麥記美食

营业中

休息中

我從佢十蚊5隻到現在十蚊三隻，加價唔緊要，大家明白，但係佢嘅質數同和食家對餃子嘅情意結唔太了解。一隻餃子点算好食，各人唔同，但現在佢由一隻正常size 去到一半，食餃子嘅囗感和享受完全唔同。現在，唔会再幫襯!

有一次經過見到好似幾抵食，但當日非常熱，坐既都係室外開將枱，不過基於好想食麵嘅情況下，就一於試一試。叫左鍋貼（$10/3隻）同擔擔麵（$17）我係一個極愛餃子既人，要求頗高所以個人覺得好普通，皮厚底硬冇汁$17碗擔擔麵我都冇抱好大期望阿姐先調醬後加湯再加麵攪均個底就feel到偏杰身，試一啖麵係煮得岩岩好！個“湯”偏杰好重花生醬味，麻醬愛好者應該好ok，但我都係覺得爭d味... 自己行去望下有咩好落... 發現秘製辣醬（左）唔洗諗，緊係落拉！！成碗擔擔麵即刻昇華左！有驚喜成件事（個麵）變得平靚加個正！開頭唔知道呢間係米芝蓮，都係食完Openrice睇先知... 你話好差佢又唔係，係真係抵食既，但你話米芝蓮令人慕名去就未至於lo...

知道此店已久, 但地點不近港鐵站, 稍為不便, 故未有機會試試。 今日因有事到此店附近, 辦完事後就走過去。 其門外有桌子和櫈, 見有客人在店舖買完食物, 就坐在這裏吃。店外等候的客人不多, 我即時去排隊。 一般醬汁就放在門口位置。見到店內有三名職員, 一名店員在拉搓餃子皮, 一名在另一邊煮食。 只有一名店員在近門口的地方一邊煮生煎包, 一邊詢問客人需要什麼後, 把客人的食物包起來及收款, 非常忙碌。就是因為這樣, 服務速度稍慢。 我前面只有兩位顧客, 但要站在這麼熱的廚房旁邊等候, 我也熱得汗流浹背。買了9只生煎鍋貼($10/3只)丶6只生煎包($10/3只)丶 1碗酸辣湯($17/大碗)和10粒咖哩魚蛋($7/5粒)回家。生煎鍋貼和生煎包 : 相比生煎鍋貼, 我較喜歡生煎包。 生煎包內的肉餡多一些。 酸辣湯 : 這店的酸辣湯像傳統上海飯店的味道, 不錯呀。 咖哩魚蛋 : 魚蛋質地較結實。

慕名而來，係因為聽講呢間嘢係咪芝蓮小店，咁樣既然係平民小食店，又米芝蓮咁冇理由唔嚟幫襯下。既然賣地道小食，咁樣我冇理由唔叫啲腸粉試下。我唔係好記得買咗幾多錢，我淨係同佢講要七條腸粉， 因為 "seven" 係我嘅lucky number。嗰啲醬料，即係平常嘅麻醬、甜醬、豉油嗰啲係可以自己落，當然叫職員落都得，但總係親手落會啱自己口味。食個腸粉嘅人都知，落曬醬料嘅腸粉就一定好味，不過其實最重要係腸粉嘅質地，我就知一定唔係 "布拉" 㗎啦， 不過食啲腸粉真係質地都幾硬下，完全唔係想像中嘅米芝蓮級數。真失望。

終於試左北角出名嘅‘米豬蓮’小店🏅結論：平平地都可以一試🤔。［窩貼］🥟細細隻,係3樣之中最推介皮算薄有汁,都幾脆身會令人想食多幾隻☺️。［生煎包］好鍾意食生煎包所以要求都會高一點呢個包底部煎得比較硬唔係脆餡料方面冇咩肉汁咁😐。［酸辣湯粉］由於我地係外賣..拎到返去食湯都仲好熱,麵都唔會變淋唔錯呀😉味道微辣適中

成日經過北角堡壘街都未幫親過嘅小食店，因為睇到傳媒嘅報導，於是就去試下食個最多人讚嘅鍋貼，估唔到咁細隻，$10/3隻，皮就真係好薄，餡都可以，味道唔會太鹹，不過煎到個底部黑而脆，係就係好香，不過感覺食黑黑脆脆好似燶咗嘅好似無咁健康，所以都唔敢食哂成個底部。總結：話哂都攞過米芝蓮，不過個人就覺得唔係特別好食，只係感覺好一般，不過個男職員都好好人，亦見到好多佢嘅熟客嚟幫親，而我覺得經過都可以一試，因為價錢都真係平嘅。

途經北角堡壘街必然要掃街，買完煎釀三寶便過隔鄰買上海美點。看見舖面貼著的餐牌，發覺除了上海點心如鍋貼、生煎飽、葱油餅、小籠飽、蒸餃、雲吞、水餃和紅油抄手外，還有風味小食如魚蛋燒賣等等。如果要要飽肚一些，更可點麵食如担担麵和雲吞麵等。愛吃辣的可選酸辣湯系列，各適其適。但這店坐位有限，很多食客只是站在門外吃，環境不算太理想。本想買鍋貼和生煎飽，但可惜生煎飽已售完，新一鍋又未出爐，所以今天只可試試生煎鍋貼吧！這裡的煎鍋貼似乎比較細隻，可以一口一隻，但摺紋亦不少而且均勻。鍋貼皮好煙韌又不痴牙，餡料豐富，味道適中，不會太鹹又不會淡。聽到其他食客説這店的食物以前便宜很多，自從拿了米芝蓮後便漲價了。唉！似乎又是車胎累事了！個人認為我今天買的生煎鍋貼雖然帶著米芝蓮的光環，但其實也不外如是！

屋企人帶K去食米豬蓮街頭小食😎，呢間位於北角(同炮台山中間)既上海小店，有又平又好味既上海點心同麵食😍，假日黎到客人都係絡繹不絕嫁😝鍋貼 $10 × 4隻店員係咁整係咁煎，上枱都仲好熱辣辣，外皮脆脆地，豬肉餡料都juicy!生煎包 $10 × 4隻個價錢係咪激抵先？！😍，重點係味道都好唔錯，雖然覺得個包底可以再煎燶啲😂擔擔麵 $16估唔到佢一碗都幾大碗😊，花生醬既味道又香又出，用擔擔麵索啲湯一齊食真係無得輸～

因為此店背上國際飲食權威「咪滋年」光環及曾經被星級食評家與資深網上食評KOL加持，點都要慕名而去，看看有什麼把炮？！十蚊三隻真係平絶港九新界，但星級推介的原因絕不是因為「平」，而是「質素」吧！可借，現實歸現實，事實歸事實，十蚊貨色真沒有什麼「質素」可言。它被多次讚多肉汁鮮美？看圖吧！一丁點肉汁也沒有。肉是溝粉溝到霉身那種質感，何來鮮？！皮厚餡少，但十蚊我沒法強求。不過如此貨色也值得米記推介？食評家加持？！真的，我不怪此店，價錢反映質素，我只怪這些冇味蕾的食家與米記的權威與公信力。By the way， 鍋貼不評也罷， 同出一轍， 有人話皮煎得夠脆，好笑，脆到界口的叫「硬」呀！好簡單，去祥X記試下生煎包，就知誰是龍定蟲!

呢間小食店有米芝蓮加持，我見佢價錢又平，就去左試下佢d生煎包同鍋貼都係10/3，好扺食，但唯一唔係咁好既就係佢冇熱住佢地，所以食個陣係唔算好新鮮，仲叫左個蔥油餅，係啱啱整好，好熱，但食落三樣野好似都普通，但咁平都可以試下😋

幫襯了麥記超過十年, 現在決心跟它say goodbye。以往麥記講心, 現在被冠以美豬蓮就講金。以往買窩貼十蚊四隻, 老闆娘見涼了的, 就多給你ㄧ隻。現在加價到十蚊三隻, 要不要由得你, 因為大把人排隊。講真不是貪你多ㄧ隻, 少ㄧ隻, 但食物質素每況愈下, 靠睇咗美豬蓮介绍的區外客同大劣遊客谷客, ㄧ場來到同你買五十、ㄧ百蚊嘢。在商言商, 好過serve我哋呢D二十呅有找的街坊和放學的學生哥。但终竟麵粉魚蛋還是麵粉魚蛋, 由五元加到六元再加到七元ㄧ串, 對不起, 我不是羊古, 北角真的美食多的是, 現在跟你説 Au revoir, 望你好好享受你的美豬蓮的輝煌日子, 街坊還是懐念已往樸實的麥記。

麥記除咗代表麥當勞之外，係北角就有一家店用「麥記美食」呢個名做到米芝蓮推介。成條街都唔多人，唯獨是「麥記」門口就大排長龍。等「麥記」嘅人可能比成條街行緊嘅人仲要多。今日唔好彩，排到嘅時候剛好賣哂生煎包，唯有轉食小籠包。小籠包整得好唔好食，好多時睇賣相就已經略知一二。首先要皮薄，隱約睇到入面，而且表面摺痕會較深。呢兩點「麥記」都做得唔錯。不過食落去發現入面唔夠湯，令到成個小籠包好乾，要點醋去彌補返。只可以話僅僅合格，希望下次會食到佢嘅生煎包。

除咗平同hae，無嘢可以形容，仲枉我大住個肚都去試下，可以話比我聽點樣米芝連呢？要排隊等位就係米芝連小籠包啱啱賣晒，我見到隔離有人食(見到後無諗過再嚟試😔)，其他嘢全部都有食，生煎包丶窩貼皮厚，硬，無汁，唔熱，蔥油餅，完全食唔出係，唔係有蔥同麵粉溝埋就係囉最後麻醬面，個醬係Ok,本人好鐘意食花生醬，如果可以多d蔥花，d麵熱d會更好

覓食北角尋找昔日米芝蓮街頭小吃店。為了生煎包而來的慾望, 可惜中午未有提供, 最後選了需等候數十分鐘的小龍包及鍋貼。原本想堂食打卡, 但昔日有檯有椅的環境不再, 空間被車位佔據, 只好找到最近的公園進食, 炎炎夏日沒有一個冷氣位置進食的確難頂, 但亦無阻CP超高的評分。真心小龍包外皮軟熟口感不錯, 但肉汁不多, 如果要讚的反而是有驚喜的担担麵非常好食, 醬汁掛麵滿意👍 如果公司或屋企在附近我一定會是這裡的常客。

叫左一份煎餃, 一份生煎包,一倨酸辣湯, 魚蛋同魷魚煎餃可以一口一隻, 微脆, 唔算油, 入面是豬肉餡, 唔算太肥膩, 幾好。生煎包都係細細個GE, 入面D 餡比較多肥肉, 個底煎得幾脆, 但太多油。酸辣湯越飲越辣, 主要係豆乾同木耳絲,肉絲同蛋較少。好大碗辣魚蛋係唔使加汁都辣!!! 即係本身已經係煮辣左, 惹味,5似出面要加汁先辣魷魚無味, 亦無乜鮮味, 要加汁先得。價錢真係無敵, 仲要一定食得飽, 可惜無人執台, 不過咁平, 都無咩所謂LA