麦玉子 (已結業)

其實依間玉子燒都開左好耐，本人都好鍾意食蛋，但觀塘都好多美食，所以成日行過一田都好想試下，但一直都無機會試。今次夜晚又經過一田，決定的起心肝試下。 依間舖位於一田，位就唔係好多，星期五晚八點黎到都有唔少人買左堂食。因為第一次試，所以就揀左原味玉子燒黎試，其實佢仲有其他味道，包括明太子、櫻花蝦等，不過就留反下次去試。 咁男仔剩係叫玉子燒就唔夠飽，加多28蚊就配個炸雞塊餐。 玉子燒真係唔錯，甜味適中，蛋好香好滑，配既炸雞塊味道ok 加埋個飯就夠哂飽。下次會試埋櫻花蝦。

來自日本嘅蛋卷從來無令我失望過即使係雪藏都可以keep到個味道從來都無諗過點解直至我係哩度食左一件凍冰冷硬邦邦嘅蛋卷我立刻知道係咩原因啦原來適當地解凍係幾咁重要雖然唔係hero product但擺得係menu就預左有人會點而且都已經經營左咁耐 絕對可以預計銷售數量提前解凍到底係粗心大意嘅老闆根本無照顧到細節要求先解凍再serve客？還是老闆根本不在乎？活生生地糟蹋了一件又一件的蛋卷因為哩件凍冰冰嘅蛋卷 我唔會想試食佢其他出品可能有人會覺得俾個廿五蚊要求咁多？其實係因為恰當地解凍都做唔到我點相信哩度可以煮得出好食嘅野呢？

經常到一田，竟見到飲食攤位改頭換面，便想試試。原來是玉子燒店。本身非常喜歡玉子燒，當然要試試。玉子燒太約 $50-$60，加 $15-$28 可升級至套餐，有炸雞，有豬排等選擇，會附上湯飯及小啫喱。味道方面，蛋煎得好整齊，外觀不錯，都幾滑有蛋香。唯獨失色是明太子，並非很好質素，味道太淡，沒有了明太子的吸引力。我們點了炸豬排，不錯，新鮮炸的，脆脆，豬排也夠稔。麵豉湯太鹹了。要留意，晚上九點後，沒有烏冬及沙律供應。

又係晚飯既時間未諗到食咩就落一田諗住兜個圈就見到呢間之前ιg見到都算出出地名既4層日本玉子燒！🐣都等左一陣先有位坐呢！因為太少位一眼就望晒👀繁忙時間唔洗食嚕對雞蛋好難抗拒呢認真🖖🏻店既玉子燒會有6個基本款我諗左好耐就叫左👉🏻櫻花蝦玉子燒！再加$8至$25就可以配套餐！有飯有湯同餸！我就咩都加晒$25😀😀等左8分鐘都就有了！顏色美美的！實行相機食先📷🍤櫻花蝦和蛋的份量挺多的！櫻花蝦味很出,蛋夠滑燒得鬆軟食落整個口感又夠厚實！基本用左日本雞蛋同日本大麥米整玉子燒🤤都應該唔會係伏掛😂😂我發現不能單點的！稍嫌貴了點啊 套餐化算多了！個餸叫了吉列豬扒！呢份豬扒炸粉薄薄但肉質無味！唔好食既😞最後試埋呢個金澤百萬石卷蛋糕 $25 🤩個名幾長下：）蛋糕唔夠鬆軟但cream好香啊可以奶味重d咁就再濃d🤓但都值得一試喔

大年初五。開工大吉 🎊 係觀塘區工作嘅我，梗係約埋同事食個有意頭嘅lunch啦！開年嘅時候已經飲過茶，團拜嘅時候又成日食中菜，所以開年嘅lunch想食得特別少少😅於是同事就帶我去咗apm 樓下，一田超市入邊嘅一間食玉子燒嘅食肆 - 「麦玉子」玉子燒個形狀有啲似金枕頭😆 喻意：衣食無憂之類啦！哈哈！不錯👍🏽我選擇咗食櫻花蝦玉子燒，配蔬菜豆腐餅，配飯由於喺香港好少食玉子燒嘅專門店，所以對我來講都幾特別。而且佢個蔬菜豆腐餅，雖然佢個外皮係炸嘅，不過蔬菜同豆腐餡，令到佢成個餅都感覺好健康，唔熱氣。

約左朋友唱k前, 好肚餓, 唯有黎一田超市逛逛有咩食可以頂肚!! Pizza太飽喇, 見到麥玉子有我最愛嘅明太子飯團賣, 當然買返個填飽個肚先!!!飯團米飯有溝麥米, 口感都幾得意, 明太子餡都多, 味道偏淡口, 但都有明太子咸香味, 整體黎講都唔錯!!!

玉子燒熱潮持續了一段時間，無論是葵廣或是旺角街頭都充斥著各式各樣玉子燒，價格由二十多元至六十元不等。這店設於超市食肆區，標榜以日本雞蛋做食材，以玉子燒作主菜，配飯湯及小食，加8-20元比較特別的是白飯加了麥，口感較好，而玉子燒份量十足，餡料明太子不算很多，咸味適中，雞蛋不算很滑，但夠厚實，只是單點稍嫌貴一點，套餐比較抵食

我一直好鍾意係觀塘一田搵食，因為好多野都可以買黎食，開大食會咁！見到麥玉子當然係出名食玉子啦，所以叫咗一客玉子試下。大約等咗3個字左右，可能係未踏入晚市時間所以等候時間可以接受。見到玉子都係熱辣辣即叫即做，所以幾吸引。＄59 明太子玉子中間餡料係明太子而且明太子都唔會好少，咬第一啖就已經覺得好咸，咸到連玉子本身既味道都食唔到。明太子實在太咸，如果可以減輕咸既程度會好好多。玉子味道甜甜地但蛋香不是太濃可能俾明太子搶哂味，大家不坊揀下其他味，真真正正感受玉子味道。除咗玉子之外，可以加＄變成套餐，有飯同炸物，咁就一定飽哂！現場麥玉子提供大約4張4人枱，但無哂位都唔緊要，因為可以坐由一田提供既座位

以前在「一田百貨」內的美食廣場食飯，或者「一田超市」內的食店內買雪糕，我都曾經試過。但是今次的情況，換成了是在「一田超市」內的餐廳內食午飯，這應該是我人生的第一次。今次我來到觀塘「apm」地庫的「一田超市」，是為了找一間賣日本燒玉子的食店「麦玉子」。我最初還以為「麦玉子」，會是像荃灣「煙燻玉X燒」一般，以外賣自取生意為主的食店。但事實跟我預期的又有了一點落差，因為「麦玉子」雖然置身於「一田超市」裡面，但是「麦玉子」卻仍然有屬於自己的樓面，有自己的檯櫈，也是另外自行收費，食客不需到「一田超市」收銀處結賬。「麦玉子」既然選擇在工廠區觀塘立足，目標顧客當然有包括一班工廠和寫字樓的白領藍領上班。為了方便這些上班族，「麦玉子」居然連「華X結」最經常會賣的日本飯糰手卷，居然都有放在雪櫃內擺賣。不過對我來說，我最初過來觀塘找「麦玉子」，無非只是為了一試他們的日本厚燒玉子，所以那些日式飯糰和手卷，我也沒有太大留意。後來，我發現在觀塘的「麦玉子」發現，原來購買日本厚燒玉子，不單可以散買，還可以另外加錢追加成為定食，當午餐一般在「麦玉子」樓面內享用。我在觀塘「麦玉子」準備購票之前，率先觀察和細看「麦玉子」

耐唔耐行下超市，見到日本玉子咪試下行去買野個大嬸以經態度差聲大大唔想做生意甘！比完錢等成半個鐘，無錯係半個鐘中途好好態度問仲要等幾耐個大嬸塊面好似殺左佢家人甘態度勁串甘答:係要等啦，頭先同事話左要等架啦你唔知咩！好啦終於等到啦，條玉子又乾又爛好似放左好耐甘，仲話即刻整既，同張餐牌個賣相完全無得比！我買外賣見個袋無餐具返去問佢拎餐具，比1隻叉我，我問佢拎多1隻，大嬸又好唔耐煩掉左隻叉係枱面，我有得罪你嗎店員？食物方面，玉子好乾，入面d薯仔凍既，仲要有陣酸味變變地最後食左1舊就真係食唔落店員態度差都不但只但係比58蚊食呢d垃圾真係沒有下次大家真係唔好中佢伏

Lunchtime同同事去左上網好多人推介既玉子燒。呢間野係收埋係apm一田入面位置唔算多，好彩我同同事早黎。可能即整既關係，買完之後都等左一段時間。食落真係有驚喜，熱辣辣好好食，味道好好，好值得去試絕對會再黎！

一田開咗係APM咁耐都未黎過，都有一兩年了，原來佢開係最低果層成層，好大，最右手邊都係賣野食既鋪頭，類似小型foodcourt咁，買完野可以坐係到食見到有間新開專做玉子燒既鋪頭叫麥玉子，價錢唔高，選擇 好多佢有七款唔同口味既玉子燒，原味，芝士粟米，日本煙肉馬鈴薯，明太子，芝士火腿，櫻花蝦同蔥蟹柳。揀咗咩口味後可以揀加唔同套餐，可以加麥飯同味噌湯，或者炸菜薯餅同炸雞等唔同組合。另外仲有烏冬同餃子可以叫。我就叫個櫻花蝦加飯同味噌湯組合，蛋煎得恰好，嫩滑蛋香軟滑，加上櫻花蝦調下味。

去到觀塘食乜好，原來依家一田商場裝修完之後，多咗好多小食店係入面。嗰度可以買壽司刺身生蠔薄餅等超市熟食現場食。有間叫麥玉子 食厚燒玉子， 好多款，好大舊！$59+$20-25變定食。 一個女仔其實都幾飽，食左第三舊蛋都飽左！明太子蛋卷（最好味最夾）定食：炸豬扒套餐$79芝士火腿蛋卷（芝士係芝心批d芝士，所以好香口膠 硬 冇咩芝士味）定食：蔬菜豆腐雞餅 - ok, 唔錯，兩塊餅 細左少少，因為佢要$25。 雞扒 海鮮 豬扒都係$20套餐：84

經過已經聞到好香蛋味，即叫即做。玉子面燒到金黃色，標榜每份玉子燒都用4隻日本雞蛋做，所以蛋味又濃又香。雞蛋燒得均勻，一層疊一層，口感鬆軟嫩滑 帶有少少蛋汁😍中間夾上帶微辣既明太子，令玉子帶點鹹香。下次要試埋其他口味💕

專誠去APM並非去行街買野，而係為咗我鍾情既"蛋",知道呢間由日本開過黎香港既玉子燒專門店無理由唔黎會一會架，位置係一田超市入面food court,排隊購買約5分鐘，買咗野菜餃子同明太子玉子燒，等大約10-15分鐘先有得食！由於即叫即整，為咗我既"玉子"我甘願等，熱辣辣既玉子𠝹開佢...入面既明太子就湧出黎，唔錯，夠滑嫰，餃子都係即煎，味道不俗，而銅鑼燒就係由日本長野縣進口，口感煙韌彈牙，有抹茶紅豆味、cream cheese味，個人喜好抹茶，唔算太甜鍾意食甜品既朋友可以試吓！