鴻記茶檔

营业中

休息中

一開始唔知食乜好，喺尖沙咀行行下醒起大排檔就去幫襯下啦～估唔到大熱天時都好多人幫襯！茶檔阿叔好好禮貌，nice到以為自己唔喺香港😂上次想食牛腩賣哂今次終於食到啦！牛腩牛筋好稔好入味雲吞都有驚喜我老公叫左茶餐沙爹牛肉麵，都好滿意加埋佢哋嘅辣椒醬真心好食老闆話最緊要加多啲辣椒醬唔好客氣😂雖然夏天有少少熱，但係都值得嘅推介大家試下！不過嗰度有好多間舖，要好小心先唔會坐錯位btw 點解openrice要逼人打200字，對於文筆唔好嘅我黎講真心有啲吃力

經過多次尖沙咀臨時街市，今次是第一次到熟食區。原來已經裝修很乾淨，整齊很多。雖然還是沒有冷氣😅茶餐廳文化是香港的特色，把茶記常見的食物名掛在牆上，很本土的覺感。當然，這不是鴻記設計，是政府提供。我就是座在圖下的位置鴻記檔位置其實我選鴻記最主要原因是不用等位。鴻記的員工很親切，很有禮貌，速度也很快。咖吔西多士 $25有點失望，雖然是新鮮製造，熱熱的。但很薄，咖吔醬是職員推介，但醬太甜，很人工的味道。所以如果吃西多士，都是吃傳統的比較好。常餐 $40 沙嗲牛肉 + 火腿奄列 + 飲品 （凍飲+$2）合格，牛肉腍，沒有筋，麵煮得剛好，彈牙。沙嗲不是辣的那一種。 火腿奄列合格凍奶茶，最滿意的，是地道的茶記奶茶，有茶香，不太多奶不跟餐點，熱奶茶 $15餐牌

🚃香港美食➡️尖沙咀原本想去的食檔沒有開，走了一圈選了這一間，沒想到有驚喜呢，雖然推薦的人不多，但味道很不錯哦，而且裝修後的熟食中心十分整潔🧇 奶醬多 $12多士上下烤得很脆，足料花生醬和煉奶，十分高質🍜 牛腩雲吞河 $40牛腩入味易咬，雲吞肉味鮮，河粉條條分明，湯頭咸度剛剛好，友人點了的牛筋也十分軟腍易咬

海防道街市重建後都有食過1-2次, 不過鴻記茶檔就係第1次食本身係想試另一間出名牛丸的店, 可惜人家逢星期三休息就轉戰呢間, 坐低見到有雲吞就試一試雲吞拼牛筋丸米+凍OT $47 都算係咁伙計仲話D 雲吞係老師傳整, 鮮味足料, 真心係好食既而且牛筋丸又彈牙又有肉汁流出黎, 好食佢地既湯加左一匙牛腩汁, 仲要係"杰" 身果種, 成個FEEL都好懷舊可以再encore!!

每間店都拉客平日1點唔多人，因無遊客雲吞正，蝦唔錯墨丸一般河粉夠滑湯底正，有蝦籽和大地魚味自家製辣椒油夠香和辣，好過出名食牛丸嗰間不過唔夠飽諗住去雪糕車買雪糕，司機唔見，買唔到

今日會揀鴻記完全是因為呀姐（估計是老闆娘）熱情的招待，因為原本想吃德記牛丸，但因為街市裝修後，第一次去，正在找德記時，呀姐好熱情説有位，吃什麼等，但我竟然問呀姐德記在那🤣呀姐冇嬲嬲豬還跟我說，德記未開工呀，當我正考慮食乜嘢時，呀姐仍然熱情招待，突然久違了人情味回來了🤗所以就決定不揀了，就在鴻記吃吧🤗牛腩米配熱奶茶$45 ， 牛腩夠淋入味，份量適中，米粉爽口，似超力米粉嗰隻！奶茶夠厚夠滑👍🏻茶檔奶茶果真👍🏻炸雲吞$38 有6粒，熱辣辣即叫即炸，外脆內嫩！

見海防道街市重新裝修完，於是入去幫襯下，當日朝早九點鐘入到去全場已經坐咗八成滿，因為疫情之下唔想坐得太逼太近，於是就喺熱情老闆嘅招待下坐咗落去鴻記茶檔張枱度啦😂， 茶檔早餐食物選擇唔算多，叫咗個牛丸牛腩米粉，牛丸食得出係新鮮牛肉打嘅 , 唔係普通急凍貨👍😋 所謂既招牌咖吷多就真係麻麻地啦🙈只不過一塊厚切嘅方包，烘得又唔熱又唔脆，d咖吷醬又唔出色，唔可以自稱為王牌囉🤦‍♀️唯獨是杯奶茶攞滿分👍👍👍無論係套杯碟定係杯茶，茶味夠濃又夠香滑，仲有回甘添。經過坐低飲杯奶茶好啦，要食嘢可以考慮下隔離左右啦😁

睇東張西望見到海防熟食檔重開，今日同事話去試試，未裝修前因為衛生問題我好少去，我最怕地面濕濕的，所以跟大隊去過兩次就咪攪我，今日裝修後重開，環境明顯改善，地下乾爽無水，木筷子獨立包裝，每兩個位有隔板，在疫情擴散的關係，今次合格了。老實講真係好耐冇食呢類大排檔，好懷念睇價錢都幾大眾化，可惜魚蛋&墨丸都未返貨，但姐姐好落力話牛筋&牛肚是他們皇牌，咁我就試吓牛筋粗喇😉牛筋粗麵：牛筋唔算少而且唔係細細件..碎上，係粗粗一條有質感的，唔錯。粗麵爽口，無皂水味，好👏🏻👏🏻。檸檬茶的茶底夠濃，我鍾意，唔似大XX的淡淡無味道，只有顏色片頭麵：片頭應該是攞貨回來，可惜炸得唔夠，我係老闆就會自己再炸燶少少，逼d香味出來，失策失策😑總括來說這價錢配這品質、份量完全合理

等咗差不多兩年先重新開返嘅海防道熟食中心，見到有傳單已經開始營業，仲有時間就即刻去食返個早餐。由於當日只有3檔營養，由花檔入口行入街市，一入到熟食中心就見到肥哥哥好客地招呼，3檔都所沒有食客，咁見到老闆同以前一樣咁落力介紹，都係幫襯熟悉檔口穩陣。以$31一個餐嚟講係抵嘅，仲要湯底好夠味，奶茶都剛好唔會太濃，同埋好滑☕️。最有誠意嘅係所有茶杯，餐具，枱櫈都新嘅，坐得舒服，又有乾淨杯碗筷！老闆仲一邊食一邊同我講佢這2年裝修期間，上咗船做水手，當日仲著咗水手裝開檔😄 新開返仲改埋名由「仁利」變成而家嘅「鴻記」。之後第二日中午再同幾個同事一齊去食，叫咗牛腩雲吞麵，加埋秘制辣椒油，好好味😋。另外有些就叫炒河，亦有鑊氣，下次我都想試下。