鴻星中菜 (形點) (已結業)

近排真係好少去飲茶，但呢間豆沙小豬嘜點係吸引咗我！ 佢一碟三個hkd$27，以酒樓包類點心有少少偏貴，但勝在整得圓圓碌碌夠可愛，影得非常打卡able。 味道黎講甜度適中，唔會食完有甜到痰上頸感覺，豆沙內餡都算多，可以一試。

星期日，同屋企人飲早茶，而家呢個時勢就唔使等位，仲大把位添。眼見所有待應同傳菜員都有戴口罩，枱同枱之間都唔算太迫，咁都安心啲。蝦餃大大隻，入面好足料，蝦肉食落去都爽口。奶黃流沙包餡料唔算多，感覺上都係流沙包好食啲。臘腸蒸滑雞飯、臘腸同雞都唔肥，雞肉蒸得好滑。好奇怪，呢間酒樓得清蒸蝦米腸同埋呢個豉油王煎腸粉。我搵嚟搵去都搵唔到普通蝦腸叉燒腸，失望呢。呢個豉油王煎腸粉好普通，腸粉入面冇乜料，同埋有啲油膩。我寧願食普通煎蝦米腸，起碼可以食到果種脆卜卜既感覺。呢個芝麻糕唔係周圍都有得食，佢呢度真係做得幾好食，超濃郁嘅黑芝麻味但又唔會好甜，可以encore！

自從武漢肺炎爆發左之後我同屋企人都少咗出去食晚飯，今晚又唔想煮飯，又想食返啲小炒所以放工去咗鴻星度，睇下有啲咩菜式選擇可以買返屋企同屋企人一齊食！六點幾未算好多人，其實成個香港嘅環境都比以前冷靜左，大家都避免出去人群較多嘅地方，好似我咁買外賣返屋企都係一個唔錯嘅選擇！店員嘅服務態度都好熱情友善，俾咗啲菜單我睇，落左單之後，佢哋安排我入去坐住等等我揀咗個二人外賣套餐 自取外賣都係$298有三樣餸 同兩盒白飯為起嚟大約$100/1個餸都唔係好貴揀咗貴妃雞例牌、洋蔥煎牛柳、竹笙雲耳浸青蔬！返到屋企靚靚囝囝咁打開啲餸就食得啦見到隻雞都覺得吸引大大個雞俾肥瘦剛剛好雞嘅肉質依然滑滑洋蔥煎牛柳大概有六至七件比想像中多而且肉質唔會好實容易咬開，小朋友都岩食添啊竹笙雲耳時菜味道唔錯，菜心非常之新鮮充滿咗上湯嘅味道幾好食！！去到先知原來有外賣自取之餘，仲有網上外賣平台送餐!!!下次醒目唔使四圍走鞍座家中享受晚餐

最近不少人叫外賣，而且外賣又免運費，所以即管試試，幫今晚的晚餐加菜，我叫了一個茶樓外賣套餐，是為了迎合父母的合味。蜜汁叉燒我爸爸很喜歡這道菜，因為肉質較軟嫩，適合牙力不好的老人家，燒得相當香，但又不會過甜。君度橙花骨🍖我比較喜歡這道菜，因為有一股濃烈的橙香味，好正！肉骨撒些橙皮條，醬汁包裹每一塊肉骨，可惜是肉質較韌，如果煮得更軟或香脆會更好，因為容易把骨肉分離。竹笙野菌浸魚滑竹笙雖然浸軟了，但吃起來依然爽口，估唔到竹笙原來是這樣的口感，第一次吃這種菜，很特別。高湯有不同的菇類香，魚滑給我媽媽吃了，都好滑。

原本都無諗住寫評但係忍唔住🤦🙄 朋友介紹話鴻星嘅貢棗糕係佢食過咁多紅棗糕之中最好食，今日就同咗男朋友去yoho呢間飲午茶試下，反正見佢午茶嘅大中小點都係22蚊～除咗貢棗糕我哋仲叫咗流沙奶皇包，鮑汁鮮竹卷 同埋山竹牛肉球 (原本仲叫咗金錢肚但係冇貨)貢棗糕： 唔夠煙韌，偏甜，只可以話抵食，因為15蚊有三件～ 唔知係咪臨近新年訂單太多導致質素下降。。。。流沙奶皇包： 好細粒，流沙餡料唔夠香，非常一般兼唔抵食鮑汁鮮竹卷： 算係最正常，咸味適中，但啲蝦都略嫌唔夠爽口山竹牛肉球：每粒都好實，非常唔彈牙，都唔知係太足料定咩🤷 總之就唔好食其實食完呢四籠點心係唔飽，不過都寧願食其他野好過再order。。。。非常失望

今日第一次寫食評就畀個讚先， 真係好開心呀有得去鴻星食飯， 今日家人犯罪於是就試下去食呢間元朗嘅紅星， 平時同埋啲叔伯auntie都會去唔同嘅酒樓但就好少去呢間， 因為呢間真係算係貴嘢靚嘢， 不過今日入到元朗就試下， 可能因為多人喇啲餸煮完出嚟吹兩吹就凍咗， 但個湯真係令人意外嘅好食， 仲有個炸雞都算唔錯， 二個龍蝦伊麵都只不過係三百幾蚊， 仲要大啖大啖芝士撈得好好食， 希望下次再返兜返個龍蝦伊麵， 其實依面先係主角龍蝦唔係呀

見附近冇乜特別好食嘅酒樓選擇， 所以果日決定畀多次機會鴻星，去嗰度飲茶。佢近排唔知係咪太靜，所以啲價錢都比之前平咗好多。之後我哋仲買咗幾碟點心同埋一碟炒河粉食。口感幾好，入邊臘腸唔會太肥。金錢肚味道唔會太鹹，味道適中，彈牙爽口。味道唔會太咸，蝦肉爽口。頭抽味非常好，配上甜醬、麻醬味道更佳。但係油份比較多，如果少一啲會更加好！蘿蔔絲不足，粉頭大多數。整體上炒得非常好，鑊氣十足，只是油份太多，如果小一點會更好，更加健康！魚肚味道好，材料新鮮。

難得放暑假，可以閒日飲早茶，原來鴻星平日十點半至十二時點心均有七折，其他也有九折，比正價優惠很多。平日茶客不多，座位任君選擇，只是沒有人帶位，可能這時平日飲茶的特式，比較自助。點心選擇頗多，有幾款是動物造型的點心，但份量比一般點心少一半，估計是為小朋友而設，所以份量做少一點。點了茶，劃了點心紙，幾分鐘後首先送上的是咸水角，更許是因為一早已準備好，只需稍稍翻炸便可，所以比較快。咸水角一籃三件，微暖，外皮尚算脆，內皮黏糯，餡料有菇粒及蘿蔔粒，味道比一般傳統咸水角清淡。等了二十分鐘，終於蟹籽鳳眼餃也上枱了，鳳眼餃造型頗精緻，內有蝦肉及貝柱碎，可惜吃到有蝦殻，感覺不佳。其間奶黃包也送到鴻星的飽類都比較細小，很適合小朋友，大人的話，可能每人要吃一籠才夠。只是普通奶黃包，完全沒有流心，令人失望。吃完其他點心，蘿蔔糕終於也送到了，蘿蔔糕不過不失，能吃到糕內有一片片蘿蔔。整體不過不失，早市雖有優惠，但也比一般酒樓貴。

電話訂位接待員有禮，服務不錯。早一天訂了片皮鴨，Lunch食ok。蒸籠點心幾好，蝦胶燒賣ok，價錢適中，午市小中大點一律22元，但點心款式不多，而且沙律炸蝦尾，蘿蔔糕唔熱，稍油 有機會再光顧

今個月 3 號同咗媽咪去咗元朗形點上面間「鴻星」飲茶。一去到門口有個知客帶位，一見到你兩位，就好自然會帶你去二人枱坐。今次我醒唔肯坐，因為平時一至五酒樓周圍大把吉枱， 梗係唔睬佢啦！於是就帶咗我哋坐張圓枱。跟住……我哋就叫咗幾碟點心同埋一碟炒嘢菜心比較多油，菜心嘅數量同個價錢係成正比嘅。味道幾好，牛柏葉唔會拿到冇曬味道，係嗰日叫咁多嘢食之中最好味嘅。個蝦餃仲話係蝦餃皇，點知拎到出嚟細粒到極點。 蝦餃入面啲蝦唔夠爽口，完全唔掂。同我想像中有極大出入，原本諗住炒飯係乾身冇汁，結果出到嚟大打折扣。而且海鮮全部都係冰鮮，味道唔新鮮。

久不久都會到鴻星海鮮酒家飲下茶及食晚飯，有時候都幾欣賞佢地嘅創意點心，買相了得之餘都幾好食😋今日去食晚飯，本來不想用腦點餐、叫套餐算了但嫲嫲話想要食隔離枱個魚湯，好似幾好咁話😅見嫲嫲咁有要求，我走過去問一下菜名，然後亦點了。食到最後主角才出埸🐟圍爐大盤魚🐟$298海班先用油煎香、🦐、魚腐、花烚、千層豆腐及香芹，魚湯非常鮮甜👍🏻不是加料那種啊😝真心推介值得一試👏🏻👏🏻剛巧酒樓做緊promotion , 晚飯全單享有8折優惠🤩，總共點咗六個餸🥘，兩個飯🍚再加三枝啤酒🍻，茶芥連加一，埋單$9xx食飽飽😘

閒日放假,瞓到好晏先起身,唔想煮午飯就同屋企人落咗樓下鴻星飲茶,早餐同午餐一次過食去到可能未到寫字樓放飯時間,所以我哋唔使等就好快有位真係好開心因為之前食過鴻星其他分店,食物質素一向都有保證,今次叫咗蘿蔔糕、燒賣、粉卷、蛋散都keep到水準最有驚喜係個蛋散皇,因為超級巨型,上枱嘅時候我哋都嘩嘩聲,超級大件唔在講,睇住啲蜜糖滴吓滴吓真係好邪惡鍾意食蛋散嘅我哋瘋狂咁食都差啲食唔晒最後個個食到棒住個肚走,認真誇張!

今晚屋企人生日，去左鴻星食呢個「金豬發財宴」，一共10樣食物，岩岩夠12個人！值得一讚既係佢有人走過黎，免費扭氣球比小朋友～珍寶脆黃金蝦 & 燒乳豬黃金蝦好正！佢係大大隻海蝦，啖啖肉，吸睛之餘，亦都係真材實料，食到大家哇哇聲！燒乳豬相對失色，豬比較瘦同埋乾！清蒸海花斑蒸得岩岩好, 但多兩條蔥會開心d~帶子叉燒炒飯個飯炒得好靚，叉燒比較少，帶子同埋蝦仁份量多，但應該好重味精，食完好口渴！酒釀脆片鴨呢個肉好瘦，但佢配個汁有少少奇怪，會prefer 正常酸梅甜醬！好市福袋原隻鮑魚花菇竹笙野菌青蔬

假日去飲下茶，可惜味道麻麻又貴😳坐落麻麻地舒服，多人又噪。鮑汁鳳爪完全冇鮑汁味，D鳳爪好un,唔淋，賣$68得8隻鳳爪，唔抵兼唔好食。涼伴馬碲榚啖啖都係馬碲，唔甜，夠清淡。义燒包係上海包底，甜甜地，D叉燒料有落染色素。紅棗榚好有紅棗味，味道幾好，不太甜。壽桃包係茶樓自己必食推介，賣相幾好，每隻18元，蓮蓉唔太甜，隻咸旦黄好大及新鮮。星期日每位茶位13元，叫左壽眉，冇乜茶味。整體貴又唔係好好食😳應該唔會再幫襯

一入去啲職員好似欠左佢咁，個個態度勁差，無乜表情，洗碗問佢有無盤倒左啲水佢，個職員講一個字：無! 就走開，之後叫人黎又無人應，最尾自己行去佢地裝碗碟垃圾啲盤到倒嘢食等得又耐，份量少唔再講，佢餐牌有分蒸蘿蔔糕同煎蘿蔔糕，但煎係比蒸貴10蚊，我order個煎蘿蔔，佢黎到同蒸係無乜分別，得個邊邊少少“旱“左之外，根本就係蒸!我男友基於唔想浪費食物就算數佢個燒賣仲貴，40蚊4粒!蝦餃52蚊4粒除左唔洗等位有好之外，其他都無樣好