麵棧 (已結業)

好食,好耐未試過皮薄料正既餃啦,仲有東坡肉都好食(但係要吾怕肥).d麵彈牙,吾重麵粉味.要留意佢地d湯,我成碗飲o西.

黎過幾次，每次都無失望。龍俐柳好香，肉滑;雞翼好惹味。麵都Ok,不過覺得附近蘭州拉麵做得較好。

一個星期總會有一日去食一次, 就算唔係果到食都會買生菜餃返屋企煮0黎食, 坦白講, 佢地菜餃無海記咁好食, 但係海記都摺埋之後係荃灣區佢都算最好食. 淨菜餃無記錯有八隻, 都只係二十蚊一碗, 我自己就最鍾意食冬菇生根面, d冬菇好入味好厚肉, 面係自家造(飲食男女賣過0家), 好有咬口, 記得加多五蚊仲有多一味"食送". 不過鋪頭好細, 都坐得好迫.

好正, 減緊肥都要試

我食過佢既白肉,菜餃,東坡麵,好好食呀, 而我朋友試過新出的魚柳麵都話好食. 不過, 佢成日都有早落單遲有麵食, 遲落單早有麵食的情況, 就唔係咁好啦. 另外, 地方太細啦, 食得好急

佢個白肉麵真係冇得彈, 我宜家去開荃灣都會去食,20 蚊一大碗麵加5 蚊就可加多樣'食送'(我會建議食埋個東玻肉)<br>佢果d 白肉好就好在夠清呀,o係出面你食到o既都係一d 加o左汁o既豬頸肉, 根本食唔到佢原本o既味道, 再加上聽講d 麵係自己打o架。<br>有一樣o野真係唔好就係如果唔係有friend 話我聽有間咁好食o既店舖, 我係冇可能知呀, 因為佢實在太僻。

簡直無得彈, 白肉係豬頸肉, 但係唔會好肥, 0岩0岩好, 湯底好清, 麵又彈牙, 好味道! <br> 但係座位太少, 一到lunch time就好易無位, 至於其他麵類的選擇就比較少, 想食靚麵就要早d去啦!

這間店的位置非常隱閉, 我都是經舊同事推介才知有此店。此店的主要特色是手打拉麵及精製的湯底, 加入雞及豬熬成。麵條真的很滑, 聽聞是山東的獨門拉麵。而此處的麵確與別不同, 特別的有綠茶白肉麵, (白肉是豬頸肉), 東坡肉麵, 很入味, 另外我見到很多街坊叫了菜肉餃麵, 我想也是招牌貨之一。今次我吃了肥佬炸醬麵, 汁弄得不錯。朋友要了豬排麵, 我嚐了一件豬排, 很嫩滑呢! 麵的價錢約$20一碗, 都好大碗啊! 還有, 這裡的豆漿很幼滑, 都不錯啊! 這間小店是像我一樣麵痴不可錯過的選擇啊! 要彈的是店內比較狹窄, 要搭檯, 而店鋪位置真的很難找, 要點耐性啊!

$20一個麵, 味道稍淡, 不過麵質爽中帶, 什有咬感. <br>服務都幾好, 老板娘招呼周到. <br>