麵尊

营业中

休息中

車仔麵都可以吃得好豪華。銅鑼灣這家車仔麵，食物不但好吃而且份量好多，選擇亦多，只是座位比較偏窄了些少。配料每款只是$10好抵吃，小吃都是$20起，簡直係打工仔糧尾美食。我選了蘿蔔，紫菜，香菇頁丸，咖喱魚蛋，咖喱牛柏葉，蠔油冬菇配河粉。蘿蔔吸了牛腩汁很入味。香菇頁丸很juicy，好重香菇味。湯底選了咖喱辣，味道小小辛口，湯汁又濃香令河粉好易入口。咖喱魚蛋和咖喱牛柏葉也很配。滷水雞翼尖 $20雞翼尖滷水入味，仲好易食～ 食完一件又一件。店員有很多，收拾桌面夠快，客人一吃完的瞬間的1秒就會被收拾掉，桌面請空了代表一吃完便要走了，可能這就是車仔麵的特色吧。

吃了無數次的一間車仔麵( ̀⌄ ́)湯底很濃郁但又不會令你很口渴河粉是薄薄幼幼的很掛湯 是我最愛(˶‾᷄ ⁻̫ ‾᷅˵)/推介車仔麵自選配料💕選了蠔油冬菇 咖喱魷魚和雞中翼蠔油冬菇入味帶甜100分雞翼同樣入味咖喱魷魚是水魷比較難掛汁 味道較淡口感搭救💕🔸車仔麵(大尊) $42+10🔸車仔麵自選 約$40🔸炸魚皮一份$20

cash only只收現金行過幾次都多人 今日見有位就入去食個下午茶餐廳座位比較細，預你食完就走（即係快食/快餐）之選。我寫完想食d咩就遞交三分鐘都唔洗 就上菜（佢有自家辣醬同咖喱）我都冇click到後悔☹️蘿蔔好大舊 咬落去充滿水份、甜甜地好入味豬大腸好淋 我鍾意 有種入口就溶嘅感覺酸齋 有兩塊 河粉 韌度啱啱好飲埋個湯 好味㗎 （佢哋可以refill個湯😋）

Cart noodles came from old style street vendors in hk where you can choose different sides with a choice of noodle, all coming from a cart! Min Jun does a great work of combining all ingredients in a rich beef broth, with a lot of sides to choose to make your meal even more satisfying Expect a big queue during busy hours!

經過銅鑼灣突然好想食車仔麵發現這間口碑不錯決定來一試星期六12點未有人排隊感覺特別爽車仔麵每次必食豬腸豬紅未食之前齋看樣貌已經夠吸引濃濃的湯底 完全是我的口味配埋辣椒油 冇得頂

銅鑼灣美食多，食肆臨立，但路過登龍街見到有間「麵尊」竟然門口有條長龍，成條街得呢間要排隊，相信一定係好嘢黎望一望，係食車仔麵的，都好岩我地，於是就決定排埋一份雖然條隊有十零人，但等左唔耐，十五分鐘就可以入座了簡單易明，一眼睇曬車仔麵應該有既都有炸魚皮好食，好薄脆，唔係死硬果隻，又唔會過咸，好食每個餸份量都幾多，碗麵都唔細，夠曬飽紫菜好香，麻辣＋腩汁好濃郁惹味紫菜、魷魚、蘿白、豬紅都必點魷魚爽口新鮮蘿白入味，夠淋夠甜又無渣

💛試過上環分店已經覺得好正，估唔到銅鑼灣環境靚d大d，味道都無差別！雖然都要等位，但每次都唔洗等太耐😈p.s.圖係2餐（實在太正）嗌左魷魚，牛栢葉，腩汁，蔥加麵底；油麵唔會太淋，粗麵估唔到地掛湯☺️🤤完全夾到個湯底，無哂野😛兩款餸既辣味夠香夠濃（真係會食到成頭汗），份量唔太少而且唔會太淋而加左腩汁既湯底就算味精重都好想飲哂🤤銅鑼灣日/夜都平均消費$40-50蚊，呢個價錢仲要咁好既質素，無得輸了

一直聽講銅鑼灣呢間車仔麵好好食，唔止見到好多youtuber介紹，連我個friend都話佢一個禮拜會去食一次，所以今次一於跟我個friend去試下睇下係咪真係咁好食。餐廳位於登龍街，喺時代廣場出口行一陣就到，位置好方便 。我地大概六點半左右去到 ，已經有幾個人排緊隊。車仔麵有好多麵底同埋配料可以選擇，每款都係平均十蚊左右，實在太肚餓嘅我叫咗蘿蔔，豬紅，咖哩魷魚同埋豬大腸。麵就揀左油麵，湯底要咗腩汁加咖哩辣。碗麵嚟到真係好大碗，堆滿曬配料，油麵煮得唔錯，軟硬度啱啱好，食落夠滑。試咗啖湯底，真係驚為天人咁正，腩汁好夠味超濃郁，加上微微辣味 ，惹味得黎呢但係又帶有清甜，真係就咁飲我都可以飲一碗。配料黎講：蘿蔔同豬大腸都好出色，蘿蔔完全冇渣好甜，大腸清潔得好乾淨，微微煙韌。豬紅同魷魚都屬中上水平，新鮮彈牙。另外我都偷咗我個friend嘅一粒冬菇黎試，冬菇好入味。大胃王嘅我哋仲單叫咗一碟豬頸肉share。豬頸肉都畀得幾多塊 食落肥嫩，油脂感啱啱好，浸埋落啲湯度食更加好味，整體嚟講呢間車仔麵可以稱得上暫時我喺香港食過最好食嘅，大家真係可以去試下。

銅鑼灣講起食車仔麵，都會黎麵尊，坐得又舒服，餸嘅種類又多！我哋叫咗濃汁香菇貢丸、墨魚丸、魚皮餃同蟹柳。濃汁香菇貢丸果然名不虛傳，一咬落去啲汁喺口入面四溢，湯汁仲令貢丸更加入味，鐘意食重口味嘅人必試。淨食分別叫咗豬頸肉同炸魚皮，先講講炸魚皮，餐廳炸得脆卜卜，將多餘的油份都迫出，炸後的魚皮呈現金黃色。喺放入腩汁湯前，一咬落去魚皮發出「卜滋」一聲，食落酥脆。放入腩汁後食用更是另一種風味，脆得黎帶點軟，口感層次分明！另外一道淨食豬頸肉都相當惹味，尤其餐廳用濃郁嘅腩汁煮成！聽店員講每日只製作一定份量，我哋好好彩叫咗最後一份！

銅鑼灣不嬲都多嘢食㗎啦！今次嚟到食街登龍街，行行吓見到呢間車仔麵門口好多人排隊喎！再望吓入邊有啲咩食啦，見到佢嘅款式有好多而且每款都只係$10 ，咁就直接排隊入去食車仔麵啦！本來想食佢哋嘅咖喱魷魚點知嗰晚賣晒於是就揀咗蠔油冬菇、豬大腸、鴨腎同埋豬紅米線再加埋一罐雀巢檸檬茶。呢度啲冬菇好入味又大粒，而d豬大腸亦都好好味有煙韌， optio鴨腎就比較硬身麻麻哋，啲豬紅只係普通車仔面嗰啲方形豬紅就比較失望啦！不過以銅鑼灣區平平哋嘅車仔麵晚餐都算OK啦！

天氣涼返，最好就係食返碗熱辣辣嘅湯麵，所以去咗食車仔麵～呢間車仔麵食咗好幾次，不論堂食或外賣都要排隊。不過車仔麵一般都好快食完，所以都唔會話排好耐～每款餸10，叫2-3個餸加多個10蚊麵底，30-40蚊一個lunch，係呢區嚟講真係好抵食，啱晒我呢啲窮L打工仔！呢間個豬紅好入味，非常推薦～另外之前試過冬菇酸齋都好好味😋 都有d餸係做得冇咁好，例如牛腩太鞋，豬頸肉水準飄忽，油麵太硬等，湯方面可以揀咖喱辣/麻辣/腩汁，個人推薦咖喱辣～呢個價錢食個lunch，要求都係唔好咁多🙈

平時喺登龍街食薯粉就多，今次去咗登龍街另一間車仔麵😆😆😆叫做麵尊☺️之前成日都要等位，所以一直冇機會試！🥲今次終於可以一試。裝修好唔似車仔麵鋪頭！但係，其實佢同車仔麵都冇咩分別，一樣係填紙仔，揀自己想要嘅餸同埋麵。我揀咗芝士腸、紫菜、墨魚丸。我老公就揀咗貢丸、豬紅、魷魚😆😆😆偷食咗老公一粒貢丸。😆😆😆😆貢丸真係好好味。爽口彈牙，而且勁重豬肉味。😍😍😍下次我一定要再叫貢丸！份量來講，作為下午茶應該有啲多😂😂😂但係如果係午餐來講，應該好足夠。我仲叫咗腩汁同麻辣，好香口😍😍😍差啲飲晒成碗湯。其實佢可以揀淨餸，但係又自己口痕想食啲麵😂😂😂下午茶嘅話，可以唔叫麵！至於坐位來講，坐得唔算寬躺～不過大家嚟食碗車仔麵，都唔會坐得好耐，所以都okay☺️絕對會再幫襯😍😍😍

 ☕️ 食物：👍🏻👍🏻👍🏻👍🏻 /5💰CP值：👍🏻👍🏻👍🏻👍🏻 /5 🤵🏻 服務：👍🏻👍🏻👍🏻 👍🏻  /5 🛋 環境：👍🏻👍🏻👍🏻/5 個人最怕排長龍，但朋友介紹呢間車仔麵係非試不可，特別係佢個隻麻辣湯底，令人一試難忘，果然名不虛傳，同埋排隊既時間都唔會話要好耐，有班朋友傾下計，時間都過得快既～價錢實惠，除左湯底吸引，食物質素都好高質 ！！五香牛腩五香牛腩都煮得好入味同埋好易入口，如果以一間食車仔麵既鋪頭，而唔係專食牛腩既食肆黎講，佢地既牛腩可以講係超水準，值得一再口味既餸咖哩魷魚 魷魚新鮮爽口，配埋個湯底同麵食都唔錯 蘿蔔蘿蔔發揮到應有既水準，甜而冇渣，係食車仔麵一定要配備既餸黎～蠔油冬菇又係食車仔麵一定會點既其中一個餸 ，入味香口

麵尊車仔麵我由佢以前響上環舖已經開始食，真係好得，每款餸都好食，尤其係佢哋可以選咖喱辣同麻辣，我差唔多每次都叫咖喱辣，真係唔錯，外面冇乜地方食到！有時自己心郁郁都忍唔住專登坐車去上環食！到佢銅鑼灣店開咗，真係開心死我！因為我自己住附近，所以幾乎每個星期都食一次，真係會食上癮！我每次都會叫多蔥🤣🤣因為我真係好鍾意食蔥，廚房真係好好，次次都比好多我另外必會叫咖喱魷魚🦑，佢哋份量唔少，爽脆好食！仲有滷水雞翼🐔，大大隻又入味😻豬大腸，佢都會比好多件，好入味豬紅🐷，件件size好均勻另外好多時我都會叫甜酸齋，好正！又係必食！🙈🙈🙈實在太多款餸我都想叫但一次又叫唔到咁多😩😩如果你有選擇困難症嘅真係要諗好耐🤣🤣🤣

鍾意食車仔麵嘅無人不曉久仰「麵尊」大名⋯終於難得一個人去銅鑼灣可以試食車仔麵🤩人龍已經見到⋯好彩算快有位店嘅收費劃一$10/份，但最低消費$38，唔飲野嘅我唯有揀多樣餸啦 3餸麵$40店員細心問我係咪第一次食 同我推介豬頸肉 雞翼 牛腩 真係好nice! 由於我一定會叫蘿蔔 酸齋，試食唔到咁多款最後揀咗牛腩 佢話算多同埋冇牛筋 好稔嘅 冇牙婆都食到😆第一次食叫左蘿蔔、牛腩、酸齋 本來係叫伊麵 但冇哂咁食米粉啦！佢出名係個麻辣醬 仲可以買樽返屋企嫁！我比較重口味 所以兩個汁都要哂咖哩辣同麻辣！送餐時發現原來都幾大碗 份量算多 銅鑼灣區$40 好抵食！牛腩食落去真係唔係好似 睇相都覺得似牛肉片🤣🤣蘿蔔唔係我心水 我鍾意偏爽嘅因為 酸齋正常水準 整體都好食個麻辣醬其實冇咩辣，但係好強烈嘅花椒味好彩我有叫咖喱辣， 湯底有味好多，不過我覺得冇咩辣 問店員可唔可以加辣佢就好驚訝😦問我食唔食得辣🌶️我話ok呀 加多兩匙辣各一丫😆食完時收碗 店員再次驚訝 🙀你食得都好辣下，我哋再加兩匙比你都食哂😂😂😂😂😂乜平時好少人加辣？食完覺得個辣醬都唔錯 但未至於驚為天人 因為我食過呢種椒麻醬 食物方面唔係好入味