麵尊

营业中

休息中

平時都鐘意食車仔麵，想食乜餸就乜餸，今次呢間麵尊，次次經過都好多人排隊，相信一定有返咁上下質素今次要咗9樣餸，好豐富😋🥢豬腸、時菜、香菇貢丸、蘿蔔、紫菜、豬頸肉、生根、蠔油冬菇、咖喱牛柏葉每個餸份量都多，唔會因為叫得多餸而少咗份量，自己最鍾意豬腸、蠔油冬菇，炆得好腍好入味，蘿蔔夠甜，紫菜好多，多到可以同米線一齊食啖啖都有紫菜！仲有必叫麻辣醬，會香好多！麻辣醬仲係店舖親自主理，同咖哩醬一樣有得賣本身以為自己太貪心，叫得太多餸，但原來都食得晒，因為每款餸都好食😋💰$128🚩麵尊 (銅鑼灣) @minjuncartnoodles 📍銅鑼灣登龍街18號V Point地下5號舖

麵尊無論上環店定銅鑼灣店lunch time都係排晒長龍，尤其是宜家夏天更加攞命，今次我地閒日lunch time黎到排咗大約15分鐘排隊果陣阿姐已經俾定紙仔我地揀定食咩，入到去一坐低就可以落order我地今次叫咗兩碗三餸車仔加豆漿- 滷水雞翼、咖哩魷魚、豬頸肉幼麵滷水雞翼滷到啲肉離晒骨，入晒味咖哩魷魚個咖哩汁有啲辣，魷魚夠爽唔會硬豬頸肉超級出色，帶點肥膏食落夠香夠淋又唔會柴唔怪得有得單點淨豬頸肉- 蘿蔔、咖哩魚蛋、豬大腸油麵蘿蔔夏天唔係當造但食落完全無渣，證明有揀過咖哩魚蛋彈牙有魚味，咖哩汁有啲辣同魷魚一樣豬大腸又係高分之作，無屎之餘重有啲肥膏，食落夠香唔會韌食完覺得真係對得住麵尊呢個名，大熱天排隊都覺得值得👍🏻

平時經過麵尊長期見到好多人排隊支持今日黎食個下午茶裝修方面有落地大玻璃透光度非常好光猛企理 座位舒服叫左兩碗車仔麵豬大腸 蘿蔔鹵水鴨腎 咖哩牛栢葉配幼麵咖哩魷魚 配 粗麵 湯底可以選麻辣汁 腩汁 咖哩辣 個人推介腩汁非常濃郁 而且冇味精食完唔口乾配料方面選擇算多而且份量足每款都有3-4件豬大腸洗得好乾淨香滑軟熟鹵水鴨腎 有咬口 夠入味咖哩牛栢葉 好爽口 又彈牙魷魚口感有嚼勁白蘿蔔 夠淋夠軟身 又多汁整體黎講食物質素高 價錢合理而且上菜快 店員效率高

今次係第二次食麵尊 每次食車仔面都會叫 豬紅+牛栢葉配米線 今次試埋佢地既貢丸 有啲失望既係米線煮得好硬 好似未熟曬咁🥲豬紅都唔算特別入味 牛栢葉係三款餸入面最好食 個咖哩汁係唔錯 朋友一如既往食豬紅蘿蔔河粉 今一次蘿蔔既水準比較差 咬落有渣仲要無甜味 所以朋友都幾失望 本身對呢間車仔面期望都幾大 但感覺配料無特別大既特色 但一讚既係 以車仔面黎講 環境十分乾淨 擺盤亦都整齊 係銅鑼灣地帶黎講 繼榮記粉面都係一個唔錯既車仔面選擇 平民價但味道還可以

絕對係銅鑼灣嘅窮人恩物冇咩錢又唔想成日食譚仔咁寡 黎食麵尊真心係幾好選擇不過次次嚟都冇咗佢最抵食嘅招牌 都賣哂可能因為每一次都係夜晚黎幫襯🤣通常啲平靚正嘢可能一早俾人嗌晒啲料份量都幾多 而滷得都幾入味我就最鍾意食蠔油冬菇同埋蘿蔔配米粉～香菇貢丸都幾好食 正常質素 不過$12得兩粒就覺得有少少少少貴 未算太抵食 但嗌鴨腎反而有好多舊 腩汁味道清清地 又唔會個湯太油膩不過見大部份人都唔太推介食佢地嘅丸類 下次都係會揀返其他但真係超級多人 冇見過唔使排隊嘅時候😂

而家香港地百物騰貴，隨便落街食個便飯都好貴但’麵尊’以銅鑼灣地段嚟講係超級超值🤩價錢親民，性價比又極高，回頭率100%，真心勁推🙌🏻一麵三餸都係四十幾蚊，仲要高質好食個湯底係略嫌鹹咗少少，其他都冇咩好挑剔

喺南區食到悶悶哋，今日午餐就去遠啲，出咗銅鑼灣覓食。始終都係旺區，選擇多好多，出咗香港仔隧道之後，又要方便搭車返去，去登龍街就fit曬。登龍街餐廳多選擇多，但同時間人都好多，同事咁啱想食車仔麵，於是就揀咗呢間麵尊，但去到排隊前面都起碼有十個人等緊，大概五六張檯左右，等位期間就填咗點餐紙先，都係一般車仔麵嘅餸，無話有啲咩特別嘅餸。大概等咗10-15分鐘先有位，坐低之後都要再等多5-10分鐘先有得食。碗麵一嚟到似模似樣，啲湯底色水同埋啲餸都好靚，但食落啲餸唔係太入味，已經叫咗豬皮豬腸呢啲好索湯嘅餸，咖哩魷魚都還可以，腩汁湯底味唔係差，但啲嘢都唔係太入味，係朋友份冬菇好少少。整體來講，食物質素唔差，如果索味啲就好。呢個價喺銅鑼灣嚟講都算平，但下次又要排咁耐先食到我就不了。

前排係朋友屋企打邊爐🍲朋友拎左嘅隻麻辣醬岀黎😋我到嘅家仲係心掛掛好想再食過😋今日特登去銅鑼灣買返樽😍去到原來好多人排隊入去食野好多人都係為左佢既辣醬而食🤩呢個麻辣醬真係無得頂，好正呀，打開已經聞到個辣味啦🌶🌶🌶🌶🌶食落麻香好重，鍾意食麻辣嘅人就最啱啦👍🏻👍🏻👍🏻👍🏻同埋佢勁足料嫁👍🏻👍🏻👍🏻👍🏻記得食之前就要攪勻佢先食啊😲佢有兩個地方可以買，快啲去買返樽試吓啦🌶🌶🌶麵尊 (銅鑼灣)📍銅鑼灣登龍街18號V Point地下5號舖麵尊 (上環)📍上環蘇杭街22-24號1號舖

原本諗住黎食車仔麵點知條龍長到…🐉😅見佢出左兩款招牌醬❥「一食奪魄」麻辣醬❥「一啖銷魂」咖喱醬👨🏻鍾意食咖哩同埋店員話除左魚旦或撈麵佢仲會用黎炒飯🫶🏻😜即買！今日用黎整紅蝦咖哩蛋絲炒飯就咁用個醬黎炒已經好夠味炒嘅時候芬香撲鼻，令人食指大動🥢🤤食落香辣度十足同蛋香相映成趣🤝🏻果然好！好！味！ 💙✨✨#紅蝦搶左鏡#個飯搶左味蕾 #同👨🏻講我以後唔怕食冷飯😂.#hkfoodie#foodie#foodiegram#fooddairy#chef#homecook#likeforlikes#likeforlikeback#foodlife#lovefood#curry#香港美食#自家煮#相機食先#自家煮#食好西#料理日記#自炊部#咖哩飯

平時成日都見呢間車仔麵排晒長龍所以黎試下係咪咁好食✨豬頸肉五香牛腩滷水鴨腎時菜粗麵+咖哩辣醬$65+豆漿$14呢幾款餸入面豬頸肉最出色 比較香油脂味👍👍 五香牛腩同滷水鴨腎都幾入味 😋 不過個湯底加左咖哩辣醬就唔係好食得出 唔夠麻辣醬咁好味✨大尊配河粉$45 + 豆漿 $14有兩粒魚蛋 三舊豬紅 兩舊蘿蔔 兩舊紅腸 兩片豬皮同生菜 我覺得咁多樣餸入面蘿蔔同豬紅比較出色！👍 蘿蔔腍甜 豬紅好香又唔會話好腍 魚蛋個皮我覺得有啲厚 豬皮就唔係爽脆嗰款 🙈 河粉幾滑又唔會痴埋一舊 湯底加左啲麻辣醬好辣好惹味👍👍👍總括黎講係幾好食同幾平嘅不過又未好食到要排成廿分鐘🙈🙈 車仔麵檔黎講呢度環境算幾好幾企理味道❤️❤️❤️❤️抵食❤️❤️❤️❤️服務❤️❤️❤️環境❤️❤️❤️💔💰午餐人均～$75✅再幫襯

今晚試了間裝修風格前衛，舒適乾淨小店。未到7點就已經要排隊😍😍🥰店員都好有禮係排隊時間比定餐紙。所以飲品好快速就到。車仔都當然配上可樂就是最佳拍檔❤️❤️❤️☺️我就點了大尊，都好豐富，有豬紅，夾起來唔散開。讚。唔腥，咬落又口感，不錯👍🏻羅白大大舊，入味，清甜得來無渣，正咖喱魚蛋，咖喱味香濃，大粒。可試仲有紅腸、菜，一提豬皮都超正吸晒精華，令到豬皮更入味。大尊size份量都多麻辣湯底就最正。夠麻加超辣。自己又心思思再加豬腸。果然厚身得來好淋身，另外雞翼尖都不可不試😍😍😍😍朋友就點了酸齋，超正。大大舊酸味一流。只是覺2舊有點不夠喉。下次再叫。咖喱墨魚夠爽。牛柏葉夠滑身。值得一讚。整體好滿意。咖喱湯底偏小甜。咖喱味香濃。可以一試

依家車仔麵都食過幾次每次去都要排隊質素都穩定💯蘿蔔牛腩牛柏葉幼麵 $44蘿蔔係必叫!味道清甜而且冇渣❤️口感都幾好唔會太淋 又唔會太硬🥰牛腩唔係太入味而且本身冇乜牛味😔但份量都幾多牛柏葉就正正常常但都係冇乜咖喱味比較失望🥲幼麵就好似雲吞味嘅麵底下次都係叫翻油麵🤣湯底都幾濃郁加埋腩汁好惹味而食完都唔會好口渴☺️整體性價比幾高經過不妨試吓👏評分：68回頭率：70（高性價比）

平時都好鐘意食車仔麵，呢排多左去銅鑼灣登龍街，見到麵尊門口長期都排晒隊，今日趁收早就約埋阿女去幫襯下，6:00已經去到銅鑼灣，唔洗排隊就有位 。點餸紙都有好多餸選擇，每款大約$10-12，我地每人叫左3餸加麵底，連一罐飲品，加多一份炸魚皮，埋單$130。麻辣湯底，唔記得叫中辣🤔，味道八角味較濃，但辣味唔多夠，今次湯底有些少失望，不過3餸就搶番分數，尤其咖哩魷魚🦑同牛栢葉⋯⋯好爽脆，炸魚皮都值得一讚；下次一定要記得order中辣，相信會更加惹味😋

呢間走懷舊風嘅車仔麵店，牆上放滿經典嘅掛牌，裝修上落足心思，過咗lunch time 都坐滿哂人😍 當然要試吓車仔麵最開心就係可以自由選擇餸或主食🤩 呢度選擇有成三十多款，醬汁都有三款咖喱辣、麻辣、及腩汁，真係要慢慢揀😝第一樣要揀嘅就係酸齋，好少有嘅餸料😍，酸酸甜甜，口感煙韌好開胃；不得不試豬紅，夾住唔好散開，食落嫩滑清香；蠔油冬菇，煮得好腍好入味；蘿蔔大件，清甜無渣；另外仲有厚切港式午餐肉、滷水雞中翼等，湯底清澈見底，清甜而且唔油膩。

喺呢個橫風橫雨嘅日子入面，我決定入去食碗車仔麵！平復一下心情，邊到都唔想去！😂😂😂喺登龍街平時成日都會食薯粉，今次轉戰食麵尊。見到佢有一碗叫大尊，一碗叫小尊，好似好多人食，但因為我唔食豬紅同蘿蔔，所以放棄咗叫佢😂😂記得以前去星林居，因為啲餸份量好少，每次都要叫10個餸。今次我叫咗芝士腸、雞翼、咖喱魚蛋同埋貢丸，然後汁方面，我叫咗咖喱辣同埋腩汁🤭mix埋一齊好似好正🤭🤭先講芝士腸，佢真係誠意之作，好多車仔麵嘅芝士腸只係普通脆皮腸，入面並冇芝士，但係依間麵尊！入面嘅芝士腸，的而且確係有芝士😍😍。另外，不得不提嘅係，貢丸！超級好食，勁Juicy！😍😍😍有口感，美中不足嘅係，只係得兩粒，下次我一定會叫兩份貢丸。咖喱魚蛋我就覺得冇乜特別，而雞翼係好入味，大大隻！咖喱辣嘅湯底，佢用一隻匙羹，裝起左一啲辣醬！二腩汁湯底，本身甜甜地，勁好飲，不知不覺我飲咗半碗😂😂車仔麵來講，佢唔算好平，但係質素好高。絕對係會有下一次再幫襯！