麵麵 (已結業)

美味魚麵，同事介紹呢魚湯麵店，食左幾次，今次記得寫食評!今日到太子買衫經過，點左魚麵、焗魚皮同炸薯條，仍然美味!入座後店員送上魚湯，香濃美味!我們點的魚麵有魚皮餃、魚肉春卷、魚片同魚片頭各一，另外仲有迷你甜薯同兩款小食!魚，魚麵彈牙，魚湯香濃美味，甜薯像浸了糖水一樣香甜!最期待的是焗魚皮，最初吸引我黎食就係呢碟焗魚皮，用墨西哥粟米片方法處理，配上牛油果醬，超正!另外炸薯片除了薯仔，仲有黃薯同魚肉條，黃薯好甜好香!滿意，仍然會繼續幫襯

之前都有黎過726食野，今次食既麵麵有驚喜，一入門就覺得裝飾得好靚，已經充滿聖誕節日氣氛～～我揀左個聖誕set,包頭盤、主菜同餐飲，頭盤揀左好特別既三文魚籽拼香脆魚皮，呢個配搭真係第一次食，估唔到都幾夾，幾fresh~主菜揀左飛魚籽龍利卷配意式香草拌魚烏冬，睇落都覺得好健康，龍利卷外表輕炸，內裏有好鮮嫩既魚肉，配上彈牙既魚烏冬同fresh既香草汁，yummy👍🏻👍🏻!另一個餐係望落好吸引既麵麵圍城，足足有九款配菜，有Parma ham配哈密瓜，風乾火腿配上爽甜既哈密瓜，有驚喜！紅酒牛肋條炆得好林好夠味，其他配菜都好精緻～我仲另加左個糖心蛋，浸魚湯好好味！呢個set魚烏冬可以一半浸湯食，另一半撈芝麻醬，兩種食法同樣好味，百搭既彈牙魚烏冬～～桂花啤梨肉花茶，鮮甜花香，唔會太甜～～百香果橙肉沙冰，冰涼，爽！

上次食完之後，一直揾機會再食，因社會事件，我都好少出旺角，難得今日去旺角就再揀麵麵食我同朋友兩人六點就上到去，職員便送上一小杯魚湯俾我地暖胃，好窩心💕之後再介绍呢期既聖誕餐，158蚊有前菜主菜和特色飲品，見幾特别就點左呢個餐，再叫左個西班牙黑毛豬魚湯烏冬。水牛芝士波配蕃茄香草酱味道好特别，個芝士波無咩味但配埋個汁又幾夾，酸酸甜甜，幾開胃拌魚烏冬個龍利卷好好味，啖啖肉Som gria店員推介，所以就點呢個，我朋友話好好飲，sadi 加利賓立，好夾好飲，好大支，胃口細既朋友仔都飲曬另外點了黑毛豬手魚烏冬個豬手好好味，好香，湯魚烏冬更好食，可能因我鍾意湯麵，夠熱而且魚湯好鲜味，下次都要叫魚湯烏冬

今日準備同女朋友去金都睇野，睇之前當然要食碗面醫下個肚仔先啦，譚仔雖然好耐冇食好想食，不過女朋友話一諗到藍嘅就不了，咁岩女朋友上OP 見到附近有間餐廳主打獨家自製魚面話想試下，於是乎就上左黎女朋友叫左個醉雞魚面套餐我就叫左個魚之脆卷魚面套餐(再加左隻流心蛋)勁流心架醉雞就麻麻地，酒味係可以嘅，不過雞肉就有點嚡，魚之脆卷口感彈牙，炸得表皮脆脆唔錯，而且份量有四條都算多。到重點主角魚面出場啦，本身魚湯底超濃郁，再加上彈牙魚面一齊食勁正！我地仲叫2個跟餐小食，因為小食跟餐叫仲有七折炸魚皮避風塘雞翼估唔到叫杯熱朱古力仲會有拉花睇TIM下次出開黎要再黎食先至得

本人十分鐘意食魚, 見到佢有魚麵所以特登黎試下放左工去, 未到7:00入去唔駛等位~~~一坐底佢會比一杯仔湯你,係花膠濃魚湯佢有dinner set的, 個湯底就係花膠濃魚湯, 如果散叫就要加錢先有呢個湯朋友叫左dinner set~  而我, 就揀左全部都係魚的魚之戀~ 入面有魚皮餃, 魚蛋, 魚片, 魚腐, 魚春卷, 墨魚卷麵, 我就揀左魚麵, 朋友叫左魚烏冬，佢個湯default 係花膠豚肉魚湯而果SET小食, 我散嗌都有的講野食喇湯：本人覺得佢2款都係有落味精, 花膠豚肉魚湯就較豬骨味重D, 花膠濃魚湯就會飲到有魚味D, 不過如果散嗌要加$20先有濃魚湯, 我就覺得唔值麵：魚麵- 爽D, 魚味濃D, 我鐘意呢個多D ; 魚烏冬- 彈牙D, 魚味冇咁濃, 不過如果鐘意煙韌就揀魚烏冬啦料：都足料, 魚腐, 魚春卷都好味!!! 朋友個極尚魚宴SET 食食下發現少左隻蝦,後黎叫佢補返, 大家本來以往係有殼果D蝦, 原來只係一隻冇殼的蝦仔, 所以我覺得食魚之戀抵食DHSBC卡有9折~ 即係等同免左個加1

麵麵真係一間食極都唔會厭既餐廳😘每次都會好掛住佢魚麵既口感同味道🤩尤其濃郁嘅魚湯😚餐廳已經充滿聖誕氣氛🥳今次諗住試下新野首先我叫左魚皮餃子配柚子汁，魚皮餃既口感好彈牙，會每餃子入面都包住香口既豬肉同好味既韭菜，三樣野相輔相成，加埋柚子醬，真係將味道昇華左😊Fish Nachos係我最愛既小食❤️炸到卜卜脆既炸魚片加上香濃既芝士😝簡直太吸引人，因為太好食喇，好易食到停唔到口，真係一個人都食得哂呀😘💗漁人樂脆係一個組合既炸品🤩有魚同墨魚春卷，加埋薯條同番薯條，份量認真唔野少😋唔會炸得好油膩，整體唔錯😘主餐我嗌左必點既西班牙煙燻黑毛豬濃魚湯烏冬☺️煙燻豬勁香口，口感唔錯，仍然係我大推之選💗野菜本菇安格斯牛肉定食🤪用左壽喜燒既湯底加上超多既安格斯牛肉片😚甜甜既湯底加上牛肉味，好衝擊味蕾呀💋加上有日本菇令到菜色平衡哂，用魚麵點佢個湯都好夾呀❤️❤️薄荷朱古力咖啡，薄荷味好重，啱晒我鍾意薄荷的味道，飲完個喉嚨係涼浸浸，同朱古力簡直係完美嘅組合☕️

好耐冇喺旺角食嘢，上網搵吓有咩好食，見到呢間餐廳主打食魚湯麵，幾特別，於是就上去試吓。餐廳位於彌敦道726號1樓，在T.O.P. 附近，唔算難搵。一出電梯就見到個幾靚嘅門面，放咗棵聖誕樹，甚有節日氣氛。由於係平日12點仲未到最繁忙嘅lunch hour時段，去到仲有好多空枱可以揀嚟坐，坐得都算舒適。呢間餐廳主打魚肉製造嘅魚麵同魚烏冬，魚麵有70%魚肉而魚烏冬就50%魚肉，今次點咗個脆烤雞扒魚湯魚烏冬嚟試。每份麵食都配前菜小食，有蘿蔔，甜蕃薯同胡麻昆布，十分開胃。先試咗啖魚湯，有魚味得嚟感覺清甜，比較易入口。魚烏冬比平時食開嘅烏冬爽口彈牙，好特別。至於個烤雞扒，皮脆肉嫩，十分出色。午市套餐包杯熱飲，加咗$5要杯熱朱古力，不過味道就普普通通。

幾個月前見到友人在面書的分享，已經想去試。碰巧一直未有空到旺角遊，今天來這邊辦事，便順道上來吃碗麵。麵店在彌敦道726號的1樓，一踏出電梯口，已看到餐廳名字「麵麵」的霓虹招牌。餐牌選擇太多，心大心細做不到決定。唯有參考本週精選，點了這碗魚皮餃子濃魚湯烏冬。套餐還附送了3款前菜。麵底選了魚烏冬，全因看到餐牌上引人入勝的介紹。煙韌的魚烏冬蘊含維他命A、D、DHA和蛋白質，沒想到吃個麵也有如此多好處。魚烏冬口感彈牙，很像魚蛋質感，入口毫無魚腥味。配上一旁的豆瓣醬更添惹味。湯底是花膠濃魚湯，更強調除了油，令筆者這位又要食又怕胖的港女吃得安心。餐牌介紹是用上9小時熬製，入口香甜，很濃郁魚鮮味。魚皮餃子餡料分別有肉肉、香葱、韮菜，滿滿餡量又香口。餃子皮由魚肉製成，口感煙韌。明太子雞翼有3隻，煎香令外皮脆脆。雞翼去了骨，進食時啖啖肉，非常方便。內裡塞了明太子，不過明太子的咸香太搶焦點，一隻吃下也不太感受到雞肉的嫩香。奶茶中帶著桂花香。甘香茶味、香醇奶味，還有甜甜桂花，三者配搭得蠻好的。

話說之前細個好鍾意食魚湯米線，不過漸漸地唔知點解身邊嘅魚湯米線鋪頭都執曬，所以都好少再食啦，旺角有一間樓上嘅餐廳係穿成魚湯面，最特別嘅係，佢嘅面唔係一般嘅米線，而係真係混合咗魚肉做嘅面。雖然佢住得係食湯麵，但係餐廳嘅佈置都係幾靚同埋有特色嘅。餐牌方面，除咗有唔同種類嘅湯麵之外，可能臨近聖誕節啦，佢仲有一個聖誕大餐嘅菜單。我哋就兩樣都叫一個來試下。三文魚子配香脆魚皮。呢個值得推薦，魚皮都本身有啲調味，同時加上三文魚子，口感非常豐富，味道亦好有層次。龍利魚柳卷配香草魚烏冬。呢個應該就係fusion菜，魚烏冬本身就同一般嘅烏冬唔同，我見到佢餐牌寫住如烏冬有一半嘅份量係魚嚟，所以口感係比較煙韌。而佢撈咗個香草嘅食法感覺都好新鮮，同時間龍利柳卷始終都係卷埋一齊，肉質比較實啲，分量非常之大同厚肉。面面圍城。唎個係推薦之中嘅推薦菜啦，上碟夠曬霸氣，底盤非常精緻，又一打卡神物，亦都係乜都有得你食。值得留意嘅係佢嘅面分咗兩食，一半佢係想俾你撈芝麻醬嚟食，另一半就係擺落個魚湯嗰度做魚湯麵，衹能夠話魚湯麵嘅湯真係冇得輸。食物方面的確好豐富，有炸蝦，有雞翼，有牛肋條，有哈密瓜，有玉子，有大蝦等等。印象比較突出

今日黎到呢間專門食魚麵同魚烏冬既餐廳，第一次食魚麵同魚烏冬，感覺好特別。睇完餐牌，決定叫一個湯魚麵同一個撈烏冬，可以一次過食晒，仲叫左兩個小食同一杯熱朱古力。四川麻辣燒牛肉拌魚烏冬雖然唔太麻辣，但個醬汁同魚烏冬撈埋食幾夾。魚烏冬相對地軟身，適合做撈版。黑松露海蝦炒蛋濃魚湯魚麵既魚麵就相對比較彈牙，好似食緊魚蛋，好得意。炒蛋夠黑松露味，唔錯。流心芝士墨魚波同漁人樂脆都係即整既。漁人樂脆有薯條，番薯條，魚肉春卷同墨魚春卷。依家有聖誕晚餐揀添，不過我係下午黎食既。

今次揀左配魚烏冬（+$10），個烏冬食落去似食緊魚蛋嘅感覺，而個魚丸同魚春卷食落去都好彈牙，點埋個辣魚醬就會更加香🤤雖然味道好，但以下午茶嚟講，$48都偏貴🤧所以想平平地食個tea可以跟返餐食普通烏冬😌

做完瑜珈超級肚餓，就同妹妹嚟到726揾食！見到有已經好少可食到嘅魚麵就嚟食晏啦🤪🤪.Lunch set基本上都包左飲品同前菜😍 前茶係柚子大根、甜薯同麻醬海帶💁🏻‍♀️ 味道不錯😌 .我地叫左個雞扒魚麵🐥 見到雞扒燒得幾靚仔，皮脆肉嫩又多汁🥰 而主角魚麵就好彈牙，食落魚味濃而唔腥😍 魚湯都好濃郁！又冇味精，飲哂都得😌.另一個叫左忌廉咖哩烏冬配吉列豬扒😚今次係魚烏冬，食落會煙韌d😉 咖哩溝cream食令成件事更順滑濃厚，一定要食💪🏻😻 吉列豬扒炸得好脆卜卜，點上Mayo 好邪惡😈😈.小食叫左漁人之樂😸有魚卷、薯條同蕃薯條 🍟 魚卷好彈牙魚味十足✌🏻 蕃薯條就好值得一試啦，蕃薯嘅香甜拼松露醬係好夾的👍🏻👍🏻.飲品都幾多款架！叫左iris coffe~ 咖啡味香濃，配上厚cream very good 🤡.Rose tea ☕️ 幾足料仲一路熱住添，冬天飲正喔🌹🌹

旺角726呢棟大廈好多野食，以前係旺角返工都經常黎食。從舊同事口中知道呢間麵麵，雖然都開左一段時間，我終於都有機會可以試下😂Lunch time免加一，叫套餐嘅話，小食有7折優惠！ 諗左陣要魚麵定魚烏冬，我自己鍾意彈牙啲，所以要左碗魚皮餃子濃魚湯魚麵（花膠濃魚湯），小食流心芝士墨魚波，再加多杯熱斑蘭咖啡～💁🏻‍♀️🥢 魚皮餃子濃魚湯魚麵（花膠濃魚湯）有3隻魚皮餃，黎之前我以為大細會類似打邊爐嘅咁，但係係大隻好多架～ 餃入面料都足，味道唔錯。魚湯幾好飲，飲完唔會話口渴。至於主角魚麵，係彈牙嘅，而且唔腥，我覺得平時唔太食魚都可以挑戰（不過利申我係鍾意食魚嘅🙈）另外仲跟3款伴菜小食～🥢 流心芝士墨魚波上檯時Staff貼心咁提要小心熱，因為芝士流心～ 墨魚波有咬口、彈牙，芝士份量適中，唔會互相搶左對方味道。😌🥢 熱斑蘭咖啡咖啡成日飲，斑蘭咖啡真係第一次見同第一次飲😆 真係有塊斑蘭葉😆 甜甜地，幾特別～

呢家店係標榜自家製既麵食所以麵既選擇都同一般既唔同而出面都食唔到既魚烏冬同冬麵等等秘制脆雞扒魚湯魚烏冬作為喜愛食辣既我當然點左麻辣湯底黎到紅卜卜既一碗仲以為會非常辣但係個辣味的確唔差鐘意食辣既可以一試佢既雞扒係分開上既被切成4塊厚厚的雞扒每一塊都係好juicy的香脆的!! 超讚!!另外每個麵食都會送上前菜, 感覺上更開胃了避風塘雞翼拌魚烏冬呢個係撈麵魚烏冬魚烏冬既口感好彈牙, 撈黎食口感一流上面係4隻超巨型既避風塘雞翼香脆無比!! 非常的讚

1.位置方便，👍🏻2.整棟樓宇好多選擇👍🏻3.魚湯、魚麵及魚烏冬美味😉4.小食較少選擇🙄，但雞翼尚可😋5.辛辣的魚麵根本不辣，連辣味都談不上👎6.魚湯魚麵配的辣醬幾香👍，好少食到依種味，所以講唔出👏👏👏7.食餐廳送咗一杯仔白色飲品，但不知是什麽！🙄8.如果食魚湯類，湯唔好加入配至的辣醬，因爲碗魚湯真係好味，最重要係無味精（因我有味精敏感）😁😋9.飲品唔算特出🤤10.環保意識有待改善，食物上的牙籤旗浪費，食品仍用膠管🤔11.服務員唔錯👍🏻