鹵家

营业中

休息中

今晚突然想食燒味，於外賣平台揾到鹵家，睇價錢並唔似一般的燒味，就決定即管使下，叫咗一個2人餐及另外加咗一個小食。2人餐包一份雙拼燒味，一份小食，2個例湯及2個飯。我地揀咗叉燒及燒鴨，兩樣整得都出色，夠入味，口感亦佳，份量亦合格。小食我地叫咗酒仙醉雞卷，雞夠哂入味又有啲酒香，美味！就算係2個例湯都絕對唔馬虎，足料之餘，夠味但又唔會過咸。另外加的小食為話梅涼瓜片，味道雖略帶柑甜，但咬落並無太多苦澀的味道。整體鹵家的食物令人滿意。值得向大家推薦。