麻辣串串香

营业中

休息中

為食的我乜都鍾意食，除了某些xx，唔講出口了🙊哈哈......荃灣好日唔黎又懶行，咁岩黎開有野整，順道食少少野醫肚見有串燒夠方便，，就食少少啦，不過一條友要搭枱，想不到串燒竟然會有酸辣粉食，不妨試試，味道幾正，覺得好夠辣味我選了紅薯粉，夠晒彈牙，湯底夠入味，加左肉碎，花生，酸菜等，有口感，加埋響鈴，一個字 正！而燒韭菜更是不可錯過必點，調味料夠多，好香口，但可能有朋友仔會覺得粉太多飲品選擇好多，有啤酒,apple cider,1664，特飲，燒酒等...我個人選了Apple cider !整體食物質素屬於中上不錯，飲品選擇多，如果成班朋友黎可多嚐幾款則更好! 下次有機會叫朋友一齊來嚐嚐~

鍾意食川燒，荃灣區都有幾間選擇，唯獨呢間有我埋麻辣燙同酸辣粉食，味道又好味，食過幾次都好滿意！ 不過今次比較夜去，加上係假期，所以好多想食嘅野都賣哂，例如珍珠甲😢叫左個好多菜嘅麻辣燙，再加左10串串燒咁上下，兩個人食三四百蚊都好夠飽！ 最鍾意食雞泡魚乾同埋煙肉年糕，配啤酒一流！ 牛肉類都唔錯，但茄子印象中麻麻，叫過一次，調味唔夠濃，所以都唔係好推介呢樣。 值得一提嘅係最近多左生啤，唔記得幾錢，不過價錢唔貴，好過飲罐裝啤酒。如果唔飲啤酒可以叫羅漢果水，一樣清熱好飲！

朋友有日同我講話荃灣有間串燒店味道好味而價錢又平，話每人$125，我聽完都驚訝！～平時我同男人去食起碼每人要 $250啦，而且朋友吾食得辣都可以去食，即時令我心動，因為男人吾食得辣而我係辣怪，哈哈！～當然二話不說同男人講找天去試下啦。但朋友都講這店吾係在市中心，所以即找地圖原來係千色再行過幾條街都吾叫好難找，今日我地大約8點鐘到達，今日人吾叫好多，所以不用等位就可以坐下！～因為我地諗住一陣再去食甜品所以吾叫左好多串燒，差不多10串（小辣）加野飲大約每人$110都幾抵食，同見到餐紙原來有食紅薯粉添，都幾多吾同辣野選擇。沒想到會有燒餃子，食落去比平時果D更脆口和香，但入面肉都保持到少少肉汁同料足，味道吾叫濃但加上辣粉就剛剛好。白鱔也是我的最愛，皮夠脆肉而嫩，份量都吾叫好細份。安格斯牛肉食落吾硬身有肉汁不錯。蜆勁多蒜茸仲要超大隻，食落都鮮甜添。羊架我地就叫左一件試下，膏都比較多但好香和肉一起食好有羊味但吾會太”蘇”。雞軟骨都吾油夠脆，送啤酒一流！～當然最後我地都有叫菜，菇味道正常啦，但我覺得娃娃菜更好味，乾身又香。

今日去到荃灣天佑小學附近做野，經過見到間食辣粉就諗住做完野黎試.....而個個桌面都差不多一定有一個碗我就知冇選擇錯啦。佢地有麻辣，酸辣粉都有分吾同，有辣有吾辣，以$23一碗再加配菜都係$5-7左右…我當然食酸辣粉要紅薯粉啦…配菜就食清點，要左響鈴，金菇同海帶，要左罐可樂。黎到見到紅紅的插住響鈴，味道好香有少少麻，當甲起上黎比我心目中多份量添……仲有我最愛花生同炸菜都吾少添，辣度叫左小辣，沒想到質感吾錯喎，辣度可以接受好有麻辣香而吾會口乾，又吾會太油，紅薯粉有口感吾會太淋身，金菇海帶都幾入味，越食越辣就要飲可樂啦，食完其實都幾飽肚下。仲見到其他桌食串燒都幾靚，下次再找辣友黎同我一齊食先。

同朋友黎左荃灣，天氣凍凍地好岩食串燒，唔洗等位就簡左呢間。 原來唔止串燒仲有米線，同好食得辣嘅朋友諗都唔諗就叫咗中辣碗米線share， 配菜叫咗滷水雞翼魚餃，盛惠35蚊。 等左一陣米線就好快上枱，聞到一陣陣酸辣味， 食落湯底比較偏酸多過辣，朋友大贊！ 而米線就硬身小小幾爽彈，配菜有榨菜花生芫荽。 幾意外佢地既米線同湯底做得幾好！ 其實要讚下員工，雖然食客愈來愈多， 佢地好忙，但我唔小心跌咗筷子未嚟得切反應， 佢哋即刻令番對俾我，好醒目貼心啊! 跟住一路陸續上緊串燒，都黎得幾快！ 叫左明太子雞翼，外皮好香孜然粉啖啖肉，好味！ 跟住仲有燒多春魚， 廿香脆香，好 野味。 食到咁上下就嚟左最期待燒菠蘿， 超級推介因爲燒菠蘿鮮甜無渣， 大約有10件左右份量幾多幾抵食！ 好留戀個燒菠蘿，本身想點多次奈何友人已經好飽，唯有等下一次！ 蒜香大蜆肉質肥厚，同粉絲相當配合！XD 美中不足既係友人唔食茄子，試唔到原條茄子既滋味於是點墨魚嘴點知又無哂，有點失望。 呢間串燒種類比出面餐廳多，坐得都幾舒服， 唯一唔係咁好既地方係餐廳用發泡膠作器皿比較唔環保， 可能而家洗碗好難請人。 為咗燒菠蘿我決定會再

第一次黎呢間餐廳食，可能今日平日唔算多人，一入去就有位。有3張唔同顏色嘅落單紙，一張係車仔面嘅，一張係麻辣燙，另一張就係串燒。食物都算幾多種類，車仔面同麻辣燙嘅面底同餸菜就大同小異，因為始終兩樣野都係差唔多。至於串燒嗰張紙就有好多選擇，有菜類，菇類，豬肉，牛肉，羊肉，海鮮，而且仲有得揀辣同唔辣，落order嗰陣揀埋。由於我都食得幾辣所以大部分都揀左辣嘅。食物order左都好快送到，首先黎嘅係韭菜，表面舖滿香料，食落去好惹味，韭菜本身都係好出味嘅食物所以就算多香料都唔會搶左本身個味。之後就係燒豆卜，燒得好脆口但有點乾，如果加d蜜糖或者醬汁會更好。左邊係金菇肥牛卷一串有4舊，肥牛邊位燒得好脆但成塊肉唔會話太乾，配埋金菇簡直係絕配。右邊就係蒜蓉粉絲蒸大蜆，呢個值得推介蜆肉好大隻好肥美，蒜蓉因爲燒過嘅關係好香再加上粉絲吸味，成個配撘係十分好。仲有粟米，呢個就真係有加到少少蜜糖，同埋本身粟米都好甜所以對於我呢個粟米控係非常喜歡。總括黎講，呢間d串燒唔錯，而且店員都好主動好貼心，一有食物送上黎會即刻俾碗仔同筷子，落單到送食物都好快，而且溫度係保持到熱。

冬天就是令人想吃麻辣的季節，在如心廣場附近被這家吸引了。往常吃麻辣，我都總愛去一些看似殘舊，經營多年的店鋪，看似具有「真功夫」嘛。今次實在太肚餓了就隨便選一家，在不抱太大期望下走進去，卻令我有意想不到的驚喜。 店面非常明亮寬敞，而且出乎意料的別緻，最主要的是乾淨十足。 這是我非常喜歡的一角，無論是黑板上整齊的文字，還是下圖堆砌的酒瓶（當然店鋪是不會出售酒精飲品予未滿18歲的青少年），都讓人看到店鋪的用心。 麻辣串串香除了有酸辣粉外，還有車仔麵，重慶燒及麻辣小吃。飲品除了汽水外，更有羅漢果茶這些比較健康的飲品。店鋪提供的特飲也很吸引。款式之多，實在令人眼花撩亂。我和友人商量了一下，決定今天要來個麻辣「放題」一頓，想吃什麼就點什麼，反正價錢不太貴尚算便宜。上菜也很有效率，我們下單後不到10分鐘便上了三份麻辣小食。 上桌的時候，我與友人都禁不了大呼一聲：「好多啊！」，很多同類型的餐廳，一份20至30元的麻辣小食，只有這裡一半的份量，相比之下麻辣串串香實在是非常超值！特別是豬耳，非常爽口入味，我們已經拼命往口裡塞，吃飽飽離開時還剩了好多，為了不浪費，問店員拿了蓋子回家繼續大吃。 而我最愛的是口

和朋友在荃灣行行下街肚餓，冬天令我有想吃辣嘅念頭，啱見到有間食辣野就入左去試下！一坐低見到裝修唔錯，牆上貼左唔同既食物相，店內播放住流行音樂整體氣氛好舒服，有別於其他串燒店。第一道菜-口水雞， 雞肉夠淋 香料充足 食落更加惹味 食完成個口腔都係蒜味 辣度夠 令人想一試再試。點左個燒韭菜 ，韭菜容易入口 ，顔色翠綠有光凙韭菜沾滿美味既醬汁 。仲有燒雞軟骨，雞軟骨灑滿調味粉 食落夠脆 。而且比口水雞更辣 唔食得辣既朋友可以試下走辣之黎就喺燒雞翼，雞翼剪開骨焼，容易進食，肉質較結實，同雞軟骨一樣都有滿滿既調味粉 燒茄子，一上枱已經見到茄子上佈滿蒜蓉，味道十分美味，茄子又夠大條，十分抵食。 店內氣溫和暖，令我想飲凍咖啡，咖啡味道香醇，齒夾留香。總括店內裝潢設計溫暖，服務人員態度良好，味道佳。

眾所周知，荃灣係一個美食雲集既地方，去到荃灣要選好一間餐廳入去食都唔係一件容易既事。而今日我就無呢個煩惱既，因為我係朋友既熱烈推介之下先專程入來荃灣食晚飯，而我地選擇既就係麻辣串串香，呢間店舖係位於荃灣河背街，好近港鐵站，一出港鐵站行條大直路就到，只需十分鐘既時間。舖頭唔算大，坐到20人左右，但係就有52款串燒。我最鍾意食牛舌！呢到既牛舌非常出色！爽口得嚟醬汁非常入味！仲要有分牛舌尖！讚！ 好大塊，睇返相好似蒜蓉包，不過燒得太耐，感覺上乾左啲茄子加上秘製香辣醬汁，連我呢啲唔係幾食得辣既人都覺得好正好惹味，又唔算係好辣細細粒容易食，又甜又粉真係好辣！辣到飲左半支啤酒！唔係好識食辣所以唔識講，但覺得好過癮唔會燒得好乾，咬落去仲會有juicy既感覺。整體評價：串燒其實好易整，但要燒得好食就好難，麻辣串串香係串燒方面確實做得唔錯，加上個秘製既調味粉，令到各樣食物既味道都豐富左，唔似平時既串燒咁單調，但係有啲食物放得耐就會乾左，所以建議大家如果想一邊傾計一邊食，唔好一次過點晒，因為串燒好易就凍，會冇咁好食。整體黎講我會再黎食！

其實好少去荃灣食嘢，今次有機會嚟到荃灣麻辣串串香食飯，本身唔係好熟悉荃灣嘅地區，但係原來距離地鐵站只有5分鐘車程非常方便，去到門口見到大大個招牌就知道係食串燒啦，一坐低我哋一行四人已經非常肚餓，因為全日都冇食過野，一攞起張落單紙見到選擇非常多，但係因為我哋已經超肚餓的關係，所以諗都唔諗就篩走啲平時唔食嗰啲直接每樣叫幾串，一落單唔夠5分鐘就已經有嘢食到，嘢食一落枱已經清晒！我仲記得啲串燒好多汁唔會燒到好乾，尤其係燒茄子，燒得好冧好香，一啖咬落去啲汁咇晒出嚟。我仲叫咗杯熱飲，羅漢果汁，店員話係係清熱既，一邊食住串燒一邊飲果一杯熱飲係幾爽嘅！跟住隔咗陣啲肉全都來囉，我地就開始大擦一餐，我哋叫匀哂豬牛雞羊，雞翼特別叫多左幾份，因為我哋圍內個個都鍾意食雞翼，而平時食啲雞翼係蜜糖雞翼，但係呢度嘅燒雞翼係加左特製嘅調味料特別香口，而本身其實我病病地都係真係忍唔住再叫多幾份....跟住我哋食到咁上下仲有啲串燒同埋韭菜到咗，最後我哋食到超級飽，整體來講其實我覺得係全部都幾好食! 因為平時我係唔會食菠蘿既，但係喺呢度我都鍾意食，因為真係好甜又多汁，正呀。

經過荃灣街市附見到有間好似木屋嘅串燒店，店內木檯木櫈，擺左啲啤酒到裝飾，好懷舊~串燒價錢平均10-15左右，仲有車仔麵同酸辣粉，款式算多~萬眾期待口水雞～份量都算多38蚊有7-8舊，唔算太辣但好香蒜蓉味，啲雞好滑~韮菜好香好辣～調味料夠多，但食落唔會成口粉～味道好討好。明太子雞翼比想像中好食～明太子同沙津醬max埋再釀入雞翼～燒得岩岩好，但都係好辣。雞肉串好足料，唔似平時嘅串燒鋪份量咁迷你～雞皮有小小燶，雞肉岩岩熟，好林～好好食～魷魚不過不失，味道未有特別驚喜～脆鯇魚好爽口，10蚊兩串好抵食，一定要叫～食串燒點可以無茄子～茄子一上檯聞到好香蒜蓉味，好多蒜蓉鋪滿茄子上面，又有辣椒同蔥~好香。食入口好香蒜味同茄子夾得好好～食得辣嘅朋友一定要試～唔食得辣嘅可以走辣~服務態度好好，有禮貌。可以再戰～

行過被佢d香噴噴既串燒吸引住，唔買返幾串黎食下都唔得，價錢又唔貴都幾抵食呀，鋪頭除左串燒，仲有車仔麵，酸辣粉！不過因為已經食左野，所以買住幾串串燒黎試下叫左見唔係度度都有既脆脘魚，連埋皮一齊燒，食落更加得好香脆，魚肉好嬾滑鮮味，配埋醬汁食更加惹味！金菇肥牛，外面燒得有少少乾脆脆地，但入面又好juicy，好夾都唔錯！ 蒙古羊肉串，燒得好香，羊肉一d都唔蘇，肉質唔會韌仲好淋，同埋串燒上既味粉一齊食，更加惹味非常！勁辣手拍青瓜，切到岩岩好一口一舊既青瓜好新鮮爽脆，配埋鋪頭特醬既勁辣醬汁一齊食，非常好味！

行開附近買金魚, 一個人唔知食咩好, 見呢間有酸辣粉同串燒, 啱晒我口味, 一於試下先.粉類有兩款, 分別係重慶酸辣粉同麻辣燙車仔麵, 配料類別一樣, 價錢都係一樣.要酸辣粉湯底米線, 配料要蘿蔔+豬腩片, 未知呢間辣度如何, 所以要BB辣.等左一陣就黎, 一上枱已聞到陣陣酸辣味, 先飲一啖湯, 酸酸地唔油, BB辣辣度相比其他米線鋪屬小辣了.配料非常多, 花生, 辣肉碎, 炸菜, 絕不吝嗇.豬腩片軟嫩唔韌, 肥瘦適中, 而且每片都係大大片. 仲有蘿蔔, 又係好多舊, 索晒個湯, 夠腍又入味, 食到D辣好刺激.仲有串燒, 不過祗分辣同唔辣, 要左串辣雞腎, 係一粒粒既雞腎, 燒得乾身唔油, 咬落唔韌好爽口, 不過辣度好辣下, 應該係面頭D粉, 一路食一路流鼻水, 好刺激.另一串要唔辣既羊肉串, 大大串, 羊肉有羊味但唔算太臊, 肉質軟嫩, 又唔會太多脂肪.整體對於我黎講都幾辣, 不過好過癮, 食完個胃仲暖暖地, 好舒服. 下次等再凍D食仲正.

同舊同事好朋友們去食野，契女媽媽話想約響荃灣食仲要近西鐵站，佢就選擇左食呢間串燒。 串燒店裝修響嗰區都算幾好， 有咩食，一目了然。 太肚餓，一定要叫碗粉食。 粉有兩款，麻辣燙同酸辣湯兩款。朋友們都選酸辣，我就選麻辣燙中辣啦！ 野飲種類很多，有大量選擇既啤洒同汽水外，仲有凍熱豆漿，凍檸茶奶茶嗰啲仲有啲菓汁特飲！我就算左Apple Cider,又凍又清甜，又有汽，解辣一流。 麻辣燙真係好辣，而裏面的餸有好多，例如雞絲，原來係雞柳來的，有成七八件，不過就幾淡下，應該無醃；金錢肚份量亦多，彈牙有咬口。 面水餃就有兩粒，每粒裏面都有韮菜等，調味亦很好。薯粉晶瑩爽口煙靱，雖然辣到不行，但都忍不住吃完一口又一口。 明太子雞翼外面燒得卜卜脆，香盬味，咬落去出煙的，而且有少許明太子，有點咸香魚春味。 芝士翠肉瓜很正！唔係hea放芝士響面就算，成塊翠肉瓜的面都充滿芝士，仲要係厚層的，少少濃面，半溶狀態！ 羊肉串 孜然粉同辣椒粉舖滿羊肉串，都幾多肉，唔會得五六粒，肥膏又唔多，無顫味，肉邊少少焦，香香地，脆脆地，又唔重味精！ 同朋友食下食下唔覺唔覺就好飽，成個人暖笠笠咁走！

朋友新屋入伙，住荃新天地附近，夜晚大家又唔想叫Pizza同炸雞，就落樓下食飯，朋友帶我地食串燒。餐廳不大，但叫一見關七，只要有需要店員都會睇到立即黎幫。抬頭望見到有個3週年facebook任務，送野喎我梗係唔執輸啦！已經玩了，名額40個！由於唔特別肚餓，我只叫了串燒，先叫了燒羊架，$28一件，羊架厚實，肥大肉厚，so味唔多，只食到好香的燒野同七味粉味。鹽燒牛舌充滿鹽味，燒過既鹽味道不一樣！牛舌軟軟地，又厚，有嚼勁！明太子雞翼很特別，雞翼表塗左層燒烤醬，雞翼燒到橙黃色，明太子係餡料，加添左雞翼味道，燒既時候剛剛好，表皮少許脆，入面又熟，加埋明太子，令雞肉好香。燒茄子係原條上，切開好大條，我地叫左中辣，食落都幾辣，茄子切開一絲一絲，茄子肉又軟潤，茄子經常同其他食物一齊煮，都會被其他食物搶左味，但今次可以食到茄子原來的味道！芝士翠肉瓜都幾特別，翠肉瓜本身無味，芝士燒過之後變得有啲融融地，熱融左既芝士展發左芝士既香味，令平平無奇既翠肉瓜加左兩分！食下野當然都要飲下野，Apple Cinder係我今晚既選擇！串燒配啲酒好爽，仲要係有氣蘋果酒！無啤酒咁粗獷，好味得黎斯文，好酒好酒！