鳳鳴居

营业中

休息中

近排天氣開始乾燥，想食啲養生啲嘅野食，記得朋友話過「鳳鳴居」嘅醉雞麵唔錯，去開上水諗住快快地食餐飯，就決定去試下！🐔醉香雞湯米線（$48）一嚟就聞到酒香，飲落滋潤暖胃，加上有紅棗同埋木耳，食落就更加養生，而且食完亦唔覺得口渴，雞湯一流👍👍👍一碗差不多有6件雞件，不同部位都有啲，好似係雞胸、雞髀、雞鎚咁，都算大大件，雞肉就正正常常、冇咩特別，建議大家食嘅時候點一點個辣椒豉油，加少少辣味提升層次🌶

為之驚豔既湯底🍜/The soup base is really out of my expectation. The drunken chicken soup is so so sweet, and at the same time the strong soup base (wine flavor) is not just kidding./ 🥃之前已經知道呢間好出名醉香雞湯十年唔上一次水 今次一上水 一定要黎試下啦🤣同朋友各嗌左一個湯底配油麵試下😎喇沙雞湯麵($48) 市面上比較少見喇沙雞湯底配油麵又幾夾 油麵掛湯吸收左喇沙湯味 仲有少少椰香味🥥 但相比起某啲東南亞餐廳 呢道既喇沙湯底唔算好濃好辣 算係微辣 平時唔太食得辣嘅人都可以食到 一路食落 覺得幾開胃😋醉香雞湯麵($48)酒味好濃 真係好濃 要講兩次可想而之係幾濃(三次啦)🤣仲有好甜 成個湯底非常之真材實料🥳伴隨住湯同雞嘅係 黑木耳同紅棗成個感覺非常養生健康💪雞肉嫩滑 唔鞋 份量亦都好多 即炸爆漿肉丸($30)想睇下點爆漿法 就試下嗌呢個肉丸啦好重豬肉味 咬到中間真係爆汁🤩所以要小心辣到個嘴 點埋啲甜酸醬食好味😍總之覺得呢

難得入黎上水，特登搵定有咩好食，鎖定左呢間米線，黎到同想像中一樣人頭湧湧，排左一陣先入座。醉香雞湯麵 ($48)二話不說叫左招牌米線，但估唔到有朝一日我係會嫌d野食太足料。 其實平時比較少食酒香類既野，最多食上海野會叫醉雞，所以湯底一入口我嫌佢太醉喇，直頭好似將醉雞汁直接做湯底咁，平時唔飲酒既我表示太濃。 但要讚d雞件真係好新鮮，似乎每個人都肯定會分到脾位，嫩滑有雞味，叫埋辣椒豉油好正。 可惜我真係叫錯左個唔岩口味既湯底，但以呢個水平我會再黎多次，叫其他款既雞湯麵。蘿蔔清湯腩麵 ($49)呢個清湯底反而好岩我口味，清淡得黎帶點豬骨湯既濃郁，所以其實我係搶左呢碗麵黎食。  牛腩大大塊好足料，分到既位唔算好靚但都腍滑，蘿蔔清甜冇渣。瑞士雞翼好入味，春卷新鮮炸起唔油膩，點埋喼汁好開胃，好滿足既一餐。

上水舊墟附近好多好食嘅特色小店呢間黃店好早之前就已經表哂態💛長期門口都好多人排隊就算撇開顏色分類呢間嘅醉雞湯底都係做得十分出色！-首先湯底酒味好香 好夠濃可以飲晒成碗湯最出色嘅係啲雞全部都係大大舊雞肉好嫩滑咁大舊但係一啲都唔鞋配埋木耳 紅棗等 再點埋個佢俾既辣椒豉油每一啖都好滿足呢個醉雞湯米線真係每次必嗌～我哋仲嗌左啲小食鵝腸好夠味 蒜蓉雞翼尖都好夠辣整體嚟講 呢間嘅米線同小食都好好食唔係住呢度附近既 都值得特登入嚟試下非常推介-整體評分：4.5/5

5星為最伏我會比5星、減分制我會比0分、加分制我會比10分, 5分因為鵝腸還算唔錯, 不過切太碎而且好Q多芽菜係到扮大兜, 5分比炸魚皮, 不過如果炸魚皮可以難食其實可以汁_左佢.留意返上面我淨係有提OK食得落嘅部份. 難食嘅部份原本廢事打, 但因為要200字先可以評咁我冇計. 口水雞啲汁食落完全係酸宿壓臭味, 雞雖滑但浸雞都唔滑間餐廳可以汁_左佢.麻辣雞湯面, 冇雞味, 死咸. 下? 你話可能係係辣到食唔出? 我食開川菜, 哩間野啲辣度連百佳開到嘅辛拉面都冇.醉雞湯飯, 酒香唔錯, 但一入口甜_到糖尿病發作, 依加食甜品? 主食啊大佬, 完全唔簡飲擇食嘅我老豆都淨係食左三份一.總言之我地有食到嘅主食大部份都好_難食, 根本完全唔值哩個價.

今日終於有機會去試下喇。今日點左喇沙湯底自選米線，麻辣湯底自選米線，蒜蓉辣辣雞尖同埋鵝腸喇沙湯底味道唔錯，米線口感都good good. 鵝腸夠爽脆。可惜雞尖唔夠蒜香，影響左少少

上水既朋友知我搬左尼北區 叫我一定要試呢間醉雞麵可惜男朋友唔鍾意食醉雞 唯有我自己一條友去試一個人去食就會安排你坐好似自修室咁既位 好似一蘭咁 哈!面壁思過咁 都好既唔洗望住其他人食咁尷尬醉雞米線都幾大碗 一聞已經聞到好香酒味飲落仲好清甜好好飲 絕對係可以成碗湯飲哂既程度米線軟硬適中 每啖米線連埋湯一齊食真心正雞件有好多 不過略嫌唔係好入味 同埋有少少鞋不過點埋佢比既辣豉油就幾好味本來想試黃金炸魚皮，但佢比錯左魚片頭我不過我都算，照食 當有個遺憾 比個藉口自己下次再尼下次一定要試埋麻辣同喇沙湯底！

上水人氣💛店，主打以🐓雞為主嘅麵館，區內無人不曉，任何時間都需要等位，而家疫情期間仲更加要等😌———————————————————————————🍜蟲草花雞湯米粉💬 雞嘅份量都頗多，但好似味道比較淡，要蘸辣椒🌶️豉油嚟食，湯底亦都可以再濃啲，如有蔥花提供更好🤔.🍜醉香雞湯米線💬醉香呢款係即叫即製，比較熱，出晒煙，而且好濃郁嘅🍶酒香味，如果冬天食會更加窩心😌.🥢辣椒油爽脆鵝腸💬鵝腸堅係爽脆，但實在太碎，淡咗少少🤔

醉香雞湯麵同黃金魚皮💛雖然上水有啲遠，不過如果去開個頭真係推薦試試～呢碗醉香雞湯麵真係超足料，有好多件雞而且煮得好嫩滑，一啲都唔鞋，仲要每件雞都食到酒味懷疑係即叫即煮💛個湯底係雞湯，有少少酒味，仲有棗嘅甜味添～粉麵方面都有唔同嘅選擇，可以跟翻自己口味不過就唔推薦黃金魚皮啦...雖然都夠脆，不過就冇乜咸蛋黃味🥺.醉香雞湯麵 $48黃金魚皮 $38———不專業評分💯食物指數 🍴: 💛💛💛💛🤍環境指數 ⛱: 💛💛💛🤍🤍抵食指數 🤑: 💛💛💛💛🤍推薦指數 👾: 💛💛💛💛🤍———📍鳳鳴居 Feng Ming House上水馬會道154號地下———

呢間係上水食雞湯麵嘅...真係無時無刻都咁多人排隊或者外賣有一次因為番工，同事介紹呢間上水必食店之後，之後去親上水都要嚟食第一次嚟食係食蟲草花雞湯米線，今次就試吓醉香雞湯河粉啦雞件嫩滑，即使係雞胸都好滑醉雞冇得揀部位，撞彩睇吓佢會唔會俾到你鍾意嘅部位你醉香雞湯河粉（$48）湯底濃郁，酒味突出而不苦唔會搶去清甜湯底嘅味道配料仲有雲耳、大大粒紅棗，非常滋補食完成個人暖笠笠😋蟲草花雞湯米線（$56）蟲草花份量十足河粉索哂湯汁真係不得了，湯底非常清甜雞湯麵都會配辣豉油，辣得好過癮🌶，但其實佢嘅雞唔點任何醬料都已經夠哂味。重點係食完飲埋湯都唔會口渴，無味精👍🏻

經過成日見到門外好多人等，我都好想試下咁今日我地搭正12點等佢開舖就衝入去，唔洗等坐下order左佢個醉雞米線雖然仲係2人限聚令，舖面唔多人，但都等左一陣試下個湯先，正呀，酒味ok，湯有少少甜，可能係紅棗關係雞還好，不過啲酒唔算好入味，如果入埋味就正佢仲好窩心咁比埋個碟你裝骨有兜辣油，幾辣食到尾段其實係有啲漏，覺得甜得濟然後出面超多人等位/外賣總括黎講係相當唔錯，要讚下啲店員做野幾快手btw如果下次再食要等位，可能take away

上次傾計朋友特別推薦呢間餐廳叫我試吓，所以我專程入上水試吓呢間餐廳係咪真係好似佢講到咁好食。因為我係下午茶時間去，唔駛等位就直接入得。-🍜麻辣雞湯麵（米線）($48)我個朋友真係無介紹錯，呢碗野真係我食過最好食的米線！我本人都鍾意食辣，但呢碗湯底唔係死辣，有唔同的香料令到個湯都幾惹味，而且雞湯係真係有雞味，飲完一啖好想繼續飲落去。雞的份量都好多，加埋大概有9件，而且肥瘦啱啱好，唔會食到成口都係油但係有肉咬吓。米線份量啱啱好，食完唔會太飽或要叫多碗。我覺得好值得再嚟食過呢間米線！

睇完果籽介紹兩位90後老細之後，好佩服佢地認真做飲食既態度，所以第二日就去左上水試下佢地既米線。揀左喇沙雞湯米線，一上枱有d嚇親，因為份量比一般米線鋪多，唔係淨係碗大，係連米線同配菜都特別多，真係真材實料。喇沙湯好濃好creamy，有椰奶同香料既香味，仲有少少辣，成個層次好豐富，米線粗幼適中，質地非常爽口彈牙，好意外係上水食咁高質既米線! 另外好欣賞佢會比一個空既碟仔，一開始唔知用黎做乜，但食米線果時就知原來係用黎裝雞骨! 十分貼心!雖然住得遠，但絕對會為左佢再黎上水食! 睇得出係有心做好飲食既小店，highly recommended!

除左令我一再回頭既醉雞米，春卷都好脆口點醋可以平均番油炸既膩，不錯的小食。但今次個奶茶稀左好多，同上次濃郁既口感味道差好遠，希望水吧留意下。...#test_sheungshui#test_yellow______________________________🏠 鳳鳴居 💛💛💛💛💛💵 $66 per head📍 上水馬會道154號地下______________________________ig : eatesterhk

上水難得有咁好食嘅米線食雞食雞食雞仲要係可以揀蟲草花又可以揀醉鄉雞麵真心超抵食又豐富鍾意重口味嘅一定唔可以錯過醉雞超級香，香濃嘅酒香再加埋雞份量勁多而且我每一次呢都要糾結到底食蟲草花定係重口味啲嘅醉雞所以呢通常都會同男朋友一齊兩樣都嗌晒互相share