鴻發糕品 (已結業)

琴日過開深水埗,專登去買糕,已經食過坤記~睇食評話呢間更好食~所以專登搵下先~買左一件芝麻糕,一件紅豆糕,六個砵仔糕.芝麻糕同紅豆糕既size都比坤記細得多..所以只買$2@..味道都唔錯~冇咁甜~口感較實~紅豆糕望落去唔多紅豆,但係都幾有紅豆味~可能係用煲溶左既紅豆黎整啦~砵仔糕,$5有6件..因為見佢個砵仔好細個好得意~見咁傳統就試下啦~但係唔鍾意食~個底好硬~唔多豆~下次唔會再買砵仔糕~反而可以試下其他糕款~因為佢地仲有好多野架.

今日5點去到,得番白色無豆砵仔榚賣,唔食食左白糖榚,凍哂,個邊硬哂,極唔好食食左兩啖掉左但賣野的仁兄服務很好

早幾日見到食評有依間餅店，爸爸喺附近做野就叫佢買左啲返屋企，我揀左白糖糕同紅荳糕。其實好早之前已食過好出名嘅坤記，但我覺得紅荳糕都係不外如是，而且又鬆散，店員又冇禮貌。相反，試過鴻發就知坤記比佢差好遠，佢地白糖糕唔係好甜，而且冇酸味，紅荳糕分成三層，面同底的一層係好似砰仔糕的感覺，中間隔住一粒一粒好有口感的紅荳，外觀與白糖糕一樣呈三角形，真係好好味。下次一定會再買其他試試~糕點︰$3/件，$5/2件 能食到好味的食物，真幸福啊！

寫得多西式cake shop，今次就嚟個中式吧...深水埗眾所周知有數間老字號糕點舖。坤記大家去得多，呢度可能字號更老，但就較少人提及...食完腩撈，路過，見擺响門口嘅鬆糕好吸引，就買嚿試吓...三大洋，大大嚿。一咬，感覺好實在，絕對係傳統糕點風味，食完個肚係絕對撑死嘅。討厭嘅人大可認為呢度嘅糕點嘅texture不夠鬆軟，死實實。正係各花入各眼，難以比較....若果甜度可以增加一D會比較好...起碼絕對抵食...

今日同男友SSP掃街半日團..本來想去食馳名蛋牛治但搵唔到..轉泥試糕点王~~我平時好少食呢d所以覺得好新鮮~~勁中意佢砵仔糕細細個食完唔會食唔落其他~~砵仔糕味道唔錯~~佢d糕好多都唔甜~~食多多都唔漏..鬆糕咬第一啖無乜野..同埋可能凍既鬆糕差左d..但繼續食有d食上癮感覺..因為好有咬感!!!好過茶樓個d得個甜字又“林bearbear”~~最好食一定係艾草餅!!!!!入面有耶絲~~甜度適中~好味!!!好後悔淨係買一個走~~唔夠喉!!!!個環境比甘高分係因為情意結^^自己係百分百懷舊人~最欣賞d老舖靠實力“危”立不倒甘多年!!!

買左紅豆榚, 九層榚同鬆榚, 最好食係紅豆榚, 九層榚尤其唔掂, 都唔知咩嚟!下次都係試下第二D榚先.

好正ar~我買左紅豆糕,芝麻糕同鬆糕紅豆糕同坤記差唔多ge~不論豆既分量,口感(軟軟地),味道(唔太甜,但呢度既果皮味重少少)但注意呢度只係5蚊兩件~而一件分量等同坤x 一件~(坤記$6/件)咁我一定食呢度la~至於芝麻糕可謂兩間不相伯仲~一樣好濃味~~鴻發--又係價錢贏曬~而鬆糕我未食過坤記ar~但呢度既就一般la~唔知感覺好似有好輕微的酸味~但唔係好覺~但我又唔知鬆糕本身係咪咁既味~haha~不願致評~但我以後都會黎呢度買紅豆糕同芝麻糕!!!!

那兒的白糖糕好好味ar~又大件仲要$5/2件咁抵~好過坤記多多聲la~坤記的白糖糕雖則是以唔會酸而見稱~但是食落只有一個甜字~一d發酵過的香味則十分欠奉~重點是服務極差~我次次去都見到個阿姐罵人~而佢就唔同la~雖是略帶少酸~但這正正是白糖糕的特點之一~雖有少酸但是洽到好處~好野味~這才是真正的白糖糕~

早兩日o係度買左個鬆糕試下啦,呢間既鬆糕係咁出面既咁甜,之不過我食到一半發現有螞蟻.唔只一隻,係三隻...以後都係咪搞我!

5.19 (sat)朋友highly recommend this shop 因為老闆伯伯好nice。7點去到已閂左半.今日食o既第四舊糕- 千層糕味道一般, 但好好咬。fd o個舊唔知咩糕好香個環境好古老同埋老闆咁好人令我下次想入去幫襯下, 影下相

今天又到深水做野，路過這兒，忍唔住買左d糕綠豆糕..幾得意...裡面個d有點似開邊綠豆..但有少少乾乾地雞屎謄..第一次食呢樣野，其實係一個茶果..料唔算多但味道不錯

Their "gai see tung" (the black sesame colored ones) and "ngai cho" (dark green) rice cakes were pretty good! I liked the "gai see tung" more because there's no additional fillings inside. The other one has some chopped peanuts and sesame fillings.

上次嚟買糕個伯伯好好人, 切左小小鬆糕比我試, 今次我下午6:00 去買糕, 啱啱員工食緊飯, 有個哥哥係入面行出來賣糕比我, 都好nice 好好人, 我買左6 件紅豆糕同6 件芝麻糕共$24....紅豆糕好多紅豆, 軟硬適中, 芝麻糕食完後, 口中還有芝麻ge 餘香! 好過"坤X" d 糕, 時好時唔好, 阿姐又惡, 好似唔休做咁!

一句講晒，必試蔗汁千層糕+芝麻糕+鬆糕。珠仔街又開咗一間新舖又係叫<鴻發>，即時走去同老老細(係，個老細好老)查証，老細一肚火，話前面間新舖係假既，如果有$就實告佢，So...大家千祈咪搵錯鴻發買錯糕~

尋日放左工特登一年一度去鴻發糕品買蘿蔔糕，舊年其實都買過架喇，王sir嫌呢度D蘿蔔糕唔夠料，希望今年再會改善啦！岑miss成世人淨係識得去吉之島買食野，一聽到我話鴻發D蘿蔔糕平，D紅豆糕又正，就0累飯應話去，於是就帶埋佢同埋小小陳、細妹一齊去。我地買左底蘿蔔糕，未整熱之前聞下發覺冇乜味，整熱之後都仲係冇乜味，料又少，似乎仲差過舊年。不過D細件紅豆糕就幾好，又多豆，食到岑miss lam lam。王sir又買左D鬆糕返去孝敬佢跌穿頭媽媽，我就買左D芝麻糕做早餐，都幾正。