鳳城1954 (MegaBox)

营业中

休息中

朋友見到之前鳳城的相，覺得好靚好特別，所以就來了九龍灣分店試下，用apps訂座有折，早上11:00都已經幾多人了，限時1.5小時。我們叫左帶子紅娘，好大粒帶子呀。仲有豬仔包，好cute呀，叉燒包來架，好味呀。心心樣奶皇包，好可愛呀，入面係流沙奶皇，真的流出來，好正喎。古法灌湯餃，非常容易穿的，要好小心拎出來，入面係湯同料，有d肉，翅等，Good櫻花蝦燒賣，唔肥，櫻花蝦夠香呀。蓮藕餅，好大件，都好香口架，不過油了d櫻花蝦蘿蔔糕，這個都幾好，如果再煎得香脆d就仲正。菠蘿炒飯，一大個菠蘿，一隻大蝦，仲有d海鮮粒，炒得好乾身，好味的。金沙魷魚酥，好味，炸到金黃色又乾身，有d咸蛋味。夠晒香呀。整體也是好滿足的

上星期去過上環鳳城，原想去懷舊吓，點知好失望，朋友今日又話去鳳城，不過是Mega Box“鳳城1954”，朋友推介下，再去。門口有侍應安排等位，環境，入內裝修、侍應工作態度都較上環好。今日（24/5/2020）早上十點八到，等咗四十分鐘至有位，安排坐窗口位，感覺好舒服。看餐牌，點心賣相、款式及價錢都同上環不同。有多款點心，賣相都很可愛，豬嘜叉燒包好食甘筍咸水角，內裡無咩料上湯炸粉果，一般啦蛋散，麻麻地金磚豆腐，好好味，好脆口糯米雞，一般啦胡椒豬肚雲吞，好味，雲吞好足料除糯米雞外，點心都好快到，三個人，點了七款點心，埋單每位都是$107，都可接受。

今日老公話帶我去食好西，充滿期待地去到九龍灣megabox 7樓嘅鳳城1954，個名好懷舊，以為系食懷舊點心，點知去到先發覺佢地啲點心一啲都吾懷舊重好有創意。睇見門口餐牌已經超吸引，好想快啲入去食，點心好kawaii, 點心名都好有創意。特搜蒸籠: 燒賣+鮑魚燒賣+彩虹蝦餃+流沙奶黃包+紅棗糕，一次過可以滿足5個願望，試晒5種吾同點心流沙包真系好流，大家食嘅時候要小心啲。胡椒豬肚雲吞湯，好夠胡椒味，豬肚又夠林，雲吞大大粒，好抵食奇脆菊花包，真系超脆，超多豆沙餡，但吾會太甜，好味生菜夾豬，賣相好靚，有個螺裝住，鴿鬆好味吾太咸，整體各樣點心都有特色，雖然價錢貴少少，不過精美嘅賣相都抵返

終於有機會去試下這間鳳城，因為被它制作的特色点心造型吸引，雖然市場上有很多同類点心，但係鳳城的招牌不會浪得虛名，本人2大1小 ，点了三款不同造型及囗味的包羅萬有在一籠內，剛好照顧我們三個不同的要求，有溶岩流沙包，班蘭椰汁包，及义燒包。飲茶點少得彩虹蝦餃，隻蝦又大又彈牙。鳳城水餃也是大大隻蝦。快到端午，試左佢蛋黃糭，即刻同部長買糭券，下次晚飯試埋佢啲小菜。

放假好悶冇嘢做 五點半嚟到megabox行行下有少少肚餓。見到鳯城行入去睇下有咩食先入到去原來有夜茶飲坐位好寬敞好闊落坐卡位個景好靚overall都好好食所有嘢知道即叫即做好新鮮熱辣老店係有自己既價值

九龍灣megabox入面這間鳳城1954好想嘗試很久，在網上看見他的點心好別緻 賣相非常吸引，今次終於可以嘗試到了。點了幾種不同的别緻点心，我最欣賞這裏的車仔街頭豬腸粉，賣相靚之外又貼題，腸粉滑混埋醬很好味，其他可愛蒸包味道吾錯，有美食又可打咭。

我真係好中意去飲茶架，所以男朋友一提議去飲茶，我九秒九答好呀！今日我地揀左mega box間鳳城1954，我們被安排坐望窗卡位，環境好寫意包羅萬有一次過可以試到三款包點，豬仔樣嘅係叉燒包，黃色果個係奶黃流沙包，而綠色果個就係綠茶流沙包。個人最喜歡係奶黃流沙包，食果時真係要小心d呀，因為真係好流沙同好熱！彩虹鮮蝦餃老套講句真係皮薄餡靚，裡面全部都係蝦，一點都唔吝嗇！蝦多士鳳城最出名就係蝦多士，個人覺得佢係全港最好味，每件都有成隻蝦，又唔會沾太過多粉，即叫即炸好香脆！鮑魚燒賣小鮑魚入口煙韌，燒賣餡料飽滿豐富，咬口結實。胡椒豬肚雲吞湯今次呢個胡椒豬肚湯最有驚喜！先講個湯，真係好夠味好足料，我同男朋友都飲光光！雲吞嘅餡又係勁多蝦架，以$39泥講真係勝價比高。西米焗布甸西米焗布甸係酒樓已經買少見少，甜度適中又唔膩，兩個人share剛剛好，為呢個早餐劃上完美句號。

食物凍，侍應不好禮貌，完全不合格，失望加上無客人又話食滿1小時30分鐘要走，有朋友聚會千祈不要去此酒樓，只會令你失望，經理態度囂張，不是以客為先！食物質素可以是不🈴️格

1830入坐，已經通知2000要離坐.其實是無問題，但餸菜全部是凍的，直至2000時，只有二至三枱客，仍然要堅持我們要離坐，否則從頭計茶錢，如果晚飯食得咁辛苦，我寧願以後都唔幫襯！

Megabox高層酒樓又被分配到窗口位可以望下風景對面係零碳天地，望落都好舒服而且因為係下午茶時間，一路望住個天變色好靚樓面裝修簡單整潔點心都好有特色紫砂茶壺燉白肺湯，用個小小茶杯飲都幾得意又好濃味包羅萬有，包括咗流沙包，奶皇包同叉燒包2個人食啱啱好，試到哂D味得泥又不會太飽食流沙包就要小心D，因為好熱，小心辣親條脷😂決定要食好DD，叫咗鮑魚燒賣同古法灌湯餃灌湯餃就有D失望，好似搵唔翻細個嘅味道咁蝦多士，價錢就好似有D貴紅油抄手，如果再辣多D會更好味，呢個酸甜味重好多魚湯菜心苗，魚湯好濃郁，菜心苗都好嫩2個人好似食得太多咁，不過呢餐係當埋晚餐所以都好okay但今次因為有D趕時間所以試唔切個甜品，下次有機會再試下

點了3個招牌點心: 咸水角、糯米雞、鮑魚燒賣，糯米雞……削，燒賣內的蝦……淡而無味！跟著是XO醬安格斯干炒河，河粉不是我心目中的厚、闊河粉，安格斯牛肉？唔似！傳統菜都做得差，下次不如去茶餐廳吧了！甜品原先想要西米焗布甸，但話賣哂喎！惟有要楊枝甘露啦！嘩！西米唔林、冇芒果肉、冇柚子肉！咁都算楊枝甘露？最後一提，嗰個戴黑口罩嘅經理串串貢，喺咁惡劣嘅環境下咁嘅服務態度，食肆嘅寒冬雪上加霜係事出有因嘅！

Mega box 都食到唔知有咩好食，都有一段時間無飲茶了，就入內嚐嚐。自設點心工場，可清楚看到製作的工序。環境擴闊，位與位有一定距離，坐得相當舒適。點心種類唔算太多，但有些點心賣相相當吸引，點可以唔下單嚐嚐。宮廷紅棗糕紅棗糕味香濃，口感彈牙煙韌，而又不會出現死甜的情況，熱㷫㷫...正。溶岩流沙包流沙包心心眼，賣相已經比佢吸引左，一口咬落去，更見流心香甜。牛肉腸牛肉腸比傳統吃到的不同，他們以牛肉包著，口感自然不同。咬起上來啖啖嫩滑的牛肉，添點鼓油，更加滋味。

點心師傅一邊整食物 一邊散播飛沫,疫情期間唔戴口罩,仲要開放式廚房客人看在眼內,令人不安嘔心😨🤢🤢另外,帶住手套整食物,下一秒倒垃圾, 情況 嚴重惡劣🤦剛剛東張西望還介紹呢間酒樓如何逆市求存但連基本衛生問題都唔做好！何來求存呀？🤷🤷

溶岩流沙包($46)流沙包外皮鬆軟，金黃色的奶皇流沙內餡飽滿，質感濃稠香甜，入口鹹鹹甜甜，香濃不膩。宮廷紅棗糕($36)上桌時飄出濃濃的紅棗香味，口感軟糯煙韌，每一口都棗香濃郁，味道清甜，嚼勁十足。胡椒豬肚雲吞湯 ($42)只有一塊豬肚太少了！不過有3粒雲吞，每粒都大大粒，而且非常足料。內餡的蝦爽口彈牙，有嚼勁，口感極佳。安格斯霸王(牛肉腸粉) ($52)腸粉尚算潤滑柔軟，但略嫌厚了點。牛肉使用了安格斯牛肉，入口牛味濃郁，軟嫩多汁，有嚼勁。

懷舊的鳳城酒家，來試懷舊食物點❤️因為差不多成三點食，店員稱有下午茶，其實下午茶只有幾款點心，選擇不多，其他點心也是正價的特搜蒸籠：有小🦐小賣，鮑魚燒賣，蝦餃，紅豆包，冬菇餃子略嫌冬菇餃子，味道鹹一點，其他也一般，來鳳城當然要食1954蝦多士，$20.一件太細件了，但味道真不錯。龍蝦湯鮮竹卷，味道濃郁金叵蘿蟹鉗，貴價食物$116，但口感麻麻，感覺蟹肉不足三式炸作，春卷腐皮卷，加中間唔知乜嘢卷，太油，普通，珍寶海參餃，海參在餃子上面，很特別。鳳城灌湯餃，湯搞皮層口餡料不足豬肉略嫌太多西米焗布甸蓮蓉不夠滑嘟嘟，不太甜但熱辣辣