鴻星中菜 (形點) (已結業)

其實一路以來都有幫趁鴻星，無論係飲茶定晚飯都會去，但近二、三年市區尖沙咀一帶執下一間，執下又一間，係市道差舖租貴定自己本身生意唔好就真係唔知了。週末要飲茶其實在元朗有幾多選擇，但想舒舒服服乾淨企理，唔想在外面曬住熱，揸車直接出入商場內飲茶是個好選擇，目前Yoho Mall內只有兩間酒樓，今天去了鴻星。兩個人點了以下的食物：-1/ 千層糕 - 係最好吃的，不會太甜，奶皇加蛋黃（因為送黎時剛蒸好，未影相已吃，所以相片中只有1/4舊）2/ 蒸蘿蔔糕 - 豉油好鹹，已經食唔到其他味了3/ 蛋散 - 鬆化度一般，糖漿太甜4/ 鼓油煎腸粉，香、軟度很好5/ 梘水糭 - 兩個字，唔得，仲要40幾蚊，6/ 燒鴨瀬粉 - 燒鴨香，瀨粉及湯底都正埋單兩位連加一茶錢240蚊，尖沙咀價在元朗，仲冇以前咁好食。另外，繁忙時間人手明顯唔夠，服務就真係差左啲，舉手加水都舉左幾次先有人理，稻香都好過佢地。不過成個Mall得兩間酒樓，所以，只能繼續幫趁，希望佢地以後會做好啲，唔好以為獨市生意就放軟做喇！

今年昕昕生日午餐成家人到家庭飯堂食（奶奶本身係鴻星熟客，其實早在初三、四已經在鴻星派晒利是俾侍應和部長）~~~~由於昕昕今年新曆生日在年初六，所以酒樓仍用新年餐紙~~~由於昕昕係常客，當部長哥哥知道昕昕生日就免費送白兔仔和壽包昕昕成日在鴻星食，不過佢最期待係打雜叔叔扭汽球俾佢而我就超愛壽包，但我想健康d，所以自行走黃😅😅😅福建炒飯慣性食，感覺好食，始終自己愛吃這飯😅😅成日見到都誤以為係菜肉包的叉燒包😂😂😂昕昕食兔仔，我食壽包，不過要自己走黃，因為我覺得食黃冇咁健康-_-#呢度叫燒鴨瀨粉幾好食架奶奶總會叫的燒賣😅😅😅新年期間的餐紙跟平日不同😊😊😊慣性奶奶埋單，我和昕昕食飽飽就去街街

這酒家已嚟過好幾次，沒有進步反而退步中午12時二人位都不用等你就可以想像到為何比起另一間X樂酒家會這麼少人理由係侍應的態度差，每每叫他們總是叫你等一等...但不會回來😵只著重熟客重要但可以忽略散客嗎？想問問他們一些別緻的點心係乜嘢餡，他們竟然會敷衍你咪係飽一隻咯😣唉...你係唔知嘅咪帮我問問你經理咯更無奈的是「潤腸排骨煲飯」排骨肉質霉𡀝👎🏻飯又落得太多水又係濕𡀝𡀝🍚，咁簡單嘅飯都可以煮得咁差🙇‍♀️

今日想去元朗形點行下，剛剛1pm左右，去飲茶，兩間酒樓都好多人等位，可能是新年又星期日的關係，所以周圍都好多人呀！！等了大半小時先有位，環境都幾靚，不過好迫的感覺有些特價點心，但也不多也不太吸引，之後看了正價點心紙，不過選擇唔多餐具也好靚有新年點心最後只是叫左一碟福建炒飯，好大碟，好多配料，蝦爽口，雞肉，西芹粒，甘笋粒，汁也多，唔會好咸，味道剛剛好。兩粒燒賣。個籠大了d，味道都幾好，唔肥，蝦爽呀！價格比較貴！！

尋日情人節，昕昕爸爸為了遷就我呢個懶得煮飯兼唔想走太遠的我就去咗家庭飯堂食情人節晚餐沒想到今年鴻星有情人節晚餐，諗起兩年前的情人節晚餐都係呢度食😅😅😅對沙律興趣唔大的我跟昕昕只係食芒果~~~我和昕昕的至愛~~~我食翅，昕昕將半碗湯飲咗~~~我和昕昕共享呢個，魚煎得不錯，不昕昕早過我叫飽(￣∇￣)嗯個鮑魚係晚餐的焦點，個人真心喜歡個上菜方式，如果個鮑魚再熱多少少上就更好~~~估唔到葉都可以整到好似花咁靚Y(＾_＾)Y去到碗麵我食唔到，要打包俾昕昕返屋企食（怕佢仲想食）昕昕見到就即刻叫飲~~~好在部長哥哥了解昕昕的需要~~~當然也知道我的需要，個人至愛鴻星的紅棗糕，真係整得好好食埋單連茶位要七百五十幾蚊，雖然跟平時一行五六人晚餐的價錢，情人節始終係被商品化，昕昕爸爸係預咗俾貴d食晚餐😅😅😅

多謝三弟同三嫂一早幫我地等位🙏🙋好多人， d 枱好迫， 不過氣氛不錯， 茶具中式典雅新年更係點d應節食物啦！ 我地點左Q 版金蠔雞公包、奶皇得意小鴨子、豉汁蒸釀茄子、日本金蠔燒賣、福建炒飯、蛋煎糯米雞、銀芽肉絲雙麵皇、原隻鮮蝦餃同蜆芥鯪魚球Q 版金蠔雞公包:雞年當然要應節， 樣子cute爆, 皮不太厚， 可惜無金蠔只得豬肉粒😓， d醬偏鹹，質感似蕃薯，又似南瓜蓉， 分不到，上面米通不脆奶皇得意小鴨子：樣子cute爆, 皮不太厚， 奶皇味道甜度適中👍豉汁蒸釀茄子:味道ok，雖然豉汁味唔濃， 一口一件日本金蠔燒賣:3個燒賣，3種材料:髮菜、金蠔、冬菇: 豬肉彈牙，加有髮菜同蝦👍見佢咁靚咁好味 encore多次， 點知😅😅d燒賣材料全部跌哂😓😓福建炒飯:嘩！太多餸汁啦！我以為我叫錯野， 叫左湯飯， 有點失望， 材料太少啦！全部都係冬菇粒， 全碟只得一隻蝦😅😅銀芽肉絲雙麵皇：麵炸得炸身， 唔燶👍, 韮黃冬菇絲肉絲份量多， 切得粗幼一致蛋煎糯米雞： 煎得外面金黃， 蛋味濃， 肉粒大不過偏硬， 整體😋原隻鮮蝦餃:皮薄， 全蝦👍蜆芥鯪魚球:外脆內魚肉彈牙，加有髮菜， 可惜蜆芥醬， 蜆芥較少， 不過味

叫飛個阿姐，見到熟客就俾入，唔洗等，同收銀個經理講，唔理，企係佢隔離等，經理仲好大力'板板'聲咁，其實唔係應該我地嬲d咩，咁大間鴻星集團，冇管理冇服務!以後唔黎啦！

天氣凍，最岩食煲仔飯！呢度大特價，腊腸排骨煲仔飯平日午市只係$25，確係抵食。排骨及腊腸份量算多，沒有將貨就價，而且腊腸應該係自家岀品，帶有酒香，好好味。另一抵食之選－－燒鴨瀨粉，雖然燒鴨肉不多，但大大碗只是$18，十分抵食，姑勿論質素如何，已經吸引到我午市來惠顧。妙醬琵琶豆腐都幾驚喜，食落有啲似老少平安，咬落係軟綿嘅豆腐和魚肉，調味剛好，唔會太鹹，值得一試。石頭魚餃（$39）外型趣緻可愛，彈性的餃皮包住鮮嫩嘅魚肉，味道唔錯。不過蟹粉小籠包質素好似差咗，個皮比較厚，入面冇咩湯汁，而且蟹粉都偏少，唔係好鮮，蟹鮮不太突出。雪耳桂花糕略嫌太甜，欠缺一份桂花嘅清香。同埋雞絲粉皮($28)同樣是推廣價，但份量較少，對比下沒燒鴨瀨和煲仔飯那麼抵食。雞絲粉皮都味道一般，調味偏酸，麻醬味唔夠突出。

到了大閘蟹季，三五好友約埋一齊食下聚下。揀左係鴻星食，主要貪佢質量有保證加上環境坐得舒服。個人幾buy元朗呢鴻星，裝飾同其他鴻星有d唔同，加入了西方色彩！我地order左一個4人set。菜色包括每人2王1后大閘蟹、官燕花膠羹、潮醬泡帶子、蒽油蒸沙巴龍躉、酒釀脆皮鴨、淮安蟹粉湯包(忘記拍照😩)、家嫂臘味飯、甜品紅棗糕及果汁/陳年彫酒。整體黎講，食物質素算高。大閘蟹多膏，食完會上薑茶驅寒。帶子夠新鮮且處理得好好，湯包熱辣辣又多汁！個人都好鐘意個脆皮鴨，口感好好又夠入味😋。另外，紅棗糕都做得唔馬乎！口感綿密仲好香紅棗味,I like it!!!呢個set8折後$1,750。雖說是4人餐，但5人食都絕對足夠！隔離檯4人食結果要打包。如果大家想一試今季大閘蟹，鴻星絕對值得一試！

以往我們一家人也常去鴻星飲茶和晚膳，但yoho mall離家那麼近，我們仍然未有去過它在yoho 的新分店。這晚，只有我和媽媽二人，媽媽懶得煮飯，我們就決定去鴻星點幾個小菜。想不到去到發現生意很好，排隊的人不少，原來都是為了大閘蟹宴，幸好我們早已訂座。因為剛剛病好，所以這次大閘蟹宴也無緣了。媽媽挑了幾款較清淡的小菜：蝦子花菇伊麵($98)份量好足，足夠4-5個人食，而且蝦子下得毫不吝嗇，加上多顆大大隻花菇，$98十分抵食。不過伊麵略嫌調味偏鹹，少許扣分。蝦子海參花膠煲($168) 成品香噴噴，內裡真材實料，海參、花膠份量不算少，全都炆得十分入味，而且質感爽彈，骨膠原豐富。我特別喜歡那些炆得軟腍的柚皮，盡吸所有鮮味精華，好吃！古法沙巴龍躉($98) 雖然是特價菜，但餐廳也沒有將貨就價，依然原條龍躉上。龍躉肉質鮮嫩，甚有穫氣。$98一條，沒有什麼可以挑剔的地方。焗西米布甸($22) 一向是我在鴻星的最愛，每次都一定會留肚點一客。焗西米布甸即叫即焗，約等了15分鐘就上枱了。有點失望的是蛋香不夠香濃，也焗得過老了，不太嫩滑。我喜歡底層的蓮蓉，增添軟糯口感，但這次蓮蓉偏甜了一點。整體食物其實水準

住在山貝村附近的我，家庭聚餐yoho mall用膳係成為習慣，對於喜歡飲茶的奶奶來講，鴻星係佢的首選，大雨日子可以泊車，假日午餐飲茶仲有特別照顧，老人家去飲茶的世故，我地做後生的真係唔識咁多(￣∇￣)今次晚餐都係食某幾味奶奶最喜歡叫炒蛋俾昕昕食~~~呢個咕嚕肉夠酸甜，開胃首選由於奶奶嫌湯貴唔叫湯，我就喜歡飲雜菜煲的湯不過每次晚餐昕昕喜歡食卡通甜品，而我就喜歡紅棗糕睇見個昕昕個食相就知道佢有幾喜歡啦！六個大人一個小朋友五個餸都算ok，近期yoho mall有新推廣，任何簽賬每滿二百蚊可以apps儲印花換運動用品現金券，我都幸運咁換到張，去戶外城加十幾蚊買咗個腰包，成日商場消費真係幾著數

一年一度大閘蟹🦀蟹迷又點會錯過哩？上年$318 今年$368蟹皇兩隻。蟹后一隻。蟹膏份量都唔少。不過味道唔算甜。質素麻麻。往年較為出色花膠羹花膠份量食到底都仲有架。值得一讚。翠肉瓜帶子帶子都新鮮嘅。可惜味道比較鹹。燒腩伴肴肉～燒肉皮脆卜卜。肴肉正正常常蟹粉湯包1粒～唔多覺有蟹粉。味道係普通小籠包。臘味飯～正正常常油淋淋。無驚喜。紅棗糕～煙煙un un 。味道偏淡。薑茶：指定動作。驅寒必備。

今日同屋企人去咗鴻星飲茶，主要食點心，不過價錢都幾貴，平均每個人都要百幾蚊一位。棉花雞，都係一般貨色雞肉係雪藏雞唔算太差。流沙蓮蓉包，鴻星首創嘅包，真係一搣開就流出來，味道幾好唔太甜值得一試蜜餞雞翼，雞若鬆脆，蜜糖味好香，雞肉嫩滑整隊食物水準還可以，唯獨是選擇相對比較少，同埋價錢相對幾貴。

好幾次家人生日都去鴻星慶祝，環境舒適闊落，方便傾吓偈，享受家庭樂。今次細佬生日，點咗佢鍾意食嘅餸菜，包括呢味元帥三拼三拼包括叉燒、燒肉同醬蹄，一口一啖，咸香嘅小吃好開胃，亦算係當晚最好嘅一碟菜。跟隨元帥三拼套餐嘅係龍蝦伊麵，如同其他酒樓一樣，龍蝦往往係見其殼而甚少見到肉。獻汁杰身咗少少，浸軟嘅伊麵都被啲汁包住，見到都飽。另一茄汁蝦仁，汁嘅酸甜味係夠嘅，大蝦都相當大，咬落亦好脆。如果脆漿不是咁厚嘅話，呢味菜算ok。仲有洋蔥煎牛柳，牛柳落得鬆肉粉太多，無嚼頭，爛晒。仲有一味彭家豆腐，汁醬太濃同太杰身，豆腐好似臭臭地。

昨晚我們還約了叔叔及澳洲來的女友，一起晚餐，預祝叔叔今天生日！其實上週三甜魔媽媽與妹妹已率先與兩人見面飲茶，下午逛屯門時也撞到了他們，非常有緣份～元朗比較企理又就近的中菜，不外乎家上海或鴻星，考慮叔叔女友是上海人，還是選粵菜比較穩陣。小兄妹玩得太餓，這 石頭魚湯雲吞米線 ($105) 就是點給他們的。當然份量超大，兩隻不可能吃完，大家也有分嚐；重溫仍然湯鮮美味，水準保持，不錯。　熊貓豆沙包 ($24) 也是小兄妹專屬，成品真的很可愛，而且味道也香甜鬆軟不錯吃～還有皮脆不油的 黃金豆腐 ($45)邪惡又美味的 金沙百花九肚魚 ($68)，咸黃醬實在太香太誘人，如非姍姍來遲我會吃上兩件！ 　沒試的 文思豆腐羹 ($45/位)，聽說水準不錯。上次飲茶驚覺鴻星的 元貝汁貴妃雞 ($288) 很好吃，這晚來了一整隻，大家都盛讚，特別妹妹連吃4-5件雞！ 　　巴巴閉閉的 石頭魚兩味（蛋白炒球、蒜香頭腩）($428) 反而沒太驚艷，因為魚肉不夠大球，吃來不夠意思啦！洋蔥煎牛柳 ($108) 也腍滑不錯，墊底還有貨真價實的洋蔥絲。 　美食太多，桂花瑤柱炒海皇 ($108) 其實乾身不俗，但也給冷落一旁