鴻記茶檔

营业中

休息中

我是偶然經過附近的香港人，今日突然很想食多士及奶茶，就隨意找了一間餐廳，想不到這裏的店員有禮貌及細心，令到我非常有歸屬感，因為多士要用手食所以我再用餐前抹手，他見到後遞來一包紙巾，小小的動作令我倍感溫暖！所以值得一試！食物方面，多士熱辣辣而且味道剛好，凍奶茶也有很濃烈的茶香！

老闆態度一般，冇乜禮貌，人未走，嘢似未飲完，已經走黎收曬啲嘢同抺台野食貴，野飲貴，份量又少，沙嗲牛一啲都唔好食，牛肉韌，完全冇沙嗲味，奶茶又冇奶味又冇茶味，雲呑麵好x鹹，所有嘢連最簡單嘅30幾蚊大快活都比唔上，冇下次👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

有日係尖沙咀九龍公園行過講開入面個熟食市場好似裝修完原來大家都未嚟過呢到食，就入嚟試下我地係熟食中心行左一個圈地方唔大，餐廳唔算多，但人流超旺有6成係旅遊嚟，見未肚餓就揀左呢間試下午茶見到有咖央西多士，問下阿姐咩嚟話多左椰絲，好似幾特別就試下先，大約$3X單叫點知嚟到就見到份正常西多士？！只係中間冇落花生醬既分別😅問返阿叔好似落錯單，佢話同我轉頭加返咖央醬求其得制，仲要隻咖央醬超級甜，唔好食心諗伏左☠️☠️之後等份干炒牛河等左20mins有多先嚟到本來冇希望了，但干炒牛河估唔到係好食炒得好乾爽，牛肉又多，好有鍋氣，好味干炒牛河仲送埋野飲，大約$4X左右

行過海防道，唸住平平哋入大排檔食，其實唔平。点了滑蛋牛，伙計好乜大聲問，飲咩呀，点了凍檸茶。碟飯一上，未見過咁细碟，牛肉勁薄勁碎。好在而家年紀大，食唔到多嘢。以前成吋厚嘅牛肉，今時今日香港，可能已經再见不到了。檸茶飲兩啖沒有了。一碟飯58元，不便宜! 凍飲加三蚊，唔知点解收2元，共60元。同老闆倾下，問好生意嗎？佢話而家幾好。週五下午接近兩点，坐滿，多得大陸遊客。你問我，不會有下次，因為碟飯真的吃不飽。

食常餐 火腿奄列 是但炒個蛋 分開上一塊小小小火腿問店員 店員話「我地係咁架」 沙嗲牛麵 沙嗲牛份糧少到不得了沙嗲牛汁 成呠啫喱放上麵 嘔心只係杯奶茶正常真係無下次 差差差差差差差差差差

🥟爸已經講左好耐話想去海防道熟食中心終於有機會去啦😆去完睇多啦A 夢展之後要填肚所以決定去一次熟食中心試下大熱天時去食真系一個考驗😆😆只有大大把風扇冇冷氣既環境不過小朋友系需要熱下🤭唔可以下下有冷氣🔹凍奶茶 - 茶香奶亦香✨夏天飲凍涼野簡直透心涼🫧🔸牛丸米 - 手打牛丸 食得出爽口亦有肉汁 米粉系幼米 好似新竹米粉甘 索哂啲湯好好味🔹乾炒牛河 - 大排檔必食既野🌟亦系店舖招牌菜好夠鑊氣 牛肉又唔會靭重點💫自家制辣椒油 好香有用蝦乾炒過 所以配米粉或者河粉 非常配搭🥹老闆好人到見🥟甘熱都肯同爸爸媽媽去食大排檔 所以請佢飲可樂🥤人生第一次飲可樂

早上約左同事食早餐，叫左兩碗沙爹牛麵（睇圖片一）一黎到見到個色已經feel到瀨瀨地嘢，唔係普通沙爹牛咁既色水，係清湯+油咁，牛肉係白色，清水煮咁L樣。試一啖難食到，牛肉冇味水煮，仲要係咬唔斷，d牛你話擺左成個禮拜先拎出黎煮我都信，成早流流真係食到懷疑人生。就連公仔麵都冇煮熟，成碗嘢得煎蛋係俾人類食的，食左幾啖已經想嘔，呢世人食過最難食既沙爹牛麵一定係呢度！大家真係唔好黎挑戰，呢間嘢真係垃圾，救得一個喺一個。

上次嚟無開，今次終於有得食。本來想叫我哋最例牌的牛丸墨丸牛腩牛肚，但原來佢只得牛丸墨丸魚蛋片之類，最後只好叫淨牛丸同墨丸，加多個乾牛河。天氣已經係陰陰地無乜太陽，幾把牛角扇吹住勉強叫做唔係好熱，如果再到夏天，我諗我會頂唔順，真係有得食好食，唔係要秋天至夠膽嚟。先到嘅係牛丸同墨丸，再隔唔洗二分鐘牛河都到埋，夠竟係咪炒定（講笑）？😂😂牛丸普通彈牙，無乜牛肉味，或者講無我諗果隻牛丸味，墨丸入口，唔粉，有咬口，我個人覺得勝同牛丸，入面有粒粒墨魚粒，真係可以慢慢齒開細品嚐。牛河，厚厚一片牛肉，都夠鑊氣，味道都算不錯，收貨。正正常常一餐，入得嚟都唔會有好高要求，呢度依家係「貴賓」勝地，食吓野打吓咭，埋單一佰幾拾，算經濟！

見有名人推介，一直都想試。一心叫雲吞牛筋撈麵，點知今日咁啱無牛筋腩，好失望，取以代之改點魚片頭。雲吞係兒時味道- 有豬油香大地魚嘅香味，撈麵也出色。好奇怪，碗湯要問先至有。味道是好的，有大地魚焦香氣，吃得出是老師傅手筆，呢個大概都係佢有名人推介嘅原因。但個魚片頭，大概是叫貨的，十分普通，乏善可陳。由於食完都唔係太飽，就想叫多個多士小食。見西多士$30, 多口問句是不會下午茶餐，換嚟一句「我地唔係出面果啲，飲品另計的」，不過又話「你想飲嘢我可以畀你加十蚊要杯嘢飲」。佢嘅「唔係出面果啲」令我以為食品質素一定超然。就點了西多士加凍檸茶。飲啖檸茶，無茶香，好淡。聽到隔離枱大讚呢度奶茶出色。出色？我唔明。以果個茶底，杯奶茶可以好得幾多呢？西多士色水唔夠，炸得唔香。上枱時已經淋上煉奶。我問有冇糖漿，夥記就遞上咗一支唔知乜嘢牌子嘅糖漿- 竟然唔係金獅糖漿，我又係一個錯愕。我仲以為傳統茶檔一定會有基本嘅水準，西多炸得金黃，配金獅糖漿，是常識吧。睇返啲食評，人地果啲都金黃的，我果件好似無炸過咁，點解相差咁遠？好了，切開，是無餡的炸方包一件。吓？我問點解無花生醬，有個熟客話因為好多客都唔喜歡花生醬....

第一次搵食搵到去海防道熟食中心原本已經好有目標諗住食牛丸點知鴻記老闆太熱情😂成功撬左我地個心💕當日中午食客相當多 唔少係遊客！史生叫左杯凍奶茶飲左一啖發現有隻曱甴屍體在飄浮🪳🏊職員隨即換左杯比我地⋯⋯之後既野食都一眼關七👀要睇清楚先夠膽食！⍥ 西多士 ❙ $30超薄身西多士 夾住薄薄既花生醬炸到金黃色好靚仔 最最最令我地驚喜係超級有蛋香！！想知除左湖北蛋😂仲用左咩蛋先做到史生都大大力讚好真係真係齒頰留香啊～～不過多士厚身啲 口感會更好！⍥ 乾炒牛河 ❙ $68大大隻字標榜 手切新鮮牛肉既乾炒牛河😋一上枱真係聞到鑊氣！！牛肉係需要啲咬口 唔會得個稔字而且都好有牛肉香 炒得唔算好油至少唔會食完有種油膩感一試係妨 但唔會令人驚艷⍥ 雲吞河 ❙ $42雲吞細細粒 但真係見到蝦既真身大地魚夠晒香 我覺得好食河粉唔油幾滑 不過份量偏細不得不提 佢地大推既自家製蝦米辣椒油相當有辣度 幾香🤧點少少已經令我變孖膶腸

我好少寫食評，但呢間鴻記真係飲食業嘅恥辱！叫碟乾炒牛河，同之前食客所講一樣，2分鍾吾夠上枱已心知不妙。碟嘢係預先炒定嘅，食落完全冇鑊氣，得重鼓油味，仲衰過兩餸飯，對個夥計好意提醒，佢嘅回答居然係「你一定食慣熱嘢啦」。一定冇下次，千祈唔好幫襯！

食過兩次，今次有朋友嚟香港玩，帶咗佢哋去海防道街市，我自己都差啲搵唔到，朋友覺得非常驚喜，禾稈冚珍珠，原來入邊環境咁地道，未食都已經覺得好興奮。選擇洪記茶檔係因為老闆做咗幾十年，鮮牛肉米粉係招牌，四個朋友全部都叫咗牛肉米粉，我叫咗雲吞米粉，原來雲吞都係非常好食，係老闆娘親自做，裏面非常Juicy，朋友話牛肉米粉的湯底好鮮甜。老闆很親切親自招呼，並且帶我哋去睇如何做絲襪奶茶。很棒的經驗！

大學時代經常晚上玩得太晚，深宵跟大學師兄來尖沙咀海防道吃粉面，还忘記當時吃的牛丸河特別彈牙爽口，非常好吃。多年後，想起了這牛丸河，走進了已翻身裝修的海防道臨時街市內的熟食中心，一路經過菜摊位，牛肉，甚至鮮肉店。啊！鮮肉店也亞洲種族人士負責了，不過感覺是可能肉類更正宗（有可能是回教的話😂😂😂）。到了第一攤位就被熱情的伙計請坐了。反正人太多了，找了座位給我也好。最終吃了雲吞麵和著名的港式奶茶，才$48雲吞內的鮮蝦彈牙並充滿香麻油味。但太多了，走時忘了找$2。😅

個場永遠甘迫，「以為」呢間野好掂，其實連普通茶記不如，一上枱隻疍已經爛左，叉燒白色無燒焦又超薄切，上碟全無排版！似垃圾！我直頭想退飯！奶茶全無茶味！$60 食個甘既野🤦🏻‍♀️好劣！只為應合大陸人生意！點搞吖「鴻記」！

今日黎到旅客打卡勝地 尖沙咀海防道熟食市場🇭🇰一入黎見到呢間辣椒油馳名嘅麵檔 加上太熱冇乜胃口想食麵就試一試🍜雲吞牛腩粗麵份量偏少 牛腩比較硬 雲吞兩粒粗麵烚既時間岩岩好 食落質地彈牙👍🏻牛湯底 感覺上應該冇落味精雖然碗麵平平無其 但加左辣椒油真係昇華好多據說係老闆自家製辣椒油 🌶️落小小已經好辣同非常香 食得出真材實料 一讚👍🏻凍奶茶係大排檔奶茶味道 雖然叫左少甜但都好甜😂茶底夠濃🫶🏻因為熟食市場內無冷氣提供 比較建議，天氣較涼嘅時候先嚟☀️ 價錢喺附近黎講尚算親民 亦見到有好多上班族食Lunch 如果唔想同人迫就建議其他時間嚟啦😆