鴻圖樓

营业中

休息中

可達度高，離觀塘地鐵站數分鐘，鴻圖道30號1－2樓 十分便利。食物質素高，平民價錢，食出酒店風味蘇州甜酸肉 $88配菜青椒香口，火喉十足，菠蘿微甜，配合甜酸肉十分適宜。主角甜酸肉外脆內軟，咬落爆汁，一試難忘農家小炒肉 $98爆炒辣椒，將辣椒的香味盡顯，炒肉方面，肉的表面微焦，一嚐之下，發覺十分滑嫩。十分適合佐酒之選金牌欖角骨 $128當菜式上桌時，香氣四溢，加上欖菜及蜜汁包滿骨上，賣相十分吸引。當咬欖角骨一刻，蜜汁的香味，欖菜的鮮味直湧口腔，加上欖菜骨香酥無比，實屬誠意之作鴻圖樓觀塘鴻圖道30號1-2樓

☺️古色古香酒樓☺️-呢間餐廳嘅外觀好有特色 外牆加左霓虹燈 古色古香 😆地下係茶餐廳 一樓係酒樓飲茶 🫖飾物價錢唔貴 幾值得試🤤-🐔湘式辣子雞 $138推薦招牌辣子雞 雞粒炒到有少少脆 好冇鑊氣 🤣都幾多辣椒 不過唔會好辣 香口惹味🤤-🍲粟米魚肚羹 $108魚肚羹煮得啱啱好 唔會太浠 ✨而且好足料 有好多魚肚 仲有蛋花😌-🍗蜜錢雞翼 $55雞翼好大隻 整得幾入味 😍蜜糖唔會太甜😌-📍鴻圖樓觀塘鴻圖道30號1至2樓-

同朋友一齊嚟咗呢間酒家食個港式晚餐🤣$148「鴻圖燒鵝皇 例牌」：燒鵝皮脆脆哋，燒鵝皮底下有層薄薄哋嘅脂肪好香口，燒鵝肉好鵝味，呢個例牌仲竟然有隻燒鵝髀😋；我哋仲叫咗普洱茶，原來燒鵝配普洱茶好夾👍$98「淮香生海蝦」：海蝦似乎係油炸過外皮脆脆哋，香口、好食、惹味😋$168「艇王酸菜魚」：魚肉白雪雪味道鮮甜😋；其他配菜仲包括大量酸菜、大豆芽菜、木耳、勁多薯粉，食晒會超級飽😋；酸菜魚湯底仲好濃郁😋食得飽飽飽嘅一餐🤣

成日行過見到見到呢座咁具地標性嘅建築物好有歷史 今晚帶埋屋企人過嚟叫幾個小菜試試呢間老字號💝❣️蜜椒薯仔牛柳粒 $138軟綿綿嘅薯粒入口即溶 爽甜蜜椒為牛柳粒更添風味🐂肉質柔嫩嘅肉粒同炸至金黃色嘅薯仔粒加入蜜汁一齊炒 又甜又香超好餸飯❣️錦江海鮮豆腐煲 $98清清地嘅海鮮豆腐煲 墨魚 魷魚 大蝦等海鮮配料🦐幼滑豆腐更突顯海鮮鮮味 唔需要額外再加其他任何調味料都夠❣️湘式辣子雞 $138部長強烈推薦招牌辣子雞 雞粒同辣椒經大鑊炒過均勻入味🌶️就連啲骨都炒到脆卜卜 非常香口惹味

📍 鴻圖樓😘牛頭角超好味酒樓🥳餐廳環境靚 外面非常適合打卡😍食物質素高🥳店員服務態度好👍✨京蔥爆肥牛超香嘅京蔥🤪加上高質素嘅肥牛🤒簡直係完美嘅配合👍食落非常好味😍牛肉接近入口即溶🥳份量亦都好多☺️✨菜脯肉鬆煎蛋角呢個菜式做得非常細節☺️菜脯肉鬆都係粒粒分明😍配上香滑嘅煎蛋😛味道真係一流啊👍✨避風塘大連鮑鮑魚爽口彈牙😍肉質鮮嫩😘比一般鮑魚水平高好多🤒啲肉完全唔會實🤪感覺勁新鮮🫢配上特製調味真係正到😭😭🥳下次有機會經過牛頭角都一定會再嚟食呀☺️👍

假日久違地行下觀塘工廈, 夜晚就搵咗間特色酒樓食小菜🤗⭐️金沙海皇豆腐豆腐軟滑,粒粒都沾滿咸蛋黃香味, 撈飯一流👍🏻⭐️客家酸菜大腸大腸口感煙韌, 配埋酸菜, 酸酸咸咸又幾好食! 香口之選😝⭐️XO醬海皇醬粉絲粉絲好彈牙, 配埋雜菜絕對係perfect march! 🙌🏻同埋份量好足!唔小心叫咗幾樣野都有啲重口味😈,但出奇地又唔覺得好膩, 有驚喜🤭🥢鴻圖樓🌍觀塘鴻圖道30號1-2樓

放工又去觀塘食好西，男朋友今次揀咗間建築好有特色嘅中式餐廳食小炒，去到已經俾佢嘅外型驚嘆。老實講，除咗同親戚飲茶食飯，真係好少會踏足酒樓，原來兩丁友，甚至我見一丁友都可以去酒樓用大圓枱食飯，夥計都習以為常，唔使擔心毒😂🙈 同埋今次呢間餐廳食物就好有驚喜！🤩金牌欖角骨 $128呢個係酒樓嘅得獎招牌菜式，上碟時候好香，有色澤；醬汁恰到好處，配上欖角，整到酸酸甜甜，唔會太鹹及油膩，十分開胃！肉質外脆內嫩，鐘意損骨岩晒，啲肉都容易咬開👍🏻農家小炒肉 $98小炒肉好香好惹味，如果出白飯放題應該可以送幾碗飯🤣 豬肉鮮嫩多汁，另外，青椒(?)好好好甜！我同男朋友從來唔食椒，試咗一次都顛覆咗我對椒嘅睇法😍 鐘意香口濃味小炒可以一試🫶蘇州甜酸肉 $88呢個菜就係我地平時小炒都會叫開既菜，正常發揮😙肉嫩，醬汁唔會太酸，易入口。姐姐可能見我地揀飲擇食唔健康😂 佢鼓勵我地食菠蘿，佢話呢個係新鮮菠蘿整架，大家去是的話，可以話返俾我知究竟鮮唔鮮😆白飯 $13 & 大青島啤酒 $39白飯高過個碗，兩個細食嘅人share一碗都OK。另外，食小炒梗係要隊返杯啦🍻已經唔知係第幾個星期一飲🍺，可能係潛意識覺得要飲😂😗最後姐

觀塘鴻圖道有間外型好搶眼的食店，地面是是茶餐廳，而一樓是酒樓，今次就去飲個靚茶。酒樓位於觀塘和牛頭角中間工廈區，牛頭角站會較近。酒樓的點心應有盡有，價錢亦是理想，抵吃！點心紙上點心多款選擇，最經典的必定是點蝦餃燒賣牛肉球啦！😆😆😆《至尊蝦餃皇》$38頂點的蝦餃皇，有四粒，粒粒都好大顆，重點是蝦很彈牙又大粒，口感很彈牙，吃得很滋味。《蟹子燒賣皇》$34特點的燒賣皇，燒賣口感煙韌有嚼勁，又夠彈牙，同皮地都是大大粒！《山竹生肉球》 $26中點的牛肉球，有少少筋但不算多，口感會比較豐富，而且夠彈牙！👍🏻好味🤤《醬皇蒸鳳爪》 $24中點的鳳爪，皮骨易離，皮又夠軟滑，骨酥爛！每位茗茶＄12

今晚在一家深受好評的茶樓品嚐了令人難忘的晚餐。茶樓外觀古式古香, 屹立係觀塘工業大廈之中，更有特式。首先是香酥可口的燒鵝王,皮脆肉嫩,入口即化油脂,渾然天成。緊接著是別具特色的蝦籽柚皮,清新爽口的柚子味與香氣十足蝦籽交織,每一口都令人回味無窮。最後一道是絕佳的蜜椒薯仔牛柳粒,牛肉恰到好處的嫩度,配上鮮甜爽脆的薯仔粒,以及濃郁醇厚的蜜糖,口感層次豐富,令人難忘。這次晚餐完全超出我的期待,每一道菜品都精心製作,風味獨特,絕對是一次難忘的用餐體驗。

今晚帶媽媽嚟到觀塘紅圖樓食晚飯媽媽特別鐘意食中式小炒，上網見到呢間評語都吾錯，即管試試酒樓紅色外場好養眼，環境都闊落，職員服務亦不錯，我哋兩個人叫左三碟小菜，已經好夠飽。整體感覺也不錯薑蔥鮑魚滑雞煲 $168一上枱已經聞到香噴噴，鮑魚鮮味爽口，滑雞肉質幼嫩，薑蔥炒起好夠鑊氣，食落好香口河塘畔水芹香 $88分別有西芹、蓮藕、淮山等素菜，口感爽口，好味又健康干煸椰菜蝦米粉絲$78蝦米炒粉絲，份量足夠，食落又幾香口，好飽肚茗茶 $3@每位

平時總是經過呢間唔太起眼嘅傳統酒樓，今日同事突然話嚟呢度飲茶，竟然有驚喜喎我哋都食點心必食嘅蝦餃、燒賣「至尊蝦餃皇」每一粒蝦餃都好飽滿，脹卜卜的，蝦球非常爽彈，平時食蝦餃一般都會加荀尖的，但呢度用左馬蹄粒代替，多左爽脆清甜嘅口感個人鍾意加馬蹄多啲‼️水晶皮又夠透薄，好好食「蟹籽燒賣」燒賣有濃濃嘅冬菇香，而且豬肉好爽，唔係腍pat pat無口感嗰種「醬皇蒸鳳爪」呢籠點心一嚟到，已經睇得出好有質素，啲醬並唔係一舊舊，味道唔會過咸而且鳳爪都屬於大隻的，好入味！「鮮蝦腐皮卷」腐皮卷相對有啲遜色，入口感覺好油膩～～「新鮮菊卷」好奇想知道係啲咩，原來係傳統嘅甜品，質感有啲煙煙韌韌，味道唔會太甜，不過食完之後冇咩記憶點所以下次應該都唔會再叫呢個菊卷‼️

鴻圖樓相信開咗有相當年份，外觀係非常中國風嘅紅色外牆，非常易認！餐牌選擇好多，仲有啲孖寶優惠我地點咗兩個孖寶燒鵝例牌x2兩個孖寶加埋有半隻燒鵝，鵝皮唔太脆，不過肉質仲好正，味唔太濃同鹹，醃製剛剛好海鮮雜菜煲非常足料，調味剛好唔太濃，而且份量都好多蒸沙巴龍躉細細條，因為我最食魚，所以非常夠食肉質嫩滑有咬口，都係清蒸魚最好食椒鹽鮮魷味道唔錯，外層香脆，不過份量少啲，有啲酒樓會有埋炸蝦片裝飾添

鴻圖樓，之前經過見到幾次都覺得成個外型都好靚，好有特色，呢日晚餐時間特登過去試吓。我哋去咗一樓宴會廳食小菜晚飯，餐廳餐牌主要融合四川特色菜同港式小菜，比較特別。🌟永州血鴨永州嘅特色名菜，改良咗冇咁辣，非常惹味香口，因為呢道菜，我已經食咗一碗飯。🌟金沙海皇豆腐有大蝦同大粒帶子，鹹蛋黃味道非常香，呢度菜送飯真係一流。🌟酸菜爆炒大腸大腸彈牙香口，酸菜味道會唔會太濃烈，送飯都好啱。特色中菜餐廳真係要多啲支持，外型特色，入邊菜式都特別，仲有好多特色川菜同燒味，下次再試吓。

成日都想帶兩老去呢一間飲茶，但係成日覺得佢好隔涉要喺大街行入嚟都有段距離。不過兩老又話OK喎，咁就去試吓啦。成間酒樓一條龍，下層茶餐廳上層酒樓。上到去酒樓，冇我預期中咁大，不過啲位都隔得幾開坐得幾舒服。基本上大部份食物都性價比幾高一嚟嘅時候就上咗個甜品蘆薈椰汁糕，我初頭以為佢係一層椰一層蘆薈。點知原來唔係，不過咬落去都有啲蘆薈粒，食落都幾清甜。另外乾炒牛河都好足料，唔會因為下午茶炒到細細碟。我覺得值得一讚係啲韭菜餃，蝦餃同埋粉果，個皮做得好薄啲餡料又夠多。其實唔止係多，即係係爆餡。小籠包都好多湯汁，個皮都唔會太厚。鴛鴦紥裏便啲雞肉好大塊好似唔使錢咁。個咖喱土魷都好有趙口。唯獨下邊呢幾個有少少失望，燒腩卷個醬同叉燒包冇分別。個牛柏葉就碎咗少少，份量唔算多用芋頭晾底。咁屋企人鍾意食酥炸鯪魚球，嚟到嘅時候佢跟咗個甜酸醬，問佢有冇蜆蚧醬，佢話佢哋呢度淨係有得甜酸醬，呢度就有少少失望。不過綜合來講都比起出邊啲酒樓大件及抵食。

位於觀塘與牛頭角之間的一段鴻圖道有一座具懷舊特色的建築物，地下為港式茶餐廳、一樓為中式酒樓，二樓則為提供麻雀耍樂的場地；於網上看到介紹一樓的「鴻圖樓」無論點心抑或小菜皆出色，今天帶同爸爸到訪----------🔹金牌欖角骨 $128為酒樓得獎菜色，精心選用三度腩排上檯時新鮮熱焫焫為菜色增加不少分數；外皮香脆，肉質爽彈而肥瘦各半，欖角加以甜酸有致的醬汁非常開胃----------🔹農家小炒肉 $98特色川菜，老闆曾到北京學廚數年，將美味正宗菜式帶到香港選用香辣螺絲椒，薄切豬肉爽嫩緊緻，炒得惹味又入味----------🔹蘇州甜酸肉 $88加入菠蘿、三色椒及三色椒等炒成甜酸肉外脆內嫩，充滿豬肉鮮香及油脂香，甜酸平衡好滋味----------最後附送南瓜糖水，選用北海道南瓜，加入椰奶及保利牛奶煮成，無添加糖夠健康