麵尊

营业中

休息中

上網有見到其他YouTuber介紹，同埋見到有咁多好評，期望都幾大，但結果覺得普通料咁囉。今次黎到叫左一個三餸麵同一碗大尊，大尊入邊有豬紅、蘿蔔、咖喱魚蛋、紅腸、豬皮同埋菜，都係啲普通料。另一碗嗌咗個三餸麵，豬大腸、五香牛腩同埋咖喱魷魚，咁佢個豬腸都幾入味，送面一流啦，牛腩就正正常常唔係話好un，咖喱魷魚就普普通通。個湯底可能有五香牛腩既關係，加左腩汁，比大尊個湯更濃味更正，所以個湯底都不錯。總括嚟講，只係普普通通嘅車仔麵，如果唔使排隊都可以試下。

成日經過都排晒隊難得今次有位即刻入去試吓先車仔麵啲餸咁多選擇真係令選擇困難症患者好大挑戰😂3餸1麵 -42叫咗豬大腸，豬紅同魚皮餃豬紅大大粒又好滑豬大腸唔會整得太過淋特別想讚一讚個麻辣唔好睇佢細細羹以為佢無咩嘢撈勻成碗之後都真係幾麻不過我好鍾意😋😋3餸1麵 -44朋友就叫咗蘿蔔，咖哩牛柏葉同豬頸肉蘿蔔都清甜豬頸肉比想像中大舊厚肉好多😋個人都幾鍾意個湯底甜甜哋加啲麻辣送米粉好好食不過朋友反而唔太鍾意佢咁甜生菜 -22份量都唔少不過蠔油有啲多搞到好重口味😅下次都係叫返腩汁好了生菜大部分都係爽口清甜嘅

麵尊 麵尊原身位於上環蘇杭街，早於2010年已經開業。老闆至小係車仔麵fans，堅持選用新鮮食品，最終獲選香港十大車仔麵店，於銅鑼灣擴展新舖，更有不少名人過來捧場🙌。 銅鑼灣店裝修新穎，呈懷舊風格，門口有個類似戲院門口嘅招牌設計版，加上粉紅霓虹燈，以及古屋設計嘅廚房上菜窗口，充滿新鮮感又有返回80年代嘅感覺。空間感迫切，有四人搭枱嘅情況😬，但畢竟係lunch time，呢點可以體諒嘅。 點餐紙含蓋嘅餸菜唔算多，但應有盡有，肉/菜/丸/餃/麵嘅價錢統一十元正，但飲品就要另計。有選擇困難症嘅朋友又可以揀餐廳調配好嘅麵🤣。豬大腸/豬紅/鴨腎/蘿蔔/幼麵 $50 價錢親民，而餸嘅份量也頗多，尤其係豬紅都有7舊，由其喺銅鑼灣黎講性價比好高🤑。但衛生方面就有改進空間，咁啱見到有個職員dan毛巾， 湯底平時都會跳過唔講，但呢個真係堅野。湯底望落清澈見底，油份唔多，飲落清甜鮮明，帶有豬/雞骨味，冇乜味精，加上麻辣醬後令湯底辛麻而惹味，加哂又唔會過辣，而我都飲咗大半碗🤯。 豬大腸有五片，外皮如豬手般軟腍，入口即化，內裏則似豬肚具有嚼勁，肥美而香口，帶有類似滷汁/醬油嘅醃料味，有種獨特而不搶口嘅甜味，可以

之前見到youtube有人介紹，經過又成日見人排隊，所以對佢好大期望😙今次叫左酸齋、冬菇、魷魚、粗麵，湯底係腩汁，酸齋好林身，口味係偏甜既，整得幾好😋而冬菇都幾入味，而且都幾林，魷魚就中規中矩，冇太大特別。而個麵底都幾好，食落幾爽口，硬度適中，加上佢個腩汁既湯底，個湯底幾濃味，但又唔會太咸，整體感覺都唔錯。不過可能太大期望，又覺得未有其他人講到話咁好味，但都可以一試，只係未必值得排好耐隊去食🤔

麵尊地址: 銅鑼灣登龍街18號V Point地下5號舖電話: 23263062🔹🔹🔹🔹🔹🔹🔹🔹🔹🔹🔹🔹登龍街作為銅鑼灣嘅食街，餐廳菜式包羅萬有。日式、韓式、台式、打邊爐、酒Bar，講得出都有。只要有少少選擇困難症，都會企咗起度唔知揀乜好。啱啱食咗個回頭度極高嘅餐廳！🥳🥳7點幾到餐廳門口，已經有廿個人排我前面。大約等咗五個字就入座。每人最低消費$38，每款餸同麵底都只係$10。銅鑼灣真係無乜幾何有呢個價位嘅食肆喇。因為起銅鑼灣黎講，呢個價錢實在太大眾化，我以為會好細碗，所以當佢上枱時我係好驚訝佢咁大碗㗎！💫揀咗四餸車仔麵（$50）豬紅，紅腸，蘿蔔，濃汁香菇貢丸跟河粉蘿蔔炆得淋同好入味，無筋無渣！香菇貢丸咬落去瀑汁，爽口彈牙。豬紅都好入味，咬落去脆口。紅腸就普通啦。💫另嗌咗雞翼尖（$20），鹵得好入味！💫飲品係單點嘅，嗌咗凍奶茶。茶底同奶嘅比例剛剛好。成日去茶餐廳揀少甜，個甜度都唔啱口味。呢度嘅奶茶本身無甜，要自己落糖水，省卻左落單嘅時候講無糖走甜少甜果啲！客人可以逐少落，調較到最啱自己嘅口味😋。

這天和朋友來麵尊午餐，坐在面向外街的高椅上，看著路過的遊人往來，多了份悠閒的感覺。幾次來惠顧，這裡的服務員都是非常有效率和有禮的。四款餸加油面 $60四款餸都很美味，豬紅沒有腥味，豬大腸香軟入味之餘沒有異味。雙份共四隻雞中翼肉質夠滑也入味，還有腸仔配油面。大尊 $42 +$10大尊的六款餸包括滑滑入味的豬紅、軟甜的蘿蔔、大粒爽彈的咖哩魚蛋、紅腸、爽滑的豬皮及生菜。我也加了美味的豬大腸，配有蛋香又軟韌適中的幼麵，十分滿足。凍豆槳$13這個響鈴牌豆漿，有香濃的豆味，喝過一次，再次遇上必點呢！

車仔麵最緊要係咩？喺配料呀🤣你食過佢既豬頸肉一定會返轉頭😋😋😋依間車仔麵長期都勁多人😅排緊隊都已經叫你mark 定menu 食d咩😂🍴兩餸車仔麵 $30湯底揀左麻辣😆本身湯底係滷水汁甜甜地👍另加滷水雞翼同豬大腸😋每款餸都係$10✨分量多抵食又入味😻🍴豬頸肉 $30🐷 炸魚皮 $20🐟因為太好食所以要另外嗌豬頸肉小食😆😆一碟應該有7～8舊😍仲要係好大嚿好厚😂滷水汁入哂味 ，真係啖啖肉👍炸魚皮就同出邊差唔多係大塊啲😆而家夜晚冇得堂食都值得去嗌外賣返屋企食💛

好耐之前聽過呢間成日要排隊，18:30去到已經有條小人龍，食過先知不得了🤯📍咖喱牛柏葉、豬大腸、豬頸肉油麵（腩汁）呢間勁就勁在佢唔止出名嘅好食，係每樣餸都好好食😆😆😆先講個麵，唔會太淋或太硬，最重要係竟然冇乜鹼水味👍🏻其次個豬大腸十分出色，好入味，每一舊都好有咬口，唔係得層皮，必點呀！豬頸肉都幾厚身，咬落去，醃料唔會太濃蓋過左😚咖喱牛栢葉，辣度有少少勁，唔食得辣嘅要小心，但好神奇嘅係佢個辣味黎得快走得快🤩唔會辣到食唔到其他野呢間絕對會再encore!

今日去銅鑼灣行街，特登去登龍街，食下呢間好出名嘅車仔麵 ---- 麵尊。 今次冇嗌佢嘅特色大尊同細尊，反而係點咗啲自己想試嘅配菜。一碗係豬紅 咖哩魚蛋 五香牛腩 河粉 配麻辣汁，另一碗 豬大腸 蘿蔔 酸齋 香菇貢丸 咖哩魷魚 米粉，都係配麻辣汁。落完單唔駛五分鐘已經上麵，而且係熱辣辣。配料方面，咖哩魚蛋嘅 咖哩味唔算好突出，但係魚蛋彈牙。蘿蔔有驚喜，好甜而且冇渣。牛腩炆得好淋，入口即溶。最欣賞嘅都係河粉夠新鮮，而麻辣汁夠辣惹味 👍🏻

💛長期要排隊既車仔麵🚗終於有機會一試究竟～老銅黎講4、50蚊食得飽飽算幾抵不論麵類定餸菜都劃一係$10@通常啲車仔麵都唔會全部同價肉類果啲通常都要$10起所以呢到都幾均真🥰仲要每款份量都好足當日閒日晚市都等左半個鐘至九個字😮晚市攻略係要8點後就會少好多人排！———————————————————————————💛餸✔️蠔油冬菇：呢款都有6粒左右～蠔油甜甜既味道同冬菇最夾🤪而且炆得入味又夠軟✔咖哩牛柏葉：好似比較少係車仔麵檔係咖哩配牛柏葉～牛柏葉夠爽口而且入味✔蘿蔔：冇根又入晒滷水味 冇得輸 喺食車仔麵必叫✔豬大腸：食豬大腸最驚佢洗得唔乾淨🤭但呢到食就冇怪味仲入晒滷水味～份量都幾多又大舊👀會想encore😛✔️豆卜：無容置疑嘅索汁item！起馬都有5、6舊✔️豬頸肉：叫$10有三大塊～想食肉推薦呢一款！雖然睇落肥膏多咁但食落都唔算！想食多啲仲可以叫淨豬頸肉$30🤩💛湯底咖哩辣：我試左佢既小辣～應該得五小既程度😮想食辣啲可以揀中辣！果種咖哩味飲落係溫和而暖胃🤰麻辣：聽朋友講麻辣都唔錯的～而且同佢既擺出黎任落既辣醬唔同💛麵底我試左米線 軟淋得嚟食落仍有咬口朋友試油麵 夠彈牙亦唔會覺得油——————

今次專登黎到試吓食好出名嘅車仔麵麵專😊真係好多人㗎，要排咗一陣間先入到去，不過安排得好好排緊隊嘅時候已經揀好餸，坐低一陣間就會送到黎👍🏼豬頸肉唔係好肥，忟得好冧好入味豬紅唔會一夾就散，煙煙韌韌，唔會有血腥味酸齋夠晒入味，少少酸味好醒胃大腸唔係好多肥膏喺入邊，有啲咬口但係冇渣魷魚好爽脆，味道都好夠，份量好多雞腎薄薄地好易咬到雞翼尖隻隻都好多肉，又入味冬菇好香好有菇味辣汁小小都好夠辣，調味一流仲叫左個麵俾小朋友食，可以揀清湯，一啲都唔咸，小朋友食得好開心

今日去銅鑼灣登龍街接老公放工，明明登龍街有好多餐廳，偏偏佢無啦啦話要食車仔麵😂😂😂麵尊裝修好新唔似車仔麵店！既然佢想食，就同佢去食啦😂😂我最鍾意食車仔麵飲豆漿，健康又美味！老公就一定係飲奶茶嘅🤣🤣佢話杯奶茶正常發揮，下次可以再叫😎😎炸魚皮薄脆唔會太硬，個人覺得浸湯3秒就夠🤓🤓我叫左酸齋豬頸肉滷水鴨腎蘿蔔，酸齋正常味道唔會有太酸嘅醋味，豬頸肉爽口唔會漏，鴨腎唔會太咸，蘿蔔勁入味清甜好好味！🤤🤤老公叫左酸齋魚皮餃豬大腸冬菇，我哋好欣賞佢個豬腸，佢哋好有誠意咁清哂啲肥膏👍🏾👍🏾👍🏾店內貼左張告示請大家如需要加湯可以隨便開聲，好少有車仔麵店咁細心架😍😍😎😎

一間出名食車仔麵嘅餐廳，我自己覺得佢嘅車仔麵配料選擇唔算好多。正常不過不失。但如果你要專登去試嘅話我自己覺得唔使～由於我今次都係經過所以去一試。諗住見到咁多人排隊應該質素唔錯。四餸車仔麵 ($50)味道：🌕🌕🌕🌑🌑評價：今次分別叫咗四個餸美味齋，豬皮，豬大腸，鴨腎。我自己幾鍾意食豬大腸，味道幾好食。豬皮未算好入味，但清潔得幾乾淨。美味齋味道幾淡，同自己想像有出入。鴨腎一般，唔會好咸。某部份可能覺得期望太高所以同實際相距比較大。

冬至晚飯前一個下午, 自己一個去左麵尊食車仔麵, 其實黎過好多次架喇, 中意佢既材料夠精緻乾淨！👍🏾👍🏾今次叫左個大尊再加濃汁香菇貢丸$42+$10 =$52大尊其實已經包左豬紅, 蘿蔔, 紅腸, 豬皮, 咖喱魚蛋同菜仲有個麵底, 女仔黎講應該都夠, 但男仔黎講就差咁的全部材料都非常入味！而佢既汁都係一個好大既highlight, 加埋麻辣酒真係得了, 走個陣諗住問幾錢之後買坑, 但最後都係唔記得左😅下次一定要買返😤P.S佢地仲有個咖哩醬, 有機會一定要試埋佢😁

放假十二點來到銅鑼灣，終於入到去試車仔麵。每樣食材都煮到入晒味，乾身唔帶汁。魚蛋，蘿蔔，雞翼好味，連酸齋都可以入味到咁。唔再負帶酸汁影響其他食材，對喜愛酸齌的我的確好大驚喜。