鳳華路邊雞飯店 (已結業)

上星期連續兩日去左鳳華路邊雞食飯懷緬一下細細個爸爸媽媽拖住我隻手仔去路邊雞飯店食飯0既感覺同回憶...好溫暖...好懷念...第一日,同女友黎,食左一個生炒糯米飯,一碟泰汁生牛肉,一碟雞拼雜,兩罐可樂一罐芬達生炒糯米飯煙煙韌韌,裏面有臘腸,潤腸,臘肉,好好食~泰汁生牛肉,牛肉薄薄,但有D有筋難咬,鋪上面0既汁料都好辣,辣到狂飲汽水,不過好就好在辣一陣就唔辣,黎得快去得快~雞拼雜,個雜真係好食,黃沙潤好香,雞腎好爽好滑又好香,雞腸雖然唔算爽口,但都幾香口~而個雞就滑,不過雞味唔及返大陸食0既走地雞,但仍然可口!埋單14X第二日同朋友食,都係叫左生炒糯米飯,泰汁生牛肉,半隻雞,一碟鹽水雞腳雞雜,西檸鴨,蠔仔粥,兩罐忌廉一罐可樂除左個牛肉比尋晚靚好多,有少少雪花+冇筋之外食過0既都唔評了~鹽水雞雜,其實即係加沙薑汁0既雞雜,我覺得略為失色,雞腳都算入味,幾好食~若果唔加沙薑汁,要淨雞雜會好食好多~西檸鴨,炸得好香好脆皮!個汁都唔錯,若果可以糖少D,檸汁落多D酸多少少,就更惹味好食!蠔仔粥,朋友問我:點解好似用牛奶煲咁0既?有浸牛奶味~,食左一碗之後,食得出D"牛奶"味係D肥蠔仔0既味黎~D蠔

蠔仔粥是傳統的蠔仔粥, 蠔味滿溢, 飯位的軟硬度適中. 大大鍋, 怕吃你不飽的樣子.中式牛柳: 生熟度控制得剛剛好, 牛肉腌得夠味. 獻汁也細緻.三色水蛋: 清清地的一味菜, 蛋熟得來很滑. 愈是簡單的菜愈能看出師父的真功夫.蒸豆腐: 豆腐新鮮, 稍嫌獻汁偏濃.大排檔水準的食物, 平民化的價錢. 只可惜敵不過貴租, 對面的舖位已保不住, 座位是減少了.

尋晚去幫襯叫左碟豬腦炒蛋,成碟好難搵先搵到豬腦(見附圖). 唔知以為係淨炒蛋. 咁我地咪問個伙計囉(後來先知原來佢係老板),佢望都冇望就話不嬲都係咁喎. 有冇攪錯?!碟菜又問題又唔認,仲要死撐.今時今日呢d咁既服務態度真係超唔掂呀?!

考完試...夜晚過黎九龍城搵野食..記得上次見到燉湯唔錯! 入到去好在都無人食煙...不過...周圍就唔太乾淨啦! 兩人叫左個杞子嚮螺湯...細細盅, $22, 有三兩小舊嚮螺...唔錯既, 幾似肉骨茶! 南乳什菜煲, 唔油...幾好味! 焗排骨, 呢個ok la...不過...就唔太脆! 連埋兩個飯...都係$108, 收錢似大排檔...老闆拎住個腰包, 找錢, 又唔收tips!

7/5(日) 9:30pm去親戚家食飯食到一肚氣後,家母提議到此店填肚.一行3人9:30到達此店,眼見入坐率仍頗高,難得覓得一張4人臺.環境方面衞生情況令人不安,地下濕滑非常!而且相當污糟!9:30後有特價小菜供應,$18起,但當問阿姐取特價餐牌時,阿姐竟說未夠鐘吾比住!其後取得特價餐牌亦發覺菜色吾多吸引,還是點回正價菜!我地點左白切雞例牌$35(但漏單無黎),雞粥$18碗,椒絲腐乳炒通菜$28,西芹花枝炒帶子$68(本想點西蘭花但己沽清!),基本上呢個時間黎好多菜色己沽清!雞粥$18碗---粥底夠綿夠鮮!雞件份量吾算多,味道一般,肉質欠嫩滑!西芹花枝炒帶子---夠晒的骰!味道不甚突出.帶子尚算新鮮.椒絲腐乳炒通菜---夠鍋氣且不過油膩,不錯!服務方面除左老闆外,全部阿姐既態度其差,一副"吾休做"咁既款!$114埋單,相信無下次!blacklisted!!

由於就腳o既關係,我一家人成日都會去九龍城食飯.而鳳華路邊雞就係我地常去o既其中一間.我o既推介就係"雞雜"!!$28一碟,有黃沙雞潤,雞腎,雞腸(我o既至愛!)d雞腸用番雞湯浸,入口香甜,真係諗起都想食!!!其他小菜我會推介"辣酒三寶",三寶包括有豬紅,豬腸同豬肚.上菜o既時候同火爐一齊上,暖luplup,冬天最o岩食!此外其他小菜價錢都ok,又唔收加一.非常抵食!!一家四口叫6個餸都係$250左右

除了雞都有好多其他好菜，我就甚少叫雞來吃。柚皮: $38有3大舊，又”林”又入味。鴻星$45得一片咋。檸檬蒸烏頭: 抵食，大大條其他如炸鮮奶、香蜜排骨都好正。但海鮮呢，都係創發新鮮d，食海產就唔好貪平喇。最緊要夠平，以呢個價錢食呢個質素，一流。看官，九龍城有2間路邊雞，我去開鳳華，燦記就少d人排隊…唔好去錯。

唔使講, 佢d 雞好滑唔肥, 正.侍應屬粗豪型, 唔使客氣.toliet 位幾恐怖, 女仕既話叫人陪好

成日行過見D 雞掛係門口、好似好正。所以試下。D 雞都OK,正D小菜就麻麻、又貴。

黎呢度唔叫雞, 我都唔知可以叫乜食.<br />嘩~~ 佢d 雞好好味, 好有雞味, 唔會過肥, 唔會過瘦. 一定唔會食到一口油!!<br />其他小菜都得, 但係d伙計唔多得, 愛理不理!!

叫o左隻霸王雞，味道ok啦，但係唔夠熱又太細隻，都係泉章居好味D。但係個砵酒焗生蠔就幾正，錫紙包住細細隻o既蠔，起碼夠熱又有酒香味，可以encore。其他菜式不過不失，勝在價錢大眾化，可以一試。

我食過呢到D 雞﹐又真係幾好食﹐D 雞好有雞味﹐好香﹐<br>其他小菜都OK ga, 都算係大眾化價錢﹐值得一試!!!

九龍城食市的確好多... 有時都唔知揀邊間好...以前都未試過呢間,因為覺得它好兜茂...前2晚食過真係要對它改觀^^雖然外表好似舊式飯館, 但原來看左餐牌都幾多選擇.... 見到人地檯面都有碟雞...即刻叫返碟...的確好有味道, 嫩口兼入味... 價錢都很合理, 我地叫左半隻雞, 最衰就係肥左DD....豆苗都好合時...我就比較喜歡"一品湯浸蜆"....$40.00,幾大碟架...湯底好味...如果少D粉絲就更正^^...免茶免加一......都算滿意...好味丫...

招牌菜路邊雞當然嫩滑好味啦，建議最好要埋雞雜，都係水準之作。另砵酒焗生蠔同油鹽水雞腳亦不要錯過。

Chicken is good~ but all other dishes are a little bit too salty~