麻辣串串香

营业中

休息中

由於今日DINNER時間早左，LUNCH都未消化完，所以未係好餓結果揀左呢間食串燒過下口忍算見入親黎既人都會叫碗粉食，咁當然都要跟住叫番碗架啦咁因為車仔麵成日都食到，所以只係叫左個重慶酸辣粉試下重慶酸辣粉 ($23) BB辣 配潮州魚蛋 ($7)潮州魚蛋 – 係普通未炸過既魚蛋兩小粒，個人覺得索價貴左D由於係BB辣既關係，辣油無咁多，所以唔係好辣，但夠酸味另外仲有炸過既花生，無油益味紅薯粉有驚喜，每條都好長好彈牙，唔會煮得太熟而無咬口墨魚丸 ($9)一串有四件半粒墨魚丸，味道同平時買既無分別韭菜 ($12)呢個有意外驚喜，平時食開果D都燒到好乾好多渣。但呢度落油比較多，所以唔會燒到乾真真，保留到韭菜味同水份下豆卜 ($16) 上明太子雞翼 ($18)豆卜反而好失望…1豆卜唔新鮮，豆卜入面霉霉地2外層燒得唔乾唔脆係我心目中，燒豆卜應該係外脆內軟，但呢度係外軟內霉…呢個真係唔敢有下次明太子雞翼 ($18)一隻已經釀左明太子既雞翼，朋友食，無評價。雞軟骨串 ($11) 右原來係急凍雞軟骨串燒出黎，無腥味。豚腩 ($22) 中一串有三舊，呢個有驚喜，腩肉燒得爽口!! 油脂因為係燒既過程迫左D出

我又黎啦！酸辣粉引起，真係好難頂，尋晚係屋企附近夾硬揾左間黎食碗頂引，完全都唔係路架！今晚即刻要返黎呢間食！今晚人多，雖然7點都未多就到左，不過都要等左陣位！食過既就唔講啦，仍然係超級正，今次補左張碗粉未食既相，係咪好彭湃呢今次又試左啲新野～口水雞唔記得影已食左幾舊，汁偏咸，好夠味，份量唔多，唔知係咪因為我地個盒既部份多骨，仲有兩舊完全無肉食都ok既手拍青瓜青瓜靚！由於青瓜又清又多汁，個底汁可以酸辣多少少，而且每舊都好大舊，細舊啲既話，汁同青瓜既比例就會均勻好多啦！原條燒茄子到底呢個個皮食唔食埋架呢？就禁搣哂啲肉黎食，都好正燒大扇貝（時價）今日$$48，呢個我無食，不過見到肉色好新鮮大大粒燒脆肉鯇魚無上次個魚腩禁正，不過魚腩沽清，呢個時候，就禁呢個都食得過燒雞翼呢個我無食，朋友話普通，我諗呢啲標準野，都係食個調味粉啦野飲要左黑豆漿，個人覺得白已經好飲，呢個係仲好飲食飽未到8點，已經聽到佢好多野賣哂，串燒羊啦，牛啦，口水雞啦！真係好好生意！佢啲調味，真係無敵

我對酸辣粉既喜愛程度，就好似前世未食過禁，一見到啲鋪頭貼住碗<重慶酸辣粉>既紙，就想即刻衝入去試，可惜試完之後都係失望既居多！自從食過覺得最好食既個間（係元朗既，open rice search過無）執左之後，可以用個心穿左個窿黎形容！今日個fd無啦啦話lunch一齊食，要去荃灣食酸辣粉，我心諗“下？山長水又遠，一陣食埋個啲心情hea你粉咪好hurt?”老公當然唔會放過我啦，出到去泊好車，沿路行見到啲粉麵店個心都驚一驚，行左陣，入左間小小地唔起眼既店仔，我都幾中意佢啲木台櫈，朋友話呢間都存在左有一段時間架啦，e.......禁又幾乾淨整齊喎坐低叫野食，選擇唔多，3張紙！1.串燒2.酸辣粉3.麻辣湯麵仲洗諗，2222222222配餸要左娃娃菜同響鈐卷！落完order之後都等得耐既，朋友話lunch係人手少，我地有時間，無咩所謂！一上台，都ok大碗，等唔切，即刻浸個響鈴落去媽啊，個湯好正啊，酸辣比例岩岩好！！！！再食埋粉我食返最中意個間既口感啊，煙煙靭靭，好有咬口既粉啊！實在太感動啦！！！！成碗比我食到一條都無剩，唯一差少少既係呢間湯底偏濃！豆漿好夠味，正串燒啲調味，正，全

我要了酸辣粉+雲吞+牛肚; 雲吞都大粒，牛肚用金錢肚幾爽湯底唔夠麻，麻啲會吃得過癮。男朋友要酸辣粉+大腸+腩肉; 大腸好乾淨爽口，腩肉無特別。酸辣粉幾煙UN。******************************雞翼燒得香脆，但肉保留JUICY。吃串燒必叫多春魚，好吃，得兩條唔夠喉。******************************燒玉子，外面香口，但好似唔係好岩味道。******************************燒雞腎，幾爽口。******************************燒雞皮，呢個好驚喜，未吃過咁大咁薄的燒雞皮，口感似吃豬肉紙，好味，但空氣感強。******************************吃串燒一串一串其實都唔平，吃得唔太飽，下次半餓狀態可再光顧。

香港食串燒價錢一般都唔平所以我唔會太糾結個價錢單純講食物質素，係唔錯的個人認為最抵食係燒脆肉鯇！十幾蚊就有兩串而且肉質彈牙爽口，加埋調味粉燒勁香口茄子就略淡左d不過都過得去，基本上黎親都會食仲有不得不提燒韮菜出邊好多燒烤店都會燒到有小小濃不過呢間唔會味道又唔會太咸！我個人覺得岩岩好今次仲食左個燒白鱔係好食不過。。真係有d貴，等出花紅我會再叫可惜次次佢都賣哂d蜆，唔係我都想試下阿！除左串燒呢間既車仔麵都好食大家不妨一試

係荃灣想食串燒，見到啲人話呢間不錯，就過黎食。呢間串燒店都唔係好近地鐵站，可能自己唔係好識行。入到黎，舖頭好整潔，有個黑板寫住有咩串燒。枱上有3張點餐紙，有車仔面，酸辣粉同串燒。我同朋友就叫咗一碗酸辣粉同一扎串燒。酸辣粉冇叫餸，淨一碗酸辣粉，叫咗要少少辣。碗粉既size比想像中大，薯粉軟硬程度適中，入面都有唔少酸辣粉必備既花生。但覺得太辣，俾個湯底祝親左幾次。豬肉年糕豬肉包住年糕燒，呢個令我失望了。豬肉燒lon咗，黑麻麻，食唔到，入面既年糕仲有啲硬。金菇肥牛肥牛燒得比較硬，但入面既金菇係唔錯既，仲有汁流出。燒茄子呢個燒茄子係原條上，茄子上面有唔少蒜蓉，蔥，新鮮熱辣上碟。茄子保持濕潤，仲有啖啖蒜蓉，茄子肉軟加上蒜蓉，正。係平日lunch食，就會見到大量中學生。

遲啲打算同朋友去四川旅行，所以就諗住喺香港練習下食辣野，等到時唔洗驚，可以大啖大啖食四川風味！今次就揀咗呢間連店名都講到明「麻辣」嘅麻辣串串香~鋪頭同一般串燒店唔同，牆身係仿階磚嘅設計，再配合木製傢私，感覺都幾舒服乾淨。點餐方面，就可以自己用點餐紙落單，串燒嘅話，仲可以直接揀香辣同走辣。因為心思思想食辣，但又驚自己食唔到，所以仲係餐紙度特別註明小辣！今次就驚太辣，所以冇試到呢度嘅招牌麻辣燙，而係試咗重慶酸辣粉。配菜有辣肉碎、花生、炸菜同蔥花，驚唔夠食仲可以加配料。今次揀咗紅薯粉，紅薯粉煮到啱啱好，唔會太靭，唔䓥難消化；湯底酸酸辣辣，幾開胃，適合夏天食，食到中段，就越食越辣，麻辣嘅麻痹感就慢慢提升。除咗主菜，仲叫多咗啲小食同串燒同朋友一齊食。四川嘅尖椒皮蛋，皮蛋以盒裝上碟，份量頗多，有大量芫荽香菜調味，皮蛋尚算晶瑩，唔會有霉味。對比起酸辣粉，尖椒皮蛋算係小小辣，如果食得辣嘅，可以夾埋尖椒、點埋辣醬，一齊食！另外，金菇肥牛卷，鋪上孜然粉調味，味道香濃，牛肉燒至微𤓓，更加香口，金菇就比較清淡，中和返牛肉嘅鹹香，食落啱啱好。食串燒點少得原隻茄子呢~茄子上面鋪有大量蒜粒同蔥花，好入味，茄子浸入蒜

約左同男朋友一齊食飯，諗左好耐食咩好，諗住口痕食串燒最後揀左呢間串串燒！入到去未有位，所以係門口等左一陣，不過都係五分鐘左啦，都算快啦！間舖既設計幾舒服，眼見到多年輕人黎到都係叫幾串串燒同叫啤酒飲，係一個吹水好地方～我地每人叫左一杯飲品，荔枝梳打同巨蜂蘆薈～我覺得巨蜂蘆薈好飲啲，又有果肉～正啊！！之後我同男朋友每人叫左一碗麵食～我就係酸辣粉，好好食，好濃味。。而啲蘿蔔又好甜，推介男朋友叫左個出前一丁車仔麵，有豬大腸同牛腩，我覺得豬大腸好好食，唔其他異味～之後就叫左幾件串燒食，分別係蜆、蕃茄煙肉同安格斯牛粒！安格斯牛粒好ＪＵＩＣＹ好淋～而入口～好好味而蕃茄煙肉冇乜特別，不過啲蕃茄好多汁最後，絕對推介蒜香大蜆，$19一隻，勁大隻好好食，如果黎食就一定要叫！我想講，佢啲串燒有得叫辣同唔辣～佢啲辣真係辣到爆咀，如果唔食得辣真係唔好叫啦～

同女朋友傾緊去邊食，諗諗下想食串燒，不如就黎呢度試下啦！當晚去到舖頭未有位，有個伙記好好招呼我地，我地就係門口等左一陣就有位LU!入到去後即刻叫左兩杯野飲，一個巨峰提子蘆薈梳打，味好濃好夠味，另一杯叫左荔枝乳酸梳打，不過就淡味左啲！所以絕對推介巨峰提子蘆薈梳打之後叫左兩個麵，我就叫左個車仔麵（有牛腩、豬大腸、煙肉），女朋友叫左個重慶酸Ｘ粉，個粉本身就＄２３，之後加餸就逐個加～佢個蘿蔔好甜好好食，雞翼就冇特別，而個豬大腸好香，冇腥味就好靚仔，不過個車仔麵既湯就濃左啲，我叫左個出前一丁，不過建議如果食車仔麵叫魚麵應該會好食啲！最後我地叫左兩串串燒同蒜香大蜆，安格斯牛好ＪＵＩＣＹ多汁，個煙肉蕃茄仔都係好多汁，一口咬落去啲汁流晒出黎，最後絕對推介既就係蒜香大蜆，$19一隻，勁大隻又多汁又香，好好味！！！到最後我地食完抱住個肚走，勁飽！！！！

因為住得近嘅關係，經常都去荃灣食飯，都唔知食乜嘢，老公就說有次送朋友車見到、聞到有間串燒店， 一直都想叫朋友陪佢食，今次既然諗唔到食咩，就決定食呢間。裝修方面入到黎發現都幾別緻，牆上面有黑板寫咗今日有啲咩特別推介，亦有相介紹食物，原來呢度唔單止有串燒， 仲有麻辣四川野、薯粉等食物粉紅色嗰張紙係點麵、薯粉，就好似車仔麵咁，但係今日我想食串燒個啲，我老公就食咗一碗薯粉，我只係食咗一啖，認真覺得好食個三哥薯粉！推薦！羊肉串認真係足料，收我哋＄25 ，成枝簽都係肉，剩返手指頭嘅空位。味道方面孑然味很香，燒後剛好，而且能保持肉汁和沒有騷味推薦！豬肉年糕串都令我很驚喜，豬肉脆脆又香有一點咸，包住本來沒有味嘅年糕，配搭也剛剛好而且煙煙韌韌。玉子串QQ的，就好似日本居酒屋一樣，甜甜得來帶有孑然味。安格斯牛串是粒粒，肉汁夠，能燒到7成熟不會韌，牛肉香價錢扺食。脆鯇魚串對我來說覺得好新奇，因為通常都係用來火鍋，好少作串燒。而且一上碟時三串，不同的部位，當然腩位我覺得比較嫩滑好食。吃那麼多串燒，飲一杯話梅蜜潤潤喉，就不用怕太熱氣。話梅蜜酸酸甜甜，平時好少飲，覺得不錯。這間餐廳附近好多咪錶位，下次可以帶埋小黃

早咗收工想食個下午茶～串燒 $9 起好吸引，同埋好多選擇咁 👍🏻估唔到呢度裝修都幾骨子，而且啲座位擺得好闊落又幾好坐喎 😂所有嘢都係即燒～ 調味可以揀辣定唔辣墨魚丸好彈牙好味，唔係粉雷雷嗰隻燒魷魚鬚燒到條鬚腳脆脆哋，好正 👍🏻我淨係明太子雞翼同虎蝦係加辣舖頭好細心咁分開呢兩串辣嘅串燒隻虎蝦有我隻手咁大隻！🤚🏻（有我部 iphone 6S 咁大，但影唔到個對比 😂）啲蝦肉燒得啱啱好，唔會乾爭爭明太子雞翼好足料蒜香大蜆擺得好靚，好似人哋 fine dining 咁 😂隻蜆都多肉㗎個蒜蓉整得好好食，我食哂 😋另外 $10 有杯自家製羅漢果涼茶都唔錯～整體都好好食，店員好有禮貌同反應快下次可以試下酸辣粉同車仔麵

女孩子夜晚當然唔想食咁多澱粉質驚肥喇.. 所以就不如食下串燒野.. 去左荃灣隱蔽啲嘅"麻辣串串香".. 睇得出應該都不錯.. 7點去到都已經坐得滿.. 我地二人就揾枱坐低.. 餐牌都有很多選擇.. 有車仔麵.. 有酸辣粉.. 仲有串燒.. 不過我見每枱客都食酸辣粉加串燒多.. 我地都係食主打串燒就好了.. 先點左個手拍青瓜.. 好味道嘅涼拌小菜.. 少少辣卻帶一點清淡青瓜味.. 恰到好處.. 而且勝在夠大盒.. 性價比高.. 魷魚鬚就略嫌乾了點尾部都燒焦左.. 不過勝在麻辣味夠香.. 另外值得推介就係豬肉年糕完全將外脆內軟充分表現出來.. 而且肉汁滲到落年糕.. 墨魚丸反而就普通點.. 一串只有2粒墨魚丸.. 一粒分半.. 食得串燒當然唔少得燒茄子.. 光看賣相已不俗.. 好大條又足料.. 一食落口都感受到Juicy.. 哈哈.. 基本上每枱的必點串燒.. 墨魚咀夠爽滑同大粒.. 再加埋香辣風味.. 絕配..!!! 其實一個人食晒1串都無問題..相對之下較遜色的雞翼串.. 一咬落去就硬身啲而且肉質偏乾.. 口感不太好.. 可能整得太耐..

今日同媽咪去左醫院探婆婆，之後就搭小巴落荃灣食野醫肚，我地落車附近有韓國野，西餐廳，但行過見到有間麻辣串串香，係門口睇，見到有我鐘意食既酸辣粉，就入左去！（係東門食過一次就鐘意左！）店內竟然好乾淨整齊，都好闊落，唔知係咪新開既呢？（因為食米線果d地方有d污糟）入到去睇到餐牌，可以叫酸辣粉，同串燒！咁我同媽咪叫左碗酸辣粉一齊食，我地碗酸辣粉無叫到其他餸，咁就再叫左幾樣串燒！有豬仔牌，羊架，雞腎同燒茄子～

難得可以黎荃灣shopping，當然都要揾食啦，行過街市買嘢，見到一間小店都有好幾個人係出面排隊。 就走左過去八卦下，有重慶酸辣粉同串燒食，好似幾惹味店內雖然不大，不過人流都算不錯。 我叫左份重慶酸辣紅薯粉，平時就聽得人多話重慶酸辣粉又幾好食，今次就係小妹第一次食了，感覺還不錯，第一次食紅薯粉，煙煙韌韌，都幾得意，食完都幾飽，我加左豬皮，扎肉，都幾好味，豬皮帶點辣，好香口，爽，可以俾你選擇不同辣度湯底。 另外小食我就選擇左燒茄子，哇，出到黎好大條，好香蒜香，超惹味，好有重慶燒味道，超熱，新鮮

今日放工之後好攰,完全唔想煮飯, 就約左女友一齊係番工附近搵野食, 我一時間諗起串燒呢樣野, 就上左OP搵下附近邊到有串燒食比我搵到間好似幾好食既店, 當然唔執輸要走去試下食到去坐底, 可能今日唔係假期關係, 人流唔算好多之後就拎起支筆二話不說就填填填, 想食咩就填咩等左15分鐘左右上菜啦, 香噴噴既串燒就係我眼前, 女友話食飯前黎個打卡先, 甘只好比佢影哂相先可以開餐2分鐘後-終於食得啦燒白鱔唔好問我幾錢, 因為我都唔記得左, 個餐牌寫明係市價, 大家食既時候睇清楚啊~食落口啖啖肉, 非常喜歡個口感, 爽口彈牙而且好多汁, 對於燒物黎講做到呢個程度, 豚腩$19呢個食落口都係啖啖肉,入口即溶!!我至愛雞軟骨$10平價之選, 街邊食起碼收你15蚊串炸到外酥內脆, 口感豐富, 加上鹽, 簡單既調味,減輕了油膩感最後食個麻辣燙(自選)我選擇左有墨魚丸, 扎肉加牛腩面身爽口,唔係好"踗", 墨魚丸唔知係咪自家製, 好彈牙, 有微微既墨魚香味, 扎肉口感扎實, 咸味適中, 牛腩冇渣牛味濃~正