鹿悅日本餐廳

营业中

休息中

同朋友去吃午飯，叫了兩個set lunch，大大話話都要600大元落樓。當然，Grand Hyatt既餐廳一定有它的水準。Sashimi is fresh, but be honest, I can find many other places with better sashimi.係好吃，不過以這個價錢我覺得有D吾抵者。。。

今日去左grand hyatt鹿悅食日本自助餐, 好好好失望!!!! 加埋一要$450一位, 但水準實在太低!!! 熱盤不單總類少, 仲要唔好食! 係一般屋村日本店都好過佢!! d 魚生都唔係特別好, 三文魚無味gei!! 最過得去只係toro, 最好味係咩呀, 你估都估唔到, 係西瓜同芒果! 真係激死人, 收咁貴, 但水準咁差, 係咪過份咗呀!!!

與另一半俱為日食老饕，對著這總算全港數一數二的日式自助餐，總有著不到黃河心不死之慨。上週末終於有緣一試，可惜twin tower 之一海膽從缺，雖說不是海膽死硬番士，也不免為此行添上一點遺憾。另一主角拖羅雖然任點任食，但好似除左頭一份assort 係大拖羅外，其他只是普通材料，加上其他咸食不多，甜品亦不算令人齒甲留香，450大元是否物有所值，幾乎全視乎你鯨吞了多少拖羅而定。overall 黎講，食下情調見識下就夠，要食好似出面那general 自助餐繽紛d... 可能我鍾意熱鬧小小啦!!

同朋友o係依頭飯，大家都無咩胃口，就去食日本菜喇~ 服務好好，我o地唔介意坐bar位，但個manager係都要俾卡位我o地，不斷咁話"佢o地埋緊單o架啦，就快有"~ ^_^兩個人，叫o左salmon sushi, buri yellow tail sushi, 青瓜卷，蝦tempura卷，"思"蚶sashimi, 同一支細o既sake (唔記得牌子)~ 全部食物都好新鮮好正~埋單$11XX~

刺身只有油甘魚、三文魚、帶子粒、海膽、八爪魚同墨魚，食物又唔算太新鮮。其他只有好少野食，唔值得推介。

成日聽人講話呢喥D o野好正, book極位都book唔到, 終於俾我試到啦! 其實佢buffet D o野食選擇唔算多, 但勝在夠多貴價o野,魚生選擇夠多, 海膽又任食,環境又好又有格調,夠高檔,但個buffet成三百幾蚊貴o左D,但係D務好,都算值o既~

請問最有冇人食過這裏的buffet, 請給我一些意見謝謝.

已經開番啦Satursday & Sunday: Lunch Buffet $310Dinner Buffet $370要等到11月中先有位

因為SARS的原因，現在以停業了，唔知遲D會唔會開番。好彩我都試過。

去過Kaetsu食Sunday buffet兩次。第一次已經係幾年前o既事，當時三百幾蚊一位，只有一半人客，但刺身有Toro、Hamachi、Uni呢D貴價o野食；雖然toro只係chutoro，有"根"，但都好鮮甜，waiter也頻頻refill，食到小妹非常高興。其他食物重有冷麵、銀雪魚、tempura。每位客人還送main course一客，揀o左鐵板牛柳粒，portion幾大，牛柳也很鮮嫩。可惜D甜品只係一般，不過另外送o既一客米雪糕就好特別，食落仲好似有D米粒咁tim！再去o既時候，價錢冇變，不過環境已經大不如前。可能經過報章介紹，淨係訂位都要用兩個月。入埋餐廳之後，發覺情況更不妙；人多環境嘈不特只，D姐姐仔好似搶米咁，一見到有新刺身就出去搶，好嚇人。個main course牛柳粒細份o左，銀雪魚又唔見埋。埋單o既時候我地同個waitress反映過，佢好攪笑，話個friend o係Ritz Carlton做，D o野食都係差唔多，叫我地不如去o個度試下咁話…總括o黎講，如果依然係同人爭食o既，我就唔會再o黎o刺！

雖然個buffet 加埋一每位要四百幾蚊，<br />但聽到係君悅就知道信心的保証啦。<br />環境夠靜，坐卡位好舒服。<br />除了有自助外，另外有個main course 及雪榚。<br />首先係刺身有六、七款，每款都好新鮮，<br />尤其是海膽好鮮甜沒有苦味。<br />其他熱盤就一般。<br />另外有個main course係芝麻燒牛柳粒同埋香草燒大蝦，<br />兩樣都好我唔死牛都要試一件，好稚滑，<br />而個蝦燒得好香。<br />雪榚揀o左米雪榚同熱情果sorbet，<br />米雪榚個味道沒有米味，而個sorbet 頗酸。<br />反而自助甜品款式就唔多，但竟然又出名的綠茶紅豆蛋榚，<br />還有個栗子餅都好好味。<br />聽o黎個位要四百幾蚊好似好貴，<br />但如果係散叫仲貴，其實都算係物有所值的。<

禮拜日晏畫0既buffet 係普通料,想試真D 要夜晚0黎.刺身係最新鮮0既,例如臘魚就好好,而帶子同頂級Toro 亦好掂.另外鹿悅獨家0既蟹膏麵豉醬真係勁好味,用來拌麵或拌雜菜條都得.鹿悅有幾款小懷石式0既套餐亦唔錯(雖然都係冇灘萬咁好),用時令材料,顯示到廚司心思.至於冷麵就OK 啦,冇話特別好食.甜品米雪糕次次都食,因為呢度冇乜特別甜品,米雪糕清清淡淡,用0黎清清味蕾最好.

it quite good

琴晚四個人走o左o黎食自助餐。雖然款式唔多，但都幾飽下。特別係另外有埋一主菜同雪糕雪葩。剌身有Toro、有Uni，但唔靚唔太新鮮。Toro入口有渣，海膽苦o既..熱盤都係麻麻地--天婦羅唔夠熱，金菇牛肉卷，乾爭爭。整体上o的熱盤都比較難食！主菜得兩款--鐵板冬菇燒牛肉同埋香草燒大蝦，兩樣都幾好~ 我相信呢個自助餐唯一可取o既都係o的冷麵(可惜得兩款)同甜品！甜品竟然有呢度出名o既Tiramisu同綠茶紅豆糕，不過最正都係一個個樣好似法式燉蛋咁o既綠茶custard~~ (Yummy!!!) 同埋o的和果子及羊羹。甜品我o地要o左熱情果sorbet同埋米雪糕。兩款都唔差、幾滑，米雪糕仲食到一粒粒軟棉棉的小米(可惜味道較淡~)雖然呢度有一般自助餐唔會有o既貴價刺供應，但質素強差人意，比我就寧願貴o的去第二間日本料理坐Sushi吧，一樣可以任食刺身，仲包新鮮添。今餐千七蚊埋單，不過若果真係去坐Sushi吧起碼都要三千蚊啦，所以我覺得呢個價錢都可以接受。

星期日有Buffet: 頭盤任食+ 1 主菜+ 甜品. 朋友話拖羅好食, 其實帶子& 海膽都要一試( 頭盤), 未食過米雪糕( 甜品), 亦要試下.