麥記美食

营业中

休息中

早兩星期先出完食評, 轉頭女友又話公辦要落北角, 於是因利乘便, 又去買蔥油餅!上次五點半去到已經話賣哂, 女友話今次三點就落去, 應該買到掛.結果願意達成, 買咗兩件外賣.食果時, 已經係四個鐘頭嘅事, 唔夠熱, 唔夠新鮮, 唔夠香脆, 我都明白.最大問題係..... 蔥花不足, 食上去蔥味不足!女友問我, 買埋鍋貼好唔好, 但....鍋貼 size 實在太細，係我食過最細嘅鍋貼，買唔落手.蔥油餅無咩蔥味, 鍋貼又細件, 達成願望, 換嚟失望.

收到女友 WhatsApp, 佢話出差落咗北角, 問我買幾件蔥油餅好唔好?當然好啦, 上次去小老板想買蔥油餅都買唔到, 激氣!上網搵搵北角蔥油餅資料, 先知道小老板都唔夠出名, 重有一間蔥油餅店來頭更勁!叫麥記!於是乎馬上通知女友, 去埋麥記買蔥油餅!結果........三點開售嘅蔥油餅, 女友5點半去到已經話沽清!又一次失望而回!蔥油餅買唔到, 唯有買生煎包同鍋貼外賣頂住引先....首先, 兩款嘅餡料足, 無偷工減料.鍋貼底部比生煎包脆口, 雖知道依家D鍋貼唔知點解整到一D都唔脆.生煎包份量適中, 但鍋貼size細咗兩個碼, 好似新年嘅油角size, 哩點真係好難接受囉......再睇睇價錢，十蚊三隻，將價就貨吧！

👧🏻Wodafoodie in North Point講起北角美食 點可以唔提麥記！大大話話麥記係米芝蓮推介街頭小食之一！我都係經朋友介紹先食過返尋味😋麥記雖然細細間唔起眼咁 但平日放工去買都要排隊 可見佢既受歡迎程度！✨生煎鍋貼 $10/3隻米芝蓮推介都只係大概$3就食到一隻 好抵見店員一次就一底幾十隻咁煎 一賣就一盒盒咁賣 真係好好生意鍋貼個皮煎得好香脆 但唔會過硬或燶皮唔厚 入面仲留有肉汁 🥰外賣回家食都仲熱到燙口 令人忍唔住一隻又一隻咁食到停唔到😋😋好彩我一買就買左一打🙊🤪真係又抵又好食！👍🏻👍🏻👍🏻見大家除左鍋貼都好推介生煎包 下次一定要試下！☺️📍 麥記美食 (北角)北角堡壘街21-23號美嘉洋樓地下

✨呢間唔單止係黃店咁簡單，仲係米芝蓮級既黃店😱價錢仲超級親民，絕對要狗衝去食🏃🏻‍♂️紅油抄手Price：$23📌辣汁超香，有少少麻，但唔會辣到入唔到口，令人有食完想再食嘅衝動😙抄手好完整無散到，一啖食哂啱啱好😋小籠包Price：$24 / 4隻📌好可惜食唔到蟹粉小籠包😫老闆話已經過咗時節🥲唯有嗌小籠包頂住檔先😭小籠包有啲的骰，好就好在可以嗌多啲野食。皮薄餡多不在話下，一咬開就爆汁😍另外醋唔會太酸，就算蘸汁都食到小籠包原本嘅味道☺️生煎鍋貼Price：$10 / 3隻📌個底煎到好香脆，食落去卜卜聲，小妹唔係即刻食都仲係keep都好脆🤤担担麵Price：$18📌湯底好重花生醬味，比起出面嘅担担麵無咁辣，唔食得辣嘅朋友可以試下💡重點麵嘅分量都唔少！燒賣Price：$7 / 5粒📌價錢平到癲，但質素絕對唔可以睇少！皮薄有嚼口，唔會好粉咁一咬落去就散開哂，好彈牙👍🏻P.S. 新蒲崗有分店，小妹兩間都食過，味道有明顯差距，難怪米芝蓮標明北角分店😂P.S.2 今次去太早食唔到生煎包🥲

以街坊小店黎講絕對係合格，尤其以價錢黎講，但就唔會出色到要專登黎食🙈擔擔麵好重花生味，但其他味道（包括咸）就欠奉，面亦都有啲腍生煎包食第一粒嗰陣無為意結果咇哂啲汁出黎🤣size 唔算大但$10 3粒真係太抵食，包底再脆啲多啲焦香就好喇

麥記美食位於北角，係一間好街坊既上海老字號，開業廿載，主打傳統上海小食，更曾多次獲得米芝蓮小食推介😋鋪面好細，門口放左3張摺台，多數街坊都係買外賣為主🤔我地假期11點半黎到仲有位，大家想食就可能早少少‼️一去到發現呢間細細既老鋪，竟然係由幾個後生男仔打理，有啲意外哈哈😂🤪1. 生煎鍋貼 ($10/3隻) 🌟3.5/5分鍋貼係一大鑊過煎，我地食到既鍋貼雖然唔係新鮮出爐，但仍暖暖地，個底仍然十分香脆🤤鍋貼唔算大粒，皮略厚，入面肉味濃郁，肉汁豐富☺️相信如果係熱辣辣岩岩出爐既話會更加好食~2. 紅油抄手 ($23) 🌟4/5分抄手係即叫即煮，熱辣辣，非常吸引😍份量幾多，細細粒，皮薄但非常完整﹐一啖一粒岩岩好👍🏻醬汁非常惹味，麻中帶辣，又唔會辣得好辛苦，十分過癮😚💕3. 小籠包 ($24/4隻) 🌟3/5分即叫即蒸，等左3個字左右。小籠包大粒，外皮略厚但煙銀，入面無乜肉汁，肉餡大舊而紮實，好重肉味，我諗係行抵食路線?😆不過我地都唔太鐘意呢種小籠包，比較prefer皮薄多汁既~😛4. 燒賣 ($7/ 5粒) 🌟3/5分見到有燒賣忍唔住都買黎過下口癮🤪呢個不過不失，皮薄口感煙銀但偏粉，無乜魚味整體比較

住北角咁多年，終於第一次嚟呢度食嘢。不過有啲太遲，蔥油餅已經冇晒了，你個生煎包亦都冇啦。只係買到個鍋貼， $10有3隻。個外皮有少少厚，但係個底剪得好香好脆。肉唔算好多，唔係爆汁嗰隻，但係可以的。味道可以，唔會太鹹，整體都算唔錯。下次一定要早啲嚟，買埋佢個蔥油餅及生煎包試吓。

經朋友介紹嚟到呢一間隱世小店食水餃、小籠包酸辣湯...因為太過隱蔽啦，行過都睇唔到。不過原來佢喺呢度非常出名，要食佢嘅蔥油煎餅3:00前就要排隊啦，因為3:00會新鮮出爐，我哋坐喺度食嘅時候已經見到開始有人排。試咗呢幾樣野酸辣湯、小籠包、水餃因為太好味啦後尾再encore多一次酸辣湯，另外再叫咗生煎包同埋煎餃，生煎包同埋煎餃非常juicy, 食嘅時候大家要小心啊，啲肉汁一咬就即刻爆出黎，啱啱煮起會辣親咀。

米芝連我想講除左價錢係平其他味道質素真係...................試了便算🥱蔥油餅....冇蔥味.只係香口窩貼....細隻.餡料冇咬口.個皮除左底有脆成個皮都唔似窩貼雲吞....真心食左第一粒唔會再食.完全唔係雲吞.餡料好水質酸辣湯....唔辣唔酸...偏咸

經過炮台山見有間米芝蓮推介小食嘅上海店，就去試試佢d小食。礙於店面細，老闆係街道旁邊放咗幾張枱櫈，但都full曬。本身諗住要外賣，但啱啱好有人走就轉堂食啦。今次一次過試曬佢主打菜式，包括有上海生煎包，鍋貼同小籠包。小籠包老闆係即蒸嘅，所以會等得耐d。生煎包，鍋貼咬落去有肉汁，要小心燙口。以平民價錢黎講 $10蚊俾3隻你出面真係搵唔到，值得推介。而小籠包即蒸，皮亦都好薄，但可能個人對煎炸野比較有興趣，相比下鍋貼好食d，都不妨試試。

想食上海菜小店見到黎間多人介紹話係平民價錢米芝連餐廳簡簡單單一間老店地方好細 細到餐廳內係只係夠老闆係入面煮野而餐廳外的行人路就係 客人嘅seating area 因為去嘅時候左限眾令 大家都好自律咁有分開倆個人，倆個人坐如果只有一個位就會只坐一個人另一個會行埋一邊食講翻野食先～查看餐廳真係十年前嘅價格咁因為價錢好平所以我地就瘋狂叫嘢食鍋貼生煎包小籠包都即叫即做所以都要等一段時間仔但蔥油餅就一早整好 都放凍左有啲硬紅油抄手 個醬就唔似平時食果啲咁 比較杰身嘅醬 加上係偏辣嘅(要注意⚠️）

我有時經過開北角就會想起這間鍋貼同生煎飽，真係食極都唔厭，尤其剛剛出爐。。。。實在太美味，因為佢只有幾張摺枱，所以通常我會拿走食當然堂食熱辣辣即刻食係最正我個人鍾意佢地既生煎包多過鍋貼，因為鍋貼較油，（當然鍋貼都好好味）間舖位置不太方便，同細細間，但係每次去我都要排隊！！都好多人幫襯ga價錢亦都非常親民$10/3件，好抵食

從幼稚園到中學，都一直圍繞在北角附近，麥記更是我從小到大都很喜歡的小吃店。好多食店賣鍋貼為左方便，會蒸過再煎，但就堅持完全「生煎」，所以食落個外皮完全唔會淋劈劈，入口脆脆的，而且餡料豐富多汁。重點來了，呢個質素，「麥記」都只係賣緊$10/3隻。嗜辣嘅朋友仔，強烈推介你地試下個秘製辣醬，味道辣而香，配搭起魚蛋同生根絕對有畫龍點睛效果。魚蛋 $7/5粒而生根 $7/一串。

北角係平日絕少踏足的地方，今日難得過嚟做瑜伽，發現咗一間平民小店，好細嘅舖面但門口大排長龍，細心一睇原來係米芝連，仲要係連續幾年米芝蓮，絕對唔小嘢！我見網民推介擔擔麵，平時我都唔係好鍾意食，一試終於明白點做會推介。首先湯汁非常濃郁，好似花生糊咁濃，而且有極濃厚花生香，食得出真材實料用花生打成的汁底。味道啱啱好唔會好鹹，少少油係麵令到汁底更滑，但唔會太油入唔到口。麵條爽口彈牙，條條分明。鍋貼即叫即煎，入口記住小心啊，唔好太心象好易俾裡面嘅湯汁辣親。鍋貼外脆內多汁，豬肉餡味道鮮味，推介！不過我手多落咗辣醬，我覺得多餘咗，齋食都好夠味。而且價錢非常抵，雖然只有門口幾個位坐得唔太舒服，但外賣食都正啦！

第二次食 今次係係個盤到岩岩煮完上碟 新鮮過上次鍋貼都幾好食 🤣 個底硬硬地好似食薯片咁生煎包個皮有少少怪 比較厚擔擔面今次再食都係去到後期有啲膩啲花生醬太多😂😂😂