麻辣串串香

营业中

休息中

荃灣 麻辣串串香同朋友開荃灣行街，行完就諗住食野順便坐喺度傾吓計，所以就選左呢間，呢度最出名係重慶串燒酸辣粉加左牛栢葉同雞翼，都幾大碗，少少辣都好入味燒茄子原條子好正，孜然味道令成成個茄子更加香韮菜完全吸收重慶辣汁，令人一食再食燒白鱔一串有三舊，燒到個皮都好好食手拍青瓜 麻辣的味道做得不錯，份量都多。孜然粉同辣粉份量合宜，大力推介各位大大去食下宵夜。上菜嘅速度都好快, 唔使等好耐, 抵讚。選擇非常多，下次會再同朋友嚟試吓。推介⭐️⭐⭐️⭐⭐ —————#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comment💬 #like4me #smile #ig

作為麻辣燙迷，難得喺荃灣搵到間有麻辣燙食嘅餐廳，仲有串燒食，點可以放過？串燒選擇都幾多，有啲平時少見嘅串燒都可以喺到搵到。我同朋友兩個人叫咗一大碗麻辣燙share食，總共有成9樣餸🙈份量都唔少！有牛腩、豬手、豬腩片、腸仔、豬紅、白蘿蔔、金菇、娃娃菜同魚麵，非常豐富😉麻辣湯底好惹味，我哋揀咗小辣，辣度剛剛好，加上香蔥同芫荽，湯底幾乎百搭，配咩都襯😋唯一美中不足嘅係可能因為唔夠位，白蘿蔔要另外用碟上，就咁浸落湯到唔係好吸收到湯嘅味道。最欣賞嘅係牛腩，炆得好稔，牛味濃郁，好有水準👍🏻似係將先燜好嘅清湯腩直接加入麻辣燙湯底，湯底冇掩蓋牛腩嘅味道，啱啱好😋豬手亦相當唔錯，十蚊豬手我哋仲以為一件起兩件止，估唔到足足有成三舊！非常抵食，同樣亦係燜得好稔，啖啖肉😋我哋另外揀咗4款串燒，有安格斯牛、白鱔、魷魚鬚同花虎蝦，全部都揀咗香辣，加入辣粉同孜然粉，一上枱已經聞到嗰陣懷念嘅味道😭安格斯牛肉質軟稔，牛味亦濃，可惜份量略小。非常推薦燒魷魚鬚，味道鮮美，口感彈牙😋白鱔係我食串燒必叫，因為佢獨特嘅味道係其他串燒無法取替，外皮燒得香脆，肉質鮮嫩，絕對係必食🥰最後係大大隻嘅花虎蝦，好新鮮，肉質彈牙而且啖啖肉👍🏻

今日約左朋友去食tea唔想食太飽 就選擇左這間選擇很多 有酸辣粉 麻辣燙 同埋串燒飲品反而選擇比較少主要是涼茶清熱為主我叫了這個麻辣燙魚麵 加了娃娃菜 豬腩片 牛柏葉 雲吞 湯底有d麻辣 好過癮朋友叫了酸辣粉 加了時菜 響鈴 魚皮餃 豬手酸辣粉都唔錯響鈴必食 浸哂湯好好味豬手有幾件 好足料呀串燒係重點 茄子最好食 熱辣辣好多蒜蓉 超惹味仲叫左芝士丸同白鱔 都幾正 !! d知醃粉好香牛舌同安格斯牛都燒得好香！！太邪惡 飲埋就爛解哂熱氣啦下次食宵夜可以來呢到 好似開到1點

我本身就好喜歡食串燒，同朋友去開荃灣個頭，經過車站個時，問到好香串燒味道，咁就決定食埋晚餐先坐車回家入到裏面見到地方雖然唔係話好大，但已經坐了不小客人了，點餐時都會嗅到濃濃串燒香，但勝左油煙味唔重，除了串燒外都有薯粉食燒菠蘿$34🍍是將4分之1菠蘿切開，再用火燒，味道酸酸甜甜，十分開胃，而且咬落會出汁的燒原條茄子$42🍆茄子加了肉粒，蒜粒一起燒，味道香口，不會太干，充滿油香牛肋骨串$23🍖牛肋骨肉質堅韌，有好香牛肉味金菇肥牛$20🍖金菇唔會太干，用肥牛包住，口感豐富多春魚$14🐟會食到一陣魚油香味蒜香焗沙白$45🐚沙白大大粒而且冇沙，加上蒜香味道香濃餃子釀雞翼$16🍗要花功夫才做到，咬一口，食到多汁餃子大腸，肥牛，韭菜雲吞紅著粉$52🍲湯底酸辣用紅薯粉吸湯汁加配料一起食，非常滿足

自從喺粉嶺食過一次，覺得好好食之後，因為太唔就腳而冇機會再食。今日喺荃灣搵嘢食時，見到個同名嘅，所以抱住興奮嘅心情過去。為左飽肚啲，我地嗌左個酸辣粉食，揀左bb辣，嚟到唔太辣但好夠酸，味道唔錯好醒胃。佢個豬紅浸住啲酸辣湯，好入味，而且夠實，唔會挾就散。而呢間個韮菜餃就冇粉嶺果間咁香，個餃皮分離左，但味道依舊好食嘅，可能係粉嶺做得太出色姐。打響頭炮嘅串燒係娃娃菜，佢唔飲其他地方咁一葉一葉燒，而係一kai一kai燒，咁樣冇咁易燶晒，又夠水份。而佢個安格斯牛都好好食，好腍又夠牛味，只係價錢貴左小小。而佢個多春魚就做得唔錯，夠乾身，調味夠，完全唔腥。再嚟嘅係燒茄子，佢個茄子燒到超級無敵淋，所以入晒味，好食。而佢個餃子雞翼我覺得都好好食，因為佢釀得好夠料，雞肉又保持嫩滑，味道又岩岩好。佢呢個燒香鱔片都好好食，魚皮位置燒到脆卜卜，但魚肉又唔會乾，好鮮甜。但係一串咁少真係好貴。而我最愛嘅燒菠蘿都好抵食，算大份，佢冇落糖，直接燒，面頭睇落好乾，但係咬開都好多汁。嗌左個蒜茸金菇，都好好食，好夠味。不過個蜆就咸左啲，想食埋啲粉都有啲對唔住個腎。但佢啲蜆都夠大同埋冇沙。佢呢個芝士雞肉串都好食，佢個雞肉表面好

話說前排同朋友去開荃灣行街，行完就諗住食辣野順便坐喺度傾吓計，所以就去左呢間食，呢度除左有酸辣粉仲有重慶串燒，啱晒我哋嘅口味_串燒方面我地叫左以下幾樣，全部都好香口惹味，鍾意飲啤酒嘅朋友仲可以叫支酒用串燒作下酒菜•燒茄子$42原條上大大條好正，孜然粉嘅味道令到成個茄子更加香口燒菠蘿🍍 $34本身以為份量得好少原來非常足料，燒菠蘿用上香甜美味嘅菠蘿，最啱食完鹹嘅串燒跟住當甜品俾我哋都叫咗好多款串燒包括有：多春魚、金菇肥牛卷、雞腎、雞中翼等等，慢慢坐下食下不知幾咁開心_這間另一出名就係酸辣粉，我哋就揀咗一碗酸辣薯粉（陪豬大腸、韭菜雲吞、肥牛） $52有驚喜，酸辣湯嘅味道非常充足，另外自選配料嘅選擇亦都非常多 下次會再同朋友嚟試吓

星期日晚上即興約了一位好友吃個晚餐，談談天，友人想吃串燒，我又想吃酸辣粉，友人提議了這間小店子，進店很鄰桌是日本人在把酒談天，還以爲進了日式串燒店，店內氣氛的確不錯！串燒款式也多，有蔬菜有肉類亦有海鮮，友人很快便點了數款串燒！餃子雞亦，是雞亦內釀進餃子的餡料！雞亦燒得很香！饀料釀得滿滿！燒蟶子皇，聖子size很大隻，蒜香鮮甜芝士雞肉串，雞肉juicy, 而芝味濃金菇肥牛，肥牛很有牛味，加上爽口金菇，他們經常也是最佳拍檔當然少不了燒雞軟骨，惹味燒魷魚鬚！爽口而且不會燒得太硬身，好吃芝士磨菇串，芝士和磨菇也很夾，磨菇燒過後仍然很多汁日本一口蕃薯，甜甜的一囗接一囗！正麻辣燙，湯底有麻辣香，而咸味適中，最正餐肉厚切酸辣粉不會過酸，很有四川風味！正我們兩人吃得非常飽，也是花費二百多元，抵食

今日突然好想食串燒，可能太耐冇食啦，今晚口痕想食！朋友推介左呢間麻辣串串香比我，話價錢唔貴而且好惹味，所以就決定一齊去食啦！🔥酸辣薯粉加響鈴響鈴索哂d酸辣湯勁入味，識食一定係即刻食，如果唔係好快會淋哂！🔥燒豚腩+牛肋骨串燒豚腩一層瘦肉一層肥肉，肥肉唔會太多，脆脆地好香，肥瘦肉比例岩岩好，每一啖都食到肥加瘦肉！牛肋骨串比較淋，食落都惹味！🔥AAA牛仔骨份量大約有3舊骨，中間仲有少少粉紅色，食落有肉汁！🔥燒菠蘿、韮菜、墨魚丸、豬肉年糕燒菠蘿勁甜，食完仲想食，超香菠蘿味！韮菜配辣粉正！墨魚丸份量較少，得兩粒！豬肉年糕要趁熱食，d年糕好煙un! 🔥燒雞全翼識食一定食雞全翼，個皮燒得好脆，所有串燒都係即叫即燒，熱辣辣食最正！🔥燒原條茄子茄子咁普通嘅食材，加大量蒜蓉同香料就變成一樣勁惹味嘅食物，岩哂重口味嘅我！

我以前成日黎食呢間麻辣燙 味道環境氛圍都好好。一個禮拜點都會食一次。但自從重新開張後，以前氣氛冇晒 d嘢食冇咁好食 但最重要嘅係！成間舖嘅背景音樂係大陸民歌。我阿媽都唔會聽，阿嬤都唔會攞黎跳廣場舞嗰啲！嗰陣新開張，一入去聽到呢啲已經唔對路...係係度播村歌..eg（妹妹你坐船頭，哥哥你岸上走..）呢種！！求下你播返d正常流行歌la...以前真係好好㗎 起碼唔係播村歌！！！

食左九年幾, 轉手前老闆娘(我估)一見我同老婆就拎藍妹+兩個冰凍玻璃杯o黎, 價錢合理, 水準中上.  轉手後味道差左, 有些串燒價錢更加價得不合理, 應該唔會再幫趁.

之前未轉手前，隻味整得好好食，食完心思思又想再食，燒雞翼又正，等得耐都值得轉手裝修後已唔好食，俾機會食過2次，無左神絮，已放棄..............................唔知牛頭角個間係咪以前個味道？有人食過2間可上報下，感謝🙏🏻

以前喺呢間野食野係可以忍唔住咁...一個星期起碼2餐晚餐都係喺度過...果時見到佢話8月要裝修...一直都好期待佢重新開業但好可惜，餐具雖然好過以前...（以前係即用即棄...）但重新開張之後，食物嘅味道係難食左...感覺啲嘢食....味精味道重左好多...以前食完都唔會口渴...今日食完已經另加購飲料...但依家食完返到屋企仍然係勁口渴...唔知係咪轉左手...所有員工都唔一樣...希望可以改善返食物嘅質素...否則我應該以後都唔會再幫襯

三年了。16年的我，蜗居绿悠轩时，也曾时常独自造访这间店。如今三年之后，我和阿妹故地重游，真是可叹光阴如梭，红了樱桃，绿了芭蕉。如今的酸辣粉愈发好吃，阿妹尤其喜欢猪血和烤茄子。三年前，就是这间店让我在困居岭南时还能重温一下那份独属于我们这些二等公民的麻辣记忆。如今我已然远赴重洋，然而人生却依然还是在原地徘徊，仿佛什么也没有变化。吃着熟悉的酸辣味道，听着店家放的熟悉的大陆流行金曲，那一刻仿佛一切都静止了，香港一切的喧嚣都与我无关。不知三年之后，我和这间店谁还会依然有幸苟活在这世上？我与阿妹是已然成婚，抑或形同陌路？此间的酸辣粉，是否会依旧辣而不燥，散发着迷人味道？别说了，我走了，走向那个深不见底的未来。愿三年后的你我，还能重逢在这混混浊世，只如初见。

係荃灣都食過大大小小唔同既餐廳，第一次食呢間，呢種食法係深圳都開到好多間，好少係香港食，呢間既味道都唔錯而且輕食係非常岩，唔駛食咁飽。點了：唔辣 香腸 豬大腸 雞肉粉絲。香腸味道沒特別既，但豬腸就不錯，又唔腥，口感就少少林但味道不錯既。雞肉都算大大舊而且唔林有肉感所以幾好味。粉絲份量都唔小，而且口感幾好，有趙爵口感，加埋佢既湯底本身既味道，配搭得唔錯既。其他配菜 包括花生 口感唔林，一個有少少濃既湯底配搭已經足夠了。飲品方面要11蚊罐飲品就有點貴。總結速食輕食之選。

串串香係荃灣一向出名嘅深宵食堂，食店提供不同粉面餐比客人自己選擇，透過劃紙落單，方便快捷。收銀處附近的黑板上會寫上時令食品，價錢會因季節月份有變動，食貨們要記得留意哦今次我開左支藍妹，叫左個中辣粉絲、燒茄子同燒牛舌。值得一提嘅係牛舌，大塊得黎又唔韌，又無雪味，孜然粉同辣粉份量合宜，大力推介各位大大去食下宵夜。如果想食住煙傾，客人會安排到坐出門口樹下邊食串燒邊食煙吹水，風味十足，不過要小心樹葉跌入自己啲野食上面。