鹿角巷

营业中

休息中

黑糖鹿丸鮮奶 ($28)香港人點都要排下隊ga la🌝本身期望吾係話好高，卻比我想像中好飲得多😍我個人比較喜歡的一杯，因為鮮奶吾甜搖勻左D黑糖之後吾會太膩太甜🤤因用黑糖煮成的珍珠所以叫鹿丸，夠甜味煙韌彈牙又吾會太大粒搞到我得個食😌P.S 如果吾洗排咁耐係正嘅😂Taste: 8/10晨曦 ($38)紫黃橙的漸變係晨曦的顔色～好靚ar😍飲之前最好搖勻佢，將上面的沙冰同下面的芒果味&綠茶味撈勻～主要係芒果味比較重😌飲落幾清新，影相都好靚👍不過等依杯等得最耐所以有點覺得吾值🤷🏻‍♂️因為吾算好特別😂Taste: 7/10

近排呢間鹿頭飲品舖真係超紅，一開始覺得有啲吹捧，試完估唔到愛上了🦌 真係有別於一般台式飲品店！食完飯，落住毛毛雨，見唔係好多人排隊就同朋友去買杯嚟飲下。叫店員推薦幾款清新啲嘅飲品比我，夜晚唔想飲茶訓唔著，個女店員好詳細咁介紹我飲青檸番石榴、檸檬蜜香蘆薈&初戀蘋果比我，我揀咗檸檬蜜香蘆薈。朋友就揀咗抹茶鮮奶。等咗5分鐘就有得飲啦！由於價錢唔算好貴（尖沙咀飲支水都貴過人），一開始都唔係抱好大期望，點知真係一飲愛上了 酸酸甜甜，仲有啲大大粒蘆薈咬下。個檸檬真係好高質，台灣啲青檸真係冇得彈！朋友話抹茶鮮奶味道同Starbucks差唔多，但濃郁好多。鮮奶據說係用日本明治奶，真材實料，價錢平過starbucks！只係$24，萬萬沒想到！我地喺窗外面望入去，見到啲員工用支掃磨抹茶粉，唔講以為佢地係日本飲品店。店舖設計好靚，飲品又整得好靚，等嘅期間見到好多人飲鹿丸，下面黑色珍珠，上面白色，店員都有推薦我，但我唸著鮮奶會太飽，所以冇叫。見到啲人飲完個表情都好驚喜，仲有啲外國人不停話「so good!awesome!」，真係見到好想試 下次！抵佢日日咁多人排！

台灣過江龍之鹿角巷🤤其實之前去台灣都飲過～個時飲覺得冇乜特別😂😂今次開到香港,又俾個機會我試下☺️提提大家就算開左一段時間..依然都係好多人排隊😭建議大家 1，2點去排，會小啲人...15mins到已經okay~1600後條隊都唔知排到去邊😞嗯同埋實在太出名了，個日去到好多款式都冇晒...飲左：🔥黑糖鹿丸鮮奶 hkd28💰個樣係超級吸引😍一睇就知好飲！佢仲有個小tips俾你，步驟1）霸氣飲😂一野飲到底，冷熱交融係正架喎✨雖然好多人都話唔好飲唔值得排隊...但我呢個真心ok!因為係牛奶一定冇奶茶咁甜，但佢個啲黑糖漿同埋珍珠係超級入味，黑糖同牛奶好夾👍🏿真心要叫呢個呀！第2個步驟係攪勻佢，我反而覺得撈左之後種口感冇咁特別😂但都好飲！！🔥皇家9號奶茶加珍珠 hkd26💰 呢個相對黎講係超級淡...完全唔似奶茶😂得茶味..珍珠都冇味好淡喔😣

又有一間出名嘅過江龍黎左香港，緊係要去試下。去到都九點幾，唔多人但係條隊好亂...因為就收舖，所以有好多野都賣哂，珍珠都冇埋，最後叫左top 5之一嘅皇家9號奶茶少冰少糖。平時係天仁飲無糖，所以都叫少糖，職員好細心咁解釋糖量，但我都係聽唔明😅飲落去茶味唔濃冇乜味，奶香亦都欠奉得奶粉味，同貢茶冇分別（我係唔飲貢茶的，因為唔好飲），唔值呢個價。可能珍珠做得比較好，所以先出名，下次等水準穩定都可以再戰嘅。

打風既第二日 飲過一次琴日又飲多一次 決定一次過寫評語左: 盆栽奶茶珍珠: 其實好有口感 唔係要死咬爛咬嗰隻口感我本身飲開冇糖 但店員同我講要半糖先好飲結果又真係唔係幾甜既 可接受曲奇: 同平時飲開嗰啲唔同如果你有去葵芳既茶X味 或者都會有相同感受最重要既茶味: 奶味明顯重 所以一向鐘意茶味既我唔太likey 右: 鹿三巷其實大致上同上面一樣 只不過冇曲奇多左啲丸仔咁 都係冇乜特別不過如果你本身鐘意奶味重既 或者你會鐘意呢兩杯係令到我想寫評語既原因！琴日掛住佢啲珍珠 所以俾多次機會佢左: 小鹿出抹店員有教 初初飲唔好搞住就咁飲幾口 抹茶同黑糖又幾夾喎之後我好似搖test tube咁搖發覺冇咁好飲 只有抹茶既苦澀味冇左黑糖既層次其實唔搖好過搖右: 黑糖鹿丸鮮奶推薦其實就係黑糖鮮奶加珍珠雖然感覺冇特別 但幾fresh 平時飲台式飲料 好少就咁飲鮮奶架嘛但佢咁既配搭又幾好最後: 其實佢啲珍珠份量算多 同埋個人鐘意既口感所以為佢加左啲分

呢間小店可能因為係新假期介紹完之後就好多人特登過嚟打卡。當然港女我都唔例外。行到去門口見到一堆人喺度，排隊大概有10個人，其他都係度等攞野飲嘅。叫咗其中一杯最出名嘅小鹿出抹，餐牌寫住要等40分鐘，但係問咗店員佢話而家就有。朋友本身係唔鍾意飲甜嘅嘢，就算去飲天仁茗茶都要帶無糖珍珠鮮奶綠，但係店員話依杯係冇得走糖嘅，咁唯有試吓啦。等左15分鐘左右就攞得，飲落好香黑糖味，唔會係死甜。所以朋友都覺得好好飲。反而抹茶略嫌唔夠香茶味，不過整體來講都係值得一試，或者等熱潮過去就唔使等咁耐。

琴晚喺尖沙咀食完飯，反正係順路坐車，一於去睇下人流點。9點半鐘唔洗排隊，只有五、六個人等緊飲品，正喎。不過買完之後，都陸續多人，但相信冇日頭咁誇張，聽過有啲人排一粒鐘…因為唔洗排，等埋飲品成個過程20分鐘，比想像中快供應鹿角輕茶、奶茶、鮮奶茶、鮮果等超過30款飲品，仲有每日限量嘅蝶豆花漸層系列，定價 $14-38。仲可以加錢配珍珠/椰果/蒟蒻/蘆薈/紅豆/芋豆，$4-6。黑糖鹿丸鮮奶 $28：限定嘅黑糖鹿丸系列有鮮奶、可可、抹茶，本來想點「小鹿出抹」，但店員表示製作需時，提議我可以試下鹿丸鮮奶。既然佢咁講，我又唔想等太耐，就試鮮奶啦。但眼見有唔少人都手持抹茶，有點無奈。呢個系列冇得自選甜度，黑糖鹿丸其實即係配黑糖煮過嘅珍珠，拎上手仲係好熱，食落煙韌有咬口，味道唔錯，偏甜。面層係日本鮮奶，冇乜特別，但搖勻左都依然覺得甜，如果能夠自選甜度更好。皇家9號奶茶 + 珍珠 $26：大家對珍珠奶茶有既定印象，一般講茶嘅濃淡，奶嘅香滑，呢杯都幾顛覆我對珍奶嘅認知奶重，茶味弱到不行，一行四人大嘆失望。正面啲去形容只可以話好特別…見到有唔少人喜歡店家嘅茶飲，我打個卡就夠了。始終係新店，店員手法未純熟，少

同fd食完晚餐後，決定來依度回味之前去台灣旅行的感覺~一來到已經見到長長嘅人龍~由於鋪頭門口嘅路非常之擠逼~所以人龍只可以在店鋪外面靠近路邊的位置排隊~但此舉非常極之容易俾人打尖~因為好多人根本就唔清楚邊度係隊尾~另店鋪門口落單同摞飲品放在同一個地方，導致速度十分緩慢~排隊落單已花了接近一個鐘..期間需要自行去店鋪落單位置摞單張..但由於好多人逼係門口，導致要等好耐先可以摞到飲品MENU------------------------------我同fd嗌佐一杯白桃烏龍同埋一杯皇家9號奶茶。白桃烏龍，據店員說是由茶啡機現場滴漏出來需要耐D...結果！好難飲，一D茶味都冇...好似飲水咁...sad..我fd個杯皇家9號奶茶一飲就已經好失望..冇茶味之餘，全部都係奶粉沖出來嘅味道...------------------------------唔知間鋪俾佐幾多💰做廣告。。。失望至極。。。

新店開張，就一定會排長龍！等候了約大半個鐘先下單，幸好製造飲品速度尚好。本身想試小確幸奶茶，但店員說珍珠在熬製中，需時等候，於是店員推介「黑糖鹿丸」系列的飲品。【小鹿出抹】 $28店員提醒第一啖要將吸管吉到最尾，會飲到有黑糖味，然後先搞絆，撈匀黑糖與抹茶！ 最驚喜其實係鹿丸，即是黑糖珍珠，煙煙韌韌，少少甜，與抹茶配起來剛剛好！不像某連鎖品牌的珍珠，愈食愈有一種酸味！⚠️注意：like Facebook 會有9折優惠

［慕名而來］如果去了台灣、日本而又甘岩錯過此店，那麼香港首間分店不要錯過。鹿角巷原名斜角巷，13年前在台灣桃園開設首家門市後，至今仍受歡迎，必有其受歡迎之處。我今次就系錯過台灣，日本等分店的人，所以慕名而來。12點未開門已有十多人排隊門面裝修很好看標榜用料上乘的材料，今次就一試。店舖共七個飲品系列，包括奶香系列、鹿角輕茶、黑糖鹿丸（限定）等系列。可依自己的需求喜好加珍珠、蘆薈、紅豆等配料，也可選甜度和冰一心想要晨曦的我，發現2點先開始有，而且限定30杯最後點了小鹿出抹和皇家9號奶茶一邊影周圍，一邊等飲品等了約5分鐘，等到黑糖鹿丸在最底，而且溫的，直接飲就偏甜，是黑糖甜，但與鮮奶搖勻後，味道香濃又不會過甜。皇家9號是招牌，這杯特調的紅茶，不但散發淡淡藍莓香氣，而且口感獨特，有別於以往所飲