麥文記麵家

营业中

休息中

工作至晚上十一時半, 身心都感覺疲累, 不過剛見食友在Facebook張貼一張忠記的炸醬麵照片, 很是掛念。心血來潮底下, 驅使我來這裡吃個麵吧。麥文記的來頭相信大家都知道, 是屬池記 (注意: 這並不是現在的池記)的第二代, 一向在九龍區用上傳統方法做麵食。當年池記除了雲吞麵有名之外, 接下來的就是其獨門的炸醬調味。一碟炸醬撈麵, 份量不大, 六七口就吃完, 炸醬比較約三分之一, 不過只要耐心的撈好散開, 每條麵條都可均勻地沾上炸醬。麵條慣例要求要爽一點, 令麵條彈牙感提高, 金絲蛋麵能在口中蠢蠢欲動, 彈力有如數十條彈弓放入口中。如食炸醬麵, 麵中淡淡的蛋味都被炸醬蓋過, 唯一麵條美中不足的是稍稍嫌其拖水不夠, 令麵條有點濕。炸醬調味可以, 運用食友的一句: “甜辣鹹都有所平衡”。不過這個炸醬麵與忠記還是難比得上, 原因很大機會是在於肉絲的用料。麥文記用的肉絲瘦肉較多, 口感略嚡, 只有在咬到肥肉時才比較甘香。另一個方面則是肉條炸的程度與肉條粗幼大小有關。忠記的炸醬麵肉絲炸得較多, 而且肉質軟稔一點, 而且肉絲不會太粗, 只是保持口中剛剛好的嚼勁彈性就可以了。雖然兩者醬汁同出一轍,

晚上十一時多，從內地回到香港，長長的車程，回到香港要找一好味店家去滿足一下自己，話說我的習慣是睡前三小時不準飲食，但時常都做不到，是次是第三次來到，喜歡店鋪佈設，充滿親切感，友善大叔以充滿經驗的快速下單，之前試過雲吞麵，第一次食迷你版，第一次食只有蝦的雲吞，新鮮！彈牙！還有還有，第一次叫油菜，蠔油是要付一元，收錢是有道理的，這裡的蠔油出奇的出色，想點多碟菜去食配它，配角變主角，不加蠔油必定失色豬手，牛腩不過不失，我認為這家雲吞最出色了，麵條沒有過熟，夠彈牙

麥文記的出品一向保持一定水準,她的水餃可以說是我可吃過最出色的店舖之一,但最近數次再吃的時候發覺水準已經不在,一直都想試多幾次先寫,畢竟偶爾失準是情有可原,但試咗幾次都係咁就真係要公平的寫一篇.好的水餃有著不同的配料(蝦,豬肉,荀,木耳...等),放入口中有著不同的口感,現在的麥文記水餃沒有以前咁飽滿,皮可能都係咁上下size但以前啲餡係包到隻水餃好漲身,放入口,一口滿足.我明白原材料,人工等等都可能令佢細隻咗有關,但另一方面,其實佢碗麵好細,而水餃都係得三隻左右,而且價錢亦加咗,所以變細咗真係唔係幾接受到.而因為材料少咗味道亦變得冇咁豐富.至於碗麵,個人來說,鹼水太多了,一入口就成陣鹼水味.驚喜既反而係我一向少食既雲吞,因為一直都係食開水餃,好少食佢既雲吞,但今次試吓,蝦加豬肉加蝦子,味道濃郁,三樣嘢既比例啱啱好,唔會比單一食材取締咗佢既味道,要比個讚佢,一口一粒,美中不足(同水餃一樣),就係佢個皮已經煮得比較淋,再番熱就變得更淋.如果要食雲吞,其實有幾他選擇,亦唔需要特別走過嚟食,可惜啊,我最愛的水餃一去不復返了.

趕時間，少不了要找一個可快食午餐的地方，又不想吃太飽，結果就去了麥奀記來個細蓉。大熱天時，也點了一杯豆漿。不知道是不是解渴的緣故，豆漿十分好喝，甜度恰到好處，喝後不會有一股甜勁從喉嚨湧上來，而且也滿有豆香，以$5的價錢而言，實在十分抵飲。一如所料般，$31的雲吞麵其實沒有很大碗，但假如想午餐吃得清怡一點，已經足夠了，湯底很濃郁，分外喜歡麵條的質感，極爽身，也沒有鹼水味，是越吃越開心；雲吞不過細，也不是粗製濫造下的製成，值得推薦。消費： $36    

法語課後徒步到麥文記, 未轉角便人頭湧湧, 原是是旁邊的澳牛一如既往的大排長龍。幸好麥文記只有4、5個人在輪候。排隊期間有伙計(?)捧著一盤包好的雲吞, 令人垂涎三尺。幸好很快便有位了。店內裝修是港式風格, 兩邊四人卡座, 中間圓桌, 另外收銀台處是單邊面牆卡座。座位之間比較狹窄, 不過伙計走過時也會小心, 避免碰撞客人。我們分別點了雲吞麵和蝦子撈麵, 另外加一碟芥蘭。麵幼身彈牙, 條條分明。湯味恰好, 不濃不淡。一共有四顆雲吞在碗底, 雲吞皮薄, 蝦的樣子也清晰可見。不過跟傳統一樣, 比較細碗, 作為女生我也吃不飽...蝦子撈麵用碟上, 附送一碗湯。蝦子非常香, 麵比泡在湯裏更爽。是另一種風味。不過相比之下我還是覺得雲吞麵更吸引, 價錢比蝦子撈麵平, 還有雲吞吃

香港人最喜歡平靚正, 大件夾抵食, 看到沾仔記的受歡迎程度便略知一二. 這家以前也是 '大大粒雲吞' 的始創者, 但和今天市面上的相比, 也算是貴精不貴多了.午飯時間到達, 門外有人在等位, 但幸好及時有人離座, 可以立即進內. 內裏格局有點舊, 但是乾淨企理. 坐了卡位很闊落, 但看到店子中間坐圓枱的人則有點擠迫的感覺.店內有牛腩, 叉燒, 豬手選擇. 我只點了一味鮮蝦雲吞麵 ($30), 約五分鐘後送上.碗子的確是不大的, 不過在這家店已是預料之內. 對面坐的食客點了豬手麵, 分量好像大一點. 不過, 整體分量應不足以滿足一位男士.麵餅放在頂部, 以免被湯浸稔, 有心思, 是老牌麵店的慣常做法.我喜歡吃麵前先喝口湯. 有大地魚香, 不錯.麵條是有嚼勁的那種, 蛋味一般, 鹼水味低, 整體不過不失.今次的主角藏在碗底. 雲吞其實不小: 當然沒有沾仔記那樣, 但好像較同樣是老店的麥奀記大. 不過論精緻度, 這雲吞的尾部不太美觀, 整個扁扁平平的, 觀感差了一點 (除非閣下喜歡大大粒的快感). 裏面真的吃到原隻的蝦, 鮮味十足. 不過其實我希望雲吞內可加點豬肉會更好.三兩口便把這碗麵幹掉

這家麵家有很耐歷史了，我小時候已開始幫親，是長期客仔😋他的雲吞雖然細細粒，但很爽口，很好味，咁多年也保持水準，非常好👍不過不知是否食材貴，麥文記也加了價，其實當中已加了不少次，但只要保持水準，我也會樂於接受，但相信今次加了價，卻又換了供應商，麵條沒以前的爽口同彈牙感覺，鹼水味也重了，可能這是我不喜歡的鹼水味，苦苦地，所以感覺很差，我仍會幫親，但只會食淨雲吞而放棄了我的最愛=雲吞麵！😢希望老闆可用回以前一樣的麵條吧！！

三點半左右入到去都幾多人 仲有幾台外國人我都估到今餐實有好野食!!!叫左個雲吞麵純粹為食好野而食 唔系想食飽3~4分鐘後 牛腩麵黎左 個碗超細D麵幾有咬口 不過可能兩啖已經食得晒但系D牛腩好入味 大約有6舊 正!!!!萬眾期待既雲吞終於黎左睇落去唔系好大粒 但系食落去先正你真系會食到入面有原隻鮮蝦!!!!D蝦既肉仲好爽 真系勁正我覺得咬完一啖 浸落湯再食系最好食!!!哈哈 有機會一定會再黎拜訪依度既雲吞

個日經過佐敦，睇到另一面既佐敦，搵食經過呢間鋪面是正既舊式麵鋪，入去試一試。十分知味！係卡位坐低，望一望佢貼左餐牌之外，亦有雜誌介紹。雲吞麵、豬手麵、蠔油……見價錢相宜，就點左碗雲吞麵。比較多有歷史既麵鋪都係用呢種相較細既碗黎盛載食物。套用簡介「食家要係「好食」同「夠食」之間選擇。」但對我個人黎講，呢碗係both!!上菜個時，睇黎出佢地係先放雲吞後放麵，所以要額外攪起雲吞上面影相。話明「雲吞麵」，當然先食雲吞 後食麵。雲吞包法相當好，無鬆散既漏汁跡象，但亦爽口，雲吞大小適中，蝦味十足，總之就係好食！麵食得出同其他出面既唔同，冇梘水同煙韌，但我個日就有韌左Ｄ。湯比較清，唔知算唔算特別。食到一半先望到雜誌額外介紹佢既蠔油，通常要拌油菜，由於budget有限，只單叫一碟蠔油。唔係講笑，可能係本人孤陋寡聞，佢個碟蠔油我真係食到蠔既鮮味同蠔味，Jesus!!食野食左廿幾年先知咩係蠔油，真係無介紹錯！！由於呢蝶仔蠔油比較大碟，我之後用左黎撈麵。有機會再番黎試其他野！相當不錯既經驗。

午飯時間，不想吃得太多，所以走到這麵家，品嚐有名的牛腩河。雖然份量不多，但勝在好味道。牛腩味道很濃，很腍，真是食過番尋味！而河粉的軟硬度也夠適中，配合牛腩的濃味更是絶配。

已經想吃這店很久了,今天接女朋友仔放工後便去試一下吧.這店高朋滿座呢,要等一下才能夠進內啦,為了吃好東西便等一下吧.座定定看一下有什麼東西吃.我當然是吃最愛的雲吞麵了,而女朋友仔點了水餃麵呢,也好可以交換吃.為了健康便再點一客蠔油菜心好了.這店菜跟蠔油是分開計算的呢,要加一元的蠔油費啦,呵呵XD在等食物的時候看一下顧客,大部份也是遊客啦很有趣呢.轉過頭食物也來了,快點吃啦很肚餓呢.先吃一下雲吞麵吧,看不見雲吞的雲吞麵是很正宗的煮法不要見怪,吃下去第一個感覺是這真的是手打麵嗎?可能放久了影響了彈牙感呢,但仍是不錯的.而湯底也是典型大地魚清湯,略嫌鮮味沒有想像的強而已.而雲吞便真的無話可說啦,我未吃過那麼大隻蝦的雲吞呢,不止鮮味而且也大粒啦,很回味便是了.@v@而水餃跟雲吞的分別是多了一份爽口感,因為有木耳絲啦.而蝦也好像是比較小隻的,但鮮味仍在,也是值得嘗試的呢.=v=菜心倒又怎樣了?菜框很粗呢不易入口,幸好應是用煮麵水煮的令菜心比較腍啦.蠔油是畫龍點睛的,不可忽略啦.很鮮味,一起吃很配合啦.但那麼多的蠔油根本不可能用光的呢有點浪費便是了.因為食物好吃女朋友仔忍不住再點一客牛腩河呢.希望

原本想去食拉麵，但好多人排隊，上網搵到佐敦呢頭既麥文記好多人讚，就試下啦。首先要左雲吞麵、南乳豬手麵和油菜。雲吞麵細細碗，雲吞大大粒，全部係彈牙蝦肉，幼麵爽滑有咬口，湯底清甜，好鮮味。豬手唸身，南乳入味香濃，點埋醋汁，減去肥膩既感覺。食物甘好味，忍唔住要多碗牛腩粗試埋佢。牛腩肉嫩野味，但粗麵太過硬身，我喜歡幼麵多些。店員係一班叔叔, 佢地好親切, 沒有因為店舖多人忙碌而黑口黑面。我地兩個人用左 $100 試晒幾款美食，滿足而歸。

麥文記是老牌麵店之一，他的雲吞和豬手（還有油菜）都是有名的。一段時間沒吃過了，這日就來到吃碗雲吞麵($28)做午餐。雖然座位有點逼，但地方算打理得整齊乾淨。等了數分鐘我的雲吞麵送到。幼麵一絲絲，煮得時間剛好一點不過淋，最合我較愛硬身麵條的口味。而雲吞是全蝦，蝦肉爽甜味道鮮美，配著滑滑的雲吞皮，好吃！由於份量真的不多，轉眼就吃完了。男士或肚餓的日子一碗麵應該會是不夠飽的。

因為一個人, 所以不用等位. 讀了這兒的評價, 所以選了淨雲吞和豬手麵.淨雲吞$28 -- 8粒, 每粒約金莎朱古力左右大小. 皮滑, 的確蝦粒是有鮮味又彈牙的. 清湯無味精. 好吃. 豬手麵$30 -- 麵條彈牙, 是沒鹼水味的好貨. 但手只是掛了醬汁在表面, 味不是入了皮. 我覺得只是一般, 是周圍都可以吃到的味道. 失望. 會再來幫襯雲吞.

之前都嚟過食幾次 , 老字號水準自然不錯點知今日坐低叫碗雲吞麵, 唔夠十秒已經送到我面前, 都知唔對路一食落就知難受: 湯唔熱, 麵浸到林晒應該係落錯單/ 煮多咗之類, 擺咗喺度我都廢事同佢嘈, 哽完即走今日一個28蚊, 慳番我第日唔知幾多個28蚊我當然明白呢次係個別事件, 但係一間老字號會做嘢咁冇要求真係令我好失望我唔會再嚟