麵鮮醬油房周月 (景隆街) (已結業)

銅鑼灣多野食係人都知，但想食拉麵既選擇就唔多，出名果d x蘭又食過而且興趣不大，行過見到有間幾日本風既拉麵小店，仲有沾面選擇，就有少少興趣想食下。餐牌設計好有特色有拉面，沾面同小食，但款色唔算多，價錢都幾貴湯底有得揀 淡/濃，面既份量又可以選擇100g/200g/300g，面質好爽口，但濃湯帶小小酸味，食落又覺得好咸，又咸又酸都比較特別。湯入面有小量既豚肉，配200g既面量已經好飽。差唔多食完仲有侍應會問需否加雞湯，但太飽既關係拒絕了！葱，全部都係葱，除左蛋有一隻之外就無其他配料，個人覺得有d齋，收咁既價真心唔值。因為無肉食，所以叫多左個炸雞做小食，炸雞好脆，又唔會太乾，一般般啦但店入面收唔到電話訊號，唯有被迫用下佢個wifi

今次去既係麵鮮醬油房周月既銅鑼灣分店。去得銅鑼灣拉麵既選擇真係好多，而且佢既位置都遠離左拉面街，可能因為咁所以我就見唔到有人要等位啦。店內環境都算合理，唔算坐得好舒服，但係都可以同朋友傾下計。今次我就點左燒黑豚沾麵，沾面濃度：濃，涼麵，300g。個面黎到既時候都嚇一嚇，因為個麵就真係好大碗，無諗過300g係咁多，不過男仔食其實都ok唔算太過飽。雖然面質係無得比客人㨂，但係我就覺得都幾好味食，唔會太過淋身。味道方面，我就唔覺得太過咸啦，而佢個沾麵汁就唔會太過單調，但係食到最後就會覺得有少少悶喇。豚肉片就燒既味道就唔算重，不過肉質都算得上肥美。不過佢只係得3細塊豚肉片，感覺加上麵既配料唔太多，食到最後就真係有少少單調啦。

食完第一次之後, 對嗰種酸酸地嘅沾麵湯念念不忘, 今晚再介紹個女仔friend嚟試。8點半嚟到, 要等一場枱, 唔洗5分鐘入得。今次encore周月沾麵, 朋友跟我點同一款。麵份量可以揀100/200/300g, 一樣收$91 (加一後埋單齊頭$100)。猶豫緊揀幾多麵之際, 店員話女仔多數揀200g, 男仔通常300g, 但由於我地兩個都好肚餓, 所以都揀咗300g😂同好多拉麵舖一樣自助斟茶, 可以消滯解膩。我地大約8點搭9落order, 等咗大約10分鐘至有嘢食, 可能當時全店滿座關係, 比上次嚟等耐咗好多。朋友發現碗湯好似攤凍咗咁, 冇出煙, 食落暖暖地, 我兜熱麵就出哂煙, 暖湯同熱麵溫度好大對比。食物上枱後, 有位女店員好貼心咁幫我放返正位置, 將碗湯放喺我面前, 兜麵放側邊。沾麵個湯好重要, 雖然湯唔夠熱, 但仍然保持到嗰種好似落咗醋嘅小小酸味。我地都揀咗濃味, 偏油同鹹, 但唔係嗰種結撻撻到好濃郁嘅沾麵湯, 所以鹹味都可以接受的, 食完可以加雞湯溝淡嚟飲。發現呢個度嘅湯似乎啱女仔口味多啲, 今次個friend都話好味, 不過上次一齊嚟食嘅男仔話唔鍾意隻酸味, 而佢本身都唔

在香港，曾光顧過數間吃沾麵的日式麵店。暫時，最喜愛這裡的沾麵😋這間麵店已經過很多次，每次男友也說「這裡的沾麵最好吃」而遲遲都沒有一起光顧。碰巧今天是公眾假期，我們到附近按摩後，走進這裡吃沾麵😋點餐紙內有麵的重量選擇減肥的你可選100g😆而我覺得200g很足夠男友點了周月沾麵$91 （相內的麵是200g)十分好吃😋湯汁有香濃的木魚味及酸酸的，很獨特。相對辣味，我教喜愛這個味道🤔而我點了味玉香辣沾麵$105

星期六的下午時段，約同事試下周月的拉麵及沾麵品嚐一下是否真才實料先。先看地區今次係去銅鑼灣分店，地點不顯眼在Tower535旁邊。lunch時段要等位～大約五到十分鐘，鋪裝修設計較多一行的面壁位。安排位置坐好看餐紙點食品好簡單take張紙仔就完成，即叫即做。我就點了黑豚味玉香辣沾麵300g，同事點了燒黑豚拉麵加多個A5和牛脾肉。先試和牛脾肉醬油配上和牛不錯，但牛熟了點。黑豚味玉香沾麵熱麵放係有隔水的碗內保持乾爽彈牙，湯底熱，夠濃而不會太辣，但湯底沾上麵條來食不太入味，味玉好滑好香。燒黑豚拉麵同事讚無得頂整體滿意，坐位都舒服。同其他食過好味的沾麵一樣咁出色，會再來

聽聞有間米芝蓮推仰沾麵店喺銅鑼灣。又未食過正宗日本沾麵 就嚟試下。當晚星期六 六點半去到 不用等位。但不久就開始多人 很快就滿座。雖然鋪頭唔大 但不會擠迫。店員由進店到食飽離開都有禮貌 也會詳細介紹食物。重點講返食物。叫咗周月沾麵 濃汁 300g 冷麵。因為是冷麵 比較彈牙。以我中型男性 300g份量食得好飽好飽汁方面 屬微暖 唔錯 味道真係夠濃。應該係用左極重料嘅豬腩肉煮成 很深色。汁的表面有一層2至3mm的油 確實有點油膩。汁裏面有些蔥 有豚肉 豚肉極肥 喜歡梅菜扣肉 就很適合 其實我覺得同扣肉味道一樣。可能我叫濃汁的關係 太鹹 越食越鹹 莫講話加雞湯飲埋個汁 食落都慢慢要減汁的沾量。 最後飲多兩啖湯就放棄。埋單 100蚊總結 可以一試 嘅。

我同中學同學去咗食呢間周月💓我接佢放工時佢話佢啲朋友帶佢食過呢間 都幾好味 於是我哋就去咗啦咁我原本都以為會唔會好多人啊，但又幾好彩 好少人咁我就揀咗食拉麵啦我覺得佢嘅糖心蛋係最好味啦 而我朋友呢就揀咗呢個沾面食 佢揀咗300g跟住佢話太多😂俾咗啲我食我覺得麵有啲硬🤔

香港頭五位出色的沾麵店進駐銅記？麵屋醬油房周月 - 山椒油麵👍🏿 + 味玉香辣沾麵👌🏿 + 日本甜薯👍🏿心目中香港沾麵以味道作評分，周月、富士山55、漁場台風、俺之沾麵、黑龍同2018新店一燈最為出色！性價比首選漁場同周月！周月進駐銅記、當然要去試試！周月銅鑼灣店限定 山椒油麵！🍜生蛋撈麻香油麵、香味十足、味道很不錯、稍嫌唔夠辣同麵太硬！之後試味玉香辣沾麵🌶、份量㨂了200g凍麵，非常足夠！食左2/3湯先開始凍，溫度保持還不錯，不過不失、沒有太大驚喜！小食方面，日本甜薯🥔值得一試、超熱、配合醬汁好開胃！仲有不二家桃汁🍑、好好飲、不過唔記得影相，哈！職員耐心介紹餐牌同加湯、服務不錯！👍🏿感覺總店最好！哈！不過新店要俾時間改善！加油！💪🏿

第一次嚐試食沾麵，有涼熱兩種麵選擇，亦都有4種唔同份量既面。今次簡左400g涼既，份量多到食唔曬，同一碟份量少到可憐既雞軟骨。不過期望而久既沾麵有D失望，麵質太硬，硬到好似食緊麵粉團咁，而湯底試左個招牌同辣味，招牌既湯係咸到要狂飲水，辣味湯底就不過不失啦，辣味程度只係1粒星。最大驚喜係食完之後，叫waiter加入雞湯入你簡左既湯汁，熱騰騰既雞湯加湯汁變成左一碗好好飲既湯，食到好飽都可以飲得曬碗湯。

米之蓮沾麵周月終於開分店喺銅鑼灣～其實之前都好想試架喇...不過真係太遠，所以一開我就即刻黎試喇!叫左呢個周月沾麵($91)，佢有得揀100 /200定係300g麵，全部同樣價錢㗎～本來揀咗100,但係店員好貼心同我講100g真係好少，最後都係揀咗200g，份量啱啱好！湯底味極濃有啲太鹹，油份偏多～麵條質感還好，粗身有咬口但唔算彈牙。掛湯能力唔算特別強，唔知道係麵條嘅問題定係因為湯底油份太多☹️不過配菜做得幾好，豚肉肥脂分配好，入口即溶，流心蛋亦能夠做到溏心效果！

情人節同男朋友去行花市之前，一齊黎呢度食沾麵。我地大約7pm前到，位多但人都多，算係幾full，等左10分鐘左右先有得坐，但到我地食完差唔多8點左右，出面就大排長龍，所以建議盡量7pm前黎會好d。我地叫左佢地招牌嘅周月沾麵($91)，可以揀濃湯或者淡湯，熱麵或者涼麵，份量又分100/200/300g。我揀左濃湯熱麵300g，女仔黎講，我自問都算幾大食嘅，但都食唔曬，要男朋友幫手食少少，所以建議女仔唔好嗌太多，尤其係食量細嘅就叫少d，唔好浪費食物🙅‍♀️🙅‍♀️沾麵嘅湯汁好惹味，用黑豚肉同香蔥煮嘅，不過濃汁嘅話真係好重口味，嗰種咸係咸到盡頭便是酸嗰種咸，所以除非你平時好中意食重口味/味濃到爆嘅野，否則建議食返淡汁會好d。至於d麵就屬於比較粗同煙靭嗰種，我個人黎講幾中意😍😍😍食完剩低d汁，可以問店員要雞湯，加落碗汁度當湯飲。本來以為加完湯會稀少少，但都係頗咸，所以飲左幾啖就飲唔到了😣😣 Anyways,試下都好嘅。總括黎講，雖然入左九字頭有d嚇親，但價格其實算係合理嘅，因為份量真係好多（300g的話），同埋quality 都係高嘅。另外，除左沾麵，仲有好多款拉麵可以試，值得來的👍👍

係網上見到銅鑼灣開左間米芝連嘅拉麵店，而且係試業中，所以就係年三十早放就去同另一半試下。去到都要等下位，但舖頭相當大間，應該可坐到好多人。而等位期間，仲可以睇係門外睇下師傅整麵過程添。入到去就睇下個餐牌，有沾麵、拉麵同埋一個飯食。小食亦都有不少選擇。但因為個人較喜歡食沾麵，所以就叫左個周月沾麵。沾麵仲可以揀個麵嘅份量。個餐牌設計特別。個沾麵到左，因為我叫左個300g嘅沾麵，所以個麵係大碗過d湯。咁食沾麵就當然係夾麵落湯食啦。浸一浸等d湯沾上d麵，食落味道好香濃，湯入面仲有d肉粒，好好食。麵質方面，我覺得好煙韌，好好食。總括黎講，好好食，值得再食。

因為喺公司附近又話“米芝蓮”，所以咪試吓囉！！下午去無乜人，佢啲坐位就好似啲壽司舖咁，排排坐只有1-2張係有張枱可以對坐。想試“沾麵”嘅但天氣好凍，所以叫咗碗拉麵（有湯）。燒黑豚拉麵（濃湯）湯底可以揀“濃湯/淡湯”，一向（重口味）要咗濃湯，另加咗個小食“炸雞”。濃湯真係比較重油同酱油，幾咸吓😓下次淡湯好啦！黑豚佢係會一塊一塊咁燒香先落碗，所以好脆口 😍，麵條有咬口，半熟雞蛋晤係熱/暖。炸雞～以為係（小食），但原來好大份，差晤多成隻雞髀嘅份量😲！有人share會好啲，但炸得好脆同 juicy！枱面會有茶供應，但係凍嘅（室温）！下次去試個沾麵同銅鑼灣先有嘅特選拉麵，下次再報告！ 😘😉

We went over to Cannon Street to try out this new ramen/tsukemen place. With Causeway Bay having many good places to enjoy Ramen we were hoping to add one more to the list but unfortunately this place is just OK.I had the spicy tsukemen and it didn't have the rich flavor of other restaurants in Causeway Bay and ultimately while it wasn't bad it just didn't blow me away.It's a little bit more expensive then other places and service was a tad slow as well.

一直都好想試下日本既沾面，所以就同左中學同學去左銅鑼灣新開既周月食lunch。menu 好靚，裹面有埋圖比你參考，好detail 我同朋友每人各自點左一個面，再加小食飲品。餐廳仲好細心，有d 面可以比你簡要濃汁or 淡汁。面既份量都可以簡，好體貼。我就點左燒黑豚沾面(濃汁) ，另外追加左味玉(即係溏心蛋) 加紫菜碎。仲有點左和牛。面既份量係200g, 我建議大家如果會點埋小食，其實200g 都唔會太少。講返食物，d 面真係好有彈性，同埋個汁好正，唔會太濃又唔會太淡。黑豚肉同和牛真係好好食，juicy得黎又唔會乾。推介炸雞炸粉一d 都唔厚，又唔油膩。 推介周月的餃子足料又多汁，推介 山椒油。拌面 - 銅鑼灣限定我朋友點左呢個，一上到黎d 面熱辣辣，好吸引。其他分店無架，所以大家有興趣可以試下。野菜魚餅 + 豆腐 + 甜薯波子汽水