麵屋常勝 (已結業)

觀塘本身比較少拉麵店，咁啱觀塘東廣場開咗間新拉麵店，於是就嚟試試佢！的確價錢係幾平，可能因為喺東廣入面開，比較坐得冇咁舒服，同埋碗麵嘅份量比較細😂食咗個明太子豚骨湯拉麵，湯底有少少偏鹹，蛋就唔跟嘅😅雖然知道本身明太子都有啲鹹味，但係即使未撈勻啲明太子，本身嗰豚骨湯就已經有啲太鹹，作為咁鍾意飲湯嘅我，最後都飲唔晒！🥹同行朋友叫咗極上濃蝦湯拉麵，呢碗好食好多！佢所有嘅豬骨湯拉麵都係比較咸😅總括嚟講觀塘區都係食返工廠小店啦😂

今日又去咗觀塘番工，食乜好？見到東廣場有唔少餐廳，仲好多好親民既野食😄😄 我見到呢間麵屋常勝裝修好特別，好用心去設計到好有日本風味，仲有少少兒時回憶既感覺，餐廳內仲有波子機可以玩😆😆😆有好多款拉麵呀！我就揀咗有手指公👍🏻既吉列蝦龍蝦湯叉燒拉麵😻 第一次黎先試下店主推介😄😄除咗拉麵，仲有好多款飲品提供，好似罐裝日本波子汽水🥤、樽裝玄米茶，當然唔少得受香港人歡迎的罐裝可口可樂啦！吉列蝦龍蝦湯叉燒拉麵🍜- 龍蝦湯真係好好味😋仲要無味精，食得兩放心，我仲飲咗好多😃😃😄拉麵係可以選硬度既，我呢方面無乜特別喜好，所以揀咗普通就可以😌都無揀錯😊😊拉麵沾上龍蝦湯既鮮味，好好味😄😄- 吉列蝦有三隻呀！隻隻都好大隻😃😃😃罐裝可口可樂- 除咗可口可樂，仲有其他飲品好似茶同波子汽水🥤揀，選擇夠多😆麵屋常勝 (觀塘)觀塘成業街7號東廣場地下G52-53號舖

觀塘東廣場入面有好多小店☺️今次終於同家人來試下呢間新開的拉麵店🍜 店舖裝潢得好有格調，好有日式風味。牆上擺咗不少懷舊玩具，店內有一部街機可以比大家玩🎮 充滿歡樂的氛圍🎉✪ 明太子豚骨湯叉燒拉麺 配 南蠻炸雞 ⌫💲126拉麵的湯頭非常豐富濃郁，帶有豚骨的香味。將明太子拌勻，湯底變得更鮮味，味道相當獨特。叉燒的肉質鮮嫩多汁，搭配上湯頭更是美味。南蠻炸雞外酥內嫩，酸酸的醬汁好開胃。✪ 極上濃蝦湯叉燒拉麺 配 芝麻手羽 ⌫💲116呢碗拉麵有濃郁蝦味，搭配上炙燒過的叉燒，營造出一種獨特的風味。芝麻手羽外脆內嫩，好出色！【 麵屋常勝 】📌 觀塘成業街7號東廣場地下G52-53號舖

身為一個東九龍人，竟然之前冇嚟過呢度！話說今日我個friend叫我去觀塘食飯，然後話喺東廣場有間好正嘅隱世日本餐廳係東廣場(好近觀塘地鐵站)，今次當然要去試吓啦！🙈而今次去嘅餐廳係麵屋常勝，係一間日式小店，細細地但係裝修都幾特別。而佢水準真係超發揮，竟然意想不到嘅好食，抵俾足一百分佢💯💯今次叫嘅嘢食有: 吉列蝦叉燒濃蝦湯拉麵 🍜 ($108): 食拉麵當然要飲啖湯先，個湯頭真係非常impressive - 完全濃縮左海鮮嘅鮮甜美味，完全睇得出廚師嘅用心製作，不愧為王牌菜。拉麵有彈性和嚼勁，喺吸收咗濃蝦湯嘅精華之後食落去更加啖啖滿足。不得不提嘅係佢豐盛嘅配料，竟然有吉列蝦同叉燒！吉列蝦肉質鮮嫩多汁，炸得卜卜脆，而叉燒質地柔軟，入口即化，簡直充滿了豐富的層次感和口感，真係冇得彈！濃郁雞白湯雞叉燒親子拉麵 🫕($108): 濃郁的雞白湯充滿了鮮香的雞肉味道，一入口就能感受到濃郁的滋味。雞叉燒的肉質鮮嫩多汁，雞肉的風味能夠完美融合在湯中，讓每一口都充滿了濃郁的美味。麵條彈牙有嚼勁，與湯頭的結合更是絕配。整碗拉麵的味道層次豐富，讓人吃得津津有味，回味無窮！秘製南蠻雞 🥘($48): 秘製南蠻雞炸

依間拉麵鋪開左一排，經過過兩次，今晚聽見職員sale話 '無味精' 就試下啦，當然已經預左有伏嘅心態去食。 $88蚊份量細都算，湯底唔濃，仲好勁味精，食完勁口渴，飲左兩支750ml 嘅水差另外加左$20要左個套餐，炸蠔+自制玄米茶就無咩特別。坐底左食食吓，左閃右避，事關將4人枱，分到2人枱，通道勁窄，職員行唔到入去，本人食左幾吓職員的pat pat 橫掃。整體系感差。無味精係呃人同區拉麵丸京$108就食到飽飽，雖然係有味精。分享完畢😂

觀塘東廣場新開左間拉麵🍜店「麵屋常勝」今日lunch 就跟同事去食吓😙 「麵屋常勝」仲可以邊食拉麵邊玩彈珠機…或打吓機🤪赤骨豬湯骨叉燒拉麵 加糖心蛋，湯底冇味精，味豬骨味道濃郁，而且叉燒份量大塊又夠口感！配有蔥、木耳等👍麵底有三種硬度可以自己揀👍吉列蝦叉燒濃蝦湯拉麵加糖心蛋，無味精，蝦湯味道鮮甜，叉燒又係超大2塊 .. 而且不薄有厚度😙炸蝦有3隻追加左4款小食🙈🙈有蟹肉忌廉薯餅炸魷魚鬚，芝麻手羽, 炸章魚球.. 每款也不錯！

原來東廣場新開咗一間拉麵店。都有兩個舖位，一個做廚房，一個俾客坐。點完餐先入去坐，等送餐麵店主打無味精湯底，有豚骨、雞白湯、蝦湯三款。試咗最多人叫嘅蝦湯試吓。配料有木耳、京蔥、海帶，加上少少紫菜粉，令濃厚嘅蝦湯加一份清爽。有三塊火炙叉燒，燒過嘅叉燒好香，而且好淋好好味。麵係曲麵更加掛湯，鍾意濃味拉麵一定鍾意，性價比都高。另外叫一份炸魷魚鬚都好正，條條都酥脆。門口有部遊戲機可以俾你等麵嘅時候玩下幾過癮。

觀塘東廣場有日式拉麵食，於是相約喜歡吃拉麵的朋友在這裏吃晚飯。先填寫點餐牌，再往收銀處付款，然後找個座位，等待侍應叫號送餐就可。吉列牡蠣黑蒜油湯拉麵味道濃厚，黑蒜油覆蓋了湯面，單看外觀只見伴菜。麵質是可以選擇軟硬度，然而第一次品嚐，所以選了正常軟硬度，入口口感當真剛好是不硬不軟，加上掛湯令口感變得順滑，黑蒜油香味充滿口腔。吉列牡蠣可以說份量十足，蠔大小算是中上，亦有新鮮的香甜感。外表炸得鬆脆且不太油膩，一碟四件價性比很高的選擇。極上龍蝦湯叉燒拉麵叉燒厚度適中，肥瘦度亦相當平均，富有燒肉香氣而且口感軟滑。龍蝦湯味道濃厚，名副其實。另外加配了溫泉蛋，溫泉蛋煮得恰到好處，蛋內軟滑流香蛋醬。追加小食日式炸餃子，炸餃子的大小適中，中間餡料是日式常用的菜和豚肉，是正常日式炸餃子的作品。另一小食是芝麻手羽，一客兩隻，外層香脆可口，但又不會太過油膩，十分合我心意。飲品選了罐裝日本蜜瓜汽水，味道是蜜瓜香味的果汁，充滿氣的口感，可以一試。日本波子汽水甜度恰到好處，也是另一可以一試之選。

估唔到喺觀塘嘅東廣場有一間性價比高嘅拉麵舖頭 舖頭裝修好有日本麵檔嘅感覺 餐廳痴咗好多懷舊嘅日式海報 最估佢唔到係連街機都有🤣極上濃蝦湯叉燒拉麵 $88一上到嚟見到橙紅色嘅湯底 就已經覺得好吸引 舖頭標榜無味精 但飲落去味道依然濃郁 健康之餘 仲保持到有好香嘅蝦味🦐面底用咗曲面 都幾掛湯 同出面啲拉麵舖一樣 可以揀軟 正常或者硬 麵質都不錯🍜個人就好欣賞佢嘅叉燒 有三大舊 仲要係偏厚身 叉燒係半肥瘦 燒到好香☺️濃郁雞白湯叉燒拉麵 $88如果唔係話好鍾意食好濃味嘅嘢 就可以選擇依個雞白湯拉麵 比起蝦湯 雞白湯更容易入口 相對清新 湯底唔算油膩😝不得不講 平時喺香港食一碗好食啲嘅拉麵都百幾蚊 依度$90都唔使 真心CP值幾高!炸魷魚鬚 $48唔算油膩 炸粉亦都唔厚 魷魚食落去都保持到少少爽口嘅感覺😋芝麻手羽 $28雞翼好飽滿 燒得好靚 雞肉肉質鮮嫩 一啲都唔鞋 佢嘅小食都係炸物比較多 如果驚熱氣 我個人覺得依個係一個唔錯嘅選擇🤣

在觀塘有一間新開的拉麵小店舖叫麵屋常勝，與十多廿檔其他小店連成一個美食廣場，地点人流極旺，不愁沒有生意。麵屋常勝佔有兩間舖位，鋪位前身是茶檔。座位有十六個，空間較狹小，鋪位裝修很有日本昭和時代風氣之外，亦擺放了美國的翠兒、FeIixTheCat及小魔怪擺設，收銀處旁邊亦擺放了座地式遊戲機及波子機，可以免費任玩，氛圍盡顯是店主個人風格，店舖還播放鬼滅之刃的歌曲。除了店主外，其他職員全是女性。麵屋常勝麵款都有7款，包括了基本豚骨湯白紅黑三款，再加一款有明太子，之後另外有濃蝦湯味噌湯和雞白湯，炸物有八款，飲品有汽水同樽裝冰茶，不想吃拉麵可以加錢換烏冬。我選了明太子豚骨湯拉麵，還有炸雞軟骨及可口可樂。老實锐，常勝的拉麵份量足夠很飽，套餐價錢在一百元之內，食品味道非常大路，豚骨湯湯味道較薄弱，麵條浸湯很久，麵身會發脹及黐在一起，明太子雖然好味吸引份量亦多，放入拉麵內味道增強了，但咸度亦相應大增，叉燒肉味還好，整體是要更加努力，雞軟骨份量多，炸熟的時間拿不準，口感普通。雖然味道我覺得一股，但由於人流真係旺，所以麵屋常勝覆枱率快，一選完吃完就離開，木夠幾分鐘就有客補上，我見很多客人點選蝦湯拉麵同赤辛

觀塘呢邊可以話係一個食肆匯集嘅地方，即係日本拉麵來講已經有好多唔同嘅選擇。今日久違嚟到東廣場呢邊有見到一間新開嘅日本拉麵，望左望餐牌發現相對於其他日本拉麵來講，價錢相對親民，大約港紙七$80已經有大大碗嘅拉麵，加多$20嘅話更加可以追加汽水同埋小食，食完成個套餐之後真係好飽好飽。呢間舖嘅賣點係冇味精嘅蝦湯拉麵，我覺得蝦湯嘅味道都好濃郁，完全可以飲到蝦嘅鮮甜味。今次我叫咗叉燒同埋蝦天婦羅嘅拉麵套餐，叉燒軟爛嫩滑之餘邊緣又有少少煙燻過嘅感覺，口感豐富有層次。蝦天婦羅🍤大大隻脆卜卜，店員有講係廚房新鮮炸出嚟嘅！朋友嗌咗雞湯拉麵，相對蝦湯來講，佢嘅味道會比較清新，但同一時間因為湯冇咁濃郁麵都冇咁入味，所以如果兩者比較嘅話我會更加鍾意蝦湯🦐！小食方面，我哋叫咗炸魷魚鬚同埋牡蠣天婦羅🦪魷魚鬚嘅份量超級大，同樣都係炸到酥脆可口。但最最令我驚喜嘅係牡蠣，一口咬落去脆卜卜之餘都好多汁，啲汁都好鮮甜，感覺有大海嘅味道🤣🤣成間鋪嘅裝飾用咗日本嘅復古風格，仲有一啲波子機同埋遊戲機可以比客人玩，都幾得意㗎，我幾鍾意牆上面黐住好多日式復古海報，好有feel！

New ramen shop in E Plaza. Tiny shop and better avoid rush hour..FOODThe Chicken White Soup Ramen, soup based is not in consomme soup way (light soup). They have strong flavor. I though they may added some bone broth, i am not sure but the soup based is sooo matched with the Chushu. Love it ..Roast Chushu is so good, the taste just like they have burned with charcoal. Everything are standing and equal to price..ENVIRONMENTTables and chairs are narrow and crowded eating cheek by jowl..SERVICEOrde

外賣，蝦湯叉燒拉麵，另加蛋。湯底不錯，叉燒有燻過，麵質相當一般，仲痴埋一舊 🤦，敗筆唔夠熱，應該擺好晒麵底及馬，湯另上，蛋係咸多於入味，凍到一個點 🤦，價錢算係正常但唔係呢種質素。

尋日做嘢要到觀塘開會，晏晝唔知食乜，去東廣場搵下食，見到有間新開拉麵店，間鋪玩懷舊feel，幾過癮就試下啦，第一次唔知試咩，嗌咗一個黑蒜油拉麵加隻蛋試下水溫先，個麵到咗，聞落幾香，開頭望隻碗以為好細碗，點知食落又幾飽，拉麵最緊要個湯夠熱，食到尾都唔涸喉，個湯抵讚，最鍾意係佢啲叉燒，厚度適中，份量都有3塊，食落唔鞋，唔知係咪燒過，啲油脂同埋香味好正，因為太肚餓，食晒先發覺冇影相，下次會再試其他味補番～不過佢哋無水飲，所以就嗌咗支茶，$5支都ok啦，而家東廣場都變晒，好多鋪頭同以前都唔同晒，不過又多咗好多嘢食選擇😋😋😋

已經有年幾無去東廣場食飯喇😝個場都仲係好多選擇，見到間新開嘅拉麵店裝修好昭和就入咗去試下。店鋪坐位唔多，12-3個到啦，第一眼就比蝦湯張poster吸引住～可惜我近期皮膚敏感唔食得😖最後叫咗黑蒜油拉麵加溏心蛋，多謝$84😊講返野食先，黑蒜油好香濃，又多！本身佢嘅豬骨湯底已經好正，食得出有熬過嘅！加埋黑蒜油一絕👍溏心蛋～本身唔諗住寫食評，就係因為呢粒蛋… 一咬落去蛋黃就流出嚟，粒蛋好入味😋拉麵係曲麵，無咩鹼水味，質地爽身，麵幾掛湯，最後我都差唔多飲曬，無死咸，唔太渴！配料都係嗰啲…海草木耳…題外話，佢有部old school 嘅街機放咗喺門口，係king fright 呀👊忍唔住打鋪先走✌️我會再嚟幫襯，蝦湯等我呀