已經唔洗食晚餐了

這天是放工後，我約了舊同事在銅鑼灣吃晚餐，經網上推薦，我們決定來到四川菜餐廳試一試，來到這間餐廳看見店內環境寬敞和清潔衛生，店內的顧客是坐滿的，證明食物的質素有一定的保証，餐牌上食物的選擇非常多金牌酸辣水晶粉($39)晶瑩剔透的水晶十分粉軟彈煙韌，份量非常多，爽口微彈的花生，細碎和軟綿綿的肉碎，酸中帶點鹹的酸瓜農家魚香茄子($68)茄子十分香稔軟嫩，大量富有水份的肉碎，整體份量非常多，而食物的定價很合理，因此我認為非常抵食麻辣雞鍋($158)大量洋蔥和芫茜配料，雞非常嫩滑細密，雞鹹中帶點微辣，味道恰到好處，不會太鹹，也不會太辣，十分迎合到香港人的味道，雞的份量非常非常多，食物的定價很合理乾煸四季豆($68)細碎的肉碎，爽口微彈的四季豆，非常新鮮，份量很多，而定價比較低，非常抵食山城回鍋肉($78)爽口微彈的菜，爽彈鮮美的回鍋肉，份量非常多，定價非常合理藍妹($28)整體來說，食物的選擇非常多，食物的質素非常高，食物的用料非常新鮮，食物的份量非常多，食物的定價很合理，上菜的速度延快，店員有良好的服務態度和勤力，所以我認為這間餐廳值得再去惠顧

深圳個間麻辣派對食過幾次，味道唔錯唔知香港呢間水準又如何呢？今日一於試試佢！裝修同氣氛感覺上都係比較有情調 (可能咁樣食辣開心啲哈哈)少女心嘅我都好興奮，因為有好多花花做佈置～由於我同朋友閑日嘅下晝嚟食，有lunch set！我哋叫咗一個set share，再加小食「Lunch set: 黑醋伴秋葵 配 酸辣水晶粉 $58 (附前菜+餐飲+甜品)」秋葵一向係我最愛嘅蔬菜之一呢度嘅黑醋加咗少少辣油同埋生蒜係上面作調味秋葵又夠凍，所有嘢夾埋一齊好開胃而個酸辣粉，係 超 級 大 碗！！雖然我叫咗bb辣，但由於碗粉好熱，感覺上再辣啲酸味做得好足，粉嘅質地夠煙靭男仔食哂一碗都夠飽呀！「乾煸四季豆 $68」同酸辣粉一樣，又係大大碟！賣相吸引之餘仲好香～啲豆炒得唔算係好腍個種，但正合我意！食任何豆類都喜歡爽脆嘅感覺～「紅燒牛腩炆津白 $78」睇圖都知有幾足料！牛腩同津白嘅比例啱啱好牛腩炆得夠腍，津白又索晒啲紅燒汁一個字：正！最後仲有個桂花糕做甜品添～×枱面見到有呢瓶辣椒粉，勇者朋友可以試下哈哈×總括而言，呢個價錢食到呢個質素，真係物超所值呀！

上次原本和友人食川菜，點知她爽約，一個人就改了食日本菜.....今日她就無再爽約 （如又唔來，我一定嬲嬲），還履行帶我去吃川菜的承諾，算佢啦！她話帶我開派對。兩人開派對？？非也！非也！原來是去一間叫《麻辣派對》的餐店。餐店燈光柔和，裝潢很特別，以花為主，懸掛着一個個色彩繽紛的大花球、四處擺放了假花草、牆上掛了很美的花畫、貼上優雅的花牆紙，還有花花圖案的射燈....環境挺浪漫，完全估不到是吃川菜的中菜館，有新意！內裏設有幾排闊落的四人卡座、兩排長沙發座配二至四人枱；另間了一個設有幾張四至六人枱的小區，真是好適合開派對。地方不算很大，但枱與枱之間有一定距離，坐得舒適。枱上已放了三份餐牌，每份都附有各款菜式的相片，設計精美清晰，睇落好吸引，款款都想吃。中午時段有午巿套餐供應，主菜包絲苗米飯、手工甜品和指定凍熱飲品，而飲品仲可以免費轉6小時燉湯，的確很經濟實惠，就每人一套餐。套餐的選擇也不少，有五大系列，包括巴蜀風味、特色小菜、綠色健康、川北涼菜和麻酸辣粉麵，而每款菜式都可選擇走辣至大辣，可迎合各客人受辣程度，貼心！我倆都看中特色小菜系列，仲要兩款都是魚，原來我身邊大部分朋友都是魚痴!****

星期日夜晚找吃的，第一次去麻辣派對的門口竟然沒有很多人在排隊，好快就能進了，原來餐廳環境好大有好多位子，裝潢設計還有燈光都讓我覺得這裡好高級。其實我們都不是很能吃辣的人，但每一道菜都可以選擇不同的辣度，從BB辣到大辣，我們當然先嚐嚐BB辣。而且餐牌內的選擇也很多了吧，完全選不到哪一個最好，最後用了15分鐘就寫好菜單。1. 酸菜魚 - 黑魚，我們還加了金菇、娃娃菜做配菜。份量非！常！多！單是辣椒都有三種，再加上酸菜，味道很濃，魚肉也很厚身，但有魚骨，吃的時候要小心。2. 口水雞：雖然雞沒有很多肉，但勝在好入味，送飯一流。我覺得三碟的bb辣中，口水雞是特別的辣！3. 土豆絲：一碟份量好多，這個看起來辣椒很多，但也沒有想像中辣。4. 水果茶、檸檬特飲：雖然超大杯，但解辣一流，選對了！餐廳每枱都會送每人一杯桂花糕，謝謝！

呢晚就同一班嗜辣同好黎到麻辣派對。店內走浪漫優雅路線，但係呢度係食辣手撕包菜 $68大大一碟，少少麻嘅感覺。古法咕嚕肉 $78呢個雖然唔係辣，但調味調得幾好，啖啖肉！鮮椒爽脆生腸 $78生腸超爽脆，唔會有異味！手拍青瓜 $38青瓜拍得夠，都幾入味。七味雞脆骨 $68椒鹽雞軟骨炸得通透，幾惹味。椒鹽鴨舌 $88呢道菜新嘗試，感覺幾得意。鴨舌椒鹽過後裏面仍然juicy。蜜語水果茶 $38每次黎都必叫嘅飲品，既解辣，又可以當飯後果甘食，好爽麻辣雞鍋 今次叫左小辣，可以隨意加料係雞鍋入面。+ 蓮藕、肥牛、五花肉、水晶粉Total $287雞肉份量好多。肥牛、水晶粉吸收晒雞鍋嘅麻辣味，最入味！食完餐廳仲會送番桂花涼粉解辣！