麵尊

营业中

休息中

登龍街出名多正嘢食今日做完facial，係附近食個tea麵尊難得唔洗排隊緊係要食啦！！！麵尊真係咁多年都keep住高人氣，3點去到下午茶時間都差不多滿坐，好彩一個人易有位叫咗米粉加4個餸時菜、紅腸、雞中翼、豬頸肉 相比起其他車仔麵檔，每款餸嘅份量都幾多豬頸肉同紅腸都各有4、5塊👍🏻👍🏻👍🏻生菜 燙嘅時間啱啱好，顏色都睇得出好翠綠，好爽口 咬落去索索聲 雞翼 滷水滷嘅時間夠，入味，無雪味，骨肉易咬分離豬頸肉 都係滷水味，入味，肥瘦參半湯底加咗腩汁，唔會太咸，配米粉啱啱好！聽到隔離枱話麻辣幾好，下次試下麻辣先😆🥤凍檸茶 糖水一樽自己加檸檬夠曬多！只收現金 記得撳定錢先去食呀！

係timesquare後巷,全條街最多人排隊,所以試試🚶🏻‍♀️🚶🏻‍♂️🚶🏻‍♂️正常嘅車仔麵價錢, 中規中矩但要最低消費$40起/每人第一碗:,♥️豬紅- 正常🐽豬大腸- 幾好喎, 佢會挑走晒啲肥膏🍗雞翼- 好入味, 啲骨係一lun就出晒嚟嗰啲🍜油面- 正常第二碗:🥕白蘿蔔- 冇絲, 好甜🦑咖哩魷魚- jeng必叫🐽豬大腸🍜米線- 正常個湯底都好飲嘅夠濃入味加埋嘢飲一人$5x埋單但個人認為不值得一排建議人少少非繁忙時候先去食

朋友介紹銅鑼灣有間食沙嗲湯底好出名既車仔麵店叫麵尊佢哋出左奪魄麻辣醬同埋銷魂咖喱醬，係麵尊外賣左罐奪魄麻辣醬，可以係屋企用作湯底或者調味都一樣Very Good! 奪魄麻辣醬用料夠足 花椒八角蒜頭味炒得好香 食魚蛋燒賣點醬又幾過癮🥳 最開心係不含防腐劑同人造色素 更加可以放心食喇！

Openrice頭幾名既車仔麵，見出名咪試吓先。7點去到等左5分鐘就有位，入邊坐得比較迫夾。同隔離痴得好埋，講嘢要細細聲，唔係好舒服。講返碗麵，叫咗咖喱牛柏葉、紫菜、魚皮餃、米線加咖喱醬 2.5/5辣係幾夠辣，食到我唔敢狼吞虎嚥，驚濁親。但係唔可以用一個出色嘅車仔麵來形容，牛柏葉比較靭，魚皮餃比較細粒，米線比較林。另外一碗麵，咖喱魷魚、墨魚丸、豬皮、伊麵加腩汁 3/5咖喱魷魚都爽口，墨魚丸鬆散唔結實，其他正常。地點：登龍街出名多嘢食，除咗有車仔麵，仲有泰國菜居酒屋等等，相信平日午餐時間一定好多打工仔都去食。環境：同隔籬枱好近，大家都要壓低把聲講嘢，仲要嗱嗱聲食完即刻走，坐得唔舒服唔自在。價錢:$40一碗三餸車仔麵，平係幾平，所以都唔會有太多要求了，但係值唔值得再嚟，就真係唔會再返轉頭，唔係好明白點解會咁多人鍾意食。服務:店員表示唔夠辣可以加辣，其他正常，暫時只收現金。

蘿蔔：食車仔麵我最喜歡吃蘿蔔，這間餐廳做得非常出色，入口即溶，完全沒有根，大大件，吸滿湯汁非常入味。酸齋：意想不到車仔麵竟然可以配搭酸齋，酸酸甜甜幾開胃，與車仔麵沒有違和感，好感有點像魚腐，同樣是很給湯汁的。腩汁湯底：很香濃，不是隨便的味精，加上咖喱辣，整個味道很好很有質素，不是簡單的車仔麵。咖喱辣：比想像中辣，吃得辣的朋友一定要試試，很過癮又很惹味。雞中翼：多肉飽滿，有點像滷水雞翼，本身已經烹調過，入了味，不肥膩。

如果話車仔麵係香港飲食文化既精髓，我相信並唔過份。而麵尊係車仔麵界泥講，可以話係我心目中既top5。👍🏻👍🏻👍🏻所以今次又泥『啪』番碗車仔麵先。無錯，係『啪』。因為你就係要嗱嗱聲食完，之後讓番個位出泥比佢入其他客。雖然係咁趕時間，但我依然享受，因為佢碗麵真係出色。😋😋我有選擇困難症，所以咪埋眼就揀左『大尊』要油麵，腩汁，同埋最緊要既多蔥。等左無耐，野食就上枱喇。🍜首先最吸引我既係個湯底，果種深色同質感，一睇就知唔簡單，加埋蔥飲一啖，真係唔講得笑。至於啲餸，豬紅，豬皮，魚蛋，紅腸，簡單既食材，但都絕對唔馬虎。我特別欣賞既係果兩舊蘿蔔，無渣之餘仲好甜。所以話，難怪呢間麵尊成日都大排長龍。

平時食開嗰間車仔面，今晚冇開，轉咗去同一條街嘅面尊。呢間車仔面，平時都好長龍，今晚條龍短咗，即管去試吓。我哋分別叫咗兩碗。一碗四餸一面，另一碗五餸（菜底）。分別有酸齋、魚蛋、豬皮、豬紅、魷魚、牛腩、蘿蔔幾樣嘢。去到邊都要試吓。個酸齋，間間啲自家制都唔同，呢個整法酸甜適中，有口感唔會煮得太爛。一份酸齋有三四舊，可以接受。魷魚都整得幾好，微辣，彈牙，唔會過熟就變硬。魚蛋味道偏淡，冇乜魚味。豬皮剪得太碎。整體都幾好，平平哋又可以食得好豐富。多人排隊都值得等吓。下次會再幫襯。

銅鑼灣最好食嘅車仔麵之一👍🏼👍🏼每次經過都勁多人排隊，因為佢真係又平又靚又正🤩🤩車仔麵嘅餸選擇唔算話好多，但好野貴精不貴多，自己最鍾意食炸魚皮，因為點埋佢個特色湯底真心一流！😋😋佢個辣醬都好過癮！🔥🔥唔會話好辣，但有幾刺激😳豬頸肉又係不得不叫，份量多！🧐美味齋口感介乎魚腐同豆卜中間，中意呢類型食物嘅唔好錯過😌麵底推介油麵同伊麵！唔會太淋😎左叫右叫埋單都係50一個人抵到爛！

成日經過登龍街都會見到車仔麵舖有一條長長嘅人龍，真係好好奇點解車仔麵都會係排長龍去食，於是我哋又真係走去排下，雖然唔係等咗好耐，其實都係等咗10分鐘左右就有位，點單都係畫圈圏非常之清晰，有晒價錢，有晒配料，唔會食完都唔知自己俾幾多錢。既然車仔麵都要排長龍，一坐低我哋決定叫個四餸車仔麵，分別嗌咗腸仔，牛柏葉，魚蛋，油面。牛柏葉非常之爽脆，仲可以吸晒佢腩汁嘅精華，腸仔魚蛋就不過不失，但係墨魚丸係好香墨魚味，仲好彈牙添。另一碗就嗌咗紅腸雞翼麻辣腩汁湯底，雞翼唔係BB size，係大隻size，食兩隻都覺得好飽，至於個麻辣湯底真係非常之難忘，佢唔會非常之搶口，但係好香辛麻味。最後忍唔住嗌多份豬頸肉，豬頸肉個汁係甜甜地，好大份，亦都好嫩滑。終於明白點解咁多人排隊，如果下次要排，都真係好值排。

如果想快靚正食嘢，車仔麵，係唔錯嘅選擇，要高質少少，又或者穩陣啲，麵尊就岩晒😎😎如果諗唔到食乜嘢，經過麵尊，門口冇人排隊嘅話，我就會入去食。佢哋嘅食物都唔錯，環境又比一般車仔麵乾淨整潔。但有時繁忙時間，排隊就耐少少。補充鐵質之選：紫菜，豬紅，五香牛腩🤔紫菜幾爽口，份量都幾多，配河粉幾好食。豬紅份量都多。不過今次五香牛腩味道就比較淡，一樣冇乜肥膏，非常推薦！湯底方面，今次淨係揀咗咖喱辣，冇揀到麻辣，個湯比較甜，都幾好飲。

今晚開飯舀定一匙羹出黎試試，一開蓋係濃烈嘅咖哩味，但佢係香果隻濃，唔係攻鼻果隻。我老公本身食開辣，大大pat 就舀落碗飯到，我即刻問佢咩感覺，佢話：好食。一個平時對任何事都冷感嘅人，吐出衣2個字，頓時覺得好有說明力！於是乎我都唔執輸，加咗少少落白飯然後一大啖放落口，同一時間，我老公吞完果啖正嘢，接住話：不過好辣。...太遲。我接收到衣個信息嘅瞬間，強烈嘅辣味湧緊出黎，係我食過最辣嘅咖哩🔥神奇嘅係，最後我total 添咗3次。入口少少咸味，2~3秒之後條脷開始滾，好快接住落黎係好香濃嘅咖哩味！同埋有別於我平時食完辣會冇哂胃口嘅感覺，今次我條脷竟然keep 住有知覺，而且完全唔需要不停灌水沖淡，所以覺得超辣嘅我，添咗3次。又係果句，自家製造本身已經夠誠意，仲要香港製造，攞滿分！有機會我一定要去食佢個車仔麵！

麵尊車仔麵 相信好多朋友囝都聽過架啦🤣今次黎到銅鑼灣麵尊鋪面嘅LED招牌 就算路過都會比佢吸引住😍麵尊車仔麵嘅餸 每款都係$10-$12 吾會話好貴而且選擇都算多 可以符合唔同人嘅口味😋今次我同朋友share餸食 叫左油麵 蘿蔔 咖哩魷魚 山根 豬皮 滷水鴨腎 麻辣汁😜蘿蔔好淋身 冇渣🤩 咖喱魷魚幾入味☺️ 豬皮爽口冇毛😝 滷水鴨腎都幾有咬口🤭 Overall黎講 啲餸都幾好食 吾會因為車仔麵就頹食咁🫣個麻辣汁❗️❗️❗️真係好辣好辣😂 如果吾食得辣嘅 叫佢少少少少少少少少少少少辣好啦🫠我辣到一路食 一路流晒鼻水眼淚😂飲左成杯凍飲都仲係好辣最後個職員見到我咁 主動幫我溝淡啲個湯底好細心！🥹總括黎講 車仔麵黎計都真係算係幾高質素🥰會令人食完想再食嘅車仔麵🫣

｡✩*:ﾟ･⑅*॰¨̮♡二訪麵尊~ 麵尊係銅鑼灣企理得嚟又好味嘅車仔麵🍜 重點係價錢都抵食㗎.ᐟ.ᐟ 平日lunch time都好受打工仔歡迎㗎 所以都要預返少少時間等位 不過條龍都去得快嘅~ 唔食得辣嘅朋友仔要注意嘞 因為麵尊嘅咖喱辣&麻辣都頗辣㗎🌶 .ᐟ.ᐟ⊶⊷⊶⊷⊶⊷⋆⊶⊷⊶⊷⊶⊶⊷⊶⊷⊶⊷⋆⊶⊷⊶⊷⊶•͈౿•͈ 酸齋 $10｜咖喱牛柏葉 $12｜雞中翼 $12 ｜幼麵 $10 ｜咖喱辣 (4/5）酸齋唔係間間車仔麵都有 所以每次嚟麵尊都會叫~ 有2大件 酸酸甜甜又煙韌🥰 咖喱牛柏葉都幾辣㗎 越食越辣 好惹味.ᐟ.ᐟ 雞中翼夠大隻 而且幾juicy 不錯不錯👏🏻 幼麵軟硬適中 冇乜特別~ 咖喱辣都幾辣㗎 不過店家放咗咖喱醬喺個羹到 可以自己調教份量.ᐟ.ᐟ🥄⊶⊷⊶⊷⊶⊷⋆⊶⊷⊶⊷⊶⊶⊷⊶⊷⊶⊷⋆⊶⊷⊶⊷⊶📍 麵尊 (銅鑼灣)銅鑼灣登龍街18號V Point地下5號舖#香港美食 #銅鑼灣美食 #hkfood

呢間位於銅鑼灣嘅麵尊，成日都見到大排長龍，而口碑一直都唔錯，今日就專程去排隊品嚐一下。看似長長的人龍，其實好快都可以入座。👍🏻無論餸菜或者面嘅款式都有好多選擇，而且價錢合理，份量也頗多，性價比高。鹵水鴨腎、豬頸肉、蘿蔔米線🍜鴨腎幼嫩爽口，相當有嚼勁，入味之餘，亦不會過膩。豬頸肉肉質嫰滑多汁，滿滿油脂。而蘿蔔味道清甜，入味。豬大腸、牛腩油麵食車仔麵又點可以少得豬大腸呢！豬大腸口感有嚼勁，口感咸香， 偶爾吃一點邪惡美味的豬大腸，真是令人十分滿足。牛腩軟嫩，帶有筋膜，燜至軟糯，肉質有彈性。腩汁生菜🥬生菜可以揀蠔油汁或者腩汁，生菜口感爽脆，欣賞！炸魚皮份量好多，非常香脆！我自己就鍾意加入個湯底浸一陣先食，咁就可以試多一種唔同嘅口感啦！

銅鑼灣哩間車仔面見佢門面裝修都幾靚仔，門口仲好多人排隊添，立即心郁郁想去試吓，餸菜其實都幾多選擇，係銅鑼灣黎講都算叫平易近人，試左豬紅夠實淨既，唔會一夾就散、豬皮冇毛有咬口、咖哩魚蛋唔係普通入貨果隻，裡面啲魚肉真係魚肉打成再炸、咖哩魷魚夠香夠辣、仲有生菜添、唯一係個麻辣汁真心好辣，唔食得辣嘅要小心 😂。