鳳鳴居

营业中

休息中

好日都唔會嚟一次上水，朋友推介入到嚟一定要試呢一間 <鳳鳴居>, 我哋好好彩呢到都唔使點排隊， 聽聞平時成日都大排長龍㗎知道呢度係最出名係醉香雞湯麵，個湯底真係好正， 除此之外，我哋仲嗌咗黃金炸魚皮，辣豉油爽脆鵝腸， 呢兩個小食都好出色 值得推薦

依家喺上水相當出名 成條街唯一一間要排隊嘅舖頭就係佢12點鐘開門 一開門就要排隊 真係好誇張到咗夏天就真係辛苦 好多時都等三個字以上出面熱到爆炸 未入到去都身水身汗 但佢依然係咁多人等 可想而知有幾吸引因為嚟過好多次 已經試過好多種麵款可以介紹吓#清雞湯麵 $48最簡單普通樸實無華嘅一款 但係佢個雞湯真係好有雞味！唔會太淡亦唔會太濃！但比起其他相對上會淡少少簡單得來又唔會話有味精味 每次食都會成碗飲晒！#醉香雞湯米線 $48都係好受歡迎好多人叫嘅一款真係好有酒煮嘅香味 如果鍾意食醉香雞嘅應該好鍾意不過呢款啲雞件係整定 可能就冇咁新鮮同咁靚 不過一樣係好味嘅！只係呢款我唔會飲晒啲湯#姫松茸雞湯米線 $56比起普通款會貴8蚊味道上係偏甜！幾條姫松茸咬落去會有好特別嘅香味同甜味！個人最常食係呢款！#蟲草花雞湯米線 $56相對之下呢款就偏鹹 但又唔算太鹹有蟲草花獨有嘅味道 蟲草花本身都好爽口 彼得亦好多 更加帶出雞湯嘅鮮味！#麻辣雞湯米線 $48係幾刺激過癮 都唔會算得上太辣 還可接受#喇沙雞湯米線 $48呢款我覺得仲辣 不過又真係好有喇沙嘅香味鍾意喇沙嘅朋友可以一試！呢度嘅雞我都好鍾意食 不

醉雞聞名傳到街知巷聞一直都好想搵機會去試但耐何去親都係排長龍證明 佢係有實力既 長期keep到咁多人等位個個講到佢個醉雞米線幾咁出色我真係真係忍唔住喇我決定打電話叫外賣跟住過去拎外賣唔算等好耐 大概15mins左右啦門口仍然係大排長龍接電話既男生好有禮貌 呢點都好想讚揚下講返個外賣先啦湯同麵係分碗 好細心味道好濃 好香米線軟硬度適中雞夠大件 足料配料份量都唔少辣鼓油好正雞比較’鞋’口 唔滑只係食到酒味可能假期人多既關係啦 下次搵日平日去試下先

上水應該好多人識呢間黃店, 一去到都見到店外排滿左人, 幸好我地到左無耐就有一堆人食完走, 所以等左大約十分鐘就入得。今次黎到試左最出名的醉香雞,配米線。上菜時會有一碟辣辣地的豉油, 用黎點啲雞, 好好食。仲有隻碟俾你放骨, 好貼心啊., 最唔鍾意食到成枱都係骨.講返個醉雞湯, 一上枱都聞到好香, 飲落好大陣甜味, 唔會覺得有酒精味, 一啲都唔刺鼻。 VERY GOOD米線仲有兩粒紅棗(已去核), 仲有少量雲耳.   食下食下,唔知唔覺就飲左一大碗湯, 就黎飲晒.... 哈哈哈哈 今個LUNCH, 我要不醉無歸!

難得去到上水，好想搵d特色餐廳，見到呢間D湯底好吸引，一於試下呢間啦! 雖然已經過左晚飯時間，但係都有一條人龍排緊隊，令我對呢間餐廳充滿期待。等左大約15分鐘，終於可以入去啦。一入到去，店員都好nice，最重要係一間湯麵店竟然播住流行曲，然後店員會一齊唱，好有熱血青春的感覺。1.蟲草花雞湯麵今次我只係叫左一碗麵，但呢碗麵真係好抵食。蟲草花雞湯清甜，冇落味精，我差唔到飲左大半碗湯。另外，蟲草花竟然比出面的連鎖店多，完全係真材實料。身為主角的雞都好吸引，滑得黎唔算好油，最小俾左5舊雞件，$48完全係超值。______________________________

聽人講鳳鳴居呢間黃店好食，一試之下驚為天人，醉雞湯米粉好夠酒味，湯底甜甜地，有藥材紅棗感覺幾補，推薦叫米粉更加索湯汁，辣豉油另上一人一碟幾衛生。蕃茄雞米就清新啲，微酸甜岩夏天食。..______________________________🏠 鳳鳴居 💛💛💛💛💛💵 $66 per head📍 上水馬會道154號地下______________________________

今日同朋友行山行八仙嶺行到落粉嶺就要諗有咩食朋友介紹上水有間幾好食嘅小店所以我哋就去咗嗰度去到見到都幾多人等位就知應該好食呢度出名係雞有蟲草花雞湯 醉雞湯 喇沙雞湯朋友叫咗蟲草花雞湯面湯底好鮮甜而且雞幾嫩滑我就叫咗喇沙雞油麵喇沙湯底同我之前去新加坡旅行食嘅好接近非常香同唔太辣雞亦十分juicy本身諗住叫啲小食可惜想要嘅春卷賣晒睇嚟要下次再嚟試吓整體來講價錢非常親民而且款式幾多絕對值得一試下次行完山都會再嚟食

癡線，好癡線。入中午13:30，午飯高峰期已過吧～整條街的食店也門可羅雀，就偏偏這裡多人排隊。我1人午餐，要拿飛排隊，好癡線，這是上水咋，我平日中午食餐普通飯啫，都要排隊。店內侍應很後生，有活力，最重要是很有禮貌，如果大家在上水普通食店食過野，就知上水食店的阿姐係點……。這裡沒有套餐，是散叫的，一碗麵一杯飲品不算平。但這裡食得舒服。說回主菜，我點了芫荽雞米粉，$53，似乎很貴，但看到份量大大的，雞是又大又滑的，另外又鋪滿芫荽，2樣味道很夾，好食的。再附加一碟豉油，好好味。中食完步出餐廳，仍然有人排隊，其他店呢？繼續冇人……會再食，值喎~

以前都冇發覺上水有間咁好食嘅小店真心$48一碗醉雞湯米 呢個價錢有呢個質素簡直係超級 優惠。➡️講吓個湯底先 我自己食過蟲草花 個湯底比較甜少少 但係我幾鍾意。➡️喇沙湯底都試過 係比較濃郁嘅味道少少辣幾香口➡️講吓佢個招牌醉雞湯底 嘩我食完簡直一試難忘 我可以將成個湯飲晒 而且係唔會口渴嘅。酒香味好重 係都會飲到啖啖嘅雞湯味講埋啲雞先 好滑 小店亦都會提供辣椒豉油 整體感覺好夾唔知佢落咗啲咩呢？我成日心思思想食 依家一星期食兩三次 變咗飯堂啦♥️

上水其實冇咩食咁 更何況話黃店🙈所以呢間真係必回頭黃店！平時晏奏都好多人架！要等一陣🤓-我必叫係醉香雞湯米線❤️真係好好食！個湯好甜，完全落足料煲，想飲晒佢！佢好大酒香同藥膳味，入面仲有紅棗，所以啱晒女仔食☺️好補🥰 冬天食應該更加正添！佢入面會有幾舊雲耳，同埋都幾多雞！😋仲有我食2次舊舊都係脾或翼！係有肉架，唔會係啲雞背😂米線爽滑彈牙，吸左啲湯好正！佢地仲會比個秘制辣椒豉油你點雞，好香小小麻好鬼刺激🥳所以呢碗我真係大推！-另外食過喇沙車仔麵湯底都唔錯。試過雞絲粉皮的小食，就好一般，都係估到的味😂麻醬就係日式個隻😌所以大家食左醉雞米線先！

由於工作需要每星期都有一日要去上水返工而上水就無乜特別嘅嘢好食 同事一直推介鳳鳴居不過去過兩次都因為大排長龍 而有啲趕時間所以就無等到而無食適逢今日落大雨而又無咁趕 無乜人排隊 終於有機會一試 不過五個人都等咗差唔多20-30分鐘先有得入座點餐之後就上餐得好快 叫咗一個大家都推薦要一試嘅醉雞麵($48)轉烏冬麵底($8)加配一杯凍菊花蜜($8)醉雞麵嚟講我就只係食過台灣果款即食版嘅花雕雞麵鳳鳴居嘅醉雞麵酒味聞落都已經幾濃郁 飲落就都算幾甜 有啲似果種甜酒咁 不過個人就幾鍾意飲 配料主要有蔥花 紅棗 木耳 雞肉同麵 仲有辣椒豉油供點雞肉之用至於烏冬食落都唔錯 不過份量就相對米線少啲雞肉就唔算係太出色 本身無乜特別味道 而且唔算係好嫩滑 少少鞋 反而木耳就幾有味道野飲方面，菊花蜜就甜得濟總括而言 個人覺得湯底都幾好飲 幾乎不知不覺就飲哂成碗湯 而我就唔係太飲得嘅人 容易對酒精有反應 朋友話我食完面有啲紅 我都覺得有少少熱 用身體驗證咗佢酒精嘅成份應該的確有返少少濃嘅仲以為大部份酒精已經煮到蒸發無哂

入到黎舖頭😝😝已經聞到一浸藥材醉雞味🤩首先坐低之後餐廳職員好好又比口罩套俾你笠住個口罩,開頭睇張餐牌好多嘢都想食，但係見到周圍個個都嗌醉雞🤣🤣所以我都跟大數嗌醉雞湯配飯，個餐做得配米線做選擇，第一啖試佢個醉雞湯😍係好濃郁嘅花雕味👍🏻入口好舒服、甜甜地、飲得出唔係味精🤣，個雞都好好食👍🏻佢跟餐有個辣椒豉油脾你，不過個雞唔點豉油都好食👍🏻係有雞味嘅,果然係招牌👍🏻不過就要排下隊🤣好食嘅嘢就係要等下🤣呢一間我絕對會再幫襯

上水鳳鳴居成日排長龍，Keep住甘好生意唔係無原因嫁～因為佢地既湯底同雞都好鬼正！朋友叫左自選配菜，而我就叫左我最愛既蟲草花雞湯米線😋 雞湯湯底好鮮甜，而上面份雞肉都好足料，食落亦好滑～再配上自家製既辣椒豉油，小小辣好惹味，同雞肉真係好夾💕廢話少講，睇我食到甘乾淨，就知有幾好味啦🤤真係好鬼岩我口味，身邊亦好多朋友仔會黎食，一直都係街坊之選！甘啱黎上水一定要黎試下！🔊重點既重點係，黃店！支持黃色經濟圈，就要多啲黎支持下啦～

醉雞同米線我諗大家就食得多啦！有冇試過兩樣一齊食呢！估唔到呢兩個加埋一齊可以夾到咁樣😍🐣鋪面都唔算細，仲勁好有得比你拎信封入口罩😷-Menu：醉香雞湯麵🐣🍜$48-大概有7件雞肉：有雞胸雞翼等部位，肉質滑身唔會鞋，面頭仲有木耳同紅棗。最出色係佢個雞湯🍲，有醉雞味之餘又唔會太過藥材味，甜甜地但又有醉雞味，成碗飲晒都得啊！另外仲有隻碟附上辣椒🌶️豉油， 雖然原本湯底已經好夠味， 但點上呢個豉油簡直係畫龍點睛非常惹味😍瑞士雞翼🇨🇭$19（4隻）-甜甜地又平又好食！非常入味同濃味😍又唔會煮到爛哂，但又煲得好稔身！！

平時好少入上水，有機會去到就梗係要試高質的良心小店！呢間餐廳係經一位住上水朋友的熱烈推薦，未到七點去到已經有好多人排隊等外賣，而舖頭亦差不多坐滿。可想而知幾受歡迎。/醉香雞米線🌟本身以為是平常的花雕醉雞再加面，但呢度係佢既湯底有濃濃的酒香同雞味，飲一啖湯都幾喜出望外。/大三兄弟🌟有墨丸、魚片同爆丸三款，新鮮炸出黎外皮脆脆地，好正！但小心入面真係好熱，要慢慢食。/瑞士雞翼🌟瑞士雞翼煮到入哂味🤤，又唔會過太鹹，$19就有4隻真係良心價。/蜂巢春卷🌟出面係網狀既皮，入面係芋絲，同樣係即叫即炸出黎。/