麵尊

营业中

休息中

聽人講麵尊好出名，是吃車仔麵，所以我也慕名而來，見到門口已排了人龍，但不需等太耐，因為大家主要都是簡單的吃車仔麵！我點了大尊作底再加餸🤭大尊本身已有豬紅，蘿蔔，咖哩魚蛋，紅腸，豬皮和菜，我再額外加了豬頸肉和咖哩魷魚，好多餸，好正！我要了咖哩汁少辣，個湯真係好好味！這裡的蘿蔔好大舊，蘿蔔是甜的，豬紅不腥，豬頸肉彈牙，咖哩魷魚是必點😍，真係特別好味！👍🏻👍🏻朋友都是叫了大尊，但加豬大腸和酸齋，麻辣醬。朋友說麻辣汁好好味，不會死辣！總結來說，我覺得散叫二三個餸加麵，其實都只是40-50元，比起另外普通車仔麵檔的，價錢差不多，但水準是比較好的，而且感覺也較乾淨衛生！還有自家制麻辣醬和咖哩醬賣，買回家沾麵食，煮餸都好正！

想係港島區平平地食餐飯，又要好食嘅，第一時間就會諗起好出名食車仔麵嘅麵尊。雖然每次經過都要排長龍，但啲人通常好快食完，所以半個鐘內都入到。🍜 酸齋牛柏葉蘿蔔油麵($42 ) 👅:94.17分今次叫咗餐廳推介的酸齋，咖喱牛柏葉，蘿蔔。酸齋比我想像中好食，牛柏葉煮得夠腍，索晒啲咖喱汁，蘿蔔清甜無渣，配埋佢哋嘅靈魂湯汁- -腩汁加帶小辣嘅咖喱汁，好滿足。不過小辣到幾辣下，大概譚仔三小辣，大家要衡量下個辣度。朋友叫咗豬頸肉，豬紅，炸魚皮都很不錯。✅可以另購佢哋秘製嘅咖喱汁環境: 👍👍👍回頭率: 👍 👍👍👍訂座: ❎

講起香港出名既車仔麵，麵尊真係數一數二出名既餐廳。今日收工就黎，都已經開始排隊。我同朋友都叫左四餸車仔麵，每個餸$10-12, 麵底都係$10。係銅鑼灣鬧市，呢個價錢十分佛心，而且味道又好。蘿蔔、斎、雞中翼、咖哩鱿魚米線，腩汁。呢度既辣度好勁，因我唔食得辣野，所以揀左普通湯底，但都十分入味。每個餸都係好入味，瑞士雞翼好惹味，蘿蔔又夠淋加甜，咖哩鱿魚有口感又煙韌，值得一試，米線份量都十分足料，滿滿的一大碗好滿足。蘿蔔、貢丸、豬頸肉、紅腸粗麵粗麵入味之如又有咬感，豬頸肉，貢丸，紅腸好好食，值得一叫，岩晒鐘意食肉既人。無糖可樂$10食完車仔麵飲野真係超爽，滿足。腩汁白菜$22出街食飯多數未必有菜食，呢度有埋蔬菜選擇，健康之選。

其中一間環境好啲新色啲嘅車仔麵檔 成日都見到好多人排隊 但今次買咗外賣腩汁湯底偏甜 咖喱汁一羹仔 唔太重咖喱味 但湯底總括都甜甜地又幾惹味 油麵河粉都正常，雖然外賣都冇淋晒如果喺銅鑼灣想食車仔麵都會再叫過自選車仔麵 🍜 大尊 (咖哩汁 腩汁) HKD$47 + 外賣 $2有豬紅 蘿蔔 咖喱魚蛋 紅腸 豬皮 菜 油麵餸遍少 份量唔多 全部餸正正常常🍜 四餸車仔麵 HKD$58 + 外賣 $2五香牛腩 - 唔算鞋又唔算淋 不過不失咖喱牛柏葉 - 幾入味，爽口彈牙咖喱魷魚 - 爽口彈牙 但唔夠咖喱味豬頸肉 - 幾個大塊 爽口但有點鞋📍銅鑼灣登龍街18號V Point地下5號舖🇭🇰

🙆🏻‍♀️ 好耐之前睇YouTube介紹過依間車仔麵店，依日朝早做完嘢，就過去銅鑼灣覓食！🍜 豬大腸、蘿蔔、酸齋、豬頸肉、幼麵 (加腩汁) 車仔麵 😋😋😋😋😋揀咗幾樣店家推介嘅車仔餸，豬大腸清得好乾淨，唔會有怪臊味，亦唔會好韌，又可以掛到啲湯 😚 蘿蔔有三大舊，好清甜冇渣，正！👍🏻 酸齋就酸酸甜甜，中規中規；豬頸肉好有少少豬油脂，肉質有咬口！😊 幼麵爽口唔會腍滋滋，係小編最喜歡嘅麵質，而佢哋嘅車仔麵湯底加咗腩汁甜甜地。成碗麵車仔麵好大碗，啲餸都大大件！👏🏻午餐 💵 約港幣$50/人💁🏻‍♀️ 依一間喺銅鑼灣鬧區都頗有名氣，開門廿分鐘都幾乎坐滿。附近打工仔lunch hour，不妨去試試，怕排隊嘅都可以外賣自取㗎！冇記錯嘅話，佢哋只收現金～最後，喜歡嘅話，歡迎follow @foodirectory.hk！

Total: $52 ●●●●○ 🍜時菜 ($10) — 份量多👍🏻唔生唔硬豬紅 ($10) — 成世冇食過咁滑溜嘅豬紅😸😸原本想大大力讚，但食咗幾嚿偏腥，腩汁都救唔到豬大腸 ($10) — genuinely one of the best pig intestines I’ve ever had wtfffff 腍亦有咬口 乾淨唔臭唔肥 有陣時食落以為自己真係食緊牛腩 勁清甜💛咖哩牛柏葉 ($12) — 爽脆，咖哩比想像中辣🍛🧼🧼🧼米線 ($10) — 少少軟身湯底 — 我加咗腩汁同蔥，偏甜 ✍🏻 除咗菜，每款餸都有5-6塊👏🏻📍麵尊💰: ●●●●◐ 銅鑼灣喎‼️環境、服務: ●●●●○#nabee銅鑼灣

諗住係附近搵間平平哋嘅餐廳搞掂個晚餐🌃，最咪就揀咗呢間啦。嚟到先知原來都幾受歡迎，當晚都排咗一陣隊。-最特別嘅大概係可以加汁，有麻辣同咖喱選擇，嗰陣我揀咗小汁，覺得唔係好夠就加多左啲咖喱汁落去，點知越食越辣，先知原來咖喱汁都係好辣嘅。🥵🥵🥵🥵🥵🔥-整體來講其實每樣食材都唔錯，比一般嘅車仔麵好食。但係感覺對比起永年又好似冇永年咁好食。重點都應該係佢嘅咖喱汁同麻辣汁比較特別，相信以後想喺呢一區食返啲平啲嘅嘢就會選擇呢間餐廳。

車仔麵不嬲都係我最中意既美食之一，登龍街呢間『麵尊』我已經唔記得咗泥食過幾多次。呢日同埋老婆阿女再食多次。當日我哋下就2點幾到，唔算多人等，好快就有位。我廢事諗就揀左『大尊』加牛腩。老婆同阿女就自選左『紅腸、豬頸肉、雞翼、墨丸、貢丸、芝士腸』我個大尊加埋腩汁，湯底無得彈。豬紅，豬皮，魚蛋，紅腸，簡單既食材，但都絕對唔馬虎。我特別欣賞既係果兩舊蘿蔔，無渣之餘仲好甜。另外，值得一提既係個雞翼，滷得好味之餘，隻隻都好大隻，我覺得絕對值得一試。

食過幾次的麵尊，係銅鑼灣鬧市中貼地的美食。燈籠街云云餐廳之中佔據一蓆之地。有時係時代廣場附近唔知食咩好，都會諗起佢，因為實在太鍾意食湯麵啦🤣🤣下午茶時段入座，所以唔使排隊，入面都幾乎滿晒咁滯。如果有選擇困難症，呢度好貼心咁有配搭好的細尊/大尊，價錢都係$40-$50，飲品/汽水+$10。每次嚟我都會揀咖喱辣同腩汁😋而且必點豬紅同酸齋，非常入味，豬頸肉亦唔錯，米線煮到好淋身，食完好滿足😙FYR 餐廳只收現金💴

第一次落銅鑼灣食車仔麵，係朋友推介，估唔到真係咁正！加咗底真係大碗好多，又足料！叫咗咖喱湯底，好惹味！朋友叫咗腩汁湯底，味道濃郁。唯一比較遜色就係等位方面，唔係lunch hour去等位都少耐，建議想食嘅大家預留多啲充足時間

今日同朋友銅鑼灣行街，經過呢間車仔麵舖外邊又係咁多人排隊，之前都好疑惑🤔點解呢間車仔麵舖成日都有人排隊。同朋友講起佢就二話不說入去試吓咪知囉😂。咁當然入去之前都有排一陣隊先😂。當兩碗麵 一上枱我哋就知道點解。🤣首先呢度係銅鑼灣，普通打工仔喺銅鑼灣食個晏晝飯真係唔係講得笑，係呢間車仔麵嘅價錢一啲都唔算貴，再加所有嘅份量咁用了都絕對對得住佢要價錢👍👍👍👍。豬大腸，豬紅，蘿蔔，我同朋友見到呢三味餸嘅時候都已經諗起一個電影巨星嘅對白🤣。不過唔同嘅係佢豬大腸裏面非常清潔，豬紅夾落去亦都唔會散開，最緊要嘅係蘿蔔右揀過食落無渣😂。味道方面，唔好諗住，佢係一個比較深色嘅車仔麵舖，佢嘅味道就唔會有地圖車仔麵嘅風味。佢嘅味道絕對唔會差過傳統最地道嘅車仔麵舖頭👍。麵底唔會碎濕濕，麵質有咬口，牛腩嘅部位都唔會只有好乾身，好瘦嘅部份👍。舖頭嘅裝修亦都好新潮型格，同埋佢都有寫明湯底可以無限添加👍 😂。

這裡的5餸1麵車仔麵，包括蟹柳、咖喱牛柏葉、鹵水豬頸肉、午餐肉、蘿蔔和油麵等配菜，以及麻辣口味，都是非常美味的。首先是車仔麵，這裡的麵條非常有嚼勁，加上濃郁的湯汁，非常適合當作一個美味的主食。接下來是配菜，包括蟹柳、咖喱牛柏葉、鹵水豬頸肉、午餐肉和蘿蔔，每一道菜都非常美味，口感豐富，味道十分鮮美。特別是咖喱牛柏葉，牛肉口感柔軟，咖喱味道香濃，非常開胃。最後是麻辣口味，這是一種非常有特色的口味，辣味十分濃郁，非常適合喜歡吃辣的人。總體來說，我非常喜歡麵尊的5餸1麵車仔麵，以及配菜和麻辣口味，他們的食材非常新鮮，味道也非常美味。如果您喜歡車仔麵和港式小食，我強烈推薦您到麵尊品嚐一下他們的美食，相信您一定會愛上這裡的菜色。

Lunchtime同同事食飯唔知食咩好銅鑼灣咁多嘢食之後我就提議去食車仔麵但係銅鑼灣又好似冇乜車仔麵嘅舖頭 之後成班人的行行下咁啱經過登龍街 有咁岩見到麵尊呢間舖頭 咁啱嗰陣時又唔使排隊咁我哋就入咗去食車仔麵一坐低就覺得環境幾好 同埋又係落地玻璃既環境可以望到出邊嘅環境心情真係好好 之後我就叫咗三送嘅車仔麵 咁就叫咗五香牛腩雞中翼同埋豆卜 加少少麻辣同埋多腩汁之前都聽過佢哋個五香牛腩配呢啲腩汁嘅湯底好正一試之下真係成個味道真係同出邊好 同埋其實配菜都好多 下次會再試

未夠7點 同朋友打算去食車仔面已經出面有成十個人排隊等左都一段時間 先有得入去等既時候拎定紙仔寫食咩入到去佢安排一毎係中間的位置兩個人平排坐餐廳好嘈坐位又逼之後食物上左仲有 飛飛 嬲碗面🤬🤬下次唔再黎

豬頸肉+豬紅+蘿蔔+腩汁車仔麵米線比起譚仔同三哥嘅會粗少少，都有咬口唔會太軟～豬頸肉好厚實，但係一啲都唔嚡，亦都好夠味！蘿蔔冇渣，而且好清甜！Size都幾大舊最出色係個豬紅😍平時喺出面食嘅豬紅通常入面都冇味，但係佢嘅豬紅入面好夠味。湯底係腩汁，口味濃郁帶點甜味～個人10分喜歡，本身冇加麻辣，所以落咗少少佢哋嘅辣椒油。佢哋嘅辣椒油唔算好辣，但係好香辣椒味真係超好食的！一定會再回頭食佢！唯獨一碗嘅份量比較少，食量不大嘅女仔可能啱啱好！如果好肚餓或者係男仔去食嘅話可能就會唔夠了～不過留肚食甜品就啱啱好！但係！可以係銅鑼灣呢啲消費指數較高嘅地方食到價錢相宜又好味嘅食物真係值得一去！🤤