鳳華路邊雞飯店 (已結業)

踢完波一行人走落九龍城揾食，不愁選擇，但要好食又吾贵又比我找到。蒜茸粉丝蒸白菜：未食過，絕對有新鮮感，白菜煮得夠淋。招牌雞什：外面甚少有得食，做得好，尤其系雞肝，最後encore 咗一碟路邊雞：雞做到刚刚熟，吾肥夠滑又有雞味，配埋姜葱油，超正。蛋蒸鱼肠：正個就蒸得老咗又吾夠魚腸冰鎮猪手 ：味道好，可式皮吾夠爽，吾知㕑師原意是否想做得腍啲？煎炆豆腐：碟頭夠晒，冇吔可以彈椒盐茄子：未食過，原来咁好味，外脆內軟，送啤酒一流。豆豉鲮鱼油麦菜：新做法，先把油麥菜泡熟，然後淋豆豉鯪魚上面，食法跟傳統鯪魚跟菜一齊炒不一様，豆豉鯪魚味會重啲！整體非常好，一定要去翻炒！

凌晨一點幾喺九龍城想搵宵夜食方榮記已經收左舖😯行左幾條街見到呢間三點半先收估唔到佢有個餐牌係宵夜專用免收一茶介 d小菜仲幾抵間餐廳叫得做路邊雞當然要試呢個招牌雞啦D毛未清好 但味道幾好既雞肉幾滑 雞有雞味多汁左d 而且好多肉散左岀嚟但幾惹味 略嫌個芡太多呢個特別推介 好香口胞卜卜而且份量幾多送酒一流👍🏻👍🏻👍🏻👍🏻賣相幾差 但蛋好滑個蝦就冇乜味腰果已經林左但意想不到會俾咁多蝦乾食極都有 另外仲叫左個豉油皇炒面叫左幾枝汽水 幾枝啤酒埋單$460都算抵啦！個環境有d嘈吵 隔離枱喺到賭錢玩啤牌

又去九龍城搵好野食今次聽個朋友講去搵呢間野食叫左3碟野食第一樣係賽螃蟹果d蛋白係整得好滑，拎黎送飯係一流既之後仲有就係上湯竹笙浸絲瓜絲瓜吸晒個湯，又夠"林" ，唔會太油既蔬果，大家值得一試最後當然要叫番個招牌菜啦招牌路邊雞半隻， d雞肉係好嫩滑，仲d其他雞內臟都幾好食就好似雞腎咁，都好爽口好味如果大家會入九龍城食飯既話呢間會係一個唔錯既選擇

專情走泥食星期日7點泥到 等位半個鍾後可入座店員幾nice嗌左：路邊雞、生牛肉、金銀蛋時菜、炸大腸、賽磅蟹埋單都係400頭 絕對抵食食過燦記 覺得依間好味啲 而且多啲野食簡但依間就要等 果間唔洗！我覺得依間個雞好好味 連雞胸都好滑 岩哂啲鍾意食雞胸既懶人我哈哈 個生牛肉食完無肚痛 夠哂辣 好惹味個味道好似生蝦咁 只不過係將蝦變做牛食唔到辣既人千其唔好嗌！總結一句：試得過 抵食 

其實真係好無意咁行左入去因為我好少咁夜去問飯行入去都成１０點幾都有幾台客人心諗其實會唔會入錯店點知原來係正野！是日晚餐叫左酥炸生蠔鮑汁白菜仔梅菜扣肉先上既係梅菜扣肉勁入味梅菜用泥同飯一齊食好夾扣肉又唔會話好肥鮑汁白菜仔真係好鮑汁鮑片爽口彈牙夠鑊氣既小菜最後上既係酥炸生蠔睇得出係馬上炸因為食得熱既我都接受唔到太熱太正蠔本身唔錯有蠔味而且雖然唔太肥但真係新鮮服務仲幾好＊其他客人點左醉雞，好香呀我下次都要泥食呀

3個人, 放工去九龍城, 到此飯店, 分別叫了:椒鹽雞軟骨 滑蛋牛肉西湖牛肉羹炒蜆 - 好少蒜蓉蒸蝦整體味道都幾平均, 係碟蜆真係好少囉, 同之前隔離個碟相差好遠囉!基於人不多, 所以冇叫太多, 下次多人d先再叫多d.

十幾年前父母已經成人帶我去呢間路邊雞度食飯。已經好耐無去過，今日決定去重拾返一啲童年回憶。店內相信係老闆娘的好有禮貌，食物上菜速度好快。川芎天麻燉豬腦：好香川芎天麻味，豬腦雖然個樣好難令人接受，但品道其實又香又滑。自細已經好鍾意食。泰汁生牛肉：睇到個樣嚇左一跳，牛肉個樣同打邊爐嗰啲無咩分別。但係食落去真係好惹味，夠哂辣！煎蠔餅：麻麻哋招牌路邊雞併雞雜: 沒有以前的水準了。蝦醬炒通菜：蝦醬同出面嘅有啲唔同，帶甜。比出面嘅蝦醬通菜好食得多。蒜蓉粉絲蒸蝦：雖然啲蝦好細隻（蝦毛），但係38蚊真係好抵食。啲蝦仔好甜，粉絲好入味！

就快新年丫嘛 出街食飯多人同等必然ga la...呢晚特登去到呢度食晚 點知百無.....等張枱等成廿分0 有張門口枱走左十分鐘都冇人執等咁耐都只可以坐門口 都幾慘不過我地唔坐就要等多半個鐘 唯有坐低la....坐低叫餸 煲仔飯唔整 生炒糯米飯賣哂 雞得半隻/全隻好彩之後嗌果d都有...但等左十幾分鐘先有餸上!!!媽咪叫左個蜜糖排骨(?) 勁甜 一人食左一舊就唔敢再食....芝士中蝦e麵 我話左食芝士e麵好耐 終於新年之前食到!!!!但都唔太好味 酒樓果d比較好味 呢個趕起貨 冇咩特別 味精都幾重半隻雞 等就耐 上到黎凍食 都唔知講乜好 勁肥lor蠟味炒飯 勁油 撈左兩個白飯落去 食到連d蛋都勁咸 無話可說菜芯炒牛肉 照舊果句 好油....d菜芯莖好粗 咬好耐先咬得開呢餐三百頭 都唔覺得太好味 太趕了 d餸落得切都整唔切上唔切....

晚上突然想找一家有燉湯喝的飯店,這好像說易不易說難又不太難.想了很久才想到來九龍城這裡.記憶中在很多年前來過一次,吃過什麼已沒印象,反正假期晚上咐近幾條街也爆滿的情況下這裡的門外方便泊車就是.店內各人也在忙碌著,等了一會也見不到餐牌踪影!唯有看到牆上寫著什麼推介便叫什麽吧.西洋菜燉陳腎----西洋菜尚非常硬身本身的味道並未融入湯中.湯的咸味是來自盬而並非陳腎.雞油豆苗----想不到在這個時節會吃到豆苗會是又老又多渣的!而且更是愈吃愈吃咸.油盬水浸蜆----蜆已經細隻還要帶點腥味.大半碟也是只有殼沒有肉,這碟應該叫油盬水浸蜆殼才是正確名稱!芝士焗鮮魷----用錫紙包著上檯,打開才見到一點焗的痕跡也沒有.只不過是魷魚上粉炸熟後,再在上面淋上一個芝士味欠奉的奶白色中式芡汁罷了.魷魚已因over cook而變得又乾又韌,加上這又甜又油膩的"芝士汁"簡直是絕配.路邊雞半隻----從外觀看雞肉是浸得熟了一點,不錯是浸得非常入味但雞皮已欠彈性,吃下去肉質的粗嚡程度真是超乎想像!雖然各款小菜的取價廉宜,但水準比上次來亦下降了不少,應該不會再有第三次了.

2010年8月12日約了朋友到九龍城的華鳳路邊雞，覺得物有所值。首先，價錢一般$40-59也有交易，而且菜譜特別，其他的酒樓較少有以下的配搭，如：瑤柱竹笙勝瓜（$48）、魚子海參紅燒豆腐（$48）、雞蛋焗魚腸（$48）和瑤柱竹笙西蘭花（$68）。至於招牌菜路邊雞，即是白切雞，味道鮮美。瑤柱多汁而鮮味；雞蛋焗魚腸足料香口。值得一提的是老闆娘跟得很足，看見我們的魚子海參紅燒豆腐沒有魚子時，馬上叫廚房後補。離開時，她還親自替我們開門，笑臉迎人。反而招牌菜路邊雞只是一般白切雞，特色一般。今天2010年9月2日又重臨此酒家，只是在新翼那邊用膳。今晚吃了百花煎炆豆腐（$28）及蒜蓉銀絲蒸蝦（$38），同樣服務周全有禮。食物大致良好，只是百花煎炆豆腐的煎炆魚肉較硬。

　　是夜一行五人，原想到訪某間上海食肆，因裝修之故而暫停營業，故轉至九龍城的此地。由於是平常日子，近街尾位置有車位可供停泊。　　侍者安排就座，並遞上餐牌以供選擇，室內面積較狹窄，地面清潔而乾爽，空氣調節方面屬流通。而牆上展示各菜餚模樣，故不消一會便可點菜，並點了藍小姐生啤酒($22)，另點了一枝特價金威風生啤酒($10)、支裝汽水。當然藍小姐的味道是較優，但原來金威風的出品也不賴。　　時鐘只過了五分鐘，侍者先端上兩盅菜乾豬肺燉湯，每款是二十元。豬肺的數量不少，小盅內有四件。清理工夫十足，咀嚼時沒有任何腥臊味，當然湯是清澈而滿佈油分，滲有菜乾清香，沒有太多的後期調味。是日特價的椒鹽鮮魷，顏色呈淺金黃，咬下時發現粉層較多但不算過份，魷魚是新鮮，廚師輕輕添加調味，故不會有過量鹹度，算是不錯。　　點了五碗“靚仔”後，賽螃蟹、砵酒焗生蠔、上湯竹笙魚肚浸絲瓜同時上桌。嚐較清淡的賽螃蟹，先吃西蘭花清理口腔，再吃一口蛋白，店方處理得不夠嫩滑，較厚身。值得稱讚的是調味，咀嚼時發覺味道頗清而不至於淡味，中心部份滲有少許蛋黃漿，再吃時便發現店方以炸米粉拌底，適宜拌飯而吃的菜餚。同樣味道較清的上湯絲瓜，一兩顆

這天來到九龍城，一心想食泰式「海南雞」，點知竟然食左中式「路邊雞」。話說這天來到九龍城，到了晚飯時候，想話搵一間較為好味的泰國菜館吃泰式海南雞飯，呢區果然不愧是小泰國，泰國菜館多得簡直是五步一間、十步兩間，果真令人眼花瞭亂。想去一間較多人讚的又不知道它的地址，見到其他人不多的泰菜館又不想幫襯，結果行了一會之後，來到這間「路邊雞」。算了，不再找了，就這間吧，反正都是以雞出名的菜館呢！這次試的有三道菜：1）路邊雞（白切雞）+雞什（例牌）：這碟招牌出品其實是不錯的，雞夠嫰滑，也好味道，雞皮與雞肉之間泛著一層啫喱狀的油膏呢。雞什亦佳，無論雞腸、雞腎還是雞膶都有水準。美中不足的是$75的例牌路邊雞和雞什份量偏少，墊底的全是椰菜，雞（雖然是雞髀）只得大約十件左右，兩個人吃，每人只是分到差不多五件，不夠喉呢！2）麵醬油麥菜：這道的味道只是一般，因為麵醬的味道太濃，使味道偏鹹了。3）金銀菜豬肺湯：這個燉湯只售$22，只是個迷你版，不過湯料都算足，但是味道淡了點，不太像是老火湯。其實這裡的食品價錢大部分是頗為相宜的，來這裡吃晚飯一個人平均應該不需要一百元，如果來這區吃粵菜，這裡可算是這區的經濟之選呢！

都有成年冇嚟過,都冇咩點變 ! 叫咗兩個燉湯,響螺,牛 - 水準依然,重係咁多料 蝦籽海參豆腐 - 好鬼香,但係d海參就冇咩味 檸檬蒸烏頭 - 好味 油鹽水大蜆- 好味道,不過今日d蜆好細粒,有d到喉唔到肺 ! 麵醬油墨菜 - 好惹味,不過要食多碗飯!晚上十點幾客人都唔小,唔洗等位,招呼尚可!埋單盛為$218.

與母親大人晚膳, 兩個人食左4餸一粥, 埋單都係160蚊, 免茶芥加一, 仲食到好飽...椒絲腐乳通&蒜蓉莧菜(各$28): 抵食椒鹽白飯魚($38): 白飯魚炸完無同椒鹽再炒, 所以係無味既...招牌雞拼雞什($48): 雞滑, 肥, 雞什香, 最正係底的椰菜蠔仔粥一碗($18): 蠔仔多, 但碗粥好淡下次試埋燦記當可分出高下

兩星期前食過燦記, 今日0黎試試呢邊呢間鳳華. 同之前差不多, 4 個人叫5 個(食送), 再一人一盅燉湯:- 淮山杞子嚮螺雞腳燉湯: 足料, 無(乜)人造味精, 不過我覺得味道鹹0左d.- 蒜蓉炒西蘭花: 夠晒鑊氣, 油水夠所以去晒d 草青味, 不過又係鹹0左d.- 海參蝦籽豆腐煲(白菜底): 豆腐好「鍋塌」0既味道, 幾滑, d 蝦籽(汁)幾香, 海參味道就一般, 不過幾彈牙.- 脆皮炸大腸: 紅bok bok 的條狀炸大腸又真係好脆口, 夠晒肥又帶點「臊」味(不過唔係異味), 蘸酸汁食唔錯, 0岩晒送酒.- 雞拼雞雜(例牌): 因為d 雞唔夠分, 我只食了雞雜... 最好食係雞腸, 爽口嫩滑! 雞肝都唔錯,「起沙」的, 食落甘香; 雞腎脆口, 不過無乜味道.- (追加)路邊雞半隻: 無錯係新鮮雞, 食落都幾滑, 但太肥了, 食落雞味亦唔算濃郁, 絕對唔及燦記; 另外d 蔥油亦比燦記差d, 得個油字, 完全唔夠味, 有d 失望.環境比想像中好, 光猛, 唔算好迫, 地板滑潺潺不過感覺算乾淨; 招呼ok 啦.埋單約$85 一個人, 唔貴, 不過食完我0地unanimously