鳳鳴居

营业中

休息中

離遠就知道 ‼️係呢間喇😏成堆人喺外面等位等外賣熱鬧到呢🥳💛呢間餐廳主打雞湯米線完全係我杯茶啦大佬🍵🙋🏼‍♀️✨姬松茸雞湯米線✨ $58 🍄好正囉😂我本身好鐘意食菇菌類湯底有好濃郁嘅姬松茸味啊😍成個湯好順喉好清甜連d姬松茸都是甜甜的😋大家見唔見到d雞多到🤣(半隻都尼緊）🐔多得尼仲要好食‼️肉質好滑好嫩😍餐廳仲好貼心跟埋碟辣椒豉油一齊上點雞食又是昇華左🥳✨醉香雞湯米線✨ $50 🍶真係好濃酒香味🤤鐘意醉嘅你一定要試☺️(笑了)因為係生滾雞所以湯底會油少少🤏🏻但成個米線真係吸哂d精華🤩好好食‼️

嚟到上水一定係去鳳鳴居食米線，之前嚟過兩次印象就係平靚正，而今次再奔住醉雞米線而去，一排無食真係有啲掛住。醉香雞湯米線雞湯走滋潤路線，超級甜嘅湯頭，就好似用咗無數粒紅棗去煲咁。反而醉嘅部分酒味就未算好出！雞肉有好多舊，咁啱今日呢碗雞髀又有雞翼又有雞胸又有，平時鍾意食雞髀嘅我就偏愛雞髀部分啦！雞肉方面都好嫩滑，蘸下佢地自家製嘅辣椒豉油就啱啱好啦！米線屬於偏粗身及滑個隻，如果追求口感彈性個種就未必啱啦！我個人嚟講就接受到嘅。另外仲有紅棗同木耳，木耳超大一塊，份量作為配料確實量多，真係好佛心嘅店家。如果木耳都入埋雞湯嘅味道就更佳！對比上一次嚟食嘅喇沙湯，我會投喇沙湯一票，惹味又過癮啲。

呢度既醉雞係我日思夜想！！🥲🥲🥲第二度食唔好，超級香甜好味既湯😍😍😍啲雞十分嫩滑，我最鍾意配飯，因為吸晒啲湯，一啖飲埋，勁醉香☺️☺️響聆都必加！！啲響聆係新鮮脆口，唔會林晒，吸晒啲湯再食，超！！正！！朋友話麻辣同喇沙都係超值得試，第一次食麻辣湯，覺得都正，不過醉雞對我嚟講太吸引啦🥺🥺 呢度啲莞茜都係勁新鮮，鍾意食莞茜既就唔好錯過啦～呢度有好多特飲，今日試左菠蘿青檸蜜😋😋正呀，有啲菠蘿肉。不過我可以少甜😛

今日見好肚餓所以一個人都叫左好多嘢食🤣1️⃣喇沙自選系列！油麵&秘掣腩肉&牛柏葉😋 喇沙湯香濃稠身，配油麵簡直係perfect match☺️，腩肉味道ok，唔覺太特別。2️⃣細三兄弟 (爆丸x2, 墨丸x2, 魚片x2)~配上酸甜醬 味道OK😊鍾意香口液嘅朋友可以試😄3️⃣辣豉油爽脆鵝腸-鵝腸唔多地方有，值得一試👍🏻，但美中不足唔夠肥！如果肥d一定更美味☺

🐔鳳鳴居🍜 醉香雞湯米線本人對醉雞菜式都比較鐘情,所以一見到餐牌有醉雞米線二話不說就點了這款😎果然冇令我失望,碗麵一遞上來陣陣撲鼻的花雕酒香味撲入鼻孔,感覺就似倒了成支花雕酒做湯底,只係聞都已經感到醉意😂但當我飲第一啖湯時,反而沒有想像中甘勁酒味,只飲到甜味同藥材味真係夠哂養生👍 飲完應該好補身💪碗麵第二主角🐔真係夠哂足料,但雞件的質感就真係一般般了本人覺得肉質唔夠滑仲有點"鞋"口的感覺🙈不過整體都可以接受。 米線口感都不錯唔會太硬同太林身處理得剛剛好👍 因為本人食過某D餐廳米線煮唔開似食緊鐵線的感覺。

同朋友由天水圍踩單車，估唔到一踩就踩到去上水！大家餓啦🥺需要大量碳水化合物同蛋白質去提升能量！我哋就揀咗鳳鳴居充一充飢😋💛姫松茸雞湯麵湯底清甜，姫松茸味都算清香，雞肉夠嫩滑💛喇沙雞湯麵喇沙味道夠濃👍🏻而且唔會覺得油膩，入口有啲辣，越飲越過癮！雞肉同樣嫩滑，仲要係原隻雞髀肉，勁開心🥳💛醉香雞湯麵聞到陣陣酒香味，湯底尚算清，可惜味道略甜，有啲失望！雞肉依舊嫩滑，整體都算唔錯！🍹凍菊花薑蜜薑味重，入口有啲辛辣，屬於少甜！🍹凍洛神花酸酸甜甜好開胃，亦都好解渴同止辣

呢間餐廳係朋友推介 睇落平平無奇 一食不得了我食開蟲草花米線 湯底好正 感覺無乜味精好好飲 我係會飲好多 而且唔口渴 d 雞配佢個辣椒豉油好正 小食都不錯 特別係蜂巢春卷 幾十蚊有甘既質素 我覺得無野可以挑剔拉

外賣自取雞完全無特別，同街市買果啲唔乜分別......牛腩瘦過出面無啖好食嘅流浪狗......白米飯可唔可以換個品質？硬得黎無飯味，白飯都可以咁難食？！特登出去買個外賣，無一樣可以食得落口，唔想浪費，硬食，食完仲唔飽，仲要再煮麵食，真係好孬！

山長水遠嚟到上水，梗係想試吓啲好嘢啦🥶喺朋友強烈推薦下，我哋去咗間專食雞湯米線嘅餐廳——鳳嗚居🐥🐥醉香雞湯米線 ($48)碗米一擺上枱面，浸浸花雕酒味已經撲鼻而來🥶首先試下個湯底，果然冇令我失望😝個醉香雞湯好濃好足料，好似倒咗成支花雕酒落去咁濃🥃雖然有雞，但湯底都唔算好油，所以一路食就會忍唔住一路飲🤗呢個價錢嘅雞件就一定唔係新鮮雞，但口感都算嫩滑，唔柴🤤而且每碗米線都會等一碟自家製辣椒豉油，用嚟沾雞食一流🥰米線口感彈牙，索哂啲湯汁👍🏻配菜仲有紅棗、雲耳，幾足料🤩🐥黃金魚皮 ($38)原本想點春卷，但嗰日兩點幾已經售罄🥲所以最後轉左點黃金魚皮🐟即叫即炸，賣相唔錯🥶熱辣辣口感好脆口，炸完都有索哂啲油先上碟👍🏻但唯一挑剔嘅地方係鹹蛋黃味較淡，食落同普通炸魚皮冇乜好大分別，建議加多啲鹹蛋黃令整體感覺更加惹味🤩整體質素好唔錯，好適合近排咁凍嘅天氣食👍🏻熱辣辣十分暖胃，而且好抵食💛會再訪試其他湯底😚

見到咁多人都推薦呢度嘅醉香雞湯米線，以為一定穩陣，點知伏到🙊🙊個湯不單止無酒香而且甜得好奇怪！個湯不單止無酒香而且甜得好奇怪！個湯不單止無酒香而且甜得好奇怪！因為個甜味實在太衝擊所以要講三次🤮佢嗰種甜並唔係鮮甜而係死甜，一碗甜到糖水咁嘅米線粉碎咗我三觀。點解咁多人會話好食㗎？我嚴重懷疑讚好嘅人係抱住咁伏嘅食物不能只有我吃到嘅心情去讚😂未食過嘅朋友請相信我，個醉香雞湯真係好伏！BTW芫荽雞湯米線相比之下叫正常啲，因為係鹹嘅。但如果淨係飲個湯，我覺得太鹹，鹹到覺得虐待緊自己個腎。

黎到上水食野，行到天平邨附近，見到呢間麵店好多人等外賣，雖然要等位，都決定要試一試首先要讚既係店裡面的麵出到黎真係同餐牌既圖一樣😆😆😆點左一碗花膠雞湯麵同埋醉香雞湯麵，兩碗麵的質素非常之高，真係十個讚花膠雞湯麵雖然唔平，但物超所值👍🏻好有驚喜，雞湯味好濃郁，咸味適中，啲雞勁滑溜，揀左油麵。另一碗醉香雞湯麵，雞一樣滑溜，但醉雞湯味道偏甜，配上油麵感覺怪怪的，所以我個人不太推薦，但不排除有人鐘意呢種味道

又去試醉雞嘅粉麵店。今次嚟到上水呢一間鳳鳴居。舖頭出邊條人龍真係源源不絕，買外賣嘅人仲多過食堂食嘅人。個名就改得好有特色啦，但係內在嘅環境呢就好似茶餐廳咁樣，比較狹窄。呢度嘅粉面都有好多選擇，可以食蟲草花雞湯面、花膠雞湯面、又有車仔麵湯底，仲有喇沙、麻辣風味添。不過既然佢主打醉湯底，今次就叫咗一個醉香雞湯米線！第一啖入口已經覺得自己醉醉地（講笑），但個酒味都真係幾濃，同時都兼帶左小小藥材味！連醉雞件都好入味！不過佢嘅米線煮得有少少過龍，所以發脹左而且比較淋身。

近排天氣凍凍地，之前食過一間位於上水嘅醉雞面小店-鳳鳴居，所以我地今晚就決定再去食！之前食過蟲草花雞湯米線，個湯底好清甜👍今次我哋兩個人都叫咗醉香雞湯米線，另外再叫咗個辣椒油爽脆鵝腸。醉雞米線好足料雞件份量多又好滑，湯底係好濃郁嘅酒香味，飲得多都覺得醉醉地，醉雞湯底可以話係重口味...湯底偏甜同酒味偏濃嘅....但冬天食完真係暖粒粒呢！個鵝腸就普通，食落冇咩特別。另外一提，爆丸最好成粒食，因為你咬一半佢啲肉汁真係會射出嚟，射到朋友什至對面枱就唔好啦🙈整體黎講野食質素唔錯，價錢好親民，下次會再試下佢其他湯底米線！

近排天氣開始乾燥，想食啲養生啲嘅野食，記得朋友話過「鳳鳴居」嘅醉雞麵唔錯，去開上水諗住快快地食餐飯，就決定去試下！🐔醉香雞湯米線（$48）一嚟就聞到酒香，飲落滋潤暖胃，加上有紅棗同埋木耳，食落就更加養生，而且食完亦唔覺得口渴，雞湯一流👍👍👍一碗差不多有6件雞件，不同部位都有啲，好似係雞胸、雞髀、雞鎚咁，都算大大件，雞肉就正正常常、冇咩特別，建議大家食嘅時候點一點個辣椒豉油，加少少辣味提升層次🌶

為之驚豔既湯底🍜/The soup base is really out of my expectation. The drunken chicken soup is so so sweet, and at the same time the strong soup base (wine flavor) is not just kidding./ 🥃之前已經知道呢間好出名醉香雞湯十年唔上一次水 今次一上水 一定要黎試下啦🤣同朋友各嗌左一個湯底配油麵試下😎喇沙雞湯麵($48) 市面上比較少見喇沙雞湯底配油麵又幾夾 油麵掛湯吸收左喇沙湯味 仲有少少椰香味🥥 但相比起某啲東南亞餐廳 呢道既喇沙湯底唔算好濃好辣 算係微辣 平時唔太食得辣嘅人都可以食到 一路食落 覺得幾開胃😋醉香雞湯麵($48)酒味好濃 真係好濃 要講兩次可想而之係幾濃(三次啦)🤣仲有好甜 成個湯底非常之真材實料🥳伴隨住湯同雞嘅係 黑木耳同紅棗成個感覺非常養生健康💪雞肉嫩滑 唔鞋 份量亦都好多 即炸爆漿肉丸($30)想睇下點爆漿法 就試下嗌呢個肉丸啦好重豬肉味 咬到中間真係爆汁🤩所以要小心辣到個嘴 點埋啲甜酸醬食好味😍總之覺得呢