鳳鳴居

营业中

休息中

曾經聽到這間麵店的好評，星期五晚上出街吃飯，便專程來試一試。這間店果然受歡迎，我們必須取票在門外等候，除了要等位的人之外，還有很多是等候自取外賣的。我們一行四人，點了兩個醉香雞湯麵和兩個自選湯麵。四碗麵都大大碗，自選湯麵的清雞湯底味道濃沃有雞香味卻不肥膩，喇沙湯底也很香微辣很惹味，醉香雞湯麵的湯底除了濃濃的雞湯之外還有酒香，湯底是一碗湯麵的靈魂，單是麵湯已經夠讚。麵的軟硬適中，配料也不錯。我們還點了小食：細三兄弟，其實是炸肉丸，很好味。其實這裏的店員也很有禮，很勤力，只是我們在門外等位時店員意外地先叫了我們籌號之後另一桌四位客人入座，進食時又想收拾我們還未吃完的麵碗，相信服務上還有進步空間。

聽講話呢間食雞煲好出名，不過嚟咗幾次都係食佢不同配搭嘅雞湯米線。牛腩飯。車仔麵。。。清雞湯米線：視乎雞肉嘅部位，有時會係雞髀就啖啖肉，亦都試過係骨位，就成碗麵好似冇乜雞肉咁，清雞湯味道普通貨色，不過米線好大碗蟲草花/姬茸菇雞湯米線：菇味道好甜，好似浸過糖水咁，但配搭雞湯米線味道好夾👍🏼蕃茄雞湯米線：番茄當底咸到不得了，食過一次怕怕車仔麵：可選擇清湯底，蕃茄湯。。。係正常一般車仔麵貨色清湯牛腩飯：牛腩炆得夠林夠入味，牛腩湯味濃郁

🎾 #一粒波食好西又係上水覓食既時間~~~呢間都算係口袋名單😂😂諗唔到食咩就會去食碗喇沙雞麵🤪-⚾喇沙雞湯麵 $48麵底可以揀米線/米粉/油麵/河粉/公仔麵/出前一丁/讚岐烏冬🍜我就通常揀米線/油麵😛但係麵唔是重點😂😂重點係個雞🐔 雞脾超嫩滑就唔再講，佢連雞胸都好滑，同埋好有雞味🤤🤤湯底好濃同埋都重椰奶味，小辣既喇沙味👍🏻👍🏻好正既一碗麵🍜🤤.⚾️其他食物😂有試過其他小食，但都係正常水準😂好似得個鹹蛋黃炸魚皮比較出色🐟想配麵食都可以試下既🤔🤔但最推都係喇沙麵🤪-⚽總評⚽每次去親已經唔會睇menu直接淨叫喇沙雞麵加凍檸茶😂😂雖然個凍檸茶都係一般🤡🤡但順帶一提服務就真係麻麻地，有個呀姐態度超級差😒😒😒不過間唔中食一次我就忍佢啦🤡-🏐 鳳鳴居上水馬會道154號地下12:00 - 23:00-#一粒波ARollingBall #鳳鳴居 #喇沙雞麵 #hkig #hkfoodie #香港食評 #香港餐廳 #foodstagram

鳳鳴居主打的都是吃雞，麵類的價錢是$48-88(最貴的因為是有花膠)。如果不吃雞的話，亦都有至少兩餸起的自選湯麵($20)，湯底的選擇有喇沙、麻辣、清雞湯和蕃茄湯，而配料都是一些普遍的蟹柳、小雲吞、魚皮餃、豬大腸和豬軟骨等等。他們的小食有19種這麼多，價錢是$12-60(最貴的是小食拼盤)，應該很值得試試，例如有蒜蓉辣辣雞翼尖($18)、辣豉油爽脆鵝腸($48)、碗仔翅水餃($38)、蜂巢春卷($28/6條)和醉肝腎($23)等等的都是小編想試的。小編第一次來到，就要第一項的醉香雞湯米線($48)，要注意他們的醉香雞是生滾雞，是需要時間去焗，要耐心等候，而且不能選擇雞的部位。最後其實沒有等很長時間，湯麵就來到了，一上枱香氣撲鼻而來，金黃色的湯底，果然很濃味，而且酒味也很突出，亦都有藥材味；雞件大概有6-7件，幸運地有雞髀和雞翼，肉質很滑，但不太有雞味而且味道淡，即是不夠入味；米線的質地也不錯，不是最便宜的那種輕咬就散。最令人失望的是雞沒有雞味，希望這點會有所改善，而湯底真的很不錯，很推薦。還有一點，如果是較少喝酒的人可能會覺得酒味較重，然後有機會會覺得醉。

今日又約咗朋友去舊墟食嘢， 我哋呢次嚟到食鳳鳴居， 因為唔想食飯類嘅嘢，所以最後就揀咗黎食麵。 鳳鳴居嘅位置並唔難搵，唔使一陣間就搵到。店內都幾闊落，所以都坐得幾舒服。 有時中午唔想食譚仔，都可以嚟呢度食下，因為鳳鳴居嘅價錢正常，味道都唔錯。我同朋友分別叫咗兩個自選麵類，大概40蚊到。 我食嘅係清雞湯底，我朋友叫咗蕃茄湯底，個人認為呢兩個湯底幾好，食落唔似落咗好多味精，味道都唔錯。 豬軟骨都幾好食，可惜分量就有啲少。 總括嚟講， 鳳鳴居值得試下嘅!

係上水個邊打完波美食沙漠入面 想食野我只係諗起 鳳～鳴～居～坐低 雖然有啲逼 坐得唔係太舒服但係個冷氣好夠啊打完波 好爽其實呢到最出名就係 醉雞面但我就麻麻醉雞最後叫左個自選粉麵有4種湯底叫左一個麻辣湯底一個蕃茄湯底麻辣湯底好香 唔算太辣唔會嗆親 幾好味突登叫左個豆卜索下啲湯又唔想lun骨 叫左個手撕雞 好足料啊份量好足 3餸夠晒飽另外個蕃茄湯底就 真係有蕃茄既好香蕃茄味 好推薦 下次再黎一定會叫蕃茄湯今日黎覺得最加分既位係邊啊係全部小二 都好後生佢地播既歌 全部都識都好岩聽一路食一路聽真係好加分下次要encore!

你都同學仔嘅地頭上水, 佢話有間食肆可以介紹我哋食, 唔係咩大型嘅食肆, 亦都唔係咩好貴嘅地方, 係食雞湯嘅米線,或者雞湯嘅泡飯, 咁就梗係啱曬我啦, 米線我鍾意泡飯又鍾意。 咁去到發現座無虛席, 咁我呢就揀咗醉雞米線, 佢其實仲有好多款揀嘅, 不過呢我就揀咗醉雞最basic呢一款。 我食米線,朋友仔食飯, 飯係分開上,個感覺幾好。好多款野揀既。飯分開上整睇望落唔錯既,我就食米線雖然有色有香,但就無味, 唔係真係無味道, 而係味道一般般, 太甜了, 希望會有改進啦

之前食過2次⋯⋯第一次食覺得醉雞米線啲酒好入味，只不過我食完有啲喉嚨痛，朋友叫左牛腩飯等左好耐，朋友仲話冇下次唔會再嚟食⋯第二次嚟我叫咗車仔麵，可能唔係主打雞湯米線，感覺配料好一般，湯底亦唔算好特別！不過我個人喜歡支持小店，而且米線亦係我至愛，所以會有第三次幫襯⋯今次一行四人，叫咗姬松茸雞湯米線，蟲草花雞湯米線，芫茜雞湯米線，清雞湯米線！姬松茸和蟲草花湯底好甜，我估可能啲菇有浸過糖水，芫茜雞湯米線好多芫茜，下火一流！整體雞肉好多，有雞脾位，啖啖肉，米線亦好多，一碗已經好夠飽！今日叫咗洛神花特飲，覺得呢度嘅洛神花比較甜，洛神花味亦唔算好出！

放假又去食好嘢自從睇咗谷友經常推介上水新開鳳鳴居仲喺我屋企附近 冇理由唔試吓嘛😌不過成日行過都見到排晒隊就放棄左念頭今日終於唔使排隊可以一試入到去二話不說見即刻點一個☘️芫茜醉雞米線☘️如果你本身係芫茜控的話呢一個係一個唔錯嘅組合👍🏻朋友就食麻辣醉雞米仲點左🐛蟲草花🌻醉雞米本人覺得米線湯底唔錯飲落去都好似冇乜味精嘅感覺無乜油膩感 唔會肥淋淋其實都有好多嘢食不過因為早餐嘅關係我哋就無叫太多 有機會就下次再試過 反正咁近😎

學完騎馬，喺上水搵食網上見到人介紹呢間醉雞麵特登黎等開門醉雞麵好大碗，對得住個價錢試一啖湯頭先好香花雕酒味，但食落好甜唔知今日大廚落手點呢？飲晒成碗都無醉係我太勁？😂雞肉有五六件，都幾滑，唔錯唔夠味，仲可以點佢額外上嘅辣椒豉油另外叫左杯青檸菠蘿蜜唔算太甜，都清爽

今日收工後無出外食飯嘅打算，所以就用外賣apps買今日嘅晚餐，今次就食「鳳鳴居」。不過用外賣apps價錢喺貴過出店面食嘅，所以下次都喺出返去食算。蟲草花雞湯麵個蟲草花雞湯好正，好似飲緊屋企湯咁，好濃味好甜。因為雞件同湯喺分開上，所以湯頭無因為浸住d雞而變到好油。雞肉有肉嘅質感，無霉口。養生醉香雞湯麵醉香雞湯都好正，又喺住家湯味道，不過會多咗一陣好香嘅藥材味🤤🤤🤤，好吸引人想繼續飲多啖。由於雞件浸入湯，所以湯面有雞油，不過有藥材味所以油膩感好小。我個人比較鍾意養生醉香雞，因為索晒d湯汁，所以雞件超滑同埋每咬一啖都會爆晒湯汁出嚟。

點了菊薑蜜，飲了一口沒有薑味，再飲都是沒有薑味，我估水吧錯調了菊蜜。但眼看剩下半杯，唔好意思見人換，但都想反映番比佢地知沖錯左。於是我同附近收銀講：「沖錯左菊蜜，不過算啦⋯」「哦！」一聲唔好意思都無，好後悔無堅持換，加$8都係錢黎架。

食了兩次真心不要來第二次！所謂的醉雞湯粉／飯。湯底理應帶些小藥材味及酒味。入口兩樣配合。不高不低。有怕太多酒味。普通人接受不到。反而係後面街新成路有間開左好多年都係以醉雞鍋。醉雞米缐以出名。相比之下。這間開了幾年的小店更好吃！

哩間係區內第二間以醉雞米線聞名嘅食店。聽聞哩間無咁重味，特嚟一試茶餐廳格局，擺位闊落，平日中午時段唔會太逼。揀米粉純粹個人喜好，米粉都好入味，同湯底會夾得嚟的。大大碗，約6，7件雞，3，5件雲耳，搭2粒紅棗，非常足料。雞件正常唔會太”鞋”，部位亦好平均，有背有脾，雞肉帶有湯底本身嘅紅棗甜味，點唔點豉油都得。湯底只有淡淡酒味同藥材味，想試醉雞又怕”kang”嘅朋友會啱食。比較不滿係廚房播歌比較大聲，好在都係啱聽嘅80後play list, 食食下以為自己去咗K房

今日星期日覓食到上水，聽朋友講上水有間 「鳳鳴居」湯麵湯底很不錯非常好食，好食的我都會去嚐一嚐。🥢醉香雞湯麵 $48先來一碗來頭有木耳紅棗加嫩滑肥雞，酒香四溢啖啖滋味，呷一口醉雞湯其真材實料有點滋補強身功效，食雞時不防醮點豉油口感更佳。🥢麻辣雞湯麵 $48麻籽辣椒加八角等香料完全滲透，陣陣麻香啖啖惹味醒胃，酷辣的朋友不要錯過。🥢辣豉油爽脆鵝腸 $48果然爽脆鵝腸上的肥膏夾雜油香一食便停不下來！各式飲品另加 $8