麵屋一鳴

营业中

休息中

位置頗為偏僻，如果唔係時間有多，可以周圍閒逛，都發現唔到呢間舖🙈 餐廳營業至晚上9:30，算係早收舖，都係做啲街坊生意。店員亦好有禮貌，主動介紹。見到另外一枱應該係熟客，從對話內容感覺呢家街坊店好親切😀.餐前有沙律份量細細，當係開胃菜特盛拉麵 （醬油雞白湯） $98叫咗集合低溫雞、廣島蠔、叉燒同薄切牛四款餸嘅拉麵，一次過試晒唔同餸。個人最喜歡低溫雞，咬落嫩口，醃料亦相當入味，而且份量充足👍🏻.面底採用黃麵，都算彈牙.湯底亦有驚喜，雞味相當濃郁，醬油同雞味配合得好好，不過食到最尾係有少少鹹，呢個位有待改善.見到Menu其實仲有其他一餸嘅拉麵，價錢相對抵。雖然呢家拉麵唔算最出色，亦有改進地方，但呢個價錢來說，絕對冇得輸，起碼好過某大型連鎖拉麵店😏

講到大角嘴拉麵來來去去都係個兩間最出名嫁啦，又多人排隊。今日得知有新店進場，梗係要去試吓啦！味道未評論之前，價錢方面已經嚇我一跳 $50左右就有一碗，跟香港大部分既拉麵價位黎得平！晚上7點，已經差不多滿座 入一間第一次食既拉麵店，梗係問店家有乜出名！濃厚雞白湯是招牌，咁一定嗌啦先上沙律，其實冇唸過有沙律因為本身價錢已經夠平 食拉麵前開開胃先低温雞白湯拉麵 55好老實如果你要同座X個啲百幾蚊相比的拉麵，實力係不及既 但佢以小店拉麵同價位就超越水平。 湯底濃厚又不感，麵質剛好唔會煮太淋or硬身。雞肉都嫩既 糖心蛋就基本啦！仲有紫菜木耳芽菜作配豚肉叉燒拉麵 58叉燒大大塊，湯底揀咗鹽味但都順口既！總結，以平民價錢食到呢個質素既拉麵 我冇任何投訴！

以前喺大角咀返工，呢個位置係一間米線鋪，估唔到依家變咗拉麵店，位置的確比較隱蔽，如果第一次去應該要啲時間🥹豚肉叉燒拉麵醬油味 $58呢個價錢仲要有兩塊大叉燒，真係物超所值！仲要有好多配料，我絕對冇偷工減料！叉燒入味並且好冧，醬油味唔會好濃烈，啱啱好，飲多幾啖都唔會頸渴☺️低溫雞肉拉麵原味 $55雞肉好似平時男朋友做gym ge即食雞胸肉咁，但新鮮慢煮嘅關係更加Juicy，而且唔好睇佢白雪雪，其實好入味😌湯底同樣係可以一飲再飲！薯仔沙律 $20見到就已經覺得好靚，薯蓉非常幼滑，有蘿蔔絲 青瓜絲 洋蔥絲，顏色同營養都咁豐富🤪

平民拉麵店🍜最平$58就食到日式拉麵🇯🇵💎豚肉叉燒拉麵 $68可以一試✅ （😋：7.7/10）👍🏻：濃厚鷄白湯拉麵底，有豚肉叉燒(2片)🥓溏心蛋(半隻)🍳每碗都有青葱、 洋葱、味付笋、芽菜、木耳絲啦，值得一提嘅係啲芽菜，竟然係有經調味🧂有少少辣醬味🌶️好好味😍豚肉叉燒係薄片，但都大塊嘅🥓溏心蛋好正！🤩🤩🤩👎🏿：。💎低溫雞肉拉麵 $58可以一試✅（😋：7.5/10）👍🏻：濃厚鷄白湯拉麵底，有低温鷄肉(3件)🍗溏心蛋(半隻)🍳，我揀咗低温鷄肉係厚切雞胸肉🍗溏心蛋好正！🤩🤩🤩👎🏿：。㊙️每個拉麵可以任選三款湯底🍜：醬油味🫙 / 鹽味🧂/麻辣味🌶️💎 薯仔沙律 $20值得一試‼️（😋：7.8/10）👍🏻：薯仔沙律入面有薯蓉🥔蕃茄🍅洋蔥🧅沙律菜🥗撈埋一齊，所以口感同味道都算豐富幾好食👎🏿：。💎午市套餐會跟 野菜沙律🥗同埋紙包飲品🧃環境：7.5/10 服務：7.5/10 (冇加一)價錢：人均約 $60-70性價比：8.8/10 🥺🥺唯一缺點係佢嘅地點真係太偏僻🥲好難搵📍麵屋一鳴 (大角咀)大角咀中匯街52號地舖

呢間拉麵店嘅位置都幾隱世~ 係喺奧運站附近, 比較似係街坊拉麵店🍜 晚市嘅時候都有唔少街坊客👍🏻 而且餐廳嘅價格定位都比低⚖️ 所以性價比都唔錯!!☺️Menu主要係以拉麵同烏冬為主🍜另外仲有一啲小食, 例如餃子🥟雞翼🍗沙律🥗等等~ 而烏冬, 拉麵嘅主食就以廣島蠔, 叉燒, 牛肉片為主~ 湯底方面有得揀醬油味, 鹽味, 麻辣味仲有雞白湯🐣 選擇都好多, 而且一碗拉麵都係$60左右🥹 真係幾抵食🤤 今次試咗兩款拉麵都唔錯🫶🏻 而且都幾足料, 仲有竹筍, 蔥, 芽菜, 木耳, 糖心蛋🥚 全部都幾入味👍🏻 叉燒同雞肉嘅肉質都唔錯😋 另外餐廳會為客人都會送一小碗麻醬蕃茄沙律🥗 可以解膩~🤍豚肉叉燒拉麵 (鹽味) $58🤍低温雞肉拉麵 (雞白湯) $55

今次食依間拉麵價錢親民，味道都好唔錯！平日夜晚都滿座嗌拉麵會包埋沙律，係芝麻醬蕃茄同沙律菜，蕃茄酸酸地配芝麻醬甜甜地中和左酸味，清新開胃叫左豚肉叉燒拉麵($58)，湯底有得揀醬油、鹽味同麻辣味，揀左醬油湯，湯底好鮮甜，醬油味濃郁，拉麵食落有咬口掛湯力唔錯！豚肉叉燒都入味夠滑另外試左低溫雞肉拉麵（$55），依個就試左鹽味湯，清清地更顯湯嘅清香，食完唔會覺得太濃好口渴！個低溫雞肉係好滑，而且雞肉嘅味道好香好濃真係好難搵到依個價錢但又咁好食嘅拉麵！

💪🏻 US牛肉薄切拉麵 ($68)呢間小店係主打平價嘅日式拉麵，價錢平均都係$50-60內，好抵食，都好多街坊支持。今次就試咗佢嘅醬油湯底雞湯拉麵，湯底有醬油咸香，油份充足，令到啲麵都掛湯。牛肉好大片，都夠薄，有牛味😚！拉麵係正常拉麵底，仲有溏心蛋、紫茶、荀、洋蔥等配料。拉麵仲會有一個胡麻沙律附送。味道：6.5/10性價比：8.5/10 食住瘦指數：💪🏻💪🏻/5

拉麵一直是受歡迎的美食，一間好的拉麵店是不容易找的，雖然現在通關了，可乘坐飛機至日本品嚐，但現在可以不用到日本，因為這間隱世小店絕對能幫你，店舖位於大角咀，離地鐵站大約有10分鍾路程，店舖麻雀雖小，但五臟俱全，而且看餐牌價錢親民貼地，入內點餐後先送一個前菜小吃，芝麻醬蕃茄沙律菜，開胃有益豚肉叉燒拉麵（醬油味）豚肉大大塊，肉質有咬口，拉麵質地彈牙不黏糊，配菜有溏心蛋，味付笋，蔥花，洋蔥，木耳，紫菜，配合醬油味濃濃雞白湯，非常惹味低溫雞肉拉麵（鹽味）雞肉有3大塊，厚切但不鞋口，肉質軟嫰多汁，鹽味湯底清爽不油膩，非常出色麵屋一鳴大角咀中匯街52號地舖

今天工作來到大角咀，位於中滙街的街尾，有間細細的拉麵店，家庭式經營，每日新鮮淆製湯底，價錢經濟實惠，很多街坊支持。湯底有雞白湯和蕃茄湯兩款選擇。每碗拉麵都附送一小碗沙律，沙律菜新鮮。「低溫雞肉拉麵」$55白白的雞肉有3片，切得整齊，食落唔會嚡，反而覺得Juicy，湯底清甜，配料有溏心蛋、笋片、木耳、芽菜和大大塊紫菜，拉麵軟硬適中，份量還很多呢！「豚肉叉燒拉麵」$58這碗不同的是把雞肉片轉成兩大塊豚肉叉燒，叉燒肉質軟腍富彈性，叉燒瘦中帶些少肥，不錯。

#chuchu食在大角咀📍 麵屋一鳴大角咀一向多隱世舖頭仔，見到街坊介紹一於去試吓！見到個menu比啲價錢嚇親，真係好抵！$50幾蚊就食到碗拉麵！💡中匯街行到最尾就會見到！—————————————————————❣ 低溫雞肉雞白湯拉麵 $55一嚟試啖湯先，真係好濃，好似用咗10隻雞煲咁🤣超推薦個雞白湯！配料好豐富，有紫菜、木耳、芽菜、荀同溏心蛋！雞肉醃得好夠味又好嫩，一啲都唔嚡，好健康！做gym嘅人如果又想食拉麵又怕肥，一定要食！.❣️ 豚肉叉燒雞白湯拉麵 $58厚切叉燒，叉燒淋淋地又有啲咬口，唔算話好嚡！湯底都係用雞白湯，配料都一樣！麵就幾煙韌都幾爽，都係湯底最出色！💬 一坐低店員就會上胡麻野菜沙律，好fresh，清清地，開一開胃先！—————————————————————不專業評分👅好味指數: 7.5/10 💰性價比: 8/10👍🏻推薦: 7/10 —————————————————————🏡地址: 麵屋一鳴 (大角咀)大角咀中匯街52號地舖🕑營業時間: 11:30-21:00 —————————————————————#chuchu食日本野 #chuchu食拉麵————————

約咗人嚟大角咀交收，順便喺附近簡簡單單食一餐。記得之前有朋友介紹過中匯街有間平民拉麵店，午餐定價非常親民，一於過去試下。店面不大，只有十餘個座位，但環境簡潔明亮。餐廳主打濃厚雞白湯拉麵，另外亦有蕃茄湯烏冬、沙律、關東煮、餃子、雞翼和飲品等供應。點咗兩個午市推介，套餐包胡麻野菜沙律同紙包飲品，沙律菜好新鮮，蕃茄甜美多汁，配埋微酸嘅胡麻醬，清新醒胃。低溫雞肉拉麵 ($55)  湯底可以自選醬油味、鹽味或麻辣味，揀咗鹽味，雞白湯底以雞骨，雞殼及少量豬骨等熬煮而成，入口雞味非常濃郁，濃而不膩，帶淡淡雞油香。雞胸以低溫慢煮方式烹調，上碗前再輕輕火炙過，肉質軟嫩富彈性。配料有紫菜、木耳、芽菜、味付筍、半隻溏心蛋同蔥花。麵條帶小小孿，掛湯力不俗，彈牙有口感，風味極佳！至於另一碗豚肉叉燒拉麵 ($58)  水準亦唔錯， 湯底味道啱啱好，醬油味唔會過鹹，叉燒大大塊，肉質軟腍，易咬不韌。溏心蛋閃令令，蛋黃橙色半凝固，入口蛋味好香濃~

大角咀係呢個位原來係超多嘢食各式各樣五花八門諗得出嘅菜式都有大角咀隱世小區之拉麵店唔想食側邊好重好heavy 嘅火鍋雞煲所以就揀咗呢間做午餐好日本式風味嘅烏冬拉麵店至愛的蕃茄湯烏冬！一見到有蕃茄湯係一定忍唔到！呢個慢煮雞好嫩加埋入面嘅配菜係非常之健康其實我想講佢前菜嗰個沙律好好食囉嗰個沙律醬再配新鮮蕃茄同沙律菜超開胃！其實我覺得呢間嘢係夜晚到同成班朋友食，一定好正因為佢仲有好多串燒呢個位落嚟係地鐵站行過嚟唔算太遠

食個牛肉薄切拉麵，啲湯完全唔夠熱，變左生牛肉拉麵，最閉啲牛肉唔係生食級，食到反胃，湯底都好弱😅😅😅😅😅木耳好似食緊茶記雲耳蒸雞果啲口感，紫菜又受潮，另外嗌左個廣島蠔拉麵，算正常，價錢係平，但我覺得呢個價都唔值，叉燒都醃得好差，好似食白烚肉咁，個麵本身唔貴，本身都冇預好好食。點解當初會去食就係因為見到街坊推薦，食完真係搞唔掂，唔好當佢日式拉麵好啲😂如果有心真係想學日式拉麵既經營模式，最基本都要畀個夠熱既湯客人，希望改善下

這家拉麵和烏冬餐廳，其實惠的價格和豐富的口感，性價比好高，抵食安格斯牛肉番茄湯烏冬。端起這碗滾燙的烏冬面時，濃郁香氣好吸引。湯底由番茄和牛肉熬製而成，味道香甜可口。安格斯牛肉的肉質鮮嫩多汁，與烏冬面的QQ口感完美融合，每一口都充滿著滋味。濃厚白雞湯叉燒豚肉拉麵。散發著濃郁的雞湯香氣，湯底悄然間透露出雞肉的鮮美。叉燒和烤豬肉的肉質鮮嫩多汁，與拉麵的彈牙口感相得益彰。每一口都能感受到雞肉和豬肉的香滑口感

大角咀小店特別多，最近開左間新拉麵店🍜，身為街坊當然要去支持下 ！一拎個餐牌睇就覺得好抵😆，平時一碗拉麵閒閒地都要過百蚊，呢到六十蚊已經有交易，而且仲有一碗沙律🥗送！免費既凱撒沙律一啲都唔馬虎👍🏻！豚肉叉燒拉麵叉燒好特別，一開始見到紅紅地以為唔熟，店員解釋係慢煮叉燒嚟，可以放心食用。拉麵軟硬適中，溏心蛋好食！低溫雞肉拉麵雞肉以低溫煮熟，肉質好嫩👏🏻！百零蚊就可以食到兩碗拉麵，真係好抵！