麥記美食

营业中

休息中

既然稱得上米芝蓮推介，應該唔會浪得虛名😏小🐷同小仙子帶住期待既心情出發。麥記位置係堡壘街，路邊有個檔口所以明明到左都見唔到🙈不過見到人龍就知去岩🤣去到好好彩唔使等，叫左酸辣湯，生煎鍋貼同生煎包🤤為左食到最佳狀態，小🐷同小仙子決定即場食🤓真係好有”風”味架😅先試酸辣湯酸辣適中，唔會好辣，而且好足料👍🏻而生煎包，包底煎到好脆，有少少肉汁，餡料充足😋 最後試生煎鍋貼，有驚喜🤩鍋貼底比生煎包煎得更脆，厚度適中，咬落去淡淡肉餡，好juicy🤤生煎鍋貼最出色👍🏻因為我哋lunch 去試唔到佢既蔥油餅，下次一定要試下先。食食下又有人龍，如果咁岩賣哂生煎鍋貼/生煎包，就要等佢再煎(7-10分鐘左右)👈🏻雖然成日都有條人龍，不過都值得等😋

行完小馬山係北角落返山，就黎到呢間麥記美食補充體力，人龍keep住有，有d等緊外賣，有d等緊落單，檯上既垃圾同碗都冇人收，見到有幾隻蚊螆飛下飛下😖上次試左生煎包，覺得麻麻地，所以今次試其他，不過價錢真係幾抵食👍🏻有機會都想試蔥油餅，不過要三點先開始有，今次就冇緣紅油抄手 $23Menu寫需時5分鐘，整完之後店員會攞出黎，一碗大約有6-7隻，睇顏色都覺好惹味🤓雲吞皮好滑，不過味道真係好刺激，有麻、辣、甜、鹹，鍾意食辣既人應該好滿足

食麥記真係買少見少呢類店，有位坐就算你食一串坐岀面都唔會話你，呢啲店真係好好架坦坦麵18元大大碗又够花生味，好味過好多店燒賣個辣汁係靈魂，甜甜地但辣辣地酸辣湯够酸够辣，最正木耳爽，仲有豬紅平野唔代表呃你，麥記美食絕對係平靚正

一直好想試呢間有米芝蓮街頭小食推介的麥記美食，係北角堡壘街的街口，好多人都買外賣，但想坐底食都可以，設有室外座，但座位不多🙈最多人推介就有小籠包、生煎包等，最平$10就有交易，下午3點就有蔥油餅，除左小食都可以點麵食，有雲吞麵、担担麵、水餃麵👍🏻雖錢價錢平，但製作都幾認真，清楚見到廚房入面運作，店員密密手煎煮生煎包 $10/3隻生煎包唔夠熱，食落微溫，而且皮比較厚，肉汁欠奉🙁，不過肉餡調味唔錯，唔會過咸，包底煎得香脆，唔會過硬，價錢取勝，但專程去食就未必

佢一直睇佢鋪面都以為唔係幾好食，但係朋友一直強烈推薦，今日終於去咗食，見到好多人排隊，心諗：究竟係因為平所以多人排隊，定係因為好食所以咁多人排隊呢？答案係真係幾好食，呢個價錢做到呢個質素，實在係驚喜！好多人都買外賣拎走，但呢度都有啲位好似大排檔咁坐係街邊食，沒有冷氣的，不過都值得一食！我哋叫咗小籠包，鍋貼，生煎包，酸辣湯，基本上所有都超好食，外脆內軟，餡料多，酸辣湯味道濃郁，超好食！不過小籠包皮好容易爛，比較難食到啲湯汁。紅油抄手好食，不過唔係上海口味，係四川麻辣口味。

🍪 【#糧尾精選】【#北角】麥記美食 Mak Kee💥開業20年上海菜 連奪6年米芝蓮推介💥.🍪麥記賣魚蛋起家，街頭小食全人手製造，價錢親民✧Started with serving fish balls. All homemade and economical dishes.🍪現由第二代負責人經營✧20 years in business. Family owned restaurant now run by the 2nd generation son. 🍪門外有幾張戶外枱櫈可坐✧Al fresco dining area. ~~~~~~~~~~~~~~~~~~~~~~~~~🍽小籠包 $24（3.5/5）Steam dumpling with pork肉餡滑嫩足料，皮算薄✧Rather thin skin with tender pork fillings湯汁不豐富✧Lacks broth.🍽紅油抄手 $23（4/5）Dumpling in chili oil香辣醒胃重麻香，份量充足✧Amazingly savory chili oil. Great layers of seaso

平民米芝蓮美食，簡單的美味！🔸鍋貼（$10/3隻）🥟隻隻都煎到金黃，餃子煙韌，底部香脆！肉汁鮮美👍🏻🔸小籠包（$24/4隻）即叫即蒸！皮薄，餡料豐富，肉質柔軟鮮嫩！唯一可惜期待澎湃的湯汁無出現，只有肉汁。🔸魚旦（$7/5粒）魚旦一般，但特製辣汁做得幾好！令魚蛋變得惹味。🔸小雲吞（$18/8隻）又係即叫即整！一睇就知皮薄，仲有個小鳳尾咁，一口過剛剛好。美味鮮肉餡料配搭軟滑雲吞皮👍🏻總括🔹自家手工製作，小店經營，性價比高，值得一試！不過小店內無座位，堂食的話就要坐係街旁簡單枱櫈進食，介意大排檔feel 嘅朋友就要注意。

小籠包 $24/4隻紅油抄手 $23擔擔麵 $18鍋貼 $10/3隻生煎包 $10/3隻👍 性價比超高！！！今時今日係邊度搵到廿雞可以食飽你嘅地方？仲要係#良心小店 👍 紅油抄手必叫！重口味，夠麻夠辣！鳳尾雲吞，饀唔多但抄手梗係要多皮可以掛汁先係王道啦👍 擔擔麵都好好食，係正宗撈麵 style，無乜湯，好香花生醬味，目測唔辣但食落都啖啖麻辣味，幾過癮！👌 小籠包皮薄，肉饀清甜，但唔知係咪因為外賣，近半個鐘後先食，所以已經無哂湯，下次堂食再評👌 鍋貼皮都算薄，隔左半個鐘皮都仲超超超脆，但同樣無湯👌 生煎包係正宗包皮，唔係好似祥興記嗰啲薄薄成隻鍋貼咁，我就麻麻食成個包呢隻，因為太飽肚啦 🙈 但個底一樣keep 到脆卜卜👎 店舖似專做外賣，對出只放左兩張摺枱，近排嘅天氣真係唔敢堂食

復活節，三日兩夜的北角維港凱悅尚萃酒店 Staycation 期間，我在第二天的早上，先到北角匯 <老媽拌麵> 食相當飽肚的台式早餐；在北角匯及和富中心兜個圈之後，便走到北角堡壘街買午餐！早前，睇到蘋果短片介紹位於北角堡壘街的米芝蓮美食小店 <麥記美食>，小店位置在北角及炮台山站中間，就算由酒店行過去要 10多分鐘，也值得走一趟支持吧！設有堂食及外賣，多數食客以外賣為主，堂食在馬路邊的摺枱，環境及衛生可想而知...呢！由我未排隊到買完，不停有食客幫襯，以「客似雲來」形容最適合不過！餐牌想買首選的招牌生煎包，可惜賣哂， 要等15分鐘！於是，我另選已煎好的煎鍋貼及魚肉燒賣！煎鍋貼 $10/ 3 隻即煎好的鍋貼外層金黃香脆！ 鎖住鮮美的肉汁，皮薄餡豐，帶有肥豬肉，肉質柔軟鮮嫩，肉味更香濃！魚肉燒賣 $7/ 5 粒質感不會好腍，蘸上店方的豉油，的確提升口味又惹味！如果用膠袋裝比紙袋裝更好，起碼豉油不會被吸收及黏住燒賣！

喺香港未食過咁脆底同足料嘅鍋貼&生煎包。睇完網上片段介紹，特登搭叮叮入去北角，夜晚八點去食。我叫咗生煎包、鍋貼、小雲吞同埋小籠包。鍋貼同生煎包唔使等小雲吞同小籠包要等五至10分鐘。夜晚八點，出面有得坐，雖然係街邊，但其實好乾淨好舒服。生煎包同鍋貼個底超級脆，從來冇食過咁脆㗎生煎包同鍋貼。而個餡係多汁同鮮味嘅， $10，3個真係好抵。小籠包同小餛吞都ok，但就無生煎包同鍋貼咁驚為天人。臨走嘅時候再叫多咗一份鍋貼同生煎包外賣。一路食，一路都不停有人買外賣，所以食材非常新鮮！

一直很想來試試看, 看到youtube的介紹, 又連米芝蓮也拿得到, 覺得一定很好吃, 對麥記美食的期望很大。。原來店位置不太好找, 可能我是九龍人的關係?? 店面小小的, 在店前面有些座椅給買好食物的食客坐, 算是很貼心的服務呢~ 我點了生煎包及鍋貼, 生煎包及鍋貼他們比我想像中沒那麼鬆化, 脆是很脆 但脆到有少少硬。。。 而涵料的味道有少少普通, 不過價格很便宜~! 如果我是附近的居民, 一定會常常來幫襯呢! 因為今天太飽了, 有機會再來的話, 希望可以試試其他食物呢

唔，只可以講各有喜好路過咪試下囉衝住佢的鍋貼，生煎包黎唔....係平囉就個底係脆，不過餡唔得叫埋酸辣湯，中和下唔……偏鹹今日MVP係個辣汁呀～魷魚得吖，爽燒賣就算啦～不過用佢黎沾滿辣汁

平民米芝蓮舖頭細細👫👭👬👬👭👬keep住有人排隊就知幾受歡迎生煎鍋貼 $10有3隻店員keep住包keep住煎細細隻個皮好薄個底脆卜卜😋 勁多湯汁推介‼️‼️‼️‼️‼️三隻唔夠喉要叫幾份先得小籠包好失望☹️☹️☹️☹️即刻蒸要等一陣先有但無咩湯汁☹️☹️☹️☹️本身一心諗住食小籠包酸辣湯唔會好辣🥰怕辣既都食到呀加埋個麵掛哂d湯汁👍🏿下次要有機會要試下蔥油餅去到已經賣哂🤦🏻‍♀️🤦🏻‍♀️🤦🏻‍♀️🤦🏻‍♀️

生煎鍋貼 3隻 ($10)鍋貼係預先煎好咗🙁，食嗰陣已經有少少凍，不過依然好好味。鍋貼係用大圓鐵板生煎，皮身較厚，未必個個都鍾意。麵皮色澤油潤，咬落去有彈性唔鞋身，仲有麵香，但完全唔油膩，底部煎到微燶，金黃焦脆😍，非常之香口，食落去係有咔嚓聲。豬肉餡肥瘦比例適中，份量正常，調味偏簡單，應該淨係落咗鹽同糖加生抽，所以每一啖都食到豬肉嘅鮮味同豬油香👅，配埋黑醋嘅酸甜就perfect。可惜嘅係佢嘅肉汁唔夠多，不過都juicy嘅👌🏻，呢方面就勉強合格啦。------------------------------生煎包 3隻 ($10)Size係比一般小籠包再大少少，麵皮唔係好似一啲店鋪咁做到小籠包皮咁薄，似係以「老麵」天然發酵而成，麵香非常之濃厚🤙🏻，口感似饅頭咁帶啲鬆軟，仲有少少芝麻香，底部都煎得脆卜卜，外脆內軟。兩派都有佢特別之處 好睇個人喜好，小編就兩者通殺😈。肉餡濕潤份量足，非常紮實，唔會一咬即散，其他方面感覺同鍋貼嘅饀冇咩分別所以就唔多講。肉汁方面就好睇運氣，友人食嗰粒就爆曬汁，我就兩粒都冇😫，算係美中不足，希望店家可以改善下。---------------------------

唔是金拱門！呢間麥記雖然細細間，要坐街邊一張張摺枱，唔太起眼！但人地呀米芝蓮推介街頭小食黎架! 次次去親都要排隊，你就知佢有幾巴閉、幾受歡迎！.📌生煎包 ($10/3隻)大大隻，個底好脆、好飽肚😍(我都唔明點解依家出面D生煎包，次次整到一D都唔脆，好似普通菜肉包咁😂).📌鍋貼 ($10/3隻)小心熱到燙口🤭 同樣地，個底係煎到好香脆，食落卜卜聲！老闆堅持「生煎」，所以食落好香脆！雖然外皮偏厚，但一食先發現，皮先係主角，癲覆我以往既諗法😲 好香麵香！肉質正常！.📌麵筋($7/串) 麵筋吸左秘制沙嘜醬既味，好食😋.📌魷魚($9/串)正常發揮！.📌小雲吞($18/8隻)普普通通，湯底無咩味！.📌菜肉雲吞($18/6隻)比小雲吞大隻，湯底都係無咩味！兩者比較，菜肉雲吞比較好食！.總括嚟講，呢個價錢，呢個質素，收貨！同佢係咪米之蓮無關！主要推介生煎包同鍋貼，可另外再叫幾款小食，掂😉=========================..