麻辣串串香

营业中

休息中

放左工，拉左同事黎陪我食酸辣粉，好想食紅薯粉呀，黎左麻辣串串香，有粉又有串燒食的。寫紙仔落完單，睇下周圍先，見隔離枱日本人點左幾樣串燒後，又點左清酒同啤酒，仲手指指呢對酒，可能想叫？哈哈，聽唔明。小店用即棄餐具，不環保只用了筷子，發泡膠碗就退給店員了，盡量少用吧。旁邊的黑杯子是羅漢果水，天氣涼了，又食啲刺激性食物，點杯羅漢果潤下先，清甜天然，好味。朋友不點辣的，要了一個清湯車仔麵，配上響鈴，雲吞同午餐肉，車仔麵最少要點30元，呢碗啱啱好湯底似係雞湯，仲有芝麻香。河粉頗淋身，份量都幾多。自己點左酸辣紅薯粉，配料要了海帶同豬大腸，辣度要了少辣，一上枱已聞到好勁的酸辣味，好有國內個種酸辣味。紅薯粉有韌度，軟硬適中，吸飽了湯汁好正，湯底夠酸微辣好啱口味，加入了肉碎，花生，咸菜，芫荽等，口感豐富又好味。見隔離枱啲串燒咁正，又點了雞翼，餃子同玉子試下。雞翼燒得皮脆肉嫩，加了孜然粉，香味十足。餃子飽滿，外面香脆，入面仲有肉汁，咬第一口時勁燙口，小心食。玉子香甜又脆又軟，雙重口感好正埋單119不用加一，兩個人食飽飽了

今晚約左喺荃灣收工嘅fd食野, 由於前晚打左邊爐, 今日唔想再打, 所以決定食串燒. 喺Google map有點難找但其實係楊屋道街市條街尾就是了. 原來除左串燒仲有麻辣粉同其他小食order. 眼利嘅我一睇就睇到尖椒皮蛋, 即刻整碟先, 同3gor唔同嘅係佢個汁料好集中, 彷彿加左d好味肉碎喺個醬度, 2種整法都好味, li間嘅製法之中辣嘅元素超突出, 我吃了一件超多醬皮蛋已經標標地眼水酸辣粉, 今次真係越食越傷心..... 我order中辣3餸酸辣河粉(枝竹+豬大腸+竹笙)原來揀了吸湯的枝竹和竹笙呢, 中辣對我真是一個challenge, 人黎, 紙巾please! 那種辣可怕得令我無法停下雙筷, 流著鼻水也要繼續吃呢, 一個字-正！另外想讚下豬大腸洗得非常乾淨, 整碗河嘅份量多過我expect好多.明明喺牆上有張相係芝士翠肉瓜，點解找極個3張order紙都無嘅？同學，原來我無留心上課, 黑板不就寫上多款串嗎？即叫即燒嘅翠肉瓜鋪上一小片芝士, 還用火槍再燒一下才送上, 外脆內翠！燒牛舌厚切牛舌加d鹽燒得恰到好處, 是必order的串燒.好多地方都切到超薄, 根本食唔到牛脷嘅真味.

朋友聚會當然要食餐好架啦，成日去d靚靚餐廳，食放題都有d悶，今次我做搞手，提議食串燒，要燒得好燒得正都唔係咁易架，呢間做得不錯！地點方面麻麻地，由地鐵站行落黎都行左20分鐘，不過要食野係無計既！餐廳唔太大，我地好好彩搵到張大枱，一黎到叫野飲先∼黑芝麻豆漿，成樽咁十樽都係$8，黑芝麻味好重好香濃，而且夠晒凍，我見無招紙架喎，唔知係咪自家製架呢？呢度有車仔麵同酸辣粉揀，既然串燒都諗住要辣既，所以就揀左唔辣既車仔麵，$30起可以自由揀餸，肚餓既我一口氣揀左幾信餸配紅薯粉，我最中意鮮魚腩，直頭係打邊爐嗰啲鯇魚腩，好肥美，好滑的魚腩位，鹵水雞翼尖炆得好林，一咬已經覺得好林，連雞骨都係林的，鹵水好入味，紅薯粉都沾到dd，第一次食紅薯粉，好滑，係粗版粉絲咁，粗粗地好有口感，仲好煙靭tim！串燒我都唔敢放肆，先食左一串我最愛既鹽燒牛舌，牛舌厚而且味濃，有好香既鹽燒味，唔好睇少鹽，雖然平，但加少少就可以帶出個味，牛舌仲保留住d牛味架！雞太子雞翼好特別，有明太子釀係入面，好滋味，明太子係魚既卵，以為食落會腥，但完全無，燒完陣味仲香，雞翼皮好脆口，如果是全翼我會更開心。原條茄子我最like！因為原條關係，好

荃灣行街要開飯就緊係要行去舊區啦!!價錢同份量絕對是令人滿意的....呢排都好乖地沒有食太多，所以今次獎勵自己有宵夜食、食下串燒咁.....麻辣串串香，感覺上中國地方風味會比較重，又加上重"辣"，咁就很對味的想要試試看.....三張落單紙......我也只係很專心看串燒那張地方都幾大，因為宵夜時段，只有3台人，在這裡吹下水、喝喝酒牛舌串，四川例牌會上一上既辣粉、七味子那些.....牛舌的厚度也令人喜出望外，非常大塊及厚切....可是，亦都因此味道溢入不到，中間位置牛的羶味會有一點......金菇肥牛卷亦是串燒界必點的，燒得剛剛好，金菇出左點水，草青味不會太重，加上灑上辣粉會帶辣.....墨魚咀有成5粒，仲要大大粒.....同日本料理的炸墨魚咀有不同，那種很細的.....墨魚咀更是普通燒一燒就行，炸了那種油膩感還不是太愛.....燒茄子也是重點的所在.....茄子上的香料完全不少，茄子燒後的水融合左個醬料索曬味道後的感覺一流.....起咁多肉類中的健康選擇

無聊試下呢間串串香,點知出事啦。先唔講價錢,個餐等咗40分鐘先黎到,碗烏冬又細又唔環保,用紙黎點餐同做碗。我點咗牛丸,貢丸,煙肉和魚皮餃,烏冬淋到一夾即斷,完全冇彈性,牛丸和貢丸都冇彈性,完全接受唔到。比錢時發覺要成50蚊,食完仲要唔飽(我食哂碗野),一句講哂差到爆!

一個人黎到食午餐，叫咗個酸辣粉。加左腐竹，金菇，芝士腸，要紅薯粉同bb辣。一上枱飲咗啖湯，唔係十分之酸，但充滿芫荽味同秘製湯底，同埋夠辣度。一啖紅薯粉一啖湯，食到停唔到口，配菜有比較索味，每樣配料都好夠味，好好味，最緊要係食完唔會覺得勁口渴，啫係唔係味精湯。另叫左個串燒雞翼，小辣。雞翼冇起骨，燒得有啲乾，唔係滑多汁雞肉，係乾但好惹味果種，外面沈滿辣粉同七味粉。好惹味。不過個人都係中意滑滑漲卜卜雞翼多啲。

After work go supper with wife,then Honey she told me that wanna try this bbq shop,as she is a big fans of szechun bbq,the front was closed,and we hv walk in from the back dr,around 30 seats,actually,the design was noon,but it doesn't matter if the food is good,we order a lot of item,chicken soft bone,ox-tongue,chicken kitney, fresh clam,eggplant.....etc(it was amazing good),all of item going very tasty(not only about season)it was the skill of the bbq,the guys got talent on it,and a little disa

今晚同班小同食完飯 想搵個地方再聚 就去咗哩間串燒店🍡🍢 朋友推介話魚麵幾好食😀不過我地本身就飽飽地 所以就主攻串燒小食菜單好簡單:📖📖📖📖我地嗌咗5罐可樂($8罐) 2支Apple Cider ($25支) 另外嗌咗一串雞軟骨 兩串豬頸肉 一串雞肉串 一串雞腎 兩份金菇肥牛卷 同一份燒茄子 一份四川啪青瓜 夾埋370蚊左右💰💰💲哩間開到一點半左右 都幾岩一班人夜聚👪👪另外老闆娘態度幾nice 抵讚👍👍👍

大大碗麻辣燙（$38）大大碗麻辣燙入面有魚蛋、豬皮、時菜（生菜）、魚皮餃、牛腩、蘿蔔、豬紅、墨魚丸，同埋麵類。揀左紅薯粉😋，碗麵睇落細細碗，但啲料真係好多，食極都食唔完！叫左中辣嚟食，但佢唔多辣同麻，啲麻辣味真係來去匆匆😑，刺激唔到我既味蕾！料方面，牛腩都幾香既，蘿蔔就老左少少，其他都算唔錯！味道方面中規中矩，但38蚊有咁大碗，真係幾抵食既。

我個人是比較愛吃辣東西，由其吃面真是無辣不歡...真是大叫過癮~~今次來到位於荃灣︰麻辣串串香其吃法跟車仔面相似，可自選配料，柯打後即叫即燙...辣度可分成 5 級，任你揀到最啱自己的口味。先柯打小吃︰拍青瓜喜歡吃辣會覺得剛剛好，青瓜夠入味又好爽脆...再來是︰麻辣八寶，一辣一唔辣 ^_^八寶包括蘿蔔、海帶、豬紅、滷水雞翼尖、響鈴卷、豬大腸、雲吞及金錢肚，好豐富呢!特別愛吃豬大腸、蘿蔔，味道都十分濃郁。還有自家製無糖羅漢果茶，健康有益。

今日本身想食麻辣燙,之前食過佢d蘿蔔又好食,湯底好香,但今次究竟做咩呀!!將蘿蔔變左做娃娃菜之外，面底都錯埋,唉。。。呢d我都忍。。。但個湯底真系離哂大舖!!!好似清水咁冇尼味道,加d鹽同味精都好吔，好似得水辣椒油咁,淡而無味,真系冇下次,對你好失望!

一直都想試下, 睇過食評之後, 見評語唔錯, 仲話好夠辣…所以呢日lunch就提埋男友仔黎試!!時間尚早, 去到有好多位, 順便坐低之後, 就自己剔紙仔~我都係食例牌: 豬潤+紅薯粉 (酸辣既小辣湯底, 少粉)男友仔就揀咗: 雞翼+豬腸+蘿蔔 (走酸既小小辣湯底) + 豆漿滿心期待…. 有野食啦!!!賣相!? 麻麻, 配料好少, 而且香味幾乎唔多覺…試一啖湯…. 酸味比辣味重, 係咪我食得太辣呢!? 我真係完全食唔到有辣味…豬潤都算唔錯, 唔算得上好爽口, 不過起碼唔”鞋”身, 紅薯粉超級淋…但係整體黎講, 完全感覺唔到”重慶”呢2個字既味道, 失望!!!!至於男友仔果碗, 走酸之後, 辣味可能比我果碗突出, 不過相對湯底味道就淡淡的…而且同樣無咩配料之餘, 餸亦都少得可憐… 蘿蔔唔夠入味唔夠淋, 豬腸得2-3粒, 雞翼就正常2隻…支豆漿, 貌似色澤濃郁, 可惜入口又係大失望, 無豆香之餘更加淡淡淡….所以男友仔既評價都係……….失望!!!!唔知呢隻既夜晚主打串燒質素會係點, 但係已經吸引唔到我, 無咗動力黎試埋夜晚既串燒….嗯….. 加油吧~

最鍾意食辣, 見到呢間小店打住重慶麻辣既旗號, 走去試左2次.2次都係食麻辣燙, 餸同粉麵可以任揀, 最低消費係每碗$28蚊, 揀左個薯粉($8)後, 仲最少揀5款$4餸, 所以好豐富下.個湯麻辣兼備, 第一次食時叫左大辣, 覺得夠麻唔夠辣, 不過以香港食肆一般遷就香港人口味黎計, 已經相當交足功課喇! 食完唔口喝, 唔錯唔錯!布置幾雅致, 燈光柔和, 有種warm既感覺, 幾配合食辣既氣氛. 星期五晚經過小店, 見到裏面坐滿人, 三三五五咁食串燒, 非常熱鬧, 搵晚要趁下熱鬧先得!

夜媽媽想食宵夜，同屋企人講，佢地話有間串燒未關，就去食囉，兩個人就去屋企附近呢間新嘢，原來有麵同串燒食，$28自選都忽較多嘢揀同抵食，串燒款式都幾多，價錢都平，不過荃灣區會係平民價錢，我地兩個人叫咗三款申燒同兩碗麵，有蕃薯申（好好味）、豬肉年糕卷(好好好好味）、雞肉串（好好味），另外碗係酸辣粉（好香、好味）、麻辣湯麵（有麻辣味、香味），整體唔錯，可以有之下次！

三五知己探朋友途中見到有間麻辣嘢，比佢門口嘅大海報吸引住，所以係門口睇下食乜嘢，原來係”麻”同”辣”嘅粉麵和串燒，我自已對”麻”味道都幾偏好，決定同友人一齊去”挑機”，希望唔會失去味覺。　　入到舖頭都幾地道，以四川、重慶擺設，啲姐姐仲要著住件好民族風味圍巾，一見就知係佢啦”落單”，見到有支重慶”乳奶”想叫，民族姐姐話擺設唔飲得喎。　　食物嚟啦．．．燒馬友：夠新鮮、入口香滑、有重慶味道同時不失魚本身味道～辣度（微辣）燒雞亦：真係燒，唔炸完再燒，而且有雞味，肉質剛剛好～辣度（小辣）燒雞脾菇：嘩嘩．．．原來可以燒，呢個係我個人認為最勁，因為菇類好快乾身但又要熟，真係考功夫及細心，入口有口感（噱頭），保留有菇菇味～辣度（中辣）燒韭菜：重慶串燒必有，所以試下，都唔錯～辣度（中辣）羊肉串：唔太羶，肉味濃厚～辣度（小辣）燒蕃薯：細細粒，食落方便，香甜，又健康～辣度（無辣）燒魚干：唔夠干身～辣度（無辣）牛肋骨：入口惹味，肉質嫩滑～辣度（中辣）食完啦，但唔覺有”麻”，問下民族姐姐點解唔串串燒”麻”?佢笑著答我”靚仔，麻辣燙係粉麵，要幾麻有幾麻，串串香係串燒，要幾辣有幾辣”   好，下次我就嚟試下你地有幾