麵麵 (已結業)

今日黎到呢間專門食魚麵同魚烏冬既餐廳，第一次食魚麵同魚烏冬，感覺好特別。睇完餐牌，決定叫一個湯魚麵同一個撈烏冬，可以一次過食晒，仲叫左兩個小食同一杯熱朱古力。四川麻辣燒牛肉拌魚烏冬雖然唔太麻辣，但個醬汁同魚烏冬撈埋食幾夾。魚烏冬相對地軟身，適合做撈版。黑松露海蝦炒蛋濃魚湯魚麵既魚麵就相對比較彈牙，好似食緊魚蛋，好得意。炒蛋夠黑松露味，唔錯。流心芝士墨魚波同漁人樂脆都係即整既。漁人樂脆有薯條，番薯條，魚肉春卷同墨魚春卷。依家有聖誕晚餐揀添，不過我係下午黎食既。