麺屋こころ (新城市廣場一期)

营业中

休息中

《麺屋こころ - 沙田》作為拉麵同好會既一份子💪🏻我間唔中都會周圍去搵好食既拉麵同沾麵，不過沾麵就食得多啦，日式撈麵就真係未試過🤔️喺等我朋友收工既時候咁啱比我見到呢間餐廳，佢既麵都係用較粗身既太麵製作😍喜歡食硬麵既我即時心心眼左😋餐廳10月仲有個優惠，食客惠顧兩碗主食就可以 $10.1 換購指定特飲一杯，我見選擇都幾多架💁🏻‍♀️正宗全料東京撈麵 $109 加購抹茶草莓梳打第一次食一定係食店舖signature既產品，同想像中一樣，撈麵入面係用左較掛汁既太麵製作，食落有口感而且彈牙，醬汁口味嫌濃，加埋生蛋黃、流心蛋、叉燒、紫菜等等食材，味道豐富有層次，食多一兩啖可能會有少少滯，所以店員都有建議我地食到中段可以加入醋去調整味道👍🏻個人覺得落左醋仲好食啲添，酸酸地有點似柚子冷麵🍜而抹茶草莓梳打嘅味道都幾有驚喜，本身有諗過草莓會唔會好藥水味，佢偏向似平時食嘅果jam，同抹茶嘅味道相輔相成，記住攪勻先飲呀，如果唔係會有少少甜，不過梳打水幫助到中和個甜味，加$10的話可以一試💁🏻‍♀️明太子忌廉撈麵 $99 加購抹茶柚子梳打朋友呢個明太子忌廉撈麵味道更濃郁，除咗明太子嘅鹹香味之外，仲會食到紫蘇葉嘅甜

沙田新城市廣場來自東京既過江龍撈麵店🌿🍜作為拉麵愛好者，每次見到有新拉麵推出都會忍唔到想試下，見到依間來自東京既過江龍撈麵店係沙田新城市廣場開左分店，即刻去試吓🏃‍♂️🔸 正宗全料東京撈麵滿滿既配料😍配埋蛋香再加肉醬香，好好食！店員推介我地先撈勻食1/3，再加黑胡椒食1/3，再加秘製醋🍜食完麵仲可以免費加飯👍跟住依個食法，食晒成碗都唔覺得滯。第一次食依間餐廳一定唔可以錯過！🔸 柚子鹽味撈麵（冷）試完一款重口味之選，另外揀左款清新之選🍋夏天食冷麵一流☀️雞胸好滑，柚子味同麵條意外地合拍，加埋少少秘製醋，停唔到口😋🔸3.7牛乳沖繩海鹽雪糕最後仲嗌左杯雪糕，奶味好濃郁😋🔸 抺茶柚孑梳打、日本產麥茶飲品都唔錯🥤抺茶同柚子意外地好夾，解膩一流😗值得一提既係，餐廳做緊🔟月限時優惠‼️‼️由10月1日起至 31日，每惠顧2碗主食，即可以 $10.1割換購特式日本飲品1杯‼️📍#麺屋こころ (#新城市廣場) (#沙田美食)沙田沙田正街18號新城市廣場一期7樓704號舖

留意到呢間日本人氣撈麵專門店 麺屋こころ係沙田開左分店 於是就決定試下佢喇😇作為世界No.1 日本撈麵  用上秘製醬料製成的無湯拉麵推出各款口味既MAZESOBA擄獲好多人既心😇沙田已經係佢既第55間分店  好勁😳餐廳裝修木系為主 簡約有空間感好有日式風情除左主打既日式撈麵 亦有小食同日式茶飲而家10月仲做緊推廣優惠 叫2款主食 就可以$10.1加配特式日本飲品1杯我地叫左2個撈麵2杯飲品1個小食同甜品SHARE 🥰💥正宗全料東京撈麵用料豐富 好足料 份量唔少 撈麵幾彈牙燒叉燒肥瘦適中 蛋都有流心😈跟教學 先撈完 食1/3再加黑椒再食多1/3先落秘製香醋食完D麵 仲可以叫加免費飯 撈埋淨低嘅野食😍💥明太子忌廉撈麵大愛明太子 梗係要試呢一款😍配料有 生雞蛋 燒叉燒 紫菜 洋蔥 明太子本身帶少許辣味 仲有海水鹹鮮味彈牙爽口撈麵 加埋濃郁既忌廉汁 撈埋一齊食非常滋味😍💥雞軟骨餃子餃子外脆內軟 入面既雞軟骨好有咬口 仲有D肉餡幾JUICY配埋個汁好正😉💥抹茶柚子梳打好清新既飲品 清香既抹茶再加柚子消膩一流😌💥奶蓋焙茶拿鐵漸變色好靚 撈勻後奶蓋同焙茶融合清香既焙茶香 帶淡淡既奶味CREAMY 好

麺屋こころ想食好耐，次次經過都冇行入去食，今日總於都試到，個到環境簡約 ，坐位之間比較近 ，會聽到附近既聲音 ，但都算坐得舒適第一次食日式撈麵——正宗全料東京撈麵 頗有驚喜 ，有少少微辣， 怕辣既我可以接受，叉燒好軟熟，脂肪入口即溶，麵份量雖少，但都幾飽肚個人覺得梳打飲品比較好飲，適合鐘意飲甜又怕會口乾既我 而抹茶飲品好重抹茶味 ，鐘意抹茶味既朋友就好適合 ，今次係特別的體驗， 食完麵仲可以免費加白飯 ，拌剩余的醬料 之後會再黎食

今晚諗住試下呢間撈麵，叫咗東京同地獄撈麵，職員送兩碗麵嚟，講點樣食，但我聽唔清楚請佢講多次，佢叫我自己睇指示。講真，我唔係冇睇，亦唔係唔識字，但佢講得唔清楚，作為客人問下都唔講解下，咁你收咩加一服務費呢？今時今日，咁既服務態度，真係唔怪得人人都北上消費，都唔留係香港啦！一碗麵都成百蚊，我真係俾到我唔順氣！一定唔會再去幫襯！

沙田呢個商場最近開咗新設施 恐龍公園😂 最鍾意探索新事物嘅我呢晚就嚟咗一探究竟 打完卡就嚟咗呢間日本撈麵專門店食晚飯🫢明太子忌廉撈麵呢個撈麵有厚切叉燒 生雞蛋 紫菜 洋蔥同香菜做配料🍜 當然唔少得主角明太子啦 麵底仲有啲忌廉汁 撈勻晒嚟食幾夠濃味 有少少明太子嘅辣味調味 唔會得死鹹 撈麵仲附有醋 加咗又有另一番風味🫢 肉の地獄 山椒胡麻冷撈麵（中辛）呢個麵真係超級豐盛 最搶眼嘅一定係鋪滿成個碗邊嘅慢煮豚肉🐷 豚肉表面焦香同有黑椒調味 食落肉質嫩滑 中間嘅肉碎有少少辣味🌶️ 有少少似中華擔擔麵嘅辣 撈勻晒全部配料嚟食真係好香濃好惹味 食完個撈麵唔夠飽嘅話可以免費加白飯 白飯倒落碗撈麵度 又變成另一道主食 肉燥飯啦😎 雞皮餃子餃子外脆內軟 雞皮唔算太油膩 入面仲有肉汁🐥 配埋側邊嘅芥末沙律醬更加惹味🥟飲品餐廳做緊個10月限定嘅優惠 叫咗兩款主食 就可以$10.1加配一杯飲品🥤 真係非常抵呀 我同友人就叫咗一人一杯飲品 有機靜岡焙茶同抹茶草莓梳打 兩杯嘅茶味都好濃郁 飲到茶嘅甘甜味🍓3.7牛乳沖繩海鹽雪糕最後梗係要食個甜品啦🍦 雪糕嘅奶味好濃郁 有淡淡嘅海鹽鹹味 同雪糕嘅甜味唔會好衝突 呢間餐

聽朋友講呢間日本過江龍撈麵每日都好高人氣✨一到夜晚就排長龍𖠋𖠋𖠋𖠋𖠋𖠋𖠋𖠋𖠋𖠋𖠋𖠋我哋係平日大約7pm食，好彩唔使排隊，可以直接入去食😍.撈麵建議食法✌🏻✌🏻1️⃣ 把醬料攪拌均勻2️⃣ 享用三份一後 添加黑胡椒3️⃣ 享用三份二後 添加秘製香醋4️⃣ 完成撈麵後 可免費加入白飯🍚🔹正宗全料東京撈麵 （$109）好豐富😍有厚叉燒、荀、肉燥、雞蛋、紫菜、大蔥、鰹魚粉、生蒜🧄手工麵麵質彈牙✨即使唔添加黑胡椒同香醋，成碗麵都有90分🥰所有配料配合得宜👍🏻🔹叉燒撈麵 （$99）一樣好惹味😋令人一啖接一啖係咁食☺️呢一碗有叉燒、肉燥、生雞蛋、大蔥、碎紫菜、肉燥、鰹魚粉、生蒜🧄如果唔鍾意食筍嘅朋友可以揀呢一碗👍🏻.•*¨*•.¸¸☆*･ﾟ•*¨*•.¸¸☆*･ﾟ•*¨*•.¸¸☆•*¨*•.¸¸☆*･ﾟ•*¨*•.¸¸.一定要跟店家建議食法‼️‼️因為食到三分一之後加黑胡椒，可以令成碗麵冇咁寡👍🏻而最後香醋就可以中和油膩嘅感覺，唔會因為太膩而食唔落✨✨.評分♡👅味道：9/10👀回頭率：9/10🤙🏻性價比：8/10

之前喺晚餐時段到訪雞白湯拉麵已經賣晒(〜￣▽￣)〜呢日嚟食𝚕𝚞𝚗𝚌𝚑，終於試到呢款人氣拉麵喇！-♡︎雞白湯拉麵 $𝟿𝟿湯底好飲得嚟唔會過鹹拉麵軟硬適中、份量剛好整體嚟講唔錯呢～👏🏻➜ 𝙵𝚘𝚕𝚕𝚘𝚠 𝚑𝚔𝚏𝚘𝚘𝚍_𝚗𝚘𝚝𝚎 𝚏𝚘𝚛 𝚖𝚘𝚛𝚎-♡︎有機靜岡焙茶 $𝟹𝟺焙茶無添加糖茶味濃郁得嚟又唔怕肥 ٩(ᐛ)و-♡︎𝙼𝚊𝚝𝚌𝚑𝚊 𝚕𝚊𝚝𝚝𝚎 $𝟹𝟾上一次嚟試咗伊勢宇治抹茶🍵相比之下𝚖𝚊𝚝𝚌𝚑𝚊 𝚕𝚊𝚝𝚝𝚎 茶味就較淡-總體而言小編都幾鍾意呢間拉麵店ฅ^•ﻌ•^ฅ不過餐廳座位唔算多，未必適合多人聚會想簡單食個飯我都會揀佢嘅🫶🏻

拉麵，沾麵平時就食得多，日式撈麵唔知你有冇食過呢？😉 呢間嚟自東京嘅過江龍你唔可以錯過😜 食完麵仲可以免費添飯，將食剩嘅醬同飯撈埋一齊食😜 每次添飯佢只係比一小匙羹嘅飯你，所以真係唔洗驚食唔晒😂明太子忌廉撈麵 $99好中意佢個麵😍 係粗身嘅麵，食落有咬口🤤 因為叫咗走蔥嘅關係，店員用其人綠色蔬菜取代蔥👍🏻👍🏻 碗入面除咗菜仲有紫菜，生蛋黃，生蒜，魚粉，叉燒同明太子💖 叉燒撈麵 $99同明太子嗰款差唔多，有紫菜，蔥，生蛋黃，生蒜，魚粉，叉燒同埋肉碎🫡 味道濃厚😜 食剩嘅肉碎攞嚟撈飯勁似台式肉燥飯😂牛油果奶昔 $48叫左少甜😝 好香濃牛油果味🥑 面頭嘅cream 幾甜下，撈埋奶昔甜度啱啱好😉 仲有切粒牛油果同埋焦糖餅碎喺忌廉面頭，大滿足😌

呢間嘢之前喺灣仔已經嘗試買相好靚仔.開咗喺沙田都一段時間終於冇人排隊.叫咗一個明太子撈麵，一個東京撈麵我可以講兩個都失望首先講咗東京撈麵先，$88加一一個撈麵剩係得肉碎一墤叉燒都唔俾都唔緊要. 但係唔好食呀嘛. no完出嚟剩係得啲辣肉碎味. 又或者可能我對醋有啲抗拒. 佢又好鼓勵我去咁做. 唯有嘗試，但係真係唔得. 唯一好嘅就係面嘅質地煙靭有彈性.明太子撈麵個汁相對好啲，但係叉燒都係偏鞋.唔好講入口即溶. 係食到口都乾埋不過環境企理，侍應速度快好值得讚

因為本身好鐘意食日式拉麵哩間有撈麵 就離試試佢上到離都唔洗排就入得 其實應該早已感覺不妙但一心上來7樓吃 就衝入去食。座位寬敞 舒適價錢正常 還可以 沒有打刧的感覺成個menu都係撈麵 得一款湯麵鍾意食湯麵嘅朋友會冇選擇。叫咗正宗東京麵 味濃 麵偏硬身整體一般 冇食咗星星眼嘅感覺個麵味道係ok,但當我飲咗佢杯奶蓋抹茶latte個侍應講所謂鹹鹹地嘅奶蓋 我本身滿心期待因為個人勁鐘意飲奶蓋 仲要係鹹味但我一飲 我只飲到成陣酸味即刻成餐不可原諒

日式拉麵同沾麵就食得多，日式撈面都係第一次試🥢🤤🍜日式全料東京撈面($109, XL+$20)鋪頭嘅招牌，有種食緊台式肉燥同日式拉麵混合體嘅感覺🤔叉燒肥瘦適中，不過不失。食完啲麵仲可以叫免費飯撈埋淨低嘅肉燥，但我地叫咗XL，食完已經好飽就冇叫到啦🤣🍋柚子鹽味撈麵($89)呢個係凍食嚟，食落有柚子嘅清香，唔會太咸，配以雞胸，感覺幾健康，夏天最啱食😎每張枱麵有張介紹食撈面嘅四部曲，加咗醋之後再好食咗😍🍵抹茶柚子梳打($34)🥛焙茶拿鐵($40)總括嚟講都幾好食，野飲都唔錯，會再返嚟食～

最近沙田新城市廣場好似比較冷清，好似無咩人出街食飯咁。行左個圈，揀左一間食東京撈麵嘅，原來係過江龍。 餐牌上面有好多唔同款嘅撈麵，今次揀左柚子鹽味撈麵同埋正宗全料東京撈麵。有別於一般常見嘅拉麵同沾麵，食之前要先將配料撈勻。 柚子鹽味撈麵：味道幾清新，配雞肉都幾爽口嫩滑。 正宗全料東京撈麵：呢個味道就比較濃，配叉燒，除左蛋黃之後仲有半隻味玉。食完個麵之後可以加一碗仔白飯（其實得兩啖）撈埋落去好似肉燥飯咁。 個體驗對我黎講都幾新鮮。

假日同女朋友去沙田新城市行街，Lunch入左間日式撈麵的餐廳，細細間但撈麵款式都挺多，仲有不同日式飲料。我地就選左兩款應該係人氣的麵款，正宗全料東京撈麵，顧名思義乜都冇D😂，仲有叉燒撈麵。餐廳推薦三種食法，都幾有特色，大家都可以試下。味道方面還可以，撈完之後都幾夠味，個人覺得咸左少少🤏🏻

🇯🇵非沾麵❣️非拉麵❣️過江龍日式撈麵 🍜 一麵三食 仲可以添飯 🍚拉➡️睇食法🐭 米奇老豬Vol. 392 🐷［Kokoro Tokyo Mazesoba］呢間喺沙田新城市嘅日本過江龍好特別主打「東京撈麵」🇯🇵仲有期間限定嘅特別款式 店內木系裝潢 排凳似飯堂坐得舒服又唔拘謹 👍🏻.🐖🐖《正宗全料東京撈麵》🐖🐖🛑8.2/10🛑 💰$109💰有齊叉燒、肉燥、糖心蛋、荀、蔥、紫菜麵條好煙韌 😋加左生蛋黃後更黏、更掛汁所有配料混合得好均勻 🥣食落辣辣地 幾惹味 肉燥、魚味都明顯食左1/3後 先加黑椒加d辣香 🌶️再食1/3就加醋吊味 更有新鮮感雖然店內提供可以加白飯變肉燥飯不過老豬當日超飽就無加到啦😛.🐖🐖《鮭魚親子撈麵》🐖🐖 🛑8.4/10🛑 💰$158💰⚠️期間限定⚠️三文魚、牛油果都係角切柚子汁先酸後甜 好清新 🍊另外搭配嘅醋/黃芥末醬增添更多嘅酸味更開胃 好似韓式水冷麵咁冷面食更煙韌好咬 🦷.🐖🐖《柚子抹茶梳打》🐖🐖 🛑8/10🛑 💰$34💰柚子梳打好爽 好解膩抹茶底輕微回甘 🍵.🐖🐖《焙茶拿鐵》🐖🐖 🛑8/10🛑 💰$40💰焙茶味濃 鮮奶比例高不過偏甜左小小～.❣️🐭總評分🐷❣️味道：8.2/10