鹿鳴春飯店 (已結業)

師傅見好耐都冇黎過呢間食店, 所以決定要黎食下野, 仲一心諗住要食乞兒雞, 於是乎早兩星期打黎訂位, 點知已經冇得訂黎食, 師傅好失望唯有訂另一名菜酒糟鴨肝!早幾晚就黎左呢度食飯, 一行七人, 商量左一陣最後決定要雞鮑翅, 北京填鴨, 賽螃蟹, 津白, 京燒羊肉, 蒸素餃, 肉絲炒拉麵同埋酒糟鴨肝!最先黎到就係雞鮑翅, 雞鮑翅係跟埋一個脆包係用黎點湯食翅, 湯味夠濃, 翅份量好夠, 而且煲得好腍, 唔會爽口, 勁好味; 北京填鴨餅皮就好薄好鬆, 而填鴨皮就幾脆, 但肉身就比較參切, 有d好乾身, 有d就好鬆身, 比師傅想像中差少少; 賽螃蟹炒得好香夠滑, 一流; 津白師傅冇食到但聽聞好嫩好腍; 京燒羊肉就燒得好香脆, 肉身夠鬆唔算乾, 但酥味唔重, 好味; 蒸素餃個餡就好清, 皮就唔算厚, 得喎; 肉絲炒拉麵炒得好香, 拉麵又拉得好煙韌, 味道都幾好, 可以啦; 而酒糟鴨肝睇落賣相不算太討好, 但係味道真係出色, 鴨肝夠嫩夠肥美, 一d都唔鞋唔乾身, 與酒烹調後, 更能發出鴨肝味道, 真係好正!飯後再叫甜品, 要左拔絲香蕉, 不過師傅冇食到, 所以唔知咩味, 不過估計唔差!總括黎講食物

賽螃蟹—滑、但太油北京填鴨—太肥、太老、太凍、軟皮鴨一隻、夾皮凍清炒蝦仁—尚可蒜茸炒白菜—太油、冇蒜味、不合格京燒羊肉—乾、味介乎羊牛素鵝—腐皮好味、紅蘆蔔餡一般四色雜菜—西蘭花、BB粟米、津白絲、磨菇每樣小小，難評經理伙計就真的不可一世(可能有苦衷)，大佬! 號稱香港著名食府。還有，此店聲稱舊式食店並無提供雪柜雪藏顧客帶來的生日蛋糕，我個是雪葩蛋糕，服未!夠冷氣份量適中出菜時間適中

2月14日晚大夥兒去鹿鳴春慶祝情人節，知道長期爆滿，故早於一星期前book好位。是晚選了一個套餐\\\，白肉粉皮、清炒蝦仁、賽螃蟹、北京填鴨、炒鴨崧、津白鴨湯，另加雜錦拼盤、鍋貼、小籠包、銀絲卷和拔絲蘋果。 賽螃蟹，香滑無比；北京填鴨每塊大小均等，不太肥膩，好吃；鍋貼沒想過這麼好吃，外脆內軟；蝦仁大大粒，份量又多又新鮮；雜錦拼盤是另加菜式，由老闆推介，可以一試。拔絲蘋果或許\\\因為等得太耐，又一直恨吃，所以覺得一流。其他菜式都不過不失。鹿鳴春沒令我失望，水準似乎比鄰近的泰豐廔更勝一籌，七個人吃得飽飽，很滿足的一餐\\\飯。特別一提，侍應招呼好週到呢！

今早去完沙田寶福山拜祭後，到了鹿鳴春食晏，點了中午填鴨餐($480)，另叫了一些小籠包，花素蒸餃...坦白講，小籠包真係好難食，皮厚肉硬，花素蒸餃相對上好一點，亦比較清淡跟餐的賽螃蟹及清炒蝦仁保持水準，味道不錯，生菜肉絲賣相及口感也值得推介，另外，本來跟餐的應是鴨湯，我們改了要炒鴨骨，材料相當豐富，更加有兩隻鴨脾^__^主打的北京填鴨，我個人覺得有點失準，鴨太肥，塊皮又太厚，而且青瓜似似都比唔夠，要扣分。最可惜係甜品高力豆沙，其實不算太差的，起碼比王家沙好，問題係粒豆沙唔係響正中心點，反而突出來，賣相遜色>.<另外，服務質素欠佳，是舊式菜館的通病吧!最後一提，去鹿鳴春食京菜，不如去灣仔祥記啦，好好多! (只可惜我的家人不願嘗試其他的...)

尋晚有朋友生日話想食片皮鴨最後我地揀左哩到同佢慶祝生日無諗過咁多人...所以預早一日打黎訂位果時佢話最快都要9點半於是幾位朋友放工去左尖沙咀行到9點左右就去等等左15分鐘左右就已經有位畀我地啦~都唔駛等好耐~坐低左諗左一陣叫左6個餸1個甜品頭盤叫左雜錦拼盤- 味道OK,不過哩個質素周圍都食到,係哩到食稍貴之後黎左賽螃蟹- 超咸,D蛋太老,一D都唔滑,直頭好似用咸蛋白做咁,送上黎果時又唔附醋,一人食左一更已經無人郁第三樣係宮爆蝦球- 蝦唔新鮮唔爽,D炸皮又淋哂,死實實咁,D汁無乜味第四樣係蒜蓉小白菜- 味道唔錯,好香蒜味,不過同拼盤一樣,好普通同稍貴第5樣係小籠包- 皮好薄,送上黎果時夠熱辣辣,唔落醋都好好味第6樣就係主角北京填鴨- 等左好耐,到個鴨黎果時已經飽得七七八八,但係見到佢係我地面前片都好興奮,味道幾好,好多肉汁,D皮又夠脆,有人話應該淨皮,無咁多肉,不過我覺得咁樣幾好,唔駛咁溜,不過真係太飽~只係第一件有包麵皮,之後齋食...哈哈~都一樣好味最後果樣係拔絲香蕉- 個侍應會係你面將D蕉放哂落冰水到,外皮好脆,不過我唔食任何煮過O既香蕉...所以只係食左一舊總括黎講我覺得麻麻,賽

唔食過唔安樂，先睹為快︰６個人食左酒糟鴨肝，甜醋魚片，炸蝦，賽旁蟹，片皮鴨，翅，炸醬麵，拔絲蓮子，高麗豆沙，夾埋都係１６００左右，好抵。基本上翅加片皮鴨係指定食物，其他既就隨意ｄ，希望下次多ｄ人能食到蜜汁金華火腿啦!好欣賞ｄ侍應，我地每次叫親野，佢\都會截住我地，提醒我地已夠食了，唔會話猛叫人地叫菜。同場仲有蕭芳芳係度食。

我響MELBOURNE住左好多年,上左OPENRICE都有3年既時間,一直以黎見到鹿鳴春D食評都好似唔錯,一直都想去試下,特別係個北京填鴨...上年返黎諗住新年前去食,可惜打電話訂位果陣話一個月前就已經訂滿位...今年返黎過年不容有失,早響11月尾已經打電話訂左位,點知...當晚既陣容有我,妹,爸,媽, 一去到,話係姓X訂位既,點知佢地話今晚無呢個姓既訂位喎... 我亞媽又好緊張話一個月前已經訂左位架喇喎...點知佢地話無早幾日再打電話黎確認唔計數...(咁都得??係訂左就係訂左喇啦..),咁佢地問我地幾多人,答4個,佢地都俾到張枱我地...咁好喇~雖然有枱...亞媽已經有少少唔高興喇...咁無問題,當晚叫左扒四蔬,薰魚,宮爆雞丁,填鴨,小籠包一:扒四蔬: 話係扒四蔬,結果上碟只係得兩蔬,西蘭花還OK,娃娃菜切得太碎,好難夾,無乜味道...薰魚: 係薰倉魚,炸得唔夠透,味道只係一般...宮爆雞丁:個汁太稀,味道一般,有少少SPICY,小籠包: 有10隻,已經即上即食,但係都係唔夠熱,味道亦唔特別比街外果D見得好....填鴨: 等左好耐呢味至上,超期待... 先上甜醬,再上蔥/青瓜, 片

今日訂咗兩枱屋企食飯聚會。我第一次嚟呢度食,環境係舊式飯店嘅感覺, 所以都覺得會幾好,而且好多人幫襯,好似都幾正宗咁。先嚟個雞鮑翅，好好味，湯味夠濃。北京填鴨個皮好好味，質感唔錯。賽螃蟹都幾好食，因為真係有蟹又夠味。不過之後嘅餸就普通，唔係特別好。而且我地ｄ餸食到一半要等好耐先有第二輪出現。總括而言，可以一試，但又唔好期望好似咁多人講到咁好。

3Mar2007 1930在香港食北京菜來說，這間算是眾多同類中變化得最細的食店。是日南瓜在這裡慶祝生日，選在這裡，我未黎過，又好耐冇食京菜，順到都要講句生日進步。這裡並不難搵，但好似咁熟面口，噢，原來3年小弟在老尖涯世界時黎講過一次食飯，不過冇乜印象。點菜由別人負責，小弟工作負責食、俾銀兩及做配角。當晚的菜式如下：雜錦拼盤、窩燒肘子、薑蔥管廷、糟蒸鴨肝、片皮鴨、和菜帶帽、蝦多士、教化雞、煎盒子、京燒羊肉、炒豆苗、高力豆沙及拔絲蘋果。雜錦拼盤上的食物全是凍食，共有7樣食物，包括牛展、黃豆干、筍絲、中國芹菜絲、海浙、青瓜及素鵝，素鵝及海浙被其他以圓型包圍，未食已先色奪人，牛展食落有少少似金華火腿的質感，幸好不是味道，素鵝冇食，不能評論好與否，總體上雖沒有留下深刻印象，但人多時候是需要打響頭炮；當人人似乎不太喜好窩燒肘子時，我一舊一舊咁放入口，通常做法是蒸完後再炸，這裡完成後似乎乾了些少兼只有好少豬肉味，不過實在太香口，加埋淮鹽一齊時實在係人間美食。薑蔥管廷，管廷意思是黃香管，亦叫豬喉嚨，不知是否因漂白過程問題，破壞了它原本爽脆的質，而薑一點也不香；糟蒸鴨肝繼京燒羊肉後，第2味我最喜愛的，

我地期待已久嘅京菜鹿鳴春,終於今日可以再次品嘗,點解想食左咁耐?因為呢度好串架,訂位只可以訂晚上7:30前,之後嘅麻煩去到慢慢等.........講到食京菜,北京填鴨實在唔少得,師傅即場片皮,相當純熟,而且d皮仲鬼死咁有口感,非常正宗!鷄包翅:有個脆包用黎點鷄湯翅,滋味到暈!北菇扒時蔬,好普通嘅菜式,但勝在d菇隻隻夠晒厚肉,當堂加分!清炒蝦仁: 蝦肉都幾爽架,清清地.....不過好大碟.......哲皮拼素鵝醬蹄: 加埋預設嘅鼓油，味道即刻唔同晒!高麗豆沙: 熱辣辣兼皮夠薄,好好味!

一行7人, 食左京蔥爆牛肉- 好油.唔係咁夠滑, 得半碟炒牛河咁大碟素鵝- 做頭盤唔錯.腐皮入面有蘿蔔絲幾青新賽磅蟹- 熱辣辣, 好滑,都幾好, 不過都係太細份量沙鍋云吞雞(例) - 全晚最好食呢個. 入面有成只雞.湯好濃(當然有味精味),云吞一啖一粒, 每人都有3粒, 白菜仔都幾多.我地每人食左2碗.北京填鴨- 好期待...都好失望.鴨片得太厚.太多肉.勁肥, 唔香,同我係北京食過既相差太遠..而同場既一位朋友都話,食過唔係專做京菜既酒樓都做得好食過佢..我覺得唔合格銀絲卷- 我無食, 朋友話無特別蔥油餅- 我無食, 朋友話好油炸餃子- 我無食, 朋友話皮好厚.唔好食我覺得不過不失啦, 但不過其他人講咁好

十一月五日晚上,訂了兩位枱,給了一個比較清靜的位置,有舊酒樓feel,侍應態度幾好,是晚點了食物如下：酒糟鴨肝(預訂的)--酒味很夠,鴨肝不"鞋",幾好味!賽磅蟹--之前新假期介紹過,說這是正宗的,必試,有魚肉及醋在內,另一種感受,好味!清湯魚翅--$400,分到六碗,大大塊翅,好似食麵咁,沒有膠質,正!上湯火腿炆津白--很香。拔絲蘋果--侍應用很快速度放落冰,又用很快速度拿起來,非常好吃,極力推介,就算之前已經很飽很飽,也覺得十分好味!不過值得一提,這裡的菜式份量十足,很大碟,兩個人食唔晒,成碟津白打包回家。現場所見,雖然是星期一晚,但很Full,宜先訂位。

一行七人上星期四到此店晚飯, 點菜如下:海蜇拼素鵝- 普普通通北京填鴨- 京式片法,片了很多片, 但鴨腿不見了(北京人不吃鴨腿?)蒸炸銀絲卷- 像三小時前用萬年油炸的, 及二小時前已蒸好的肉絲(已忘了名字）- 紅紅色的, 油淋淋, 可否先隔油?青菜煨麵- 已是全晚最好的, $3x, 又熱又大大碗炒飯- 也是油淋淋的, 飯也炒不開沙鍋津白- 很腥, 為何????高力豆沙- 其他人說OK, 但我已走了!下次還敢來?!?!

一行六人去左鹿鳴春食京菜,好似話幾好食,都可以啦,不過冇想像中咁好食!雜錦拼盤- 味道唔錯,橙色既係豆干,仲有竹筍片,海哲,牛脷等,呢個好穩陣...餃子- 味道一般,冇咩特別...芝麻蝦- 我冇食,朋友話似蝦多士多d,有d失望....沙鍋津白- 似沙鍋粉絲多d,成鍋得幾條津白?! 味道ok... 成煲加埋都應該冇半棵津白?!賽傍蟹- 味道可以,蛋白都幾滑,不過落左魚肉及薑(感覺有點怪),同一般食到既唔同味...北京填鴨- 份量好多,六個人食,食到好飽,我一個人食左5/6件?熱熱地既皮加鴨同醬,幾好食!拔絲香蕉- 呢個一般,皮較厚同埋唔夠脆,可能係我地掛住影所以"林"左少少...

昨晚12大2小來,事前已留咗3道菜,叫咗:1)素鵝(小) x 2-濃煙燻味,外皮非炸嗰隻,軟身,濕濕地,中間填滿咗紅蘿蔔粒-不錯2)炒鱔糊(中)-鱔肉帶d彈性,大量芽菜,味道討好3)京燒羊肉(大)-外皮脆,肉又嫩,亦有羊脂,好有羊味,好此道的都讚good,不過有友人嫌太"so"4)翡翠雞丁(中)-雞丁肉嫩,同好有南乳味,周圍以西蘭花伴碟-好5)宮爆大蝦(中)-炸粉厚咗小小,個汁味道淡咗d,而且蝦肉亦無嘜鮮味-1般6)雞絲翅-是"杰"身,味道ok,但還是比較喜歡燉翅多d7)楊春麵x 2-麵太腍了,不知是否比我地放得太耐-no good8)雞絲燴麵-無試到9)鍋貼-個樣唔錯咁,無試到10)小籠包-可以,友人嫌唔夠湯汁,但個人覺得起碼個皮頂無過厚同硬,就已經合格11)蒸炸銀絲卷-各1-但無食到12)教化雞(訂)-因有些友人未試過,所以叫-同上次比較,似乎水準下滑因欠色澤,肉雖然腍,但味道唔夠上次有的荷葉香同紅棗味-唔突出13)窩燒肘子(訂)-好大隻元蹄-肥膏部份好多,已經炆到好鬆化,入口即溶,絶對交到功課,不過肉嘅部份是腍,有點同意友人說有d霉,質感有d"鞋"-no good14)酒糟鴨肝(