麺屋·隠 (已結業)

之前有一期，行過都唔會有位，所以一直都有機會一試究竟。但早兩日，豬隊友甘岩跑完步，我又甘岩係附近做完野，大家又甘岩想食個拉麵🍜，又醒起呢間係附近，甘就入左去幫襯。入去個下都驚會唔會伏，因為8點鐘，冇咩人....店面本身都唔大間，所以都諗左兩秒食定唔食好呢🙈到最後都係坐底左，豬隊友點左白、我點左限定，再追加一份八爪魚🐙小丸子。個湯味道其實都不過不失，味濃，但又食完又唔會太口乾。所謂嘅限定係加左鰹魚，熱食ok ge,但一凍左，碗湯就有d魚腥味，感覺好難入口囉。小丸子就$30...唔係好抵食囉

係b仔附近既拉麵店 我都係去左2次先成功食到一碗拉麵第一次去到 d湯底賣哂只係得翻飯類第二次去到 終於食到一個拉麵 但另一個又因爲賣哂湯底 另一個都係要食飯真係好誇張！ 問返先知原來三四點有落場時間 所以會賣哂一轉記得要注意今次我地食 ❤️限定隱鏗魚湯底幾特別蛋夠溏心 麵底要加多個先夠食另一個冇得叫拉麵唯有叫鰻魚飯厚切鰻魚 夠厚夠長 咬落好有口感 正👍🏻👍🏻👍🏻👍🏻仲有d蛋花泮飯 好味不過有得揀都係揀食拉麵啦

元朗專食拉麵的地方並不多，剛剛開張了幾個月的隠世拉麵，我今天終於來到現場，原來就是在佳記甜品旁邊，只是一條河隔離，非常方便！店內並不寛躺，如果坐吧枱的話就有點兒狹窄！落單之後不夠10分鐘拉麵就到了👍🏻第一口當然要試一試湯底味道，我選了白隠豚骨濃湯🤩湯底果然濃郁，非常濃厚的豬骨味！ 我的朋友就叫了鰹魚湯底，他認為味道比較淡😛湯底配菜有蔥有筍，荀的份量比較多，很大塊，很爽口，味道普通，沒有什麼特別😌

香港少有可以做到湯頭靚，麵質爽既拉麵係香港食拉麵已經預期一係 麵靚 湯差一係 湯靚 麵差已經預左冇所謂la 唔通特登去日本食嗎？同朋友行街見到試試點知唔聲唔聲嚇你一驚可以食到日本既級數呀！！！！！香港竟然有！竟然！竟然有！店鋪雖少～但係咁先有日本既特色 ＾～＾值得再光顧！！麵質既爽滑～湯底既美味你係會食到係日本食到拉麵既質素，環境完全個一刻 係明白到之前食既拉麵係天與地既分別 遠～都值得再去食！可以用黎代替想返鄉下(日本)🤣既心情呀！

拉麵已經成為我日常生活中不可缺少的其中一種美食，食遍全港九新界的拉麵店也是我的目標之一！今次踏足元朗尋找一間隱世拉麵店🍜店鋪位於大坑渠舊B仔附近，門面比較狹窄，我也差點兒略過餐廳，幸好男朋友叫停了我，回過頭來才發現我已走過了店鋪趟門進去後左邊是收銀處，眼前便是上圖呈現的長方形鋪面，內有大約20個雅座。我們2人選擇坐面牆上圖左邊的位置牆上設有木架並擺放著點菜紙、筷子、紙巾、牙簽、鉛子筆、辣油、七味粉和芝麻。可說是用具與調味料一應俱全點餐紙設計得簡而精並只有2頁。第一頁為選擇拉麵及相關需求。餐廳設有4款拉麵，可選擇湯的濃度、麵的軟硬度、蒜、蔥、荀及木耳的份量，更可追加拉麵的配料**白隱、黑隱及赤隱均附上叉燒但沒有味付玉子（流心蛋），只有限定隱附味付玉子而第2頁則為飯、小食及飲品類.我選擇了黑隱加味付玉子：湯：濃麵：正常蒜： 要蔥：要荀：要木耳：要追加：味付玉子 +$10湯底杰身確實非常濃郁，掛麵程度頗高，令每一口拉麵也充滿著香濃的蒜香味，非常野味。麵選擇了正常的軟硬度，但麵身仍然偏硬，喜歡麵較軟身的朋友可以放心選擇軟麵叉燒比較想像中大片！差不多可以圍著麵碗半個圈，清晰可見脂肪與肉互相分格而

見谷友力推呢間新拉麵店，是晚特登同阿爸黎試下，雖然係隱世拉麵店，但位置不難找，在元朗名物舊B旁，哈哈。隱來到已是八點多，不用排隊，但也只是剛好有位，下一位來已經要等了。餐牌就是拉麵同小食，還多了大碗飯？一心諗住黎食拉麵就無留意了。店好小啊，基本上同鄰座食客是緊貼在一起的。坐了門口的方枱，還不錯，不算太迫，快快寫紙落單先。店員送上冰水，天氣咁熱，呢杯水特別好飲，哈哈。黑隱（$78）阿爸要了黑隱，湯底正常，麵正常，配料全要，賣相不錯啊。湯底是濃濃的黑蒜味，好香好好味，阿爸差唔多飲哂成碗湯㗎。白隱（$68）自己要左白隱，就是原味豚骨濃湯，湯底正常，麵正常，配料全要。濃濃的豬骨味，意外地不鹹，很對胃呢叉燒是圓形那種，半肥瘦入口即化，好綿好好味麵有咬口，幾掛湯的。其他配料有筍，木耳絲，蔥同蒜，想更香口可自己添加芝麻，正。雞軟骨餃子（$30）有點口痕便多點一份小食，要了雞軟骨餃子，咬落喔喔脆，口感十足，皮煎得香口，點一下餃子汁勁正。味道滿分，但份量略少，男人食不夠飽，而且味付玉子要額外加錢，價錢略貴了一點點，過下拉麵引還不錯啦。

元朗新開左間拉麵店，名為「麺屋·隠」，位於舊b仔隔離，我係俾個店名吸引左。雖然門面細細，但以全深木色裝修，加個紅燈籠，充滿居酒屋風味。店內以灰磚牆配木餐枱椅，一邊係長bar枱配高椅，半開放式廚房，雖然面績略細，但完全冇壓迫感，感覺好溫暖舒服。連擺設都好有心思。拉麵有4款湯底，仲可以自選湯既濃度，麵既軟硬度，同配料，非常貼心。另外仲有數款迷你飯同小食提供。朋友叫既黑隠拉麵，湯底係黑蒜油，聞都聞到黑蒜油味非常濃郁，我忍唔住試左啖湯，果然係好蒜好蒜。我叫既白隠拉麵，即係原味豬骨濃湯，店員話湯底用新鮮豬骨淆製，所以非常濃厚鮮甜，粗切荀絲爽甜冇渣，大大片既叉燒肥瘦適中，仲要有4、5片，好足料。燒八爪魚丸，好有水準，唔會食到一口粉漿咁，仲要好足料，真係用八爪魚做餡料架。店員小姐好有禮貌，又經常幫食客添檸檬水，係好溫暖既小店，讚！

又一新拉麵登場， 門面唔算起眼。裡面有20個坐位左右拉麵價錢由68 起， 基本選擇： 白隱豬骨湯， 黑隱黑蒜油湯，赤隱辣湯。 配料自由選擇， 可追加。黑蒜油湯底， 超香濃， 有三塊大义燒， 筍， 木耳， 可惜忘記了追加蛋， 不過已經好飽至於赤隱辣湯， 配料一樣，湯底辣但未算終極， 加埋個超辣肉球， 店員話怕辣既， 可分開上。 豬軟骨有5，6 件， 超淋入味， 略帶甜味。 除左拉麵， 午市竟然仲有飯餐， 有下次出門口先見到其他小食的相， 望落都吸引。

一如以往，我拉麵控喺元朗周圍行搵食，竟然喺B仔涼粉附近發現一間好有日本味道嘅餐廳，門面裝修幾有日本街頭麪店感覺，食過元朗好幾間拉麵舖，今次點會放過依一間新鋪頭，入去試吓先！未到食飯時間（19:00）已經坐滿一半人以上，我梗係叫返一個至鍾意嘅黑醬油嘅拉麵（黑隱）$78，湯底味道適中唔會太鹹或者太淡，拉麵掛上黑醬油湯底，簡直回味無窮！仲食到黑醬油嘅香濃味道，而且麵質彈牙掛湯，配上一片片半肥瘦叉燒、入口肉質鬆化，層次分明，而且油脂豐富，值得試吓，目測應該係香港人打理，但係絕對不差，有心製作，另一個叫（限定隱）$88仲送玉子一隻，其實依個係醬油拉麵🍜，玉子不得不讚好似食緊溫泉蛋咁，而且蛋黃質感軟綿綿入口即溶，好似食緊豆腐花咁，蛋白有滷水嘅味道，一啖一口正到爆另外一個小食叫左客雞軟骨餃子$30，聽個名已經吸引了，好特別系出邊未食過，外皮香脆而且淡淡細細粒嘅雞軟骨，口感十足，有咬口、但又唔覺得食到好攰咁，一客有五隻，價錢合理，依家餐廳冇加一服務費，整體價錢合理便宜，食品及服務質素中上水平，除咗拉麵、小食，而且仲有飯食添，比一般拉麵店種類較多

都冇打過食評，但呢個真係忍唔到d拉麵林到唔知擺左幾耐隻旦仲要臭架，想保住條命果幾十蚊當跌左都唔敢食多啖D人仲要黑口黑面，係咪欠左佢地呀元朗試過最難食就係呢間仲要 冇服務可言

前排去咗元朗做野～ 冇見過世面嘅我梗係要喺度搵吓有咩嘢食啦！因為同事都無咩意見！啱晒比我自由發揮搵嘢食啦～周圍行到搵到呢間小情侶開業嘅拉麵店❤️除咗拉麵吸引同抵食值得一試～（拉麵都係6x蚊碗～係同事度偷咗啖食～味道同湯底都好正！佢地仲有推出迷你飯～啱晒女仔食啊！🤤細細碗30蚊～我就覺得唔過分啦～細細碗好可愛～大量蛋絲啱晒蛋控啊！！美中不足係啲飯事先落咗調味，有小小咸～舖頭好細～但服務態度好親切～估計都係屋企人落嚟幫手🤣🤣有機會會再嚟食呢～

元朗舊佳記甜品附近，大坑渠直入去明愛陳震夏紀念中學嘅一小段路中間，有一間日本拉麵小店，店名叫做「隱」。雖然間拉麵店舖位面積不算很大，但是仲保留住一D傳統日本拉麵店嘅風格同面貌。我幾乎已經將屯門元朗天水圍嘅拉麵店都食完啦，而今次路過發現到呢間「隱」拉麵當然都唔會放過啦。當日雖然已經算早食晚飯(6:00) ，但估唔到店入面已經坐滿晒客人，所以都要等一陣間先有位，原來呢間「隱」拉麵都唔算太過隱秘。小食章魚小丸子外皮好脆，配埋味道濃郁嘅醬同脆脆嘅木魚碎，超正！入面係有八爪魚架男朋友就點左赤隱，佢話食落好辣，因為加左d辣肉碎，但係就辣得好滋味。叉燒切片切得比一般稍厚，而且肥瘦分明我點左黑隱，即係黑蒜油拉麵，黑蒜味好重，啖啖拉麵都有濃濃嘅蒜味，層次豐富，香味濃郁，肉就有少少「鞋」，不過完全唔阻礙我享受拉麵嘅味道，飲一啖湯，嘴中縈繞著蒜香和豚骨湯底鮮味。

見到啲飲食post介紹呢間小店，好似唔錯，happy Friday 放工就去試下。同老公二人大約八點左右到等咗大約十分鐘就有位。小店既裝修都唔錯，有日本小店風味。不過空間比較細，位較窄，坐滿人都好迫下。我地坐係入門口第一張枱，個位同收銀counter 既距離好窄，中等身型既人都要側身行過，我老公坐左邊，一路食一路要閃避行過既人，食得有點不自在。至於食物方面，拉麵有四款選擇。白隱、黑隱、赤隱&限定隱。我地㨂左黑隱（麵身正常、湯正常走荀）同埋限定隱（麵身硬、濃湯走荀），另外叫咗燒八爪魚丸。Order後等左十分鐘左右先出燒八爪魚丸。八爪魚丸外脆內軟，味道同大阪燒章魚丸差不多 只係口感唔同，餡料未見豐富。妙速食完個燒八爪魚丸，再等咗大約10至15分鐘，主菜出場喇～～限定隱：（鏗魚豚骨湯）濃湯夠香夠濃且唔會好油膩既感覺。我個人覺得個豚骨湯味比鏗魚味出，麵身堅度符合要求，有彈性，溏心蛋就無乜蛋香，口感OK ，流心軟滑。整體來講都唔錯。黑隱：（黑蒜油豚骨湯）唔知係咪上菜時湯底未攪勻，第一啖飲落去有仲湯同黑蒜油味分離既感覺。自己攪拌後再飲就覺得好一點。我地叫既係正常湯，相對其他拉麵店既正常湯好似清一點

路經舊B仔附近發現開左間新拉麵店,位於内街,門面不太起眼，入到店間格不太,但裝橫感覺好舒服,有小型曰本擺設,增添幾分曰本地道風味至於麵食,只有幾款選擇,全部湯底天然肴制,揀左個辣味隱,湯底真係唔錯,可以揀淡味、普通和濃陏,我—向食野比較重口味,當然揀濃,真係好濃香,味道岩岩好,麵條也揀硬的，爽口彈牙重可以加幾蚊追加配料,服務周到。朋友揀左白隱,揀普通味，我試左兩淡,好想成碗飲晒,味道清清地又不失鮮甜味墨魚丸更出色,外脆内嫩滑,一食爆酱,好好食,過幾天必定再去,價錢又唔貴

位於元朗的麺屋·隠，是一間隱世的港式拉麵店。是日有點疲倦，想在附近吃晩餐，便走到新餐廳嚐嚐吧。白隱$68只需$68的豚骨濃湯拉麵，價格非常便宜哦。拉麵配一片薄切叉燒，肉質非常軟腍，夾超即時散開，油脂豐富，若有多幾片就更好了。拉麵是微曲幼面，應該是入貨材料，但選材不俗，彈牙掛湯。白色湯頭質感微黏，感覺到豚骨的膠骨，入囗濃而帶甘，味道不錯呢。雖然是由港人打理，但味道絶對不差，元朗人可以品嚐看看哦。..............................元朗裕榮徑11號好旺洋樓地下5號舖