麵尊

营业中

休息中

呢間車仔麵店算係銅鑼灣嘅人氣店，門口成日都會有條人龍，雖然要排隊，但係人龍去得都算快，所以每次去銅鑼灣要快食都會嚟呢度🤣，麵尊可以揀嘅餸都算多，而且湯底嘅腩汁超香濃好飲😋，推介必加佢地嘅麻辣同咖喱，辣得好過癮🤪❣️推介麵底 $10油麵煮得岩岩好，仲保留煙煙韌韌嘅口感😎❣️推介車仔麵餸📍咖喱魷魚 $12📍咖喱牛栢葉$12📍豬大腸 $12📍酸齋 $10📍豬紅 $10麵尊嘅車仔麵餸$10/$12 一款，私心推介上面呢幾款，豬大腸肥美入味😋，豬紅勁嫩滑，酸齋就索晒腩汁嘅味🩷，咖喱魷魚同牛栢葉就爽口彈牙，每次食完麵尊都會好快想再食😄👅好味度：9（10分滿分）呢間人氣車仔麵真係唔錯，唔怪之得咁受歡迎，幾乎真係一個月會食一次😜，推介👏🏻

呢間車仔麵非常受歡迎，長期有人排隊，今日一收工就過黎麵尊，雖然要排隊，但等咗15分鐘好快就有得入去食，係銅鑼灣地段，幾十蚊食到一餐真係經濟實惠，而且環境企理。四餸 $54我叫咗紫菜、咖喱魷魚、酸齋、咖哩魚蛋 ，揀左粗麵，湯底清甜，食完無點口渴，無咩落味精，紫菜份量好多，咖哩魷魚非常爽口，酸齋唔係間間車仔麵店有得揀呢個餸，所以一見到有就嗌左，咖哩魚蛋有3粒，大大粒，非常入味，爽口彈牙。📍 麵尊銅鑼灣登龍街18號V Point地下5號舖

銅鑼灣一間地道車仔麵店，環境裝修新穎，舒適，小店客很多，必須搭枱。跟傳統車仔麵檔一樣，填紙落單，方便快捷～ 配餸，麵類，好多選擇，有分別$10和$12的配餸～ 小食有4款，我選了滷水雞翼尖。份量適中，滷水味香而入味～ 好滋味～車仔麵我選了豬紅，蘿蔔，蠔油冬菇，紫菜配伊面腩汁，每樣餸都非常入味，特別是蘿蔔，一咬爆湯汁，清甜加點鹹香。蠔油冬菇也一樣，香濃菇味跟蠔油好夾～男友選了大腸，豬頸肉，五香肉丁，蘿蔔米粉麻辣汁。他這碗很惹味又濃郁，重口味之選😂

好耐無食車仔麵，好掛住㖭，去咗銅鑼灣麵尊，次次經過都好多人排隊，今次都等咗15分鐘🥢豬腸、蘿蔔、紫菜、牛腩、午餐肉豬腸今次幾肥、蘿蔔夠甜、午餐肉厚切好食夠邪惡、紫菜同米粉一齊食幾好食，漏咗叫麻辣醬，上次食好香，舖頭都有得賣🥢牛腩、香菇貢丸牛腩仲搭萘啲牛筋，好腍好入味、貢丸本身都鐘意食，實淨有香菇味🚩麵尊 (銅鑼灣) @minjuncartnoodles 📍銅鑼灣登龍街18號V Point地下5號舖

近期食車仔麵係個潮流，無論lunch time 定放工都令人食慾大開。同朋友收工就黎麵尊，雖然要排隊，但輪候時間好快的。係銅鑼灣地段，呢個價錢相當佛心，幾個餸連麵底都係幾十蚊。 揀左瑞士雞中翼、咖哩鱿魚、紅腸，腩汁湯底。之前食過咖哩辣，味道好好但因唔食得辣，都係乖乖地揀返腩汁。揀任何餸美味都好好，用心整既餸非常入味士汁雞翼大大隻，咖哩鱿魚有少少辣，非常煙韌有口感，份量都多。 蘿蔔、香菇貢丸、咖哩鱿魚油麵油麵好惹味入味，香菇貢丸彈牙爽口、食車仔麵當然要叫蘿蔔，一咬淋晒，吸晒湯，特別揀左辣汁，辣得入心但非常正。 腩汁生菜$22最鐘意車仔麵加得加一碟菜，出街都可有菜食，健康。凍檸茶、凍檸水$19就咁睇淨飲一杯價錢唔平，但係旺區車仔麵價錢咁佛心，飲品貴少少其實都好合理，食完飲返杯凍飲。

成日喺社交媒體見到人講，今晚終於的起心肝去試下！估唔到閒日夜晚都咁多人排隊🥹果然好受歡迎～排左大概20分鐘就有得入，排到咁上下記得拎紙仔畫定咁一入去就好快有得食😆難得等到再加上選擇困難，我一口氣就叫左5個餸🤣餸既份量好足，冇因為我嗌多餸就少左😂豬紅夠晒入味香滑，一啲腥味都冇👏蘿蔔又係超甜☺️最推介係咖哩魷魚，好爽好鮮！要左麻辣同腩汁，小辣都已經幾辣下，超級惹味，真係想買一樽返屋企平時調味😂朋友就叫左三餸，但都食到超飽👍佢揀咖哩汁，又係辣得黎好過癮咁話😆另外叫左炸魚皮，比預期份量多，脆卜卜，正

無論任何時候都大排長龍的麵尊，平日晚上都要排大概15-20分鐘左右便可入座，門外等候期間可以預先揀好想食嘅餸料！每人最低消費$40，三餸一麵剛剛好，車仔麵配料選擇很足，亦有併好配料的大尊、細尊選擇，岩晒有選擇困難人士！而且加底可選擇一半份量，比較少見。車仔麵配上酸齋、魚皮餃及紅腸，感覺非常地道車仔麵必點的豬紅，唔會一夾就散開，口感頗為順滑，血腥味亦處理得好好，值得一讚炸魚皮一袋袋預先pack好，魚皮夠薄身，咬落脆卜卜，非常鬆化酥脆淨油菜份量很足！枱上亦有各種醬汁絕對是抵食、乾淨兼舒適的車仔麵店

早幾日同事帶我吃過這間店舖，所以在週六的晚上也想我老婆再試吓平時已經經常見到有人排長隊，但今天到達的時間大約在6:15pm，只需要等大約2分鐘便可以進去店舖餐單也算是非常容易明白 我叫了三個配料，老婆就叫了四個配料豬紅好好食，豬頸肉比較厚身抵食值得一題係他的湯底跟外面的店舖有所不同，應該是自己熬製的湯底簡單啲講，就好像是高級一點點的車仔麵比起出面的一般車仔麵店，裝修較新教前衛講真呢個價錢在銅鑼灣冇得輸，只係$4-50嘅價錢就可以填飽個肚下次絕對會再嚟😁😋

好耐冇過海今次去銅鑼灣就排一排麵尊💛我大約6點半左右去到排隊時可以填定紙仔剔番想食咩坐低就可以即刻交紙落order喇當日我大約排10分鐘就可以入座了唔算等太耐冬菇、豬紅、豬大腸公仔麵佢呢度其實每樣餸都好出色，而且份量唔少冬菇炆得好入味同埋好滑豬紅同大腸亦都冇怪味另外記得叫魚皮！魚皮一包包咁上俾你，都有好多塊炸得好脆冇油膱味唯一缺點應該係座位較逼同埋個日我坐近門口位，所以唔太夠冷氣怕熱朋友可能要一路開住風扇仔食喇

麵尊係銅鑼灣都幾出名，聽聞要排好耐隊，星期六大約3:00黎到，排左10mins左右入得，食完之後見到開始出現人龍，我諗都要排30mins排隊既時候已經可以剔定紙仔自行配搭麵底同餸可以加麻辣、咖喱同腩汁，要曬三款都得🤩🤩🌟建議叫中咖喱，咖喱用匙羹裝住，重口味人士可以一半加落湯底，另一半keep住係匙羹到，將d餸點落去食！超級正🤤•油麵加半底 •豬大腸 咖哩牛柏葉 牛腩•麻辣少 咖喱中 腩汁湯底帶甜，不過個人唔特別中意帶甜既湯底，好彩有麻辣同咖喱搭救，個咖喱十分惹味👍🏻👍🏻餸既份量都幾足，止小對得住個價錢先▸豬大腸唔算好肥，最緊要係乾淨▸牛腩肥瘦適中，好淋係無乜咬口個款，無乜牛味，個人唔會再點呢個餸▸咖喱牛柏葉好入味，煮完唔會縮到得返細細條，好爽口同行朋友👇🏻

好耐冇黎食，今日平日一個人黎食早lunch，十二點正到，咁早黎都差唔多Full晒咁滯，好彩唔駛等，因為五分鐘之後已經開始出現排隊嘅人龍⋯Order左咖喱魚蛋、豬紅同五香牛腩河粉，要多蔥，多腩汁及咖喱汁。食落湯底濃，咖喱夠辣，同之前一樣咁出色。本身我係豬紅控，對豬紅有要求，今次佢嘅豬紅就冇之前咁好食，硬係覺得有少少腥味🤥，不過都唔差嘅。五香牛腩同咖喱魚蛋都係十二蚊，牛腩夠入味，份量多，不過切成一片片唔係一舊舊🤔，相反魚蛋只係得三粒，雖然夠大粒同彈牙，但性價比就相對低好多。買單$60有找，銅鑼灣地帶，又夠飽，都真係抵嘅！

麵尊2010年開業，首店在上環，一直都人氣高企，夜晚的銅鑼灣分店經常有條長人龍，明星包括周潤發都曾到訪上環店。據網上資料，店主希望用最短的時間將食物送到客人手上，不想影響車仔麵的質素，亦因為嚴選食材，不想糟蹋食物。🌇裝修：舖不算大，坐到20-30人左右；有高木檯和普通座木檯；裝修算是傳統中式，主要因為廚房出面的牆故意左灰色屋簷加紅磚，和有顯眼的中式招牌，講唔上好靚，不過店內望落乾淨。🫶蘿蔔/咖喱魷魚/豬頸肉幼麵 $44 🫶咖哩牛栢葉/豬大腸/炸枝竹油麵 $46🍜有30款配料、6款麵選擇，每款約$10-12🍜可加腩汁、蔥、麻辣(小/中/大/加大)、咖喱(細/中/大/加大)🍜我叫左腩汁、小麻辣和中咖喱，湯底偏清，腩味不算濃，好辣🙈(可能我太廢，食到流鼻水，少少辛苦🙈🙈🙈）🍜餸總括嚟講，味道可以，不過嫌唔夠入味🍜咖喱魷魚好爽彈牙，但唔係好有咖喱味🍜咖喱牛柏葉比魷魚入味🍜豬大腸乾淨無肥膏，煮得軟淋無臊味🍜蘿蔔清甜、無咋、夠淋 🍜豬頸肉、枝竹正常發揮🍜本身想叫五香牛腩，可惜已經賣完🎆整體：以車仔麵店，麵尊的環境企理；湯底是清甜style，食完無點口渴，再加上自家製麻辣/咖喱汁提味，偏辣；餸普通，

～ 2022 年 11 月 ～係登龍街搵地方食晏的時候見到好耐冇食嘅車仔麵就入了去喇 ~~地方乾淨企理車仔麵嘅餸選擇好多 ...比張點餐紙你慢慢揀 ...唔想諗也可以點碗拼配好的細尊或大尊儍媽點了碗三餸車仔麵 ... 豬大腸、酸齋、咖喱魷魚、油麵 (+腩汁) (HK$42) +HK$10 配了罐雀巢檸檬茶 豬大腸好乾淨，無膻臭味，而且鹵得軟腍入味酸齋味道啱啱好，唔會太酸 咖喱魷魚啲汁令湯香味提升，更惹味 ~~** 以上分享是以我的口味、體質和情況作出分享及感受，一試 / 合用與否請自行決定

放工要喺銅鑼灣食個快飯麵尊係快靚正嘅選擇最重要係好食😎今次淨係嗌咗有「👍🏼」嘅配料果然冇令我失望😎想要少少辣，過吓口癮，所以揀咗咖喱醬多蔥 河粉 🫶🏻冇煮到爛晒，加分每次嚟都一定會食嘅五香牛腩今次牛腩有大有細，全部都非常入味，咬兩咬，直接溶化，超正第一次食依度嘅豬皮有驚喜！淨係睇佢嘅顏色，已經覺得煮得好透口感非常柔軟！係每一塊都好軟熟！蘿蔔又係，煮透晒，好多汁基本上又係入口咬兩下就溶化👍🏼咖喱魷魚，勝在份量又多！厚身，更爽口，仲有好多腳😎😎如果選擇困難，叫晒佢哋推薦嘅配料，實冇死錯人

🍜每次經過都好多人排隊 咁啱今日三四點有啲餓 見倒唔洗排 就即刻食🍴叫左大尊 有齊豬紅蘿白豬皮魚蛋紅腸菜 驚喜係魚蛋大粒彈牙 坊間好多都係細粒魚蛋仔 豬皮好入味 蘿蔔都入味 豬紅係我鐘意有少少煙韌嗰款 應該係混左d鴨/雞血 車仔餸真係幾出色唔怪得之甘多人排隊睇番review佢個咖哩辣係較出名 不過我今日麻麻想食辣 叫左腩汁 湯底都好夠濃