麺屋こころ (新城市廣場一期)

营业中

休息中

沙田新城市發現來自日本東京的KOKORO TOKYO MAZESOBA 🍜 是香港首間日本撈麵品牌專門店 💥🗣不是拉麵 不是沾麵 我們是撈麵 主打無湯の革命沙田店限定海膽沾麵 | 海膽撈麵✨全球首發海膽撈麵 以新鮮海膽混入忌廉醬汁 滑溜濃郁 配合自家製超彈牙太麵 海膽沾麵同樣吸引 全球KOKORO店唯一一款沾麵 湯底以鮮甜魚介做主 海膽鮮甜美味 麵條有嚼勁 帶陣陣小麥香氣😮‍💨3.7抹茶雪糕抹茶拿鉄抹茶草莓拿鉄茶味香濃 甘苦平衡 口感順滑❣️

最近去咗沙田新城市廣場嘅一間日本麵食店✨試咗佢哋嘅「正宗全料東京撈麵」（$109）真係大力推薦😬😋‼️佢哋嘅撈麵好好味，份量本身都幾大碗如果你想再食多啲，可加$20加大份量佢地仲有特別嘅食法，記得留意佢地嘅四步區指示，都幾好玩，咁嘅食法一試難忘😋等你食完之後，仲可以用剩底嘅麵汁撈飯🍚夠曬滿足，啱晒澱粉控🤭我同朋友一齊食都食得好開心，食到飽飽又開心我地已經講緊要再encore，心心念念佢嘅撈麵

餐廳裝潢簡約, 枱與枱之間的空間不多, 出入時頗不便, 亦有壓迫感。剛巧遇上鄰座高談闊論, 甚為吵耳。餐廳提供東京撈麵食法四部曲, 客人可按其建議享用撈麵。1) 正宗全料東京撈麵 $1092) 蜜瓜沙冰 $34    (原價$68, 6月30日前點任何麵食可享半價優惠)3) all + 10%正宗全料東京撈麵賣相吸引, 有生蛋黃, 溏心蛋, 竹筍, 生蒜, 紫菜, 肉燥, 蔥花和豬腩肉。溏心蛋綿滑, 竹荀爽脆, 豬腩肉燒得香口。根據餐廳建議撈麵食法四部曲, "Step 1 把醬料攪拌均勻"。麵條掛滿醬汁, 質感實淨偏硬, 絕對有飽腹感。醬汁香口微辣, 蒜香滿滿, 生蒜帶辣, 十分惹味。"Step 2 享用三分一後, 添加黑胡椒"。加了黑胡椒後, 味道沒有明顯分別, 可能被生蒜的香辣蓋過。"Step 3 享用三分二後, 添加KOKORO秘製香醋"。添加醋後, 味道帶點酸味味的, 甚為開胃。"Step 4 吃完撈麵後, 可免費加入白飯, 並攪拌成肉燥飯"。向店員要了白飯, 白飯只有一匙份量, 不設添加。由於剩下的肉燥和醬汁不少, 一匙份量實在不夠。蜜瓜沙冰沙冰滿滿, 要趁未溶時喝, 否則會

今日黎到沙田發現係呢度開左新分店！就即刻入去試下❤️😳 原來佢地仲同副線茶飲品牌Kokoro Nomimono 都黎左沙田，裝修睇落比較似日式甜品店，不過有得食有海膽沾麵及海膽撈麵😍。 🟢 海膽撈麵 好好味，海膽+ 鮮甜肥美，再撈埋蛋黃同埋紫菜碎，配合自製超彈牙太麵，我依家諗返都想食！裡面仲有蟹籽同埋蔥絲，感覺好豐富，推薦。食到三分一，可以加黑胡椒同埋醋，有另一番味道!但係建議唔好加咁多醋，會搶左其他食物既風頭。到最後仲可以加埋飯一齊食，好滿足😳 🟡 海膽沾麵麵質唔錯，佢地既湯底以鮮甜魚介做底，再溝埋海膽，口感要比一般沾麵彈牙。 🔵 抹茶奶蓋及焙茶奶蓋拿鐵 係佢地既signature飲品，佢地茶底仲加入日本3.7牛乳製作，兩杯都好出色，抹茶奶蓋個奶味比較出；若然比較鍾意茶味濃D既話可以揀焙茶。

🧡 麺屋こころ來自日本東京，於日本連續3年取得No.1撈麵品牌殊榮！一年前嚟到香港喺灣仔開店，而香港第2間/全球第55間分店上個月喺沙田新城市開幕了！✌🏼🧡 為慶祝新店開張，KOKORO推出左沙田限定既海膽沾麵同海膽撈麵😍 係日本總店代表長谷川先生由日本KOKORO總部親來香港研發咖！🧡 平日夜晚去到已經有人龍排緊隊，等咗一陣就坐低咗😁 首先梗係要試吓沙田限定嘅海膽口味啦！🧡 KORORO平時係做撈麵嘅，所以呢款海膽沾麵 $188 (每日限定30碗)係全球KOKORO店唯一一款沾麵！湯底用左鮮甜魚介做基調，再加入海膽，夠creamy呢😋 仲有配上一大舊海膽同飛魚籽！本身好驚有啲質素唔好嘅海膽會有浸臭味，好彩呢度食落一啲怪味都冇！好鮮甜😍🧡 另外就嗌左一碗正宗全料東京撈麵 $109 有滷肉, 叉燒, 糖心蛋等配搭。餐廳建議食左三份一可以加黑胡椒，再食三份一就加秘製香醋🤓 一次過食晒三種口味，如果唔夠飽仲可以最後免費加白飯落去變肉燥飯！🧡 麵條天天自家製，口感要比一般沾麵彈牙，望落去都見到粒粒小麥🌾🧡 除咗撈麵，嗰度嘅飲品都好值得推薦👍🏼品牌主打日本手作飲物，使用日本材料。所有茶葉均獲有機

Kokoro Tokyo Mazesoba 與副線茶飲品牌Kokoro Nomimono 齊齊進駐沙田咁大件事典解冇人講😂晚飯時間的長人龍相比灣仔店低調作風沙田新店超熱鬧年幾時到灣仔店串門對這碗似拉麵非拉麵像沾麵又非沾麵的撈麵印象深刻因為麵質超彈牙！貫徹日仔對食的執著與儀式感連開動都要跟足steps才有風味海膽沾麵 &海膽撈麵 是沙田店限定大家別摸門釘去錯灣仔店海膽混入忌廉醬汁彈牙中又比平時的又滑溜沾麵汁比撈麵會鹹上一點濃郁風味更甚適合重口味朋友個人就偏好撈麵版與基調的魚介湯底更平衡能吃到魚湯的鮮甜另外小食的炸雞正常發揮粉漿薄薄的可以！另外小甜點是北海道海鹽雪糕完美作結！

之前去灣仔路過這家店時，平日的中午都有長長的人龍，於是默默記下了店名，之後光顧了沙田分店總結：好吃也好喝，去吧！！！✨正宗全料東京撈麵 $109四款當中這個最好吃，掛着蛋汁的麵條再配上紫菜和蔥的香味🤤吃完後可問店員索取白飯，跟剩餘的醬汁混在一起，成了日式的滷肉飯🤣🍚飯也是幾口的份量而已，不會過多✨海膽沾麵 $188沒有前一款食材放得滿滿的樣子，海膽一般般吧湯很濃郁，有一些海膽和叉燒碎在裡面，麵條掛上湯後味道也不錯✨雞白湯拉麵 $99這款不過不失吧，其他專門做雞白湯的拉麵店會較出色，來撈麵店還是吃撈麵吧✨雞皮餃子 $46餃子煎得很香脆，咬下去還有點肉汁濺出來✨柚子鹽味撈麵 $89這款是冷麵，天熱的時候吃這款會較清新不會太鹹，洋溢着柚子的清香✨蜜瓜沙冰🍈 $34原價$60多，但當時正值新開張，所以在做半價優惠不會太甜，消暑一流👍🏻✨奶蓋焙茶 $50超好喝😍奶蓋貌似也是用焙茶做的，濃郁的茶味加上奶蓋綿滑的口感超滿足😍🎨 Instagram插畫帳號 👉🏻 @magicalalpaca_ 麺屋こころ地址：沙田沙田正街18號新城市廣場一期7樓704號舖

日本過江龍，一路都想試，今晚終於黎試，晚飯時間好多人排隊。本身想試唯一既湯麵-雞白湯拉麵，但係賣曬。海膽撈麵 $188見到有限定Menu，雖然價錢有小小貴，但都決定一試。睇落去無肉無紫菜，好似好單調，但係撈混之後，每啖都食左小小蟹籽、蘿蔔絲、紫菜，口感其實都ok。有一小啖海膽，我無撈埋個麵，因為太少，撈左會唔見左🤣 海膽汁都算杰身，麵質有小小硬，可能咁樣就容易啲黏到多啲汁。個汁海膽味好濃，每一啖都覺得好滿足。不過食到尾覺得有小小漏，最後加左啖飯撈埋啲汁食，好正👍🏻正宗全料東京撈麵 $109一黎到就見到係好豐富，好少見拉麵有肉碎，啲肉碎有小小辣。依個麵特別之處係，餐廳建議食左1/3之後就加啲黑胡椒食，再食1/3之後就加醋食，最後就加飯撈埋啲肉碎食。炸雞球（3ps）$33好juicy，唔會好乾。雞皮餃子（4pcs）$46好少連鎖拉麵店有雞皮餃子食。密瓜沙冰 $346月30日前都有半價，好fresh，好飲，不過好快溶。焙茶拿鐵 $40好濃味，中意焙茶一定岩。焙茶奶蓋拿鐵 $52因為加左奶蓋，啖味左，普通焙茶拿鐵感覺好啲。

聽朋友講，沙田新城市廣場有沾麵食，仲要係海膽造嘅麵，配搭海膽嘅湯，每日限定30碗。好似好難得咁，梗係想以身試伏啦。麺屋こころ喺新城市廣場七樓，位置直頭係𨋢隔離，好易搵。中午一點半都唔洗排隊。餐廳每張枱凳都逼到好埋，出入好易hi到隔離枱撞到人。場內有個女侍應幾nice，另外一個女侍應幾黑面。野食未到，我地發現有個水杯有污糟一pat綠色唔知咩嚟，正常想換過杯水啫，黑面女侍應隊杯水埋嚟果下幾無禮貌。我同朋友各叫咗一個海膽沾麵嚟試。碗入面海膽得一塊好細片，仲要唔係幾新鮮。個麵質完全食唔出海膽嘅感覺，蟹籽都多，但個麵量好少。沾麵嘅湯偏咸，海膽味好弱，湯內嘅荀同肉都好少。$188蚊一碗 食埋d咁嘅野真係好伏，性價比真係好低，唔好味，食完都唔飽。朋友都話肯定唔會再幫襯。

作為海膽迷一定要去試下呢個海膽沾麵呀🥳中午時黎到沙田，剛好唔駛等位，食完已經有10多個人排緊了😅❣️海膽沾麵🍜我都覺其實價錢係有啲貴，但係作為海膽迷又去唔到日本😅唯有去滿足一下🥰❣️雖然上面舊海膽細咗少少，但每一啖麵都掛住海膽汁，而且係一啲都唔腥，好鮮味👍每一啖都full of 幸福😂❣️麵條都係我愛嘅煙靭有口感，加埋適量嘅蟹子，再增加口感😋❣️正宗全料東京撈麵🍜一樣讚👍有好多料撈埋一齊食，有口感味道特別，食到一半仲可以加胡椒同醋一齊食，又係另一種味道🥢最後仲可以問staff 拎一細啖飯，撈埋剩返嘅汁同肉碎！一碗面有3個感受😂💚💚💚💚

🥳 係沙田新開既拉麵店，開店之後我已經去食左幾次啦~🍜 明太子忌廉撈麵 $99.🥢係我鐘意既粗拉麵而且麵質彈牙好食！🥚 明太子配撈麵既配搭岀奇地夾，加埋隻蛋就令到成個撈麵都好有味道! 仲有2塊肥瘦適中既豚肉可以配拉麵食! 🍖 🌟另外都可以試下店裡的獨門撈麵食法，不過我覺得就咁食都已經好好食啦😋

Kokoro Tokyo Mazesoba人氣海膽濃湯拉麵，長長的戈龍，大家預要排20-30分鐘，人齊先入，令客港量更快。佈置簡單整潔，以黃，橙，綠為主體，襯上木傢俱，更感憩靜。人多，要食到心水選擇唔易，店員會提醒你某種拉麵已售罄，如海膽濃湯拉麵，蛋白雞湯拉麵……好在仲有我愛的明太子忌廉撈麵。首先將日本蛋，明太子與都撈均，令每條麵條都排上蛋汁，入口滑溜。再咬一口厚實的豚肉，滿口都是肥瘦適中的口感，與撈麵為之絕配。下次要早一點來排，才可以食到廣島𧐢拉麵

想食海膽所以一試新開嘅呢間kokoro平日6點黎walk in仲有6-8個位左右冇地方擺袋，需要同其他人搭檯，店內環境狹窄海膽味道一般，同友人一人一碗，但兩隻海膽大小相差有啲大好微妙沾麵嘅湯好油，友人覺得濟（之後佢胃痛sad上位其他人都有水得我地冇lol搵佢哋要暖水要咗2次至俾之後隔離嘅客係店員上完麵之後店員會有介紹，得我地係擺低就走（因為我地係沾麵佢哋係拌面？？）麵係烏東呢點都好微妙—整體麻麻，性價比好低，服務態度都一般，請見到嘅巴打絲打衡量一下，個人覺得就唔係好值得排隊啦

心心念念好想去試既一間拉麵店🥰呢日排隊人龍唔算長 終於可以入到去食😝價錢比想像中平叫佐叉燒撈麵同柚子鹽味撈麵2款麵質好彈牙👍🏻 係我鐘意既粗拉麵😻叉燒撈麵味濃少少🫶🏻 最後加白飯好正👍🏻柚子鹽味撈麵較清新 夏天食都幾啱但呢個味太酸爽 最後加飯會好唔夾😹飲品選擇好多😻隻隻都好igable🫶🏻叫佐蜜瓜沙冰 打卡一流 味道都唔錯🤗🤗🫢***6月30日前沙田店做緊蜜瓜沙冰半價加購優惠🥰

如題。鋪面有點細本來不太想坐下食，但是被蜜瓜slushy吸引就試試吧。Slushy很好，叫的叉燒撈麵本身也不錯，正想寫個好評就發現撈麵裏有發泡膠粒🤢涉及衛生安全問題，多好食也不能接受🤢 我是食到一半才發現，有點擔心之前有否中招……試想下例如老友記／小朋友發現不到食了下肚怎麼辦? 相信是發泡膠跟蒜蓉很相似比較難發現，但希望廚房可以小心點。告訴侍應後她提出再換一碗給我，老實說我不太想食了😰 下次大概不會再食麵了……