鹿角巷

营业中

休息中

未夠鐘食晚飯，朋友提議行去里間新開的台式飲品店買杯飲杯解暑☀️位置有少少唔方便，係I square附近。你地見到有長長人龍，就岩嫁喇，行埋去啦本來想試下限定的黑糖鹿丸，賣晒🌚下😔😔等左十五分鐘喇，無理由唔買的飲過第二樣啦⋯⋯試Top 5吧⋯⋯當日只係下午四點左右，top 5已經無左三樣，限定的黑糖鹿丸又話要等一小時先有，想點丫，唔係下午先開舖咩，點解咩都無的😣😵唔得，真係好口渴，咩都好啦選左有兩粒星星的鹿三巷奶茶珍珠係我喜歡偏細的size❤️配料係不錯竹，但最重要係個茶底🤦🏻‍♀️錯😣錯晒同七仔的午後紅茶有咩分別⁉️點解我要排十五分鐘叫野飲，等最少十五分制作，然後，飲午後紅茶‼️朋友叫的皇家9號奶茶重要有一種奇怪的黑加倫子味☠️💀👻咩事丫，奶茶wor，唔好玩我啦☠️總結：雜誌真係唔好輕信，大伏。下次都係買返天仁算數

The ALLEY台灣過江龍珍珠奶茶 係尖沙咀重慶大廈對面有得飲啦 長期排長龍 難得今日唔使點排想試佢哋期間限定嘅黑糖鹿丸(珍珠) 所以都係排隊買！黑糖鹿丸鮮奶 $28呢款係已經fix咗甜度同埋冰量 而其他款式係可以揀少甜/少冰 雖然話吾洗點排 但都要等10分鐘左右 最後果然無令我失望！跟佢地建議既飲法 第一啖直接飲 飲到熱辣辣嘅黑糖珍珠 口感煙韌 黑糖味香濃 配上甜度吾高既鮮奶 味道口感相當特別之後再搖匀佢 黑糖香氣混入鮮奶 另有一番風味值得一讚嘅係鹿丸珍珠份量多！整體甜度適中 係出面等既時候望到佢哋係用明治鮮奶質素吾差呢另一杯入面有紅豆 芋頭 珍珠 配料非常吸引！而且仲係Top5之一 當然要試試！小確辛奶茶 $28飲落味道係失望既奶茶只係用奶粉開 奶味薄弱 茶味偏重呢杯都係無得揀甜度 但甜度較鮮奶鹿丸低記得拌匀先飲 如果吾係會飲到一pat芋頭泥 而且無咁好飲。。。值得一讚係芋頭同紅豆豐富左杯野既口感 但整體味道普通 無令人回味既感覺 較鮮奶鹿丸遜色 Top5之名有點名不符實未飲過可以一試 但飲過兩款就自然會有比較個人覺得鮮奶鹿丸更值得推薦店員仲話呢兩日「小鹿出抹」會返貨！抹茶控好期

好唔好飲都係其次，明顯係要相機食先，尼個系列真係好似將成個天空收納左係枝野裏面，好靚呀！1️⃣北極光（左）小編真係超級鍾意佢呢個漸變色，好夢幻feel呀！果醋味都幾重下，但當中又不乏提子味。整體酸酸甜甜既都幾易入口。超級適合夏天飲用，不過可能有部份人覺得會比較甜，口味呢家野真係好見仁見智。2️⃣晨曦（右）紫黃橙嘅漸變色真係好靚，不過成支野嘅茶味就唔係好突出，只係喺每啖嘅尾尾飲都有少少茶味。而佢中間嗰個芒果沙冰，芒果味係重嘅，不過小編覺得隻芒果味好似芒果糖味。整體來講嘅味道就係芒果糖味嘅芒果茶。完。價格：HKD $38---PS：光影系列嘅飲品係2.00pm後先供應，早去都冇得買架！其實小編一直都好想試佢啲個小鹿出抹，但係唔知點解長年都話缺貨囉！所以就決定退而求其次，試吓呢個反正一樣都咁有名氣。雖然佢嘅黑糖鹿丸唔係真係話熱辣辣，只係暖暖地，但係同上面嘅鮮奶Mix埋一齊果個冰火交融嘅口感真係好正。而且佢個黑糖鹿丸黑糖味真係好重，鹿丸仲煙煙韌韌添，口感超正。小編聽聞佢哋對呢個品質要求極高，就算鹿丸三個鐘內賣唔晒都會換過一批新架！而且鮮奶嘅奶味都幾重下，唔會話淡而無味。鮮奶同黑糖鹿丸夾埋真係超級夾，又

黑糖珍珠鹿丸早排終於試到喇，之前成日見佢大排長龍，所以都冇去特登排隊，呢兩星期見人少少，就去買左黎飲。飲完一次之後好快就再買第二次啦，因為佢呢個招牌嘅鹿丸真係唔錯。佢話建議唔好攪勻佢因為鹿丸係熱嘅，新鮮煮起，上面嘅冰凍牛奶同下面嘅鹿丸一齊飲，冷熱交融，個感覺真係唔錯。味道方面，好多人都會覺得有少少太甜，但對我來講我就覺得OK嘅，仲覺得佢好似布甸上面果種黑糖味道，搞到我都心思思好想食返個布甸添。牛奶都幾好，見到佢係用明治牛奶，牛奶味道10分突出，所以成杯嘅感覺都幾好架！

呢間店問過d台灣朋友都無人識, 但見佢俾錢賣廣告賣得咁勁咪去試下, 第一次去落雨都排隊所以無排第二次去點左兩杯招募, 有杯有鹿丸, 原本唔知咩黎, 其實只係珍珠仲要勁細杯勁貴, $28好似仲細過天X 茶湯X, 重點係飲落同XX亭一樣囉無料扮四條, 唯一就係裝修得靚囉岩岩見到佢篇廣告文話近年台灣來港飲品水準平平, 咁唔知醜既

呢間台式飲品店出名珍珠&鹿丸，因為太出名，前幾次嚟都賣曬好多飲品。而缺貨多日嘅小確幸，今日終於有貨啦！而且唔會好似之前咁好多人，店員製作飲品速度好快，我排隊比錢去到攞到飲品只係10分鐘之內嘅事好清楚睇到有好多嘅芋泥、紅豆&珍珠店員叫我要搖勻攪勻先好飲。搖勻之後好明顯見到有好多料喺底呢杯野飲不設更改甜度，因為甜味都係嚟自本身嘅芋泥好健康咁，真係不愧係我最近最愛入口啖啖紅豆肉，仲飲到好細粒嘅芋頭，同綠奶茶底相配合，好正！珍珠好QQ，有少少甜味！飲完好滿足，真係我嘅小確幸店員同我講本來缺貨嘅呢幾日會逐漸回覆供應，大家唔好錯過啦！

早前睇到媒體報道尖沙咀登陸了一間台灣過江龍「鹿角巷」的珍珠奶茶，鹿角巷 一向標榜用料上乘，茶葉、珍珠等九成材料都是由台灣直送，今晚係尖沙咀當然要專程去買番杯飲下，晚上時分不是太多人排隊都是5分鐘左右就買到嘞。鋪頭設計都同鹿角巷個名有點意思。鋪頭的牆身以磚頭為主，牆側邊仲有一個鹿頭style 擺設。睇了飲品餐牌之後太多不同的選擇都唔知揀邊杯飲好，於是我問鋪頭店員有什麼好介紹，他說top 5 飲品之選都是很多人購買的，於是我買了一杯皇家9號奶茶加珍珠。買完之後我忘了同店員講少甜少冰，心諗會唔會好甜呢，當我第一淡飲落去時感覺有一種微微藍苺嘅味道，茶味香濃，甜味適中，珍珠很彈牙，不錯的一杯珍珠奶茶。下次都會再去試其他的款式飲品。

最近尖沙咀開左間好出名既茶飲店，市面上既珍珠奶茶大多數都偏甜，珍珠亦吾煙韌，而呢間咁出名既原因有兩個：1) 台灣人氣茶飲店 2) 茶味香濃、珍珠有咬口位置系Isquare對面，十分顯眼、方便，離遠已經見到有堆人系門口，但冇想像中咁多人，因為聽人講要排至少半粒中，多則一粒中，想講一講買飛系一條隊，等候拎飲品系另一條隊，不過啲人似乎都冇突登去排，系職員叫番啲人後尾先排。好好彩地即刻有得買飛，不過等候當然都要啲時間，最後等左15分鐘就有得飲。戈度寫飲品有兩種飲法，第1種系霸氣咁飲 (相信大部份人都系) ，第2種系搖9下先飲，但真正相飲戈陣相信都吾得閒同你搖咁多下🤣 反而會花時間系相機飲先。飲品有奶茶、鮮奶等等，仲有個叫「光飲系列」，系好colourful既飲品。餐牌上有啲已經寫住缺貨，缺貨既全部都系抹茶既飲品，不過我一開始都諗住飲黑糖鹿丸鮮奶，所以對我冇影響應該每一個顧客都系「小鹿迷」？😂小鹿打卡熱點～拎住杯飲品系度相機飲先是常識吧～最底層既黑糖珍珠熱熱地，上面既奶就凍，不過飲飲下啲珍珠好快都會變凍，黑糖珍珠好甜不過每粒都幾煙韌，同市面上珍珠奶茶店既珍珠確實冇得比，但整體黎講冇想像中咁好，有

成日係FB都會見有人介紹呢位於尖沙咀呢間就鹿角巷，已經心郁郁，因為我好鍾意飲台式飲品！一心放工就去買，應該少啲人，點知去到都已經有8-10個人排隊，咁只好乖乖地排隊。由於多人排隊，所以係收銀機對出會排幾個人，餘下既人要係馬路邊邊繼續排，但因為條隊斷開左，好多人都唔知後面有人排隊，所以排隊時要打醒12分精神，提醒啲人係後面排隊！叫左黑糖鹿丸鮮奶，本想叫少甜走冰，佢就話無得改，set好左😓，真係第一次聽！一拎上手，感覺好得意！上半杯係凍，下半杯係熱，一杯有哂冰火感覺😆！呢杯野，凍既部分係牛奶，中間係黑糖味既珍珠，底層熱既係黑糖漿。第一口，先跟佢介紹咁霸氣直接飲，會感到到凍完之後暖，好重黑糖味，連之後𡁻啲珍珠時，都覺得有黑糖味，但就會甜啲！之後就搞番均勻後，味道就普通一啲。呢個size黎計$28貴左少少，如果將來行過無乜人排隊既，都會再試！

幾次到都係小鹿出抹及其他幾款冇貨，點左黑糖珍珠牛奶，28蚊，太太太太太²甜真係食唔落，飲左牛奶就扔左珍珠，會怕糖尿病，拔草，唔好飲，同埋排隊隊伍都冇人知，全部都係隨便排

食完晚飯太飽所以係尖沙咀散下步行行下比小豬發現到之前instagram好多人推介ge小鹿台式飲品The Alley鋪外面有一隻鹿頭，係影相打卡位置，比起其他台式飲品店，裝修真係夠特別，少女心的小豬真係好鍾意講番主角，小豬點左好多人推介ge黑糖鹿根丸鮮奶，店員仲教首先插支飲管飲一啖先，然後再攪拌7下，就可以飲到兩種風味第一啖飲落去係熱ge奶味同啜到好重黑糖味ge珍珠，好正之後攪拌左係冰凍淡奶味比起平時飲開ge珍珠奶茶，小豬更愛呢杯珍珠鮮奶，奶味濃而且黑糖味重，好特別!

今日5點幾經過gateway就諗起鹿角巷，都幾多人排隊但條龍去得好快排左5-10分鐘就到我地。想試小確幸奶茶但係店員話缺貨1-2星期之後先會有貨🤦🏼‍♀️只好試下佢個黑糖珍珠。因為佢個珍珠係熱嘅奶係凍嘅，店員都再三提醒我地要直接飲左一嗒先好搞均。第一口係有冰火二重天嘅感覺好神奇，但太甜。之後搞均左先ok因為只係黑糖珍珠有甜味，而個奶係一d都唔甜😋但係飲完成杯真係好飽會食唔落飯😂

一直聽聞這間來自台灣的飲品店，終於找到機會去排隊，晚上9時左右，點了後大概等了5-10分鐘。有好幾款飲品都sold out了，想要試試它們的黑糖珍珠，原來只有牛奶，可可等選擇，珍珠奶茶是配普通珍珠的。天真的我想要走冰，原來是不可以的，因為底下的珍珠是熱的。珍珠好煙韌，口感來說是有8分的，但太甜了，就算是配牛奶也中和不了它的甜度，牛奶就...是牛奶。Size 比坊間的手搖飲料細，但價錢卻高快一半，要再試第二次有難度呢。

上次在午飯時間經過這店見到一條長得不合理的人龍，悶熱的天氣，無可能排。估不到星期日晚上人龍竟然消失了，明明飽了也都不能錯過不用排隊的機會！（雖然等待的人其實也不少。）本身想試試這裡每日限量的樽裝飲品北極光，但已售罄😔當然我不會就此罷休，立即叫了黑糖鹿丸鮮奶。在等待期間我還認真地看了「飲用說明」，充滿期待😜😜真的要讚：實物跟餐牌的圖是一模一樣的！未攪拌前先飲一啖是暖的，黑糖味很濃，珍珠的煙韌度適中，攪拌後仍然充滿黑糖味，加上濃濃的牛奶，果然好味！真心覺得好味，希望這間過江龍飲品店能持續做下去，不會因為香港人的窩蜂熱潮退了後就消失。

我今日專誠行去鹿角巷,我見好多人都去朝聖我排咗5分鐘買珍珠奶茶，然後等咗大約10分鐘。我果日佢有好多嘢都買曬，想飲佢啲特別嘢飲都無。佢啲特飲係有啲貴我杯珍珠奶茶其實無咩特別，奶味重，啲奶好似咖啡奶，有啲"lau"，本人唔係幾鐘意。啲似咖啡奶嘅奶都帶甜。我朋友都有同感。佢叫咗皇家9號奶茶加珍珠，佢都覺得有啲"lau"，好奶，同埋杯奶茶帶點花香/果香味。不過值得一讚係佢啲珍珠！真係唔錯,有咬口。我應該唔會再回購，因價錢比較貴